Magazinë

Oscar 2026: Për herë të parë pas më shumë se 20 vitesh, shtohet një kategori e re

Published

on

Ceremonia e Oscars 2026 do të mbahet më 15 mars në Los Angeles dhe do të shënojë edicionin e 98-të të çmimeve më të rëndësishme të industrisë së filmit.

Këtë vit, Akademia ka bërë një ndryshim historik: për herë të parë pas më shumë se 20 vitesh, do të prezantohet një kategori e re – “Oscar për Ansamblin më të Mirë (Best Ensemble)”, duke e çuar numrin total të çmimeve në 24.

Kategoria e fundit e re ishte shtuar në vitin 2002, kur u krijua çmimi “Filmi më i Mirë Ndërkombëtar”, të cilin atëbotë e fitoi filmi Shrek (2001).

Lista e kategorive përfshin edhe këtë vit çmimet tradicionale si ‘Aktorja më e Mirë’, ‘Aktori më i Mirë’, ‘Filmi më i Mirë’, ‘Regjisori më i Mirë’, ‘Skenari Origjinal’, ‘Filmi i Animuar më i Mirë’, ‘Efektet Vizuale më të Mira’, ‘Muzika më e Mirë Origjinale’ dhe të tjera.

Kandidatët për çmime do të bëhen publikë më 22 janar 2026. Aktori legjendar Denzel Washington ka dhënë komente për ‘Oscars’, duke shprehur pakënaqësinë e tij ndaj vlerësimeve të Akademisë.

Edhe pse është nominuar 10 herë dhe ka fituar dy herë – për Glory (1990) dhe Training Day (2002), ai tha se nuk i jep rëndësi këtyre çmimeve. Me ironi shtoi se nuk ka lidhje emocionale me statujat: “Njerëzit më pyesin ku i mbaj çmimet. Pranë njëri-tjetrit! Kur të vdes, ato nuk do të më hyjnë në punë.”

Deklaratat e tij kanë ndezur diskutime në rrjetet sociale, duke ndarë opinionet mes atyre që e mbështesin për qëndrimin e sinqertë dhe atyre që e kritikojnë për mospërfilljen ndaj çmimeve më prestigjioze të filmit. /A.Z/UBT News/

 

 

Magazinë

Mira Murati në Met Gala në New York

Published

on

Mira Murati, shqiptarja nga Vlora e njohur në botën e teknologjisë, ka marrë pjesë në eventin më prestigjioz të modës, Met Gala, të mbajtur në Muzeun Metropolitan të Artit në New York.

Ajo u shfaq me një fustan të zi me detaje në ngjyrë ari, në përputhje me temën e këtij viti “Costume Art”.

Në vitin 2024, Murati u largua nga pozita e drejtoreshës së teknologjisë në OpenAI për të themeluar startup-in e saj “Thinking Machines Lab”.

Edhe pse ende nuk ka të njëjtin nivel njohjeje si disa prej figurave më të mëdha të Silicon Valley, ajo konsiderohet një nga sipërmarrëset më të ndjekura në këtë industri dhe është e vetmja shqiptare e pranishme në këtë event të madh.

Continue Reading

Magazinë

Nominimet e Tony Awards 2026 dominohen nga dy mjuzikëlla

Published

on

“The Lost Boys” dhe “Schmigadoon!” kryesojnë nominimet për Tony Awards 2026 me nga 12 secila. Në garë për musicalin më të mirë janë edhe “Titanique” dhe “Two Strangers”, ndërsa “Ragtime” ka marrë 11 nominime.

Në aktrim, përmenden emra si Daniel Radcliffe dhe Kelli O’Hara, ndërsa June Squibb, 96 vjeç, shënon rekord si aktorja më e moshuar e nominuar ndonjëherë.

Gara e këtij viti pritet të jetë shumë e fortë.

Continue Reading

Magazinë

Maji 2026 sjell dy hëna të plota dhe reshje meteorësh

Published

on

Viti 2026 veçohet me 13 hëna të plota, ndërsa maji sjell dy prej tyre: më 1 dhe 31 maj.

Hëna e 1 majit, e njohur si “Hëna e Luleve”, do të duket më e vogël dhe më e zbehtë, pasi ndodhet në pikën më të largët nga Toka. Ndërsa më 31 maj shfaqet “Hëna Blu”, që nënkupton hënën e dytë të plotë brenda të njëjtit muaj.

Gjatë këtij muaji priten edhe dy reshje meteorësh: Eta Aquarids, që arrijnë kulmin më 5 maj dhe mund të japin deri në 50 meteorë në orë, si dhe Eta Lyrids, me kulm më 11 maj.

Kushtet për vëzhgimin e qiellit këtë vit konsiderohen shumë të favorshme, sidomos në orët para agimit dhe larg ndotjes nga drita.

Continue Reading

Magazinë

George Clooney planifikon të tërhiqet gradualisht nga aktrimi

Published

on

Aktori i njohur George Clooney ka bërë të ditur se synon një tërheqje graduale nga aktrimi dhe angazhimet në Hollywood.

Ai theksoi se dëshiron t’i përkushtohet më shumë projekteve personale dhe filantropike, pa u larguar plotësisht nga industria e filmit.

Pas një karriere të gjatë me filma të suksesshëm dhe çmime prestigjioze, Clooney mbetet një nga figurat më të respektuara të kinemasë bashkëkohore.

Ky vendim reflekton një trend të artistëve që po orientohen drejt një jete më të qetë dhe angazhimeve jashtë ekranit.

Continue Reading

Të kërkuara