Botë

Izraeli synon ta sundojë tërë Rripin e Gazës për kohë të papërcaktuar, sipas zyrtarëve

Published

1 year ago

on

Izraeli e ka aprovuar një plan të hënën për ta uzurpuar tërë Rripin e Gazës dhe për të qëndruar në territorin palestinez për një kohë të papërcaktuar, sipas dy zyrtarëve izraelitë.

Ky plan, nëse zbatohet, do t’i zgjerojë jashtëzakonisht shumë operacionet e Izraelit në Gazë dhe me shumë gjasë do të përballet me kundërshtime të ashpra ndërkombëtare.

Ministrat e kabinetit izraelit e miratuan planin në orët e hershme të mëngjesit, disa orë pasi shefi i ushtrisë izraelite tha se ushtria po i thërriste dhjetëra mijëra ushtarë rezervistë.

Zyrtarët thanë se me këtë Izraeli synon t’i arrijë synimet e luftës për ta mposhtur Hamasin – grupin e shpallur terrorist nga SHBA dhe BE – dhe për t’i liruar pengjet që mbahen në Gazë.

Plani gjithashtu parashikon që qindra mijëra palestinezë të zhvendosen në jug të Gazës – gjë që nënkupton se me gjasë ata do të zhvendosen me forcë dhe se kriza e rëndë humanitare veçse do të përkeqësohet.

Njëri nga zyrtarët tha se plani do të zbatohet dalëngadalë për t’u dhënë mundësi përpjekjeve për arritjen e një armëpushimi dhe marrëveshjeje për lirimin e pengjeve. Të dy zyrtarët folën në kushte anonimiteti.

Izraeli u tërhoq nga Gaza në vitin 2005 pas një okupimi disa dekadësh dhe më pas e vendosi një bllokadë ndaj territorit bashkë me Egjiptin.

Kapja dhe mbase pushtimi i territorit sërish për kohë të pacaktuar jo vetëm që do t’i shuante edhe më shumë shpresat për një shtet palestinez, por do ta vendoste Izraelin brenda një popullsie thellësisht armiqësore ndaj tij dhe do të ngrinte pyetje për mënyrën se si Izraeli synon ta qeverisë territorin, veçanërisht në një kohë kur po shqyrton zbatimin e vizionit të presidentit amerikan, Donald Trump, për të marrë nën kontroll Gazën.

Prej se i dha fund armëpushimit me grupin militant Hamas në mes të marsit, Izraeli ka kryer sulme të ashpra në territor, duke vrarë qindra njerëz. Ai ka kapur pjesë të mëdha të territorit dhe tani kontrollon rreth 50% të Gazës.

Para përfundimit të armëpushimit, Izraeli i ndaloi të gjitha ndihmat humanitare për në territor, përfshirë ushqimin, karburantin dhe ujin, duke shkaktuar atë që besohet të jetë kriza më e rëndë humanitare në gati 19 muaj luftë.

Ndalimi i ndihmave ka shkaktuar uri të madhe dhe mungesat e ushqimeve kanë nxitur plaçkitje. Lufta ka zhvendosur tashmë më shumë se 90 për qind e popullsisë së Gazës, shpeshherë disa herë, dhe ka kthyer shumë pjesë të saj në tokë të pabanueshme.

Lufta filloi kur militantë të udhëhequr nga Hamasi sulmuan Izraelin jugor, duke vrarë 1.200 njerëz dhe duke marrë rreth 250 pengje. Izraeli thotë se 59 pengje mbeten në Gaza, megjithëse besohet se rreth 35 prej tyre janë të vdekur.

Lufta e Izraelit i ka vrarë më shumë se 52.000 njerëz në Gazë, shumë prej tyre gra dhe fëmijë, sipas zyrtarëve shëndetësorë palestinezë.

Zyrtarët izraelitë thanë se plani përfshin “kapjen e Rripit dhe mbajtjen e territoreve”. Plani gjithashtu synon të mos e lejojë Hamasin t’i shpërndajë ndihmat humanitare, pasi Izraeli thotë se shpërndarja e ndihmave ndërkombëtare nga ky grup forcon sundimin e grupit në Gazë.

