Aktualitet

Ish-zyrtari i AKM-së: S’kam pasur kërcënime nga partitë politike

Published

5 years ago

December 14, 2020

Betim Gashi

Në Komisionin Hetimor Parlamentar lidhur me procesin e privatizimit në Kosovë ka raportuar Ilir Salihu, ish-zëvendësdrejtor në AKM, i cili tha se gjatë kohës sa e ka ushtruar këtë detyrë nuk ka pasur kërcënime nga partitë politike.

Ilir Salihu foli për kohën kur është emëruar zëvendësdrejtor i Agjencisë Kosovare të Mirëbesimit.

“Unë kam qenë pjesë deri në qershor të vitit 2008. Ka qenë departameni i ndërmarrjeve publike në kohën kur kam marrë përgjegjësi kanë qenë pesë divizione që përfshin aeroportin, hekurudhat, KEK dhe shtatë ndërmarrje të ujrave dhe mbeturinave”, tha ai.

Salihu theksoi se gjatë kohës sa ka qenë në AKM nuk ka pasur kërcënim prej asnjë subjekti politik.

“Unë nuk kam qenë amëtar i asnjë partie politike as nuk jam. Une kam qenë këshilltar i ministres së Tregtisë dhe Industrisë zonjës Bajrami. Duhet të shihen dokumentet sepse krejt akterët kanë pasur përgjegjësi të asaj kohe në procesin e privatizimit. 2007 kur Vala ka qenë operator publik dhe në atë kohë ka qenë një tender për konkurencën. Në këtë kohë bordi ka kërkuar nga menaxhmenti që të futet si temë Vala karshi konkurrencës. Kërkesa ka qenë që menaxhmenti me ndërmarrë veprime mu përgatitë për konkurrencë. Ideja ka qenë pronësinë me mbajt Vala. Arsyeja që keni kërkuar për dëshmi është sa kam qenë aty deri më vitin 2008. Unë nuk mbaj përgjegjësi çka ka ndodhur pastaj. Kam dhënë dorëheqje prej bordit”, tha Salihu.

Ndërsa, kryesusi i Komisionit, Hajrullah Çeku kërkoi të dijë nëse Salihu ka qenë pjesë e ndonjë procesit që ka çuar në pasoja.

“Në çfarë cilësie keni qenë pjesë e procesit të privatizimit. Është kërkuar të bëhet hetimi i gjithë procesit. Operatori virtual ka operuar si i zakonshëm. Ai i tha nëse ka qenë i ndonjë procesi që ka çuar në pasoja. Për hir të konstatimit duhet thënë gjërat deri në fund. A keni pjesë të përgjegjësisë për operator virtual dhe ka ndodh devijim më vonë”, pyeti Çeku.

Tutje, deputeti I PDK-së, Gazmend Bytyqi pyeti Salihun nëse ka ndonjë informacion sesi janë ndarë pasuritë e mirëmbajtjes.

“Nuk kemi qenë pjesë e asnjë procesi të privatizimit për ndërmarrje publike. A keni informacion për mënyrën si janë ndarë pasuritë e mirëmbajtjes. Çfarë mund të na jepni informacione që dëshmia juaj të jetë mjaftueshëm. A keni pasur kërcënim për ndonjë pozitë”, pyeti Bytyqi.

Bota

Protestë në Ukrainë, Zelensky nënshkruan projektligjin që dobëson agjencitë anti-korrupsion

Published

4 hours ago

July 23, 2025

UBT News

Agjencia e sigurisë së brendshme e Ukrainës arrestoi dy zyrtarë të NABU-së me dyshimin për lidhje me Rusinë dhe kontrolloi punonjës të tjerë të agjencisë për akuza të palidhura.

Mijëra ukrainas u mblodhën në Kiev dhe qytete të tjera të martën, duke i kërkuar Presidentit ukrainas Volodymyr Zelenskyy të vërteton ndaj legjislacionit që kritikët thonë se minon infrastrukturën antikorrupsion të vendit.

Protesta shënoi tubimin e parë të madh kundër qeverisë në më shumë se tre vjet të pushtimit të plotë të Rusisë.

Parlamenti i Ukrainës kishte miratuar një projektligj që shtrëngonte mbikëqyrjen e dy organeve kryesore antikorrupsion, Byrosë Kombëtare Antikorrupsion të Ukrainës (NABU) dhe Zyrës së Prokurorit të Specializuar Antikorrupsion (SAPO).

Kundërshtarët paralajmërojnë se masa mund të dobësojë pavarësinë e agjencive dhe të rrisë ndikimin politik mbi hetimet.

Pavarësisht protestave publike, Zelenskyy thuhet se e nënshkroi projektligjin të martën.

Aktualitet

Çitaku kritikon MPJD për arrestimin e ish-ushtarit të UÇK-së në Serbi

Published

7 hours ago

July 23, 2025

UBT News

Sekretarja e përgjithshme e PDK-së, Vlora Çitaku ka reaguar lidhur me arrestimin e ish-ushtarit të UÇK-së në Serbi, Lulzim Halili duke thënë se misionet diplomatike duhet të jenë më të angazhuara për lirimin e ish-ushtarëve të UÇK-së nga autoritetet serbe.

