Aktualitet

Izraeli, i shqetësuar për fitoren e Raisit

Zëdhënësi i Ministrisë së Jashtme të Izraelit, Lior Haiat, e konsiderojë Raisin si presidentin më ekstremist të Iranit.

Publikuar

Izraeli tha se komuniteti ndërkombëtar duhet të ketë shqetësime të mëdha në lidhje me zgjedhjen e presidentit të ri të Iranit, Ebrahim Raisit.

Zëdhënësi i Ministrisë së Jashtme të Izraelit, Lior Haiat, e konsiderojë Raisin si presidentin më ekstremist të Iranit.

Raisi është shpallur fitues i zgjedhjeve të 18 qershorit, ku shumë kandidatë u diskualifikuan nga gara. Ai do të inaugurohet në postin e presidentit në muajin gusht. Raisi, një klerik dhe udhëheqës i gjyqësorit në Iran, konsiderohet se ka pikëpamje ultra-konservatore. Ai është në listën e sanksioneve amerikane dhe emri i tij ka qenë i lidhur me ekzekutimet në të kaluarën të të burgosurve politikë.

Sipas Ministrisë së Jashtme të Izraelit, Raisi është një person “që shpejt do ta avancojë programin ushtarak bërthamor” të Iranit.

Izraeli dhe Irani janë dy shtete rivale që shkëmbejnë akuza ndaj njëri-tjetrit dhe së fundmi, armiqësitë ndaj këtyre dy shteteve janë përshkallëzuar.

Irani dhe fuqitë botërore kanë arritur marrëveshje bërthamore më 2015, që kishte për qëllim frenimin e programit bërthamor të Teheranit, në këmbim të lehtësimit të sanksioneve. Por, më 2018, SHBA-ja u tërhoq nga kjo marrëveshje dhe rivendosi sanksione ekonomike ndaj Iranit. Pas kësaj, Irani ka njoftuar se ka rinisur pasurimin e uraniumit, duke rritur frikën se Republika Islamike mund të krijojë armë bërthamore.

Që prej muajit prill, fuqitë botërore, që janë nënshkruese të marrëveshjes, po takohen në Vjenë, me qëllim që ta ringjallin marrëveshjen. Më 20 qershor, palët takohen për këtë qëllim, por para takimit, është thënë se Irani dhe fuqitë botërore kanë dallime të mëdha për çështje kyçe.

Burimi: Radio Evropa e Lire

Bota

Greqia nën kërcënimin e zjarreve

Publikuar

nga

Një zjarr i madh ka shpërthyer pasditen e së premtes në një zonë të përzier pyjore në Atikë, ku banorët u paralajmëruan të jenë në gatishmëri për evakuim në drejtim të Glyfadës. Sipas zjarrfikësve, zjarri ka rënë pranë banesave.

Një forcë prej 29 zjarrfikësesh, me dy ekipe dhe nëntë automjete, të ndihmuar nga një helikopter nga ajri, zjarrfikës vullnetarë dhe tankera uji të autoriteteve lokale, janë vendosur për të shuar flakët.

Në një njoftim të fundit, policia tha se rihapi rrugën Athinë-Sunion për trafikun midis rrugës ”Elektras” dhe rrugës ”Minoos”, të cilën e kishin mbyllur për shkak të zjarrit. Zjarret ende të ndezura ka në Arcadia dhe Argolida, shkruan Agjencia Telegrafike Shqiptare.

Përforcime u dërguan për të luftuar zjarret pranë Megalopoli në Arcadia dhe në Lyrkeia në Argolida, të cilat vazhduan të shtohen pasditen e së premtes.

Në një prononcim, zëvendësguvernatori i Rajonit të Peloponezit, Christos Lambropulos tha se zjarri ka dëmtuar shumë ndërtesa./UBTNews/

Vazhdo të lexosh

Aktualitet

Sot dita e solsticit të verës – Dita më e gjatë e vitit

Publikuar

nga

Sot, më 21 qershor, festohet “solstici i verës”, dita më e gjatë e vitit, e cila shënon momentin kur dielli ndodhet në pozicionin më të lartë në qiell.

