3 mars 1993

Lajmi kryesor nga politika:

Kryetari Rugova përkrah qëndrimin e kryetarit amerikan Klinton

Kjo është përmbajtja e lajmit: “Kryetari i Republikës së Kosovës dr.Ibrahim Rugova, përshëndeti qëndrimin më të ri të presidentit të SHBA-së Bill Klinton, lidhur me situatën represive në Kosovë, drejtuar kryetarit serb Millosheviq. Zoti Rugova, tha se ky është hap konkret, për ndërprerjen e dhunës dhe parandalimin e konfliktit në Kosovë. Gjithashtu, është përkrahje rezistencës paqësore të popullit të Kosovës.

Me këtë rast, kryetari Rugova, presidentit amerikan Bill Klinton, i dërgoi letër falënderimi”.

Lajme të tjera: Dr.Ibrahim Rugova i dha një intervistë gazetares frënge Emanuel Rezhy. Theksoi:  Jam për pavarësinë e Kosovës

Lajmet pasqyrojnë dhunën e përditshme ndaj shqiptarëve.

Titujt: Të rinjtë shqiptarë dërgohen me dhunë në kazerma ushtarake; Në Llaushë të Podujevës policia serbe arrestoi një veprimtar; Një grup huliganësh pengon mësimin në gjimnazin “Sami Frashëri” në Kodrën e Trimave; Dy të rinj të plagosur në kufirin Shqipëri – Kosovë; Në Hoqë të Madhe ushtrojnë civilë serbë

Njoftohet gjithashtu se në Prishtinë do të ndërtohen 300 shtëpi për profesorët serbë të Universitetit të Prishtinës.

3 mars 1994

Të pashmangshme lajmet për dhunën serbe ndaj shqiptarëve. Njoftohet për lëvizjet e ushtrisë serbe në fshatra të Prishtinës e të Podujevës.

Në Istog, forca të mëdha të policisë serbe bllokuan tregun e gjelbër

Në Podujevë, nën pretekst të kërkimit të armëve, policia serbe bastisi familjen e Kadri Fazliut në Llaushë të Podujevës. Bastisje pati edhe në fshatin Obrançë. Ndërsa, dy persona të panjohur thyen dyert e shkollës fillore “Naum Veçilharxhi” në Llapashticë të Epërme

Në Prishtinë, nën pretekst të kërkimit të armëve, policia bastisi familjen e Abdyl, Sylejman dhe Ferat Berishës në fshatin Siçevë.

Në Mitrovicë u bastisën familjet e Muhamet, Brahim, Shahin e Adem Sadikut, si dhe atë të Nazmi Osmanit në fshatin Rushan. Gjatë bastisjes, policët rrahën brutalisht, Muhamet Sadikun.

Në Obiliq, policia serbe bastisi familjet e Azem dhe Salih Krasniqit në fshatin Sibovc.

Në Viti, policia serbe arrestoi vëllezërit Milazim dhe Naser Hasani në fshatin Radivojc, ndërsa

arrestoi edhe Xhavit Avdylin në fshatin Beguncë.

Në Skënderaj, në mungesë të Muharrem Veliqit u mor peng i vëllai.

3 mars 1997

Lajmi kryesor vjen nga Shqipëria, ku Parlamenti i Shqipërisë vendosi gjendjen e jashtëzakonshme në mbarë Shqipërinë për shkak të pasojave të dhunës së përdorur nga grupe të ndryshme të armatosura në disa qytete të jugut të Shqipërisë.

Po në këtë ditë, Sali Berisha u rizgjodh president i Shqipërisë.

Ndër lajme të tjera, njoftohet se tre shqiptarë u kthyen prapa në Gjermani nga aeroporti i Prishtinës, si dhe se një serb nga fshati Pogragjë i Klinës vrau dy pleq serbë dhe ua plaçkiti 30 mijë marka.

3 mars 1998

Lajmi kryesor: Dhjetë anëtarë të familjes Ahmeti dhe dy mysafirë viktima të terrorit shtetëror serb në Drenicë.

Përmbajtja e lajmit: Sot definitivisht u mor vesh se gjatë ekspeditës terroristike kundër shqiptarëve të disa fshatrave në Drenicë, forcat serbe kishin masakruar dhe pastaj kishin vrarë më 28 shkurt në Likoshan 10 anëtarë të familjes Ahmeti dhe dy mysafirë të kësaj familjeje.
Nga morgu i spitalit të Prishtinës që administrohet nga serbët e instaluar, ku ishin mbajtur kufomat prej datës 28 shkurt, sot u morën trupat e Ahmet Ahmetit (1948), Gani Ahmetit (1952), Elmi Ahmetit (1954), Hamëz Ahmetit (1954), Driton Ahmetit (1975), Naim Ahmetit (1976), Lumni Ahmetit (1978), Shemsi Ahmetit (1979), Basri Ahmetit (1979), Elhami Ahmetit (1982) që të gjithë nga Likoshani dhe të Behram Fazliut (1948) e Shaban Mujës (1967) nga Gradica.