Çitaku u shpreh se liria e lëvizjes duhet të jetë e garantuar, teksa kërkoi aktivizimin e misioneve diplomatike.

“Sigurisht që ne i ndjekim, e kemi parë dhe është lajm jashtëzakonisht shqetësues. Fatkeqësisht kjo tashmë është shndërruar në lajm të rregullt, sepse nuk është rasti i parë ka edhe ushtarë të tjerë të Ushtrisë Çlirimtare të Kosovës që po mbahen tash e disa muaj nëpër burgjet e Serbisë. Qeveria e Republikës së Kosovës, kjo në largim duhet të jetë shumë më aktive. Misionet tona diplomatike duhet të jenë shumë më të angazhuara në mënyrë që të vihen në funksion mekanizmat ndërkombëtarë për lirimin e tyre. Ata nuk janë njerëz pa atdhe, nuk duhet të trajtohen si njerëz pa atdhe, si njerëz pa institucione, si njerëz për fatin e të cilëve nuk brengoset askush”, tha ajo për media.

Kritika pati për Ministrinë e Punëve të Jashtme, për çka Çitaku tha se në vend se të merret me beteja të vogla të brendshme, duhet të jenë në funksion të qytetarëve.

Sipas Novosti-it, ish-luftëtarit të UÇK-së iu caktua masa e ndalimit prej 48 orëve nga Zyra e Prokurorit për Krime të Luftës. /Telegrafi

Aktualitet

Dështon përpjekja e 51-të për konstituim të Kuvendit

Published

7 hours ago

July 23, 2025

UBT News

Edhe në përpjekjen e 51-të për konstituim të Kuvendit seanca dështoi nga kryesuesi Avni Dehari i cili ia ndërpreu fjalën deputetes Ganimete Musliu, ndërkaq që kanë mbetur edhe pak ditë deri te përfundimi i afatit kushtetues.

Deputetja e PDK-së Ganimete Musliut e nisi fjalimin e saj me “Nëse ke pak moral njerëzor…”, dhe kjo bëri që kryesuesi Dehari të ia ndërpres fjalën.

Musliu iu afrua fizikisht Deharit, u fjalosën dhe kryesuesi e shpalli të ndërprerë seancën duke ftuar deputetët të mblidhen sërish pas 48 orësh, më 25 korrik.

Kjo ka vë në pah se edhe më tej nuk ka pajtueshmëri midis Lëvizjes Vetëvendosje në njërën anë dhe partive të tjera në anën tjetër, për formimin e një komisioni për votim të fshehtë të kandidates për kryetare të Kuvendit, Albulena Haxhiu.

Kryeministri në detyrë Albin Kurti në fillimet e seancës nuk foli për media por vetëm kaloi në heshtje pranë gazetarëve,kurse ministri në detyrë, Hekuran Murati, nuk e ka komentuar kërkesën e presidentes Osmani drejtuar Gjykatës Kushtetuese, para seancës së 51-të konstituive.

Nga rradhët e PDK-së, deputetja Blerta Deliu-Kodra kritikoi Vetëvendssojen për moskonstitumi të Kuvendit të Kosovës, duke thënë se Kosova dhe qytetarët e saj po vuajnë për shkak të paaftësisë së tyre.

Kryetari i AAK-së, Ramush Haradinaj, ka thënë se gjendja nuk është e mirë, por sipas tij, pas kërkesës së presidentes që t’i drejtohet Gjykatës Kushtetuese lidhur me pasojat juridike që mund të lindin nëse Kuvendi i ri nuk konstituohet brenda 30-ditësh, krijohet hapësirë edhe disa ditë për Lëvizjen Vetëvendosje.

Gjithashtu edhe Kryetari i Nismës Socialdemokrate, Fatmir Limaj deklaroi se nuk do të kontribuojnë në zgjidhje gjysmake që do të shkaktonin zgjedhje duke theksuar se konstituimi i kuvendit pa pasur shumicë parlamentare mund të pasojë me zgjedhje të parakohshme.

Gjykata ka vendosur që deputetët e zgjedhur janë të obliguar që brenda 30 ditësh afat kohor që nga hyrja në fuqi e këtij aktgjykimi, të përfundojnë seancën konstituive përmes zgjedhjes së Kryetarit dhe nënkryetarëve të Kuvendit që i bie me datë 26 korrik.

Aktualitet

Musliu ia largoi mikrofonin Deharit, ndërpritet seanca

Published

7 hours ago

July 23, 2025

UBT News

Është ndërprerë seanca e sotme konstituive e Kuvendit të Kosovës me vendim të kryesuesit, Avni Dehari, pasi deputetja e PDK-së, Ganimete Musliu ia largoi mikrofonin. Dehari pasi këtij veprimi të Musliut tha se e ndërpret seancën dhe e njëjta vazhdon me 25 korrik në orën 11:00.

Paraprakisht, Musliu mori fjalën në emër të PDK-së për të propozuar anëtarin e komisionit verifikues për votim të fshehtë të kryeparlamentarit, mirëpo asaj ia ndali fjalën Dehari.

Kjo nxiti Musliun t’i shkojë te hapësira e kryesuesit të seancës duke ia marrë mikrofonin dhe ndal fjalën atij.