Fjala “solstic” rrjedh nga latinishtja: sol (“diell”) dhe sistere (“qëndrim i palëvizshëm”). Këto ngjarje natyrore, së bashku me ekuinokset, lidhen ngushtë me stinët, korrat dhe jetesën. Për këtë arsye, shumë kultura festojnë me rite dhe tradita të ndryshme, duke e shënuar këtë periudhë me festime të bujshme.

OKB-ja, duke e vlerësuar rëndësinë kulturore dhe historike të solsticeve dhe ekuinokseve, e ka përcaktuar 21 qershorin si “Ditën Ndërkombëtare të Festimit të Solsticit”, si një ftesë për bashkëjetesën paqësore dhe respektin ndërkulturor. Festimet tradicionale të solsticit në zonën e Pirenejve janë përfshirë në listën e UNESCO-s për trashëgimi kulturore të njerëzimit.

Në këtë dritare të veçantë, njerëzit nga komunitete të ndryshme mbajnë pishtarë flakërues poshtë maleve, ndezin fenerë tradicionalë, dhe festojnë rëndësinë e kalimit të ritëm nga adoleshenca në moshën e rritur. Ky festival rikujton dhe forcon lidhjet shoqërore dhe historike, duke reflektuar identitetin dhe trashëgiminë popullor nëpërmjet aktiviteteve folklorike dhe ushqimit të përbashkët.

Kjo traditë e pasur e festimeve solstice ka rrënjë të thella në komunitete, dhe është e mbajtur gjallë nga shoqatat lokale dhe familjet, që e transmetojnë nga brezi në brez si një pjesë e rëndësishme e identitetit dhe trashëgimisë së tyre./UBTNews/

Vazhdo të lexosh

Bota

Putin: Armatosja e Ukrainës nga Koreja e Jugut, gabim i madh

Publikuar

nga

Presidenti rus Vladimir Putin ka paralajmëruar Korenë e Jugut se do të bënte “një gabim të madh” nëse armatos Ukrainën në luftën kundër Rusisë.

Komentet e tij vijnë pasi Seuli tha se po shqyrtonte një mundësi të tillë, në përgjigje të paktit të ri të Rusisë dhe Koresë së Veriut për të ndihmuar njëri-tjetrin në rast të “agresionit” kundër secilit vend.

Moska do të marrë vendime që nuk ka gjasa të kënaqin udhëheqjen aktuale të Koresë së Jugut nëse Seuli vendos të furnizojë me armë Kievit”, tha Putin.

Udhëheqësi rus po fliste në Vietnam, menjëherë pas një vizite në Phenian, ku nënshkroi një marrëveshje të ndërsjellë të mbrojtjes me liderin e Koresë së Veriut, Kim Jong Un.

Seuli e kishte dënuar më herët marrëveshjen si një kërcënim për sigurinë e tij kombëtare dhe këshilltari i sigurisë kombëtare Chang Ho-jin tha se vendi i tij planifikoi të “rishqyrtojë çështjen e mbështetjes së armëve për Ukrainën”.

Pas komenteve të Putinit, zyra presidenciale e Koresë së Jugut tha të premten se do të shqyrtonte “opsione të ndryshme” në furnizimin me armë në Ukrainë dhe qëndrimi i saj “do të varet nga mënyra se si Rusia i qaset kësaj çështjeje”.

Ndërsa Koreja e Jugut i ka dhënë Ukrainës ndihma humanitare dhe pajisje ushtarake, ajo deri më tani ka refuzuar të sigurojë armë vdekjeprurëse pasi ka një politikë zyrtare për të mos armatosur vendet në luftë./UBTNews/

Vazhdo të lexosh

Aktualitet

SHSKUK njofton zgjedhjen e kryesuesit të ri të bordit

Publikuar

nga

Bordi Drejtues i Shërbimit Spitalor Klinik Universitar të Kosovës në mbledhjen e sotme e ka caktuar Dren Boshnjakun Kryesues të Bordit Drejtues të SHSKUK-së. Ai u zgjedh për mandat 1-vjeçar.

Boshnjaku falënderoi anëtarët e Bordit Drejtues për besimin e dhënë dhe premtoi angazhim maksimal në funksion të ngritjes së cilësisë të shërbimeve shëndetësore nga SHSKUK./UBTNews/

Vazhdo të lexosh

Të kërkuara