Lajmet

Jamie Lynn Spears: Libri nuk ka të bëjë asgjë me Britney-n

“Pavarësisht se çfarë do të ndodhë, unë gjithmonë do ta dua motrën time”, tha ajo mes tjerash.

Published

4 years ago

January 14, 2022

UBT news

Jamie Lynn Spears tregoi se çfarë do të mund të lexojnë fansat në librin e saj të ardhshëm, ndërsa kritikoi komentet e fundit të motrës së saj Britney Spears si “jo të vërteta”.

“Sinqerisht, gjërat që thuhen absolutisht nuk janë e vërteta, dhe këtë më duhet ta sqaroj, sepse tani po bëhet më e vështirë për mua të ia arsyetoj vajzës sime të madhe se pse familja jonë vazhdon të marrë kërcënime me vdekje, si rezultat i paqartësisë së tezes së tyre dhe postime akuzuese, veçanërisht kur e dimë se ajo mund të thoshte të vërtetën dhe t’i jepte fund kësaj për një sekondë nëse do të donte”, shkroi Jamie Lynn në një deklaratë në Instagram.

Ajo vazhdoi, “Libri im nuk ka të bëjë me të. Nuk kam çfarë të bëj që edhe unë kam lindur si Spears dhe që disa nga përvojat e mia përfshijnë motrën time. Kam punuar shumë madje para se të isha adoleshente dhe e kam ndërtuar karrierën time, pavarësisht se jam vetëm motra e vogël e dikujt”.

Ajo e përfundoi postimin e saj duke i uruar motrës, Britney-t, të gjitha të mirat dhe duke i kërkuar paqe mes tyre.

“Pavarësisht se çfarë do të ndodhë, unë gjithmonë do ta dua motrën time të madhe dhe do të jem këtu për të. Është koha për t’i dhënë fund kaosit jo të shëndetshëm që ka kontrolluar jetën time për kaq gjatë”.

Kjo reagim vjen pas një postimi të Britney Spears e cila tregoi anën e saj të ngjarjes, pas intervistës së Jamie Lynn Spears./UBTNews/

Related Topics:kryesore Jamie Lynn Spears

Up Next

I njihni si të shëndetshme, por këto ushqime janë të mbushura me sheqer!

Don't Miss

Popullsia e Kroacisë ka rënë me 10% në një dekadë

Lajmet

Zjarr në Prizren, humb jetën një fëmijë njëvjeçar

Published

19 minutes ago

December 30, 2025

UBTnews

Në Prizren, në afërsi të Shtëpisë së Kulturës ka shpërthyer një zjarr i madh në një objekt, ku si pasojë ka ndërruar jetë një fëmijë njëvjeçar.

Zëdhënësi i Policisë për rajonin e Prizrenit, Shaqir Bytyqi ka bërë të ditur për KosovaPress se edhe tre fmëijë të tjerë janë shpëtuar dhe po marrin trajtim mjekësor.

“Sot, më datën 30.12.2025, rreth orës 10:00, është raportuar për një zjarr në një shtëpi banimi në qendër të qytetit të Prizrenit. Si pasojë e zjarrit, një fëmijë rreth moshës 1 vjeç ka humbur jetën, ku dyshohet se vdekja ka ardhur si pasojë e thithjes së tymit. Tre fëmijë të tjerë janë shpëtuar dhe janë dërguar për trajtim mjekësor në Emergjencë, ku po marrin kujdesin e nevojshëm shëndetësor”, ka bërë të ditur ai.

Bytyqi ka bërë të ditur se njësitë emergjente kanë reaguar menjëherë dhe zjarri është lokalizuar pothuajse plotësisht.

Ekipet përkatëse vazhdojnë të jenë në vendin e ngjarjes.

KosovaPress do t’iu mbajë të informuar lidhur me rastin.

Lajmet

Numërohen 100% e votave të rregullta

Published

2 hours ago

December 30, 2025

UBTnews

Komisioni Qendror i Zgjedhjeve ka procesuar 100 për qind të rezultateve preliminare të zgjedhjeve të jashtëzakonshme.

Bazuar në këto rezultate, Lëvizja Vetëvendosje është fituese e zgjedhjeve të 28 dhjetorit, duke rrëmbyer 433 mijë e 394 vota.

Partia Demokratike e Kosovës radhitet e dyta me 184 mijë e 318 vota.

Lidhja Demokratike e Kosovës nga ana tjetër ka siguruar 119 mijë e 201 vota.

Ndërkohë Aleanca për Ardhmërinë e Kosovës ka marr gjithsej 49 mijë e 698 vota.

Lajmet

Komuna e Prishtinës thërret seancë të jashtëzakonshme

Published

2 hours ago

December 30, 2025

UBTnews

Komuna e Prishtinës ka thirrur seancë të jashtëzakonshme për të martën.

Seanca ka të bëjë me “propozim-vendimin për miratimin paraprak të listës së veçantë të pronave të paluajtshme të Komunës që planifikohen për dhënien në shfrytëzim në vitin 2026”.

Seanca do të mbahet nga ora 11:00.

Lajmet

Zhduket një vajzë dhe një i mitur në Fushë Kosovë

Published

2 hours ago

December 30, 2025

UBTnews

Dy raste të zhdukjes janë raportuar nga Policia e Kosovës. Njëri nga rastet është një ku një vajzë është zhdukur në Fushë Kosovë mbrëmjen e 26 dhjetor, ndërsa rasti tjetër po ashtu në Fushë Kosovë por që bëhet fjalë për një të mitur.

“Ankuesi mashkull kosovar, ka raportuar se vajza e kunatit ka dalë nga shtëpia dhe ende nuk dihet për vendndodhjen e saj. Rasti është duke u hetuar”, thuhet në raportin 24 orësh.

Rasti tjetër është në “Më 29.12.2025 ankuesi mashkull kosovar, ka raportuar se djali i tij i mitur ka dalë nga shtëpia dhe nuk dihet për vendndodhjen e tij. Rasti në hetime”.