Kulturë

Thyen heshtjen për herë të parë motra e Britney Spears

Ajo u përgjigj pyetjeve nga Juju Chang.

Published

5 years ago

on

Jamie Lynn Spears pohoi në një intervistë të rrallë televizive sot se ajo u përpoq të ndihmonte motrën e saj, Britney Spears, t’i jepte fund konservatoritetit drejtuar nga babai i tyre.

“Unë kam qenë gjithmonë mbështetësja më e madhe e motrës sime, kështu që kur ajo kishte nevojë për ndihmë, unë gjeta mënyra për ta bërë këtë”, tha Jamie Lynn në Good Morning America.

“Unë u mundova të sigurohesha që ajo kishte kontaktet që i nevojiteshin për të vazhduar dhe për t’i dhënë fund këtij konservatoriteti dhe thjesht për t’i dhënë fund gjithë kësaj, për familjen tonë”, vazhdoi ajo.

Kur u pyet nëse ajo ishte dakord apo jo me konservatoritetin, i cili kontrollonte gjithçka, nga mënyra se si Britney i shpenzonte paratë e saj deri te ngjyra e kuzhinës, Jamie Lynn u përgjigj: Nuk ishte rreth kësaj se a isha dakord me kujdestarinë. Të gjithë kanë një zë dhe ai duhet të dëgjohet.

Britney dëshmoi në gjykatë në qershor të vitit 2021 se familja e saj “nuk bëri asgjë” për ta ndihmuar kur babai i saj, Jamie Spears, dyshohet se e futi atë në një institucion të shëndetit mendor kundër dëshirës së saj në fillim të vitit 2019.

Këngëtarja i tha gjithashtu gjykatësit që kryesonte çështjen e saj se familja e saj “duhet të jetë në burg” për abuzimin që kanë bërë me pasurinë e saj. New York Times vlerësoi se babai i këngëtares gjeneroi të paktën 6 milionë dollarë gjatë kohës sa ai shërbente si kujdestari ligjor i Britney-t.

Jamie, babai i këngëtares Britney, u pezullua përfundimisht nga roli i tij në shtator dhe konservatoriteti u ndërpre plotësisht në nëntor./UBTNews/

Related Topics:
Continue Reading

Lajmet

Galeria Lumi91 hap dyert me një ekspozitë të rrallë fotografike për Prishtinën

Published

15 hours ago

on

August 31, 2026

By

Galeria e re Lumi91 hapet në Prishtinë me ekspozitën “1928 – Rexhep Rakovica, Portrete”, e cila sjell para publikut një përzgjedhje të fotografive të fotografit Rexhep Rakovica (1909–1988).

Ekspozita përfshin portrete individuale, familjare dhe grupore, duke ofruar një pasqyrë të rrallë të jetës dhe kujtesës së Prishtinës së dikurshme. Rakovica nisi të merrej me fotografinë në vitin 1928 dhe gjatë veprimtarisë së tij dokumentoi momente të rëndësishme të jetës së qytetit.

Hapja e galerisë dhe ekspozitës synon të sjellë një hapësirë të re për artin dhe kulturën në kryeqytet, ndërsa fotografitë e Rakovicës rikthejnë për publikun një pjesë të rëndësishme të trashëgimisë vizuale të Prishtinës./A.K/

Continue Reading

Lajmet

Inspektorati nis kontrollet, udhërrëfyesit turistikë duhet të jenë të licencuar

Published

17 hours ago

on

August 31, 2026

By

Inspektorati Qendror i Mbikëqyrjes së Tregut ka nisur inspektimet në terren për të kontrolluar ushtrimin e veprimtarisë së udhërrëfyesve turistikë në Kosovë.

Sipas njoftimit, rastet e ushtrimit të kësaj veprimtarie pa licencë po ndëshkohen me gjoba, në përputhje me legjislacionin në fuqi.

Inspektorati u ka bërë thirrje të gjithë personave që ushtrojnë këtë veprimtari pa licencë që të kryejnë procedurat e licencimit dhe të vazhdojnë punën në mënyrë të rregullt dhe profesionale.

Sipas autoriteteve, licencimi përbën një detyrim ligjor, por njëkohësisht edhe një garanci për ofrimin e shërbimeve më profesionale dhe cilësore për turistët.

“Një turizëm i zhvilluar kërkon rregulla të qarta, zbatim të ligjit dhe shërbime cilësore për vizitorët”, thuhet në njoftim./A.K/

Continue Reading

Lajmet

Përvjetori i lindjes së Ali Podrimjes, një prej zërave më të fuqishëm të poezisë shqiptare

Published

4 days ago

on

August 28, 2026

By

Sot shënohet përvjetori i lindjes së poetit të madh shqiptar, Ali Podrimja, një prej figurave më të shquara të letërsisë shqipe bashkëkohore.

Ali Podrimja lindi më 28 gusht 1942 në Gjakovë dhe gjatë karrierës së tij letrare ndërtoi një prej opuseve më të rëndësishme të poezisë shqiptare.

Ndër veprat më të njohura të tij është “Lum Lumi”, një vepër e fuqishme dhe e ndjeshme që është bërë pjesë e rëndësishme e trashëgimisë së letërsisë shqipe.

Poezia e Podrimjes u dallua për gjuhën e veçantë, figuracionin e pasur dhe temat që lidhen me jetën, humbjen, dashurinë, atdheun dhe identitetin.

Ai u nda nga jeta më 21 korrik 2012, por vargjet dhe krijimtaria e tij vazhdojnë të lexohen dhe të vlerësohen nga breza të ndryshëm.

Emri i Ali Podrimjes mbetet i lidhur ngushtë me poezinë moderne shqiptare dhe me një trashëgimi letrare që vazhdon të ketë ndikim edhe sot./A.K/

Continue Reading

Lajmet

Nisin xhirimet e filmit të shkurtër “Deltar” me regji të Ibër Dearit

Published

5 days ago

on

August 27, 2026

By

Kanë nisur xhirimet e filmit me metrazh të shkurtër “Deltar”, me regji të Ibër Dearit, ndërsa producent dhe skenarist është Afrim Muçaj. Filmi është i subvencionuar nga Qendra Kinematografike e Kosovës.

“Deltar” sjell historinë e një djaloshi i cili detyrohet të largohet nga shtëpia së bashku me familjen, ndërsa qeni i tij mbetet pas, i lidhur në zinxhir.

Filmi trajton tema si lufta, braktisja, humbja, ikja dhe ndarja nga gjithçka që një fëmijë njeh dhe do, duke e sjellë luftën dhe pasojat e saj përmes përjetimit të një fëmije.

Në kastin e filmit janë Ledion Mulaki, Afrim Muçaj, Gentrit Shala, Mia Muçaj dhe Valon Nuhiu, së bashku me aktorë të tjerë./A.K/

Continue Reading

Të kërkuara