Izraeli gjithashtu e akuzon Hamasin se i mban ndihmat për vete, megjithëse nuk ka dhënë dëshmi për këtë. Punonjësit e ndihmës e mohojnë se ka devijime të konsiderueshme të ndihmës për militantët, duke thënë se OKB-ja e mbikëqyr rreptësishtë shpërndarjen e ndihmave.

Zyrtarët thanë se Izraeli është në kontakt me disa vende për planin e Trumpit për ta marrë nën kontroll Gazën dhe për ta zhvendosur popullsinë e saj, sipas asaj që Izraeli e quan “emigrim vullnetar”.

Ky propozim është dënuar gjerësisht, përfshirë edhe nga aleatët e Izraelit në Evropë, dhe grupet për të drejtat e njeriut kanë paralajmëruar se kjo mund të përbëjë krim lufte sipas ligjit ndërkombëtar./REL/

Related Topics:
Continue Reading

Lajmet

Britania e Madhe dënon deklaratat e ministres serbe Snezhana Paunoviq për Kosovën

Published

20 minutes ago

on

July 16, 2026

By

Mbretëria e Bashkuar ka dënuar deklaratat e ministres serbe Snezhana Paunoviq, të cilat kanë nxitur reagime të shumta pas komenteve të saj lidhur me Kosovën.

Përmes një deklarate të publikuar nga Ambasada e Mbretërisë së Bashkuar në Kosovë, Zyra për Punë të Jashtme e Britanisë theksoi se referencat për spastrimin etnik të Kosovës janë plotësisht të papranueshme dhe nuk kanë vend në shoqërinë e sotme.

“Ne i dënojmë deklaratat e ministres serbe Snezhana Paunoviq, përfshirë referencat për spastrimin etnik të Kosovës. Ato janë tërësisht të papranueshme dhe nuk kanë vend në shoqërinë e sotme”, thuhet në deklaratë.

Autoritetet britanike vlerësuan se deklarata të tilla rrezikojnë të rihapin ndasitë e së kaluarës dhe të nxisin tensione në rajon, në një kohë kur vendet e Ballkanit Perëndimor po punojnë për një të ardhme paqësore, të qëndrueshme dhe multietnike.

“Në një kohë kur vendet e Ballkanit Perëndimor janë të përqendruara në ndërtimin e një të ardhmeje paqësore, të qëndrueshme dhe multietnike, deklarata të tilla synojnë të rihapin ndasitë e së kaluarës dhe të nxisin tensione. Udhëheqësit politikë të përgjegjshëm duhet ta refuzojnë këtë gjuhë qartë dhe pa asnjë mëdyshje”, thuhet më tej.

Në deklaratë, Mbretëria e Bashkuar mirëpriti edhe faktin që presidenti i Serbisë, Aleksandar Vuçiq, i ka hedhur poshtë komentet e ministres Paunoviq./A.K/

Continue Reading

Aktualitet

Irani kërcënon SHBA-në: Ngushtica e Hormuzit është vijë e kuqe

Published

2 hours ago

on

July 16, 2026

By

Irani ka paralajmëruar të enjten se Ngushtica e Hormuzit është një “vijë e kuqe” e paprekshme mbi të cilën mban kontroll të plotë, duke kërcënuar se do të godasë të gjithë infrastrukturën në rajonin e Gjirit nëse presidenti i SHBA-së, Donald Trump, zbaton kërcënimet për të sulmuar objektet iraniane.

Ky paralajmërim vjen pas natës së pestë radhazi të sulmeve të kryera nga SHBA-ja, e cila ka rivendosur edhe bllokadën detare ndaj porteve të Iranit me qëllim rihapjen e detyrueshme të ngushticës strategjike.

Ngushtica e Hormuzit, përmes së cilës para luftës transportohej rreth një e pesta e dërgesave globale të naftës dhe gazit, u mbyll nga Irani të shtunën e kaluar pas prishjes së armëpushimit.