Lajmet e tjera: Forcat serbe kanë ndalur një kolonë që është nisur për varrim në Qirez; Ndalohen gazetarët në Komoran; Përforcime të policisë në Podujevë; Në ditë zie, policia urdhëron të lëshohet muzika; Në drejtim të Skënderajt shkuan forca të mëdha policore; Mbi 150 të lënduar kërkuan ndihma në klinikat private në Prishtinë; Përforcime në stacionin policor në Kliçinë; Të shtëna enigmatike në Ratish të Deçanit: Igballe dhe Artan Tahirajt të plagosur, një serb i vrarë.

Lajmi kryesor nga politika: Dr. Rugova kërkon urgjentisht nga SHBA-të dhe BE-ja hapa preventivë në Kosovë.

Jepet edhe një Deklaratë e Stejt Departamenti Amerikan për ngjarjet e fundit në Kosovë.

Njoftohet se Britania e Madhe kërkon sanksione të reja kundër Beogradit. Gjithashtu, se

Qeveria franceze dënon dhunën në Kosovë gjatë ditëve të fundit.

Nga terreni, njoftohet se forca të mëdha policore kanë shkuar drejt fshatit Ratishë e Poshtme e Deçanit.

Gjithashtu, njoftohet se në Pejë, policia rrahu disa qytetarë, ndërsa në Podujevë mbrëmë u dëgjuan  të shtëna armësh rreth një orë e gjysmë

Në Klinë, policia po keqtrajton qytetarët, ndërsa në Vushtrri ka forca të shtuara të policisë.

Edhe në Prizren policia ndalon qytetarët.

Ndërkohë, bëhet me dije se policia pengoi shkuarjen e delegacioneve të partive dhe gazetarët në Qirez.

Në edicionet e lajmeve të pasdites janë edhe këto lajme: Pesë mijë shqiptarë protestuan në Shtutgrad; NATO: Kosova është problem ndërkombëtar; Policia keqtrajtoi sot babë e bir në lagjen Kurrizi në Prishtinë; Krisma të pasqaruara në Kçiq të Madh; Policia keqtrajton në Shipol secilin kalimtar; Në Suharekë policia shpërndau defileun e nxënësve; Pikëllim e revoltë në mesin e studentëve për vrasjen e dy kolegëve të tyre në Qirez e të tjera.

Në kushtet e vështirësive të mëdha për sigurimin e lajmeve nga terreni, në mbrëmje u njoftua se në Qirez u varrosën 24 viktima të terrorit serb.

Një njoftim thuhet: ‘Në praninë e disa qindra mijëra qytetarëve nga Drenica dhe anë të ndryshme të Republikës së Kosovës, në Qirez sot u varrosën: katër vëllezërit, Beqir Sejdiu, Bekim Sejdiu, Bedri Sejdiu e Nazmi Sejdiu, bashkëshortët Xhemshir Nebiu e Rukije Nebiu, Muhamet Islam Gjeli (70) dhe djali tij Naser Gjeli (37), Rexhep Ajet Rexhepi, që të gjithë nga Qirezi, Ahmet Ahmeti (1948), Gani Ahmeti (1952), Elmi Ahmeti (1954), Hamëz Ahmeti (1954), Driton Ahmeti (1975), Naim Ahmeti (1976), Lumni Ahmeti (1978), Shemsi Ahmeti (1979), Basri Ahmeti (1979), Elhami Ahmeti (1982) që të gjithë nga Likoshani dhe Behram Fazliu (1948), Shaban Muja (1967) nga Gradica.

Dje në vendlindjen e tij u varros Bekim Beqir Deliu (16), i vrarë pardje nga të shtënat nga snajperi në Skënderaj.

Emrat e dy viktimave të tjera nuk janë njoftuar ende.

Në varrim morën pjesë mbi njëqind mijë njerëz”.

