Kronika e zezë

Ish-xhihadisti britanik dënohet me burgim të përjetshëm në SHBA

Ish-xhihadisti, 33 vjeç, akuzohet për përfshirje në një celulë terroriste të Shtetit Islamik.

Published

3 years ago

April 15, 2022

Betim Gashi

Një ish-xhihadist britanik, El Shafee Elsheikh, u dënua me burgim të përjetshëm nga gjykata e Virxhinias, në SHBA.

Ish-xhihadisti, 33 vjeç, akuzohet për përfshirje në një celulë terroriste të Shtetit Islamik, për vrasje në kuadër të kësaj celule, për pengmarrje dhe komplot për të kryer vrasje.

Elsheikh është luftëtari i profilit më të lartë të ISIS-it që doli në gjyq në SHBA. Ai nuk do të përballet me dënimin me vdekje, për shkak të një marrëveshje Britani – SHBA, por do të marrë dënimin maksimal pas kësaj, që është burgimi i përjetshëm.

Xhihadisti britanik së bashku me dy burra të tjerë janë fajësuar edhe për vdekjen e punonjësve britanikë David Haines dhe Alan Henning, dhe gazetarëve japonezë Haruna Yukaëa dhe Kenji Goto.

Disa prej viktimave i’u pre koka, me vdekjen e tyre të filmuar dhe transmetuar në rrjetet sociale. Vrasjet shkaktuan zemërim në mbarë botën.

Elsheikh ishte i vetmi nga tre xhihadistët që doli në gjyq në SHBA, ndërsa avokatët e tij pohuan se ai ishte “një luftëtar i thjeshtë i ISIS-it” i cili shkoi në Siri në emër të “myslimanëve të vuajtur”.

Jashtë sallës së gjyqit, familjarët e disa prej personave të ekzekutuar nga Elsheikh ka thënë për BBC se ndjejnë një lehtësim të madh për dënimin e përjetshëm të tij.

“Kjo është një ditë e madhe për llogaridhënie”, tha nëna e njërit prej të ekzekutuarve.

Ekstradimi i Elsheikh në Virxhinia ishte pjesë e një negociate komplekse midis SHBA-së dhe Britanisë së Madhe.

Kronika e zezë

Arrestohen tre persona për fajde në Prizren

Published

5 months ago

October 2, 2024

UBTnews

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Kronika e zezë

Një qytetar në veri të Mitrovicës sulmohet, fyhet në gjuhën shqipe dhe serbe

Published

5 months ago

October 1, 2024

UBTnews

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Kronika e zezë

Aksident i rëndë trafiku në Lipjan, lëndohet një këmbësor

Published

5 months ago

October 1, 2024

UBTnews

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Kronika e zezë

Shpërthim në Podujevë, policia po e heton rastin

Published

5 months ago

September 30, 2024

UBTnews

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.