Kulturë

John Williams, personi i dytë më i nominuar në historinë e “Oscars”

Në moshën 90-vjeçare, Williams është tani personi më i vjetër që është nominuar për një çmim Oscar.

Published

on

Kompozitori amerikan, John Williams bëri histori në Oscars gjatë një nominimi të shpallur sot për partiturën e Steven Spielberg “The Fabelmans“.

Në moshën 90-vjeçare, Williams është tani personi më i vjetër që është nominuar për një çmim Oscar, një rekord që më parë e mbanin tre persona të cilët ishin nominuar në moshën 89-vjeçare, kostumografja e “Ma Rainey’s Black Bottom“, Ann Roth; skenaristi i “Call Me by Your Name“, James Ivory; dhe regjisorja e “Faces Places” Agnès Varda.

Nëse Williams fiton, ai do të bëhet fituesi më i vjetër në të gjitha kategoritë e Oscar. Ivory, i cili fitoi Oscar për skenarin e përshtatur për “Call Me by Your Name” në 2018, aktualisht mban rekordin në moshën 89 vjeçare; Williams pritet të mbushë 91 vjeç deri më 12 mars, data e ceremonisë së këtij viti.

Williams, i cili u nominua për një çmim Oscar për herë të 53-të, është personi i gjallë me më shumë nominime për Oscar. Ai është gjithashtu personi i dytë më i nominuar në historinë e Oscars, pas Walt Disney, me 59 nominime, dhe i vetmi person që është nominuar ndonjëherë për një Oscar në shtatë dekada të ndryshme.

Williams dhe Spielberg, të cilët u takuan në vitin 1972, kanë punuar së bashku për më shumë se 50 vjet./atsh

Magazinë

Pas më shumë se 13 vjetësh martesë, vajza e Joe Biden ka paraqitur kërkesë për divorc

Published

on

Vajza e ish-presidentit Joe Biden, Ashley Biden, ka paraqitur kërkesë për divorc nga bashkëshorti i saj, kirurg plastik, dr. Howard Krein, pas më shumë se 13 vjetësh martesë.

Ashley, 44 vjeç, i paraqiti dokumentet në Gjykatën Bashkiake të Filadelfias të hënën, konfirmoi “The Post”.

Biden dhe Krein u martuan në Greenville, Delaware, në qershor 2012 – dy vjet pasi u prezantuan nga vëllai i saj i madh i ndjerë, Beau Biden. Detajet rreth shkakut të divorcit nuk dihen.

Krein është otorinolaringolog dhe kirurg plastik në spitalet universitare “Thomas Jefferson” në Filadelfia. Përpara divorcit të tyre, çifti jetonte në Filadelfia.

Continue Reading

Magazinë

Taylor Swift zbulon se do të sjellë albumin e radhës

Published

on

Taylor Swift do të rikthehet me një album. Këngëtarja bëri të ditur se shpejt do të vijë “The Life of a Showgirl”, i 12-i në karrierën e saj muzikore.

Tay njoftoi publikun në podkastin e të dashurit të saj, Travis Kelce dhe vëllait të tij, Jason. Taylor, u shpreh në podkastin “New Heights”: “A mund të tregoj diçka?”. Jason, 37 vjeç, e pyeti: “Ok. Çfarë kemi? Një valixhe? Në ngjyrë të gjelbër, me nistoret T.S. mbi të”, ndërsa Tay aprovoi.

“Çfarë ka brenda?” pyeti Jason, i çuditur. “Ky është albumi im i ri, “The Life of a Showgirl”, zbuloi këngëtarja.

“T.S 12!” tha Travis, goxha entuziast.

Kopertina nuk u zbulua, ndërsa website i Taylor tregon një kopertinë misterioze të albumit me ngjyrë portokalli dhe të gjelbër, me opsionet për blerjen në vinyl, kasetë dhe CD. Edicioni CD do të vijë me një poster. Lista e këngëve nuk është bërë ende e ditur.

Albumi i ri vjen disa muaj pasi Taylor rifitoi të drejtat e masterave të gjashtë albumeve të para: “Taylor Swift”, “Fearless”, “Speak Now”, “Red”, “1989” dhe “Reputation” nga Shamrock Capital në maj. Data e lansimit mbetet mister, megjithëse në website thuhet se kopjet do të dërgohen para 13 tetorit.