3 mars 1999

Lajmet kryesore kanë të bëjnë me zhvillimet në terren:

Vushtrri: Forcat serbe granatuan Oshlanin; Mitrovicë: Forcat serbe granatuan mbrëmë pozicionet e UÇK-së; Prizren: Pothuaj çdo ditë gjendet nga një i vrarë; Kaçanik: Ende nuk dihen pasojat e sulmeve serbe ndaj fshatrave shqiptare; Të rinjtë serbë sulmuan nxënësit shqiptarë në Mitrovicë;

Klinë: Gjatë ofensivave serbe janë shkatërruar gjysma e vendbanimeve shqiptare; Edhe sot ka pasur të shtëna drejt fshatrave të Hanit të Elezit; Forcat serbe granatuan disa fshatra të Vushtrrisë e Mitrovicës; Gjakovë: Policia serbe varrosi me dhunë Shani Thaçin nga Rogova; Gjakovë: Në Trakaniç u gjet një i vrarë; Policia serbe po arreston dhe po i keqtrajton qytetarët në disa fshatra të Obiliqit; Prishtinë: Policia serbe arrestoi një të ri shqiptar; Në Osek Hylë u varros Sylejman Bajrami; Kërkohet i riu Ramiz Zymberi.

Lajmet e pasdites ishin këto: Mitrovicë: Dy shqiptarë u gjetën të mbytur; Në periferi të Rahovecit u gjet i vrarë Gani Hajda; Vazhduan mitralimet drejt Pustenikut të Hanit të Elezit; Gjendje parashpërthyese në Skënderaj dhe rrethinë; Në Gjakovë mbërrijti një konvoj i forcave serbe; Sot në Gjakovë varroset Albesian Mataj;

Në Bishtazhin policia serbe arrestoi dy shqiptarë; Pejë: Një shqiptar u dënua me 3 vjet e gjysmë burg; Han i Elezit: Dje u vra një rreshter i ushtrisë jugosllave; Ferizaj: Në Koshare policia serbe arrestoi një shqiptar nga Mollopolci; Në Ferizaj arritën dy autobusë me policë serbë; Obiliq: Në Milloshevë policia serbe konfiskoi 5 metra kub dru të SHHB “Nënë Tereza”.

Në mbrëmje u publikuan edhe këto lajme: Han i Elezit: Në Bush të Epërm forcat serbe granatuan e dogjën 13 shtëpi shqiptare; Istog: Një serb nga Vitomirica e Pejës kidnapoi një shqiptar nga Duboviku i Deçanit; Në magjistralen Mitrovicë-Leposaviq u gjetën dy shqiptarë të vrarë.

787 persona kanë humbur jetën në Iran pas katër ditëve të sulmeve ajrore të përbashkëta të Shteteve të Bashkuara dhe Izraelit, sipas the Red Crescent.

Eksplozionet kanë shkatërruar qytete të mëdha si Teherani dhe Minab, ku qindra qytetarë janë mbledhur për të vajtuar nxënësit e një shkolle vajzash që humbën jetën në ditën e parë të sulmeve. Lufta nisi me vrasjen e Liderit Suprem iranian, Ayatollah Ali Khamenei, një rast i rrallë historik i eliminimit të një udhëheqësi kombëtar nga ajri. Shumica e viktimave janë civilë, përfshirë gra dhe fëmijë, ndërsa qindra të tjerë janë plagosur.

Qytetarët iranianë po largohen nga qytetet, duke u fshehur në bodrumet e banesave të tyre, ndërsa tym dhe gjak mbulojnë rrugët dhe qytetet e shkatërruara. Eksplozionet nuk kanë kursyer as Bejrutin, ku aleatët e Iranit, Hezbollah, kanë sulmuar Izraelin, dhe për këtë Izraeli ka reaguar me sulme ajrore dhe forca tokësore, duke krijuar tym të dendur dhe kaos në qytet.

Sulmet kanë përshkallëzuar tensionet edhe në vendet arabe fqinje dhe kanë kërcënuar transportin detar përmes Sundit të Hormuzit, ku kalon një e pesta e naftës botërore dhe volumet e mëdha të gazit.

Shtetet e Bashkuara kanë urdhëruar largimin e personelit jo emergjent qeveritar dhe familjeve të tyre nga Emiratet e Bashkuara Arabe, Katari, Kuvajti, Bahreini, Iraku dhe Jordania, ndërsa misionet diplomatike amerikane në Arabinë Saudite dhe Kuvajt janë mbyllur pas sulmeve me dron nga Irani.