Pas sulmeve të fundit të së mërkurës mbrëma, negociatori kryesor i Teheranit, Mohammad Bagher Ghalibaf, deklaroi se Irani tashmë ndodhet në një luftë thelbësore dhe ekzistenciale me Amerikën. Këtë qëndrim e përforcoi të enjten edhe zëdhënësi i ushtrisë iraniane, Gjenerali i Brigadës Mohammad Akraminia, duke bërë të qartë se vendi nuk do të tolerojë asnjë ndërhyrje në rrugën ujore që e konsideron pikë kyçe të sovranitetit të tij. /BBC/

Continue Reading

Lajmet

Më pak anije qarkullojnë nëpër Hormuz, ndërsa SHBA dhe Irani vazhdojnë sulmet

Published

6 hours ago

on

July 16, 2026

By

Më pak anije kanë udhëtuar të mërkurën përmes Ngushticës së Hormuzit, në ditën e parë pasi SHBA-ja riktheu bllokadën e saj detare ndaj porteve iraniane, teksa të dyja vendet përshkallëzuan sulmet në të gjithë Gjirin, treguan të dhënat e transportit detar.

Sipas të dhënave të kompanisë Kpler, shtatë anije e kaluan ngushticën të mërkurën, kryesisht në itinerarin iranian, duke shënuar rënie nga 13 që ishin një ditë më parë.

Armiqësitë janë intensifikuar që kur Irani deklaroi të shtunën vonë se kishte mbyllur Ngushticën e Hormuzit. Operacionet ushtarake po i pengojnë anijet të lundrojnë përmes kësaj rruge ujore, e cila përpara luftës mbante rreth një të pestën e dërgesave globale të naftës dhe gazit.

Të mërkurën, katër anije të zbrazëta hyrën në Gji, duke përfshirë tre tankerë të vegjël nafte dhe një anije të ngarkesave të thata për drithëra, treguan të dhënat. Tre anijet që dolën nga ngushtica të mërkurën transportonin gaz të lëngshëm të naftës (LPG), qymyr dhe karburant nafte .

Të martën, një tanker i tipit Suezmax që transportonte 1 milion fuçi naftë bruto saudite doli nga ngushtica me transponderin e fikur, treguan të dhënat e Kpler.

Të mërkurën nuk pati asnjë tanker të përmasave jashtëzakonisht të mëdha (VLCC) apo tanker të gazit natyror të lëngshëm (LNG) që të kalonte përmes ngushticës. /Reuters/ /E.A/

Continue Reading

Lajmet

Von der Leyen në Kiev, BE-ja dhe Ukraina drejt marrëveshjes së re për prodhimin e dronëve

Published

1 day ago

on

July 15, 2026

By

Presidentja e Komisionit Evropian, Ursula von der Leyen, ka mbërritur në Kiev për t’u takuar me presidentin ukrainas Volodymyr Zelensky, në kuadër të përpjekjeve për thellimin e bashkëpunimit në fushën e mbrojtjes ndërmjet Bashkimit Evropian dhe Ukrainës.

Vizita, e dyta e saj në Kiev gjatë këtij viti, pritet të përqendrohet në një marrëveshje të re për prodhimin dhe zhvillimin e dronëve, të cilët kanë marrë një rol kyç në luftën mes Ukrainës dhe Rusisë.

Me të mbërritur në kryeqytetin ukrainas, von der Leyen tha se Ukraina ka krijuar një moment të ri në fushën ushtarake.

“Ukraina ka ndërtuar një vrull të fortë ushtarak. Batica po ndryshon. Bashkimi Evropian po luan plotësisht rolin e tij me kredinë prej 90 miliardë eurosh. Në Ukrainë do të njoftoj iniciativa të reja për të thelluar integrimin e industrive tona të mbrojtjes”, deklaroi ajo.

Sipas raportimeve, një nga elementet kryesore të marrëveshjes do të jetë ruajtja e dronëve ukrainas në territorin e Bashkimit Evropian, duke kombinuar kapacitetet industriale të Evropës me zhvillimin teknologjik të Ukrainës.

Gjatë vizitës, presidenti Volodymyr Zelensky pritet ta dekorojë Ursula von der Leyen me Urdhrin e Evropës, një vlerësim i ri që u jepet personaliteteve që kanë kontribuar në mbështetjen e Ukrainës dhe në avancimin e rrugës së saj drejt anëtarësimit në Bashkimin Evropian.

Von der Leyen do të marrë pjesë gjithashtu në edicionin e pestë të Samitit Ukrainë–Evropë Juglindore, ku do të jenë të pranishëm edhe liderë nga Kroacia, Moldavia, Rumania dhe vende të tjera të rajonit./A.K/

Continue Reading

Të kërkuara