Botë

Karolina e Veriut, shtet me rëndësi kyçe në zgjedhjet për Shtëpinë e Bardhë

Published

on

Karolina e Veriut është shfaqur si një shtet i rëndësishëm në betejën zgjedhore për president që kur Nënpresidentja Kamala Harris zëvendësoi Presidentin Joe Biden si kandidate e Partisë Demokrate.

Në korrik, Presidenti Biden doli pas kandidatit republikan Donald Trump në sondazhe me pothuajse shtatë për qind diferencë, sipas “Cook Political Report”.

Por, zonja Harris fitoi terren, duke e kthyer atë nga një shtet që voton kryesisht republikanët në një shtet “fushëbetejë”. Karolina e Veriut, shtet bregdetar juglindor, ka parë një fluks të të ardhurve të rinj në vitet e fundit, gjë që ka ndryshuar hartën e saj politike, shkrua VOA.

Aty janë shpërngulur më shumë të rinj dhe pakica, të tërhequr nga sektori teknologjik në rritje, duke shtuar mbështetjen për demokratët edhe në zonat periferike. Ekziston gjithashtu një popullsi e konsiderueshme afrikano-amerikane që janë entuziastë për kandidaturën e zonjës Harris. Në të njëjtën kohë, Karolina e Veriut ka një popullsi më të madhe rurale nga shtatë shtetet fushëbetejë, një segment që është bërë gjithnjë e më shumë

republikan. Demokratët shpresojnë se mund të fitojnë zgjedhjet presidenciale në këtë shtet për herë të parë që nga viti 2008. Ekipi i fushatës së zotit Trump e sheh Karolinën e Veriut si me rëndësi kritike për rrugën e tij drejt fitores.

Disa muaj më parë, Karolina e Veriut konsiderohej një shtet ku dukej që fituesi i zgjedhjeve presidenciale do të ishte kandidati republikan. Ish presidenti Donald Trump kryesonte në sondazhe.

Por pasi Nënpresidentja Kamala Harris u bë kandidatja e demokratëve epërsia që kishte krijuar zoti Trump filloi të bjerë.

Tani, Karolina e Veriut konsiderohet një shtet fushëbetejë, një nga shtatë shtetet që ka të ngjarë të përcaktojnë fituesin e zgjedhjeve.

Karolina e Veriut është një vend i larmishëm, i njohur për malet dhe plazhet e saj; sektorin bankar, bujqësinë dhe popullatën me prejardhje të ndryshme.

Profesori i shkencave politike Eric Heberlig analizon situatën në këtë shtet të pavendosur.

“Karolina e Veriut është shtet i pavendosur, sepse ka shtetas nga të gjitha komunitetet. Këtu janë të gjitha grupet demografike që janë me rëndësi kritike për votat e të pavendosurve”, thotë profesori Heberlig.

Por kandidatët republikanë për president kanë fituar 10 nga 11 zgjedhjet e fundit në Karolinën e Veriut. Pse demokratët mendojnë se mund të sigurojnë fitore këtë vit?

Ka një popullsi në rritje dhe më të re… Demokratët nuk ishin shumë të entuziazmuar me kandidaturën e Joe Bidenit, veçanërisht votuesit më të rinj. Kamala Harris është më e re, sjell më shumë energji, çka është pritur mirë nga votuesit e rinj. Karolina e Veriut ka një përqindje të konsiderueshme pakicash, veçanërisht afrikano-amerikanë. Ata e pritën shumë mirë kandidaturën e Harrisit… Ne kemi një sektor teknologjie në rritje, një popullsi hispanike dhe aziatike në rritje”, thotë me tej ai.

Shumë prej këtyre të ardhurve të rinj po shkojnë drejt periferisë, duke i bërë këto zona më pak republikane, me kalimin e kohës. Në vitin 2020, zoti Trump fitoi Karolinën e Veriut me një diferencë prej vetëm 1.3 për qind ndaj zotit Biden.