Çmimi i naftës bruto ka shënuar rritje prej rreth 4 për qind, tregjet evropiane dhe amerikane kanë rënë, ndërsa prodhimi i gazit të lëngshëm nga Katari është ndalur dhe transportuesit detar janë bllokuar në Gjirin Persik. Kryeministri izraelit Benjamin Netanyahu ka deklaruar se lufta nuk do të zgjasë vite, ndërsa presidenti amerikan Donald Trump sugjeroi se mund të zgjasë katër deri në pesë javë, duke lënë hapësirë për një konflikt të gjatë dhe të hapur. Zyrtarët amerikanë kanë thënë se qëllimi i fushatës është të shkatërrohet aftësia e Iranit për të projeksuar forcë jashtë kufijve të tij, por gjithashtu kanë inkurajuar iranianët që të rrëzojnë qeverinë klerikale. Lufta ka shkaktuar tmerr dhe panik mes qytetarëve, ndërsa shqetësimet për sigurinë, energjinë dhe stabilitetin rajonal vazhdojnë të rriten. /Reuters/

Situata në Lindjen e Mesme është përshkallëzuar ndjeshëm pas sulmeve të koordinuara të SHBA-së dhe Izraelit ndaj Iranit, duke shkaktuar hakmarrje dhe përshkallëzim të dhunës në rajon.

Iran

Në Teheran dhe zonat përreth janë goditur objektiva qeveritarë dhe simbolikë, duke përfshirë kompleksin e Radios dhe Televizionit shtetëror (IRIB) dhe Pallatin historik Golestan, i shpallur pasuri botërore nga UNESCO. Sulmet kanë shkaktuar vdekjen e të paktën 787 personave, përfshirë Liderin Suprem Ali Khamenei, dhe kanë goditur edhe një shkollë për vajza në jug të vendit, ku humbën jetën të paktën 165 persona. Teherani ka mbyllur ngushticën e Hormuzit dhe ka kërcënuar se do të djegë çdo anije që tenton të kalojë. Shtetet e Bashkuara kanë paralajmëruar se “goditjet më të rënda” janë ende përpara, ndërsa ish-presidenti Donald Trump ka deklaruar se sulmet do të vazhdojnë derisa të realizohen të gjitha objektivat e përcaktuara. Sipas zyrtarëve amerikanë dhe izraelitë, sulmet kanë synuar të dobësojnë flotën iraniane dhe të ndalojnë ambiciet bërthamore dhe raketore të Teheranit.

Vendete e Gjirit

Në Katar, tensionet janë rritur ndjeshëm. Forcat e armatosura kanë interceptuar dhjetëra raketa balistike dhe dronë iranianë, ndërsa dy raketa kanë goditur bazën ajrore Al Udeid, ku janë stacionuar forcat amerikane, dhe një dron ka goditur sistemin e paralajmërimit të hershëm. Forca ajrore e Katarit ka rrëzuar dy avionë iranianë që po afroheshin drejt vendit, dhe shpërthime janë dëgjuar mbi Doha. Kompania QatarEnergy, prodhuesi më i madh i LNG-së në botë, ndaloi përkohësisht prodhimin pas sulmeve iraniane.

Në Kuvajt, tre avionë luftarakë amerikanë F-15 u rrëzuan për shkak të një incidenti “gabim miqësor”. Video të publikuara treguan avionë që rrotulloheshin në ajër me flakë dhe tym. Ambasada amerikane në Kuvajt u mbyll deri në njoftim të mëtejshëm, duke cituar tensionet në rritje në rajon.

Në Arabinë Saudite, tetë dronë janë interceptuar pranë Riadit dhe Al-Kharj. Ambasada amerikane u godit nga të paktën dy dronë, duke shkaktuar një zjarr të kufizuar. Ambasada u mbyll përkohësisht dhe të gjitha shërbimet rutinë dhe emergjente janë pezulluar.

Departamenti i Shtetit amerikan ka urdhëruar evakuimin e menjëhershëm të qytetarëve të SHBA-së nga Bahreini, Kuvajti, Omani, Katari, Arabia Saudite dhe Emiratet e Bashkuara Arabe. Aeroportet në Dubai kanë rifilluar fluturime të kufizuara pas pezullimit për shkak të sulmeve dhe tensioneve.

Izrael

Ushtria izraelite ka identifikuar raketa të nisura nga Irani dhe ka interceptuar dronë që erdhën nga Libani. Hezbollah ka mbrojtur sulmet e veta raketore si një përgjigje ndaj 15 muajve të “agresionit izraelit” dhe si shkelje e marrëveshjes së armëpushimit të vitit 2024. Kryeministri Benjamin Netanyahu mbrojti sulmet ndaj objektivave bërthamore iraniane, duke thënë se bunkeret e reja nën tokë të Iranit do të ishin bërë “të padukshme brenda muajsh” dhe se veprimet e tanishme janë të shpejta dhe vendimtare.