Continue Reading

Lifestyle

Tre rregulla të arta për rritjen e fëmijëve të fortë dhe të pavarur

Published

on

Prindërit luajnë rol kyç në formimin e fëmijëve të sigurt në vetvete, duke nxitur zhvillimin shoqëror, duke u mësuar empatinë dhe duke i udhëhequr përmes sfidave të jetës.

Ekspertët thonë se të qenit model pozitiv, duke vlerësuar si fitoret edhe gabimet e duke u ofruar mjetet që u nevojiten për të lundruar në botë janë thelbësore për të rritur një fëmijë të fortë dhe të pavarur. Ndërtimi i vetëbesimit që në moshë të vogël është themeli për sukses në të ardhmen, shkruan Times of India .

Të ngulitësh vetëbesimin tek fëmijët është si të mbjellësh rrënjë të forta që ofrojnë një themel të qëndrueshëm, nxisin zhvillimin dhe forcojnë karakterin.

Por qëllimi nuk është ta mbrosh një fëmijë nga të gjitha sfidat e jetës, por ta pajisësh me aftësitë dhe mjetet për të përballuar vetë situata komplekse.

Është një nga dhuratat më të vlefshme që mund t’u japësh fëmijëve si prind.

Bëhu një model pozitiv

Fëmijët i shohin prindërit si modelet e tyre të para dhe më të rëndësishme dhe monitorojnë nga afër çdo lëvizje të tyre. Mënyra se si i trajtoni të tjerët dhe si u përgjigjeni sfidave formëson drejtpërdrejt sjelljen e tyre. Tregoni dashuri përmes fjalëve dhe veprimeve, sepse fëmija juaj do të mësojë nga shembulli juaj.

Inkurajoni bisedën pozitive me veten

Inkurajimi i bisedës pozitive me veten është çelësi për rritjen e vetëbesimit të fëmijëve. I ndihmon të përmirësojnë shëndetin mendor, të ndihen mirë me veten e të besojnë në aftësitë e tyre. Fëmijët me qëndrim pozitiv kanë më shumë gjasa të jenë të angazhuar shoqërisht e më pak të ngjarë të ndihen në siklet para të tjerëve.

Zhvilloni aftësi sociale

Kur fëmija juaj përfshihet më shumë në botë, është thelbësore të inkurajoni zhvillimin shoqëror. Ai mëson si të krijojë marrëdhënie, që ndikojnë në imazhin e tij/saj. Mësoni empatinë, respektin për të tjerët dhe zgjidhjen paqësore të konflikteve. Kjo i fuqizon të lundrojnë me lehtësi në një sërë situatash shoqërore.

Continue Reading

Magazinë

Madonna i lutet Papës së ri të shkojë në Gaza në mision humanitar: S’ka më kohë

Published

on

Këngëtarja e famshme, Madonna i ka kërkuar Papës Leo të vizitojë Gazën në një mision humanitar për të ndihmuar fëmijët palestinezë që po vdesin nga uria, duke thënë se “nuk ka më kohë”.

Superylli amerikan, që është rritur si katolike iu lut papës së ri të vizitojë enklavën në një postim në rrjete sociale të hënën dhe tha:

“Ati më i Shenjtë. Ju lutem shkoni në Gaza dhe sillni dritën tuaj fëmijëve para se të jetë tepër vonë. Si nënë, nuk mund ta duroj dot vuajtjen e tyre. Fëmijët e botës u përkasin të gjithëve. Ju jeni i vetmi prej nesh që nuk mund t’i mohohet hyrja”, ka shkruar ajo.

Madonna tha se po i bënte thirrje Leos të vizitonte Gazën sepse “politika nuk mund të ndikojë në ndryshim, por ndërgjegjja mundet”.

Në postimin e publikuar në ditëlindjen e djalit të saj, Rocco, Madonna tha se dhurata më e mirë që mund t’i jepte është “t’u kërkojë të gjithëve të bëjnë çmos për të ndihmuar në shpëtimin e fëmijëve të pafajshëm të kapur në shkëmbim zjarri në Gaza”.

Continue Reading

Të kërkuara