Disa nga skulpturat më të vogla që u krijuan ndonjëherë do të shfaqen në Wollaton Hall në Nottingham.

Shtëpia madhështore do të mbajë ekspozitën e botës së zhdukur nga muaji prill deri në muajin tetor.

Artisti Willard Wigan krijoi 20 copëza arti mikroskopike në kuadër të koleksionit të tij për të theksuar çështjet mjedisore.

Këshilli i Qytetit të Nottinghamit tha se është i emocionuar për ekspozitën, e cila do të mbahet në galeritë e saporinovuara.

Ekspozita fokusohet në biodiversitetin në rrezik dhe nis së bashku me një galeri të re të historisë natyrore në Wollaton Hall, e cila thekson nevojën për të studiuar taksiderminë për të mbështetur ruajtjen globale./UBTNews/

Sharon Stone zbuloi së fundmi në drekën e 43-të vjetore të çmimeve Muse të New York Women In Film & Television se ajo fitoi vetëm 500,000 dollarë për thrillerin “Basic Instinct”.

“Michael Douglas fitoi 14 milionë dollarë. Unë isha e re dhe ai ishte një yll shumë i madh”, tha ajo para turmës së ekzekutivëve kryesisht femra të filmit dhe televizionit. Ajo shpjegoi poashtu se si u përball me mungesë respekti nga një producent i cili i referohej asaj si Karen gjatë xhirimeve.

“Edhe pas Oscars ai ende më thërriste Karen” tregoi aktorja.

Sharon është një aktore shumë e njohur amerikane, e cila arriti kulmin e famës me “Basic Instinct”, megjithatë ajo ka luajtur edhe në shumë filma tjerë të njohur si “The Mighty”, “Total Recall”, “Casino”, “The Specialist”, dhe “Broken Flowers”./UBTNews/

Kritiku i filmit për gazetat prestigjioze si BBC Culture, The Economist, The Guardian, The New York Times etj. ka listuar publikimet më emocionuse për muajin prill. Në listë përfshihen Super Mario Bros, Renfield dhe Evil Dead Rise.

1. Air – Shkruar nga Alex Convery, Air është historia e stilit të Moneyball se si Nike ndryshoi botën e veshjeve sportive në vitet 1980 me krijimin e atleteve Air Jordan.
2. Suzume – Projekti më i fundit i Shinkai paraqet një vajzë adoleshente që zbulon një portë në një botë tjetër, ku një forcë monstruoze aliene po fshihet.
3. Are you there God? It’s me, Margaret – Bëhet fjalë për një vajzë 11-vjeçare e cila lëviz nga Nju Jorku në periferi të Nju Xhersit, e që përballet me sfida si puberteti dhe lufton me identitetin e saj fetar.
4. Peter Pan & Wendy – Ky është një tjetër xhirim i një filmi vizatimor klasik të Disney-t, me regji të David Lowery.
5. Renfield – Chris McKay këtë herë është regjisor i një komedie romantike horror. Nicolas Cage luan Kontin Dracula, i cili është gjallë dhe shëndoshë e mirë në New Orleans-in e sotëm.
6. Showing Up – Drama komedi e Kelly Reichardt, Showing Up merret me ata artistë që vazhdojnë me punën, ditë pas dite, edhe pse nuk ka gjasa që të bëhen të pasur apo të famshëm.
7. One Fine Morning – Léa Seydoux është një nënë beqare në One Fine Morning, një dramë e shkruar dhe e drejtuar nga Mia Hansen-Løve.
8. Little Richard: I Am Everything – Sipas Owen Gleiberman, është “dokumentar magjepsës që Little Richard e meriton. Është një film që kupton, nga brenda jashtë, se çfarë artisti i madh dhe transgresiv ishte ai.
9. Evil Dead Rise – Lily Sullivan luan rolin e një gruaje që po viziton motrën e saj, Alyssa Sutherland, kur një libër i keq nxjerr çdo lloj neverie demonike.
10. The Super Mario Bros Movie – Ky do jetë një film vizatimor bazuar në video lojërat me të njëjtin emër. Chris Pratt dhe Charlie Day japin zërat e Marios dhe Luigjit, Anya Taylor-Joy bën zërin e heroinës, Princeshës Peach, Jack Black jep zërin e Bowser, i cili synon të pushtojë mbretërinë e saj.
11. Beau is Afraid – Joaquin Phoenix luan rolin e një burri në moshë të mesme që premton të vizitojë nënën e tij. Por kur del nga banesa e tij, zbulon se njerëzit janë të trazuar jashtë. Më pas ai goditet me veturë nga një çift i luajtur nga Amy Ryan dhe Nathan Lane, të cilët vazhdojnë ta zënë në kurth në shtëpinë e tyre. Përpjekjet e tij për t’u arratisur e çojnë atë në disa dekada dhe dimensione të ndryshme./UBTNews/

Ndërsa Brad Pitt dhe Angelina Jolie vazhdojnë procesin e tyre të diskutueshëm të divorcit, aktori së fundi ka shitur një pronë që ata më herët ndanin bashkë.

Pitt e shiti pronën për 39 milionë dollarë, sipas RadarOnline.com, pasi e kishte blerë atë nga aktorja Cassandra Peterson në 1994 për vetëm 1.7 milionë dollarë. Kompleksi përfshin një pellg peshqish Koi, kinema, park patinash, dhe shumë ambiente të tjera.

Aktori e vendosi pronën për shitje muaj më parë, me një çmim prej 45 milionë dollarësh./UBTNews/