SHBA

Gjashtë ushtarë amerikanë kanë humbur jetën dhe 18 janë plagosur që nga fillimi i konfliktit. Ish-presidenti Donald Trump ka paralajmëruar se SHBA do të hakmerret “së shpejti”, edhe pse nuk mendon se është e nevojshme të dërgohen trupa tokësore. Zëvendës-Presidenti JD Vance theksoi se objektivi kryesor është të ndryshohet qasja e regjimit iranian dhe të sigurohet që Irani të mos ketë kurrë armë bërthamore. Departamenti i Shtetit i SHBA-së ka urdhëruar qytetarët amerikanë të largohen menjëherë nga pjesë të mëdha të Lindjes së Mesme për shkak të rrezikut ndaj sigurisë.

Liban dhe Jordan

Në Liban, ushtria izraelite ka dhënë urdhra evakuimi për 59 zona, kryesisht në jug, duke këshilluar banorët të qëndrojnë të paktën 1,000 metra larg fshatrave për shkak të veprimeve të Hezbollahut. Në Jordan, ambasada amerikane në Aman evakuoi përkohësisht të gjithë stafin e saj për shkak të një kërcënimi sigurie. /AlJazeera/

Sot lajmet janë nga më të ndryshmet. Bota ka ndryshuar. Teknologjia ka ndryshuar shumëçka në jetën tonë, edhe në mënyrën tonë të informimit. Edhe ngjarjet janë të tjera. Të kohës. Por, cilat ishin lajmet që mund të lexonin kosovarët, dekada më herët. Ta zëmë, në kohën më të rëndë për shqiptarët e Kosovës (1990-1999), kur Serbia kishte bërë përpjekje ta instalojë terrin informativ.

Ishin gazetarët shqiptarë që nuk heshtën, edhe pse Serbia mbylli Radiotelevizionin e Prishtinës, gazetën “Rilindja” dhe të gjitha revistat e tjera.

Ishin edhe korrespondentët e mediave të huaja, që ndihmuan që, megjithatë, shqiptarët e Kosovës të mos mbesin në terr informativ.

2 mars 1993

Një nga lajmet kryesore ishte vazhdimi i grevës së refugjatëve shqiptarë në Norvegji. Greva e urisë, është organizuar në vendbanimin “Frostaveion”, në qytetin Trondhaim, që nga 11.02.1993, duke filluar nga ora 14.00. Kërkesat e grevistëve shqiptarë janë:

– rishqyrtimi dhe anulimi i vendimit për kthimin e refugjatëve shqiptarë nga Norvegjia dhe

– kërkesa që të gjithë kërkuesit e strehimit, të marrin statusin e refugjatit.

Titujt e tjerë ishin: Kongresi i Internacionales Demokristiane për Kosovën, në Bruksel; Konferencë për shtyp e Partisë Shqiptare Demokristiane e Kosovës.

Lajme të përditshme kishte për dhunën serbe në Kosovë. Në lajmin “Serbia ka intensifikuar aktivitetet ushtarake në Kosovë”, njoftohet edhe për sulme fizike ndaj shqiptarëve në anë të ndryshme të Kosovës.

Lajmi tjetër është se veprimtari i njohur i të drejtave të njeriut dhe i pajtimeve të gjaqeve, dr. Zekeria Cana u mor përsëri në polici. Pastaj se katër policë serbë sot rreth orës 13 arrestuan Mehmet Aliun, pronar i objektit ku mbajnë mësim nxënësit e gjimnazit “Sami Frashëri” të Prishtinës.

Titujt e tjerë: Plane për kolonizime të Prishtinës; Arsimtarët serbë në Istog bëjnë grevë; Presion i shtuar në komunën e Gjakovës; Në komunën e Klinës po intensifikohet dhuna; “Quotidien de Paris”: Në mbrojtje të një fuqie baruti; AFP: Kontakte sekrete greko-maqedonase të nivelit të lartë në kufi;

2 mars 1994

Lajmi kryesor: Kryetari Rugova organizoi pritje me rastin e 550-vjetorit të Kuvendit të Lezhës.

Lajme të tjera: Prizren: Policia financiare serbe konfiskoi mall në vlerë më se 5 milionë marka;

Gjashtë shqiptarë në Pejë akuzohen për armë; Në Petrovë të Shtimes serbët plaçkitën pajisjet e ambulancës; Lëvizje të ushtrisë serbe në Kosovë; “Evening standard”: Ëndrra për Serbinë e Madhe po shkapërderdhet.