Ka gjithashtu pensionistë të racës së bardhë që shkojnë për të jetuar në zonat më rurale. Pra, arrihet një lloj balancimi midis qarqeve urbane, ku ka rritje të demokratëve dhe qarqeve më rurale që janë më shumë republikane, të dyja të nxitura nga migrimi”.

Karolina e Veriut ka popullsinë më të madhe rurale nga shtetet fushëbetejë, me afërsisht një të tretën e banorëve të shtetit që jetojnë në to.

Fitorja e Obamës në vitin 2008 është dëshmi e vërtetë se çfarë sfide është për demokratët e Karolinës së Veriut të fitojnë zgjedhjet presidenciale këtu. Ne e mendojmë atë si një fitore të madhe për Obamën, por ai e fitoi atë me një total prej 13,000 votash, që është një shifër e vogël. Kjo fitore u arrit vërtet fal asaj që gjithçka shkoi si duhet për Obamën pasi ai kandidoi në kohën kur vendi ishte përfshirë në një luftë për të cilën fajësoheshin republikanët. Kishte edhe një recesion”, thotë profesori Heberlig.

Ashtu si votuesit në nivel kombëtar, shqetësimi kryesor i tyre është ekonomia. Një tjetër çështje është emigracioni.

Demokratët e kanë bërë abortin një pjesë kyçe të fushatës së tyre. Por, kjo çështje mund të mos jetë aq e rëndësishme për të fituar votat në Karolinën e Veriut.

Një sondazh i fundit zbuloi se vetëm 11% e votuesve në Karolinën e Veriut e quajn abortin si çështjen e tyre më të rëndësishme. Kjo është përqindja më e ulët e çdo shteti fushëbetejë.

Do të jetë një gjë interesante të shihet se sa i nxisin demokratët çështje si aborti ose ruajtja e demokracisë për të votuar këtu”.

Kjo zakonisht nuk ndodh, sepse procesi për t’u përfshirë në fletën e votimit në Karolinën e Veriut është më i vështirë sesa në shtetet e tjera. Sapo patëm miratimin nga Gjykata e Lartë të vendimit të Gjykatës Supreme të Karolinës së Veriut që pranoi kërkesën e kandidatit të tretë Robert Kenedy Jr. të hiqte veten nga fleta e votimit. Pra, kjo zvogëlon mundësitë që ai të marrë vota nga zoti Trump”, thotë profesori Haberlig.

Disa demokratë shpresojnë se një skandal i fundit që përfshiu garën për guvernatorin e shtetit do të përmirësojë mundësitë e tyre.

Kandidati republikan i mbështetur nga zoti Trump, Mark Robinson bëri deklarata ofenduese në internet.

Profesori Heberlig thotë se kjo mund të dëmtojë kampin republikan.

Robinsoni do ta ketë të vështirë për të mbledhur fonde. Po ashtu, paratë nuk mund të shpenzohen për fushata të tjera që do të ndihmonin republikanët e tjerë të fitonin, siç është fushata e tyre ‘Dilni dhe votoni’”.

Këshilltarët e zotit Trump mendojnë se fitorja në Karolinën e Veriut është me rëndësi kritike për suksesin e tij në këto zgjedhje. Që kur zonja Harris hyri në garë, ish Presidenti Donald Trump ka bërë fushatë atje më shumë se në çdo shtet tjetër, përveç Pensilvanisë.

Botë

Kallas: Ukraina nuk duhet të heqë dorë nga territori në këmbim të paqes me Rusinë

Published

on

By

Kaja Kallas, Përfaqësuesja e Lartë e BE-së për Punët e Jashtme dhe Politikën e Sigurisë, ka deklaruar se Ukraina nuk duhet të heqë dorë nga territoret e saj si pjesë e ndonjë marrëveshjeje paqeje me Rusinë.

Duke folur me gazetarët në Luksemburg pas një takimi të ministrave të Jashtëm të BE-së, Kallas theksoi se tregtia me territoret ukrainase është e papranueshme.