Në kuadër të rubrikës “Represioni i policisë serbe në Kosovë” jepen këto lajme:

Lipjan: – Sot në orët e hershme të mëngjesit, policia serbe nën pretekst të kërkimit të armëve bastisi familjen e Ramiz Ajetit në fshatin Çollapek të Lipjanit. Policia në shtëpinë e Ramizit nuk gjeti kurrfarë arme, ndërsa të e mori me vete në stacionin e policisë në Lipjan dhe ende po mbahet në arrest.

Prizren: – Dje rreth orës 12, policia serbe nën pretekst të kërkimit të armëve bastisi familjet e Zeqir, Haki dhe Osman Qunajt në Dushanovë të Prizrenit.

Meqë asnjë nga kryefamiljarët nuk gjendeshin në shtëpi, policët gjatë bastisjes shkaktuan dëme të mëdha materiale duke thyer e demoluar shumë orendi.

Ferizaj: – Pardje rreth orës 10, dy policë serbe bastisën familjen e Shaip Sopës në Ferizaj. Meqë Shaipi nuk gjendej në shtëpi, policët i lanë ftesë që të paraqitet dje në stacionin e policisë në Ferizaj në orën 8.

Më 28 shkurt, rreth orës 11, dy policë serbë hynë në shkollën fillore “Skënderbeu” në Jezerc, të cilët i lanë ftesë Jakup Bibës, kryetar i Nëndegës VI-të të për të marrë në pyetje sot në orën 14 në stacionin e policisë në Nerodime.

Fushë-Kosovë: Më 28 shkurt, prej orës 10 deri rreth orës 13, policia serbe nën pretekst të kërkimit të armëve bastisi familjet e Hakif Sogojevës, Asllan Mëziut dhe Latif e Hatip Berishës.

2 mars 1995

Lajmi kryesor: Në Gjenevë u mbajt manifestimi për Kosovën i organizuar nga Amnesty International. Morën pjesë rreth dy mijë vetë, ndër të cilët edhe aktivistët të seksionit të Zvicrës dhe të seksionit të Gjenevës të organizatës Amnesty International, të huaj të tjerë, si dhe Z. Xhafer Shatri, ministër për Informim i Republikës së Kosovës, z. Adem Demaçi, kryetar i Këshillit për Mbrojtjen e të Drejtave dhe të Lirive të Njeriut-Prishtinë, drejtues i shoqatës kulturore shqiptare “Ikballe Prishtina”.

Lajme të tjera: Mesazh i kryesisë së Bashkësisë Islame të Kosovës me rastin e Bajramit të Madh; Në Belgjikë mërgimtarët shqiptarë falën Bajramin; Përfaqësuesi i UNESCO-s u takua me ministrin e qeverisë së Jugosllavisë së vetëshpallur; Gazeta daneze lidhur me zbulimin se veprimtari i kriminelit Arkan ishte angazhuar si avokat nga qeveria daneze; Muaji mars – muaj i solidaritetit në Kosovë; Në dy muajt e fundit në Kosovë policia serbe keqtrajtoi 781 persona;

U mor në pyetje drejtori i SHM “H.Tahsini” në Obiliq;  Kryetari e sekretari i LS u morën në biseda informative; Nga Fabrika e Mobiljeve në Deçan nga puna u përjashtuan 69 punëtorë shqiptarë;

Në rubrikën “Dhuna e përditshme në Kosovë” jepen këto lajme:

Vushtrri: – Më 28 shkurt rreth orës 17:00, një patrullë e policisë serbe, nën pretekst të kërkimit të armëve “vizitoi” shtëpinë e Ismail dhe Sabri Ismailit në fshatin Pasomë të Vushtrrisë.

Ismail Ismailit, policia ia mori letërnjoftimin dhe e urdhëroi që sërish të paraqitet në stacionin e policisë në Vushtrri.

Më 1 mars, nja patrullë e policisë serbe, nën të njëjtin pretekst “vizitoi” shtëpinë e Sabit Sheremetit në fshatin Gurbardh të Vushtrrisë. Policia e urdhëroi Sabit Sheremetin që të paraqitet në stacionin e policisë në Vushtrri.

Prizren: – Më 17 shkurt, policia serbe, nën të njëjtin pretekst ishte në shtëpinë e Arife Morinës me përkatësi myslimane në Prizren. Ajo u mor në pyetje rreth një orë, me ç’rast u fye në mënyrën më të ulët. Ditë më parë policia ka keqtrajtuar brutalisht bashkëshortin e saj Rifat Morinën.

Kamenicë: – Më 23 shkurt, dy inspektorë serbë, njëri nga të cilët quhej Momçillo Trajkoviq, ishin në shtëpinë e Hetem R.Latifajt në Hogosht të Kamenicës nga i cili konfiskuan një revole. Ata ia lanë thirrjen Hetemit që të paraqitet në stacionin e policisë në Kamenicë. Nga Hetem R.Latifaj kërkuan të dinë se kinse nga kush e ka blerë revolen.

2 mars 1997

Lajmi kryesor ka të bëjë me një deklaratë të Kryetarit Rugova për gjendjen kaotike në Shqipëri.

Lajmet në vijim trajtojnë gjendjen në Shqipëri: Gjendje dramatike në jug të Shqipërisë; Kopliku e Serreçi e vlerësojnë dorëheqjen e Meksit; Zëdhënësi i studentëve të Vlorës kërcënohet me sulm të armatosur mbi Tiranën.

Transmetohet një intervistë e Fehmi Aganit, i cili tha se përcaktim themelor i LDK-së është Republika e pavarur e sovrane e Kosovës, e cila do të realizohet me mjete paqësore politike.

Gjithashtu, një tekst nga shtypi norvegjez për gjendjen aktuale në Kosovë.

2 mars 1998

Titujt kryesorë: Dhjetëra mijëra shqiptarë protestojnë në Prishtinë ; Vlerësim pozitiv i organizatorit të protestës së sotme me 300 000 pjesëmarrës; Intervenim brutal i policisë serbe kundër protestuesve paqësorë në Prishtinë; Intervenim brutal i policisë te Qendra Sportive; Një kriminel serb shkeli me veturë dhe lëndoi rëndë katër protestues; Policia rrahu në banesa gra e fëmijë që solidarizoheshin me protestuesit; Studentët serbë provokuan me sharje dhe lënduan me gurë disa protestues; Ndërtesa e Presidencës dhe e QIK-ut nën kontroll të rreptë të policisë; U rrahën edhe I. Osmani, A. Spahiu, V. Surroi e Z. Cana; Të shtëna të pasqaruara me armë në Prishtinë; Helikopteri, shoqërues i aksioneve represive serbe edhe në Prishtinë; Shumë të lënduar pranë gjimnazit “Xhevdet Doda”; 320.000 protestues në Podujevë; Protestë e grave shqiptare para selisë së KKN-së në Prishtinë; Deklaratë e Qeverisë së Shqipërisë kundër dhunës e terrorit serb në Kosovë; Të shtëna me armë në disa vende të Podujevës; Policia serbe fortifikohet në Lumëmadh të Vushtrrisë; Përforcime të policisë speciale në Hajvali.

Lajme të tjera – të pasdites: Deklaratë për shtyp e z. Kinkel lidhur me situatën dhe tensionet në Kosovë; Dhjetëra të lënduar po kërkojnë ndihmë në ambulancat private; Intervenimi i policisë po vazhdon në Kodër të Trimave;  Kryetari Rugova dënoi dhunën kundër protestuesve paqësorë në Prishtinë; Kryetari Rugova priti diplomatë amerikanë dhe britanikë; Prishtinë;  Këshilli i Ministrave i UE-së diskuton nesër urgjentisht për Kosovën; Kryetari Rugova ngushëlloi familjet e viktimave të terrorit serb; Ditë zie në Kosovë më 3 mars 1998 (e martë); Shqiptarët protestojnë nesër në Bruksel; Rrahje edhe në stacionin e autobusëve në Prishtinë; U rrah fotoreporteri i QIK-ut; Studentët serbë ndihmuan policinë në rrahjen e protestuesve shqiptarë; Mbi 60 protestues të rrahur nga policia kërkuan ndihmë mjekësore; U mor në polici dhe u keqtrajtua rëndë dr. Jusuf Bajraktari; Policia arrestoi fotoreporterin e gazetës “Fjala Jonë” dhe B. Novosellën; Varrimi i të vrarëve në Qirez të Skënderajt bëhet nesër; Vdiq sepse nuk iu lejua t’i jipej ndihma mjekësore; BE paralajmëron presion më të madh mbi Millosheviqin; Deklaratë e Qeverisë së Republikës së Kosovës; Gjatë javës së ardhshme në shkollat e Skënderajt nuk do të ketë mësim; Forca të mëdha kanë ardhur nga Serbia në Podujevë; Krisma e shpërthim në Dellofc të Klinës.