Nëse thjesht i japim territoret, atëherë kjo u jep një mesazh të gjithëve se mund të përdorni forcë kundër fqinjëve tuaj dhe të merrni atë që dëshironi. Mendoj se kjo është shumë e rrezikshme. Kjo është arsyeja pse kemi ligjin ndërkombëtar në vend, [në mënyrë] që askush të mos e bëjë këtë.”, tha Kallas.

Gjatë një takimi të premten e kaluar, Steve Witkoff, i Dërguari Special i presidentit të SHBA-së, Donald Trump, sugjeroi që presidenti ukrainas Volodymyr Zelensky duhet të heqë dorë nga Donbasi si pjesë e një marrëveshjeje armëpushimi.

Vetë Trump tha në një intervistë me Fox News të dielën se Rusia do të mbante një pjesë të territorit që pushtoi gjatë luftës.

Sipas një burimi të Politico, udhëheqësit e BE-së shprehën mbështetjen e tyre për Zelensky pas takimit në Shtëpinë e Bardhë, megjithatë, ishin të kujdesshëm në deklaratat e tyre lidhur me atë nëse Ukraina duhet ta mbajë të gjithë territorin e saj në një marrëveshje të mundshme paqeje./EO

Continue Reading

Lajmet

​Ish-presidenti Nicolas Sarkozy zyrtarisht në burg, i pari në historinë e Francës

Published

on

Ish-Presidenti francez Nicolas Sarkozy është zyrtarisht në burg që nga mëngjesi i së martës për të vuajtur dënimin prej pesë vjetësh për konspiracion kriminal në një çështje që lidhet me financimin libian të fushatës së tij zgjedhore në vitin 2007.

Sarkozy mbërriti në burgun La Santé në Paris, duke u bërë presidenti i parë francez që përjetëshëm shkon në burg, raporton transmetuesi i BFM TV.

Më shumë se 100 vizitorë u mblodhën pranë shtëpisë së tij për të shprehur mbështetje, ndërsa avokati i Sarkozy¬s, Christophe Ingrain, i tha BFM TV-së se një kërkesë për lirimin e tij do të paraqitet shumë shpejt, duke theksuar se ai do të qëndrojë tre javë deri një muaj në paraburgim para se gjykata e apelit të vendosë.

Para se të largohej nga shtëpia, Sarkozy shpërndau një mesazh përmes kompanisë amerikane të mediave sociale X, duke u zotuar të vazhdojë të denoncojë skandalin gjyqësor.

“Do të vazhdoj të denoncoj këtë skandal gjyqësor, këtë përvojë që po përjetoj për më shumë se dhjetë vjet. Këtu kemi një rast financimi të paligjshëm pa asnjë financim! Një hetim gjyqësor që zgjat prej kohësh, nisur në bazë të një dokumenti që tani është vërtetuar se është i falsifikuar”, tha ai.

Sarkozy theksoi se nuk kërkon asnjë përfitim dhe asnjë favor.

“Këtë mëngjes ndjej një trishtim të thellë për Francën, e cila është poshtëruar nga një shprehje e hakmarrjes që ka ngritur urrejtjen në një nivel të paprecedentë. Nuk kam dyshim. E vërteta do të triumfojë. Por çfarë çmimi i tmerrshëm do të jetë paguar”, shtoi ai.

Ish-presidenti francez ishte shpallur fajtor muajin e kaluar me dënim pesë vjet për konspiracion kriminal, por u shpall i pafajshëm për korrupsion pasiv dhe për akuza të tjera për financim të paligjshëm zgjedhor.

Sarkozy ishte zgjedhur president i Francës në vitin 2007 dhe shërbeu deri në vitin 2012./S.K/KP/

Continue Reading

Lajmet

BE nën kritika për pezullimin e sanksioneve ndaj Izraelit

Published

on

Bashkimi Evropian është kritikuar për vendimin për të pezulluar sanksionet ndaj qeverisë izraelite, pas përpjekjeve të Donald Trump për paqe në Lindjen e Mesme, ndërsa armëpushimi mbetet i brishtë.