Në mbrëmje ishin edhe këto lajme: Një i plagosur me armë zjarri; Një gazetari gjerman iu konfiskua kamera; Shtohet numri i të lënduarve; Protesta edhe në Malishevë; Masmediat i bëjnë jehonë protestës së sotme në Prishtinë; Gënjeshtra të policisë e të mediumeve serbe për protestën e sotme; U rrah plaku 77 vjeçar; Shpërthime në komunën e Deçanit; Një delegacion i Bashkësisë Islame të Kosovës u pengua të shkojë në fshatrat e Drenicës; Forca policore u stacionuan në Kërpimeh të Podujevës; Koncentrim i forcave ushtarake në brezin kufitar me Shqipëri; U varros viktima e parë e terrorit serb në Drenicë; Nuk dihet asgjë për Shaban Mujën nga Gradica; Policia keqtrajtoi Demaçin, disa gazetarë të “Bujkut” dhe ndërhyri në redaksinë e “Kohës”; Pas intervenimit në Kosovë, R. Gelbard kërcënon Beogradin me sanksione të reja; Reagime të ashpra në Shqipëri; Reagime të shumta në botë kundër dhunës serbe.

2 mars 1999

Lufta është në kulmin e saj. Përpjekjet diplomatike para dështimit.

Lajme nga politika vendore:

Hashim Thaçi u caktua mandatar për formimin e Qeverisë së Përkohshme të Kosovës; Adem Demaçi tërhiqet nga pozita e Përfaqësuesit të Përgjithshëm Politik të UÇK-së.

Nga politika ndërkombëtare:

Sekretari i përgjithshëm i NATO-s, Havier Solana: Ekziston vetëm një marrëveshje të cilën duhet ta pranojnë në tërësi të dyja palët në Kosovë;  Në Maqedoni janë vendosur mbi 6000 trupa të NATO-s për Kosovën; Ministri i jashtëm britanik Robin Kuk sot shkon në Moskë.

Lajmet kryesore vinin nga terreni: 

Forcat serbe po granatojnë fshatrat shqiptare në kufi me Maqedoninë;  Vushtrri: Forcat serbe kanë shtënë drejt fshatrave të Qyqavicës; Policia serbe arrestoi tre shqiptarë nga Okrashtica e Vushtrrisë; Vazhdojnë sulmet ndaj fshatrave shqiptare të Kaçanikut e Hanit të Elezit;  Në Rahovec arritën forca të reja të policisë serbe; Në Rahovec policia serbe tentoi të kidnapojë një të ri shqiptar;  Rahovec: Policia serbe arrestoi një shqiptar nga Opterusha; Në fshatin Tupec të Prizrenit janë gjetur dy trupat e shqiptarëve të vrarë; Dje afër fshatit Koliç të Prishtinës është sulmuar një patrullë e policisë serbe; U identifikuan dy viktimat e gjetura në Tupec të Prizrenit; Rahovec: Në Brestoc u vra një shqiptar; Mitrovicë: Forcat serbe provokuan pjesëmarrësit e varrimit të dy pjesëtarëve të UÇK-së në Vaganicë; Klinë: Koncentrime të mëdha të forcave serbe në Sverkë; Prizren: Disa serbë sulmuan dy verifikues të OSBE-së; Prishtinë: Forcat serbe kaluan nëpër fshatrat Barilevë e Drenoc;

Pejë: Në gjykatën serbe një shqiptar u dënua me 2 vjet burg; Policia serbe keqtrajtoi rëndë një shqiptar nga Druari i Vushtrrisë; Suharekë: Persona të panjohur dogjën një shtëpi shqiptare në Mushtisht; Nga Suhareka në drejtim të Prizrenit shkoi një konvoj i forcave serbe; Suharekë: Nesër pritet të hapet një Zyrë e Misionit të OSBE-së edhe në fshatin Bllacë; Kërkohet Bashkim (Hashim) Hyseni; Gjakovë: U identifikua kufoma e Shani Thaçit nga Rogova e Hasit; Në Osek Hylë të Gjakovës sot varroset Sylejman Bajrami; Në Dobrosh të Gjakovës policia serbe bastisi tri familje shqiptare; Në Maqedoni kanë kaluar mbi 320 banorë të fshatrave Krivenik e Rezhancë të Hanit të Elezit; Mitrovicë: Granatimet drejt fshatrave shqiptare; Në Trakaniq u gjet kufoma e një personi të paidentifikuar; Policët serbë bastisin shtëpitë e shqiptarëve në Bair të Mitrovicës; U gjet kufoma e një personi të vrarë në Shtavicë të Rahovecit.

Foto: Llogaria në Facebook e publicistit Veton Surroi