Pas takimit me ministrat e jashtëm të BE-së, shefja e politikës së jashtme, Kaja Kallas, njoftoi se BE do të ndalë përkohësisht planet për të pezulluar tregtinë preferenciale me Izraelin dhe për të vendosur sanksione ndaj personave përgjegjës për nxitjen e konfliktit.

Ajo tha se situata ka ndryshuar dhe se masat nuk hiqen nga tryeza, por nuk zbatohen tani.

Ish-përfaqësuesi i BE-së në territoret palestineze, Sven Kuhn von Burgsdorff, kritikoi vendimin duke thënë se sanksionet janë një mjet ligjor për t’iu përgjigjur shkeljeve të ligjit ndërkombëtar.

Sipas The Guardian, ai kujtoi se BE-ja kishte përfunduar në qershor se Izraeli kishte shkelur detyrimet për të drejtat e njeriut dhe duhet të respektojë opinionin e Gjykatës Ndërkombëtare që kërkon përfundimin e pushtimit të territoreve palestineze. 414 ish-diplomatë dhe zyrtarë të BE-së nënshkruan një deklaratë duke kërkuar veprim të fortë kundër ekstremistëve në të dyja anët.

Ish-këshilltarja e BE-së, Nathalie Tocci, paralajmëroi se heqja dorë nga sanksionet do të ishte “gabimi më i madh”, pasi është momenti për të mbajtur presionin, ndërsa plani i Trump është ende i pasigurt.

BE-ja mbetet e ndarë mes vendeve pro-palestineze, si Spanja e Irlanda, dhe atyre që mbështesin Izraelin, si Hungaria e Çekia. Megjithatë, protestat masive në Evropë kanë nxitur kërkesa për veprim më të ashpër kundër Izraelit.

Zyrtarët e BE-së duan që blloku të përfshihet në bordin e paqes të Trumpit dhe të ndihmojë në rindërtimin e Gazës, që mund të kushtojë rreth 70 miliardë dollarë.

Një mandat i fortë i OKB-së pritet të mundësojë dërgimin e trupave ndërkombëtare, me Egjiptin në krye./S.K/KP/

Continue Reading

Lajmet

Trump- Kinës: Do nënshkruajë një marrëveshje tregtare, ndryshe do të përballet me tarifa të reja

Published

on

Presidenti amerikan Donald Trump deklaroi se beson që Kina do të ulet në tryezën e negociatave dhe do të arrijë një marrëveshje tregtare me Shtetet e Bashkuara, duke paralajmëruar gjithashtu tarifa të reja nëse kjo nuk ndodh.

Në një konferencë për shtyp, Trump u pyet nga një gazetar mbi pasojat e mundshme nëse Kina nuk luan drejt në tregtinë globale, dhe Trump u përgjigj se tarifat mbeten një armë e fuqishme ekonomike në duart e Amerikës dhe se është i bindur që Pekini do të zgjedhë rrugën e bashkëpunimit.

“Ata do të na paguajnë qindra miliona dollarë në vit nëse nuk bëjnë një marrëveshje. Por unë besoj se do të bëjnë”, tha Trump, duke shtuar se ka një marrëdhënie të mirë personale me presidentin kinez Xi Jinping.

Presidenti theksoi se Kina i ka trajtuar ata me shumë respekt, por nuk e përjashtoi mundësinë e vendosjes së tarifave të reja ndaj mallrave kineze nëse negociatat dështojnë.

Deklarata vjen në një kohë kur tensionet mes Kinës dhe fqinjëve të saj janë përshkallëzuar, veçanërisht në Detin e Kinës Jugore, ku përplasjet me forcat australiane dhe të tjera rajonale kanë tërhequr vëmendjen ndërkombëtare./S.K/KP/

Continue Reading

Të kërkuara