

Magazinë
Ish-bashkëshorti i Halle Berryt zbulon arsyen pse i dha fund martesës me të
Published
1 month agoon
By
UBT NewsNë një intervistë për podcastin “All the Smoke” me Matt Barnes, ish-bejsbollisti i skuadrës Atlanta Braves, David Justice, ka folur hapur për periudhën kur ishte i martuar me fituesen e çmimit “Oscar”, aktoren Halle Berry.
“Ajo më kërkoi të martoheshim pas vetëm pesë muajsh që njiheshim. Nuk e di nëse zemra ime ishte me të vërtetë aty. Nuk doja ta bëja të ndihej keq duke i thënë ‘jo’. Ishim mirë, po vibronim, ishim ende në fazën e muajit të mjaltit”, tha Justice, raportoi USA Today.
Çifti, i martuar nga viti 1993 deri 1997, shpesh qëndronte larg njëri-tjetrit, pasi Berry ishte jashtë vendit për xhirime.
“Nuk pati shumë vëmendje negative derisa vendosa ta lë në vitin 1996”, ka thënë ai.
Justice ka treguar se disa muaj pas martesës filloi të dyshonte për të ardhmen e tyre.
“Jam nga Midwesti dhe e shikoja nusen si dikë që duhej të gatuante, të pastronte. Mendova ‘Nëse kemi fëmijë, a është kjo gruaja me të cilën dua të ndërtoj familje?’ Në atë kohë, si djalë i ri, ajo nuk gatuante, nuk pastronte dhe nuk më dukej edhe aq si grua shumë e denjë për të qenë nënë”, theksoi Justice.
Ai ka thënë se e kishte kuptuar se aktorja nuk ishte personi me të cilin donte ta kalonte jetën, ani pse ai beson që ajo marrëdhënie do të mund të shpëtohej.
“Sinqerisht, ndoshta do ia kishim dalë, nëse do të dija për terapinë. Isha i ri dhe kisha pasur vetëm një marrëdhënie serioze para saj. Nuk kisha shumë dije apo përvojë mbi marrëdhëniet”, ka thënë ai.
Justice shprehu pakënaqësi që Berry nuk e sqaroi një incident të vitit 1996, kur tregoi për People se një ish-partner i paidentifikuar e kishte goditur në kokë duke i shpuar daullen e veshit dhe duke i shkaktuar humbje dëgjimi.
“Ajo e la botën të mendojë se isha unë. Mendoj se ishte shumë gabim nga ana e saj”, ka thënë ai.
Pavarësisht kësaj, ai ka pranuar se mund ta kishte menaxhuar ndarjen më mirë.
“E shoh tani dhe them: ajo më donte. Mund ta kuptoj pse do të ishte e zemëruar. Imagjino ta duash dikë dhe ai të thotë që do të ndahet, pa asnjë mundësi që ta rikthesh. Duhet të ketë qenë e vështirë për të. Nuk dola gradualisht nga marrëdhënia, u largova menjëherë. Mund ta kisha bërë më butë”, ka thënë ai.
Berry 58-vjeçe, është në një lidhje të gjatë me Van Hunt. Ajo ka qenë e martuar më parë me Olivier Martinez dhe Eric Benét, e ka dy fëmijë: Nahlan me ish-partnerin Gabriel Aubry, dhe Maceon me Martinezin. David Justice, 59 vjeç, është i martuar që 24 vjet me Rebecca Justicen, me të cilën ka dy fëmijë.
Magazinë
Reese Witherspoon tregon si e përballoi ankthin me hipnozë
Published
2 days agoon
September 19, 2025By
UBT News
Aktorja amerikane Reese Witherspoon ka zbuluar se ka kërkuar ndihmën e një hipnotizuesi për shkak të sulmeve të forta të panikut dhe ankthit.
Në një intervistë për podkastin “Las Culturistas” me Bowen Yang dhe Matt Rogers, ylli 49-vjeçar foli për mënyrat që kishte provuar për të menaxhuar ankthin dhe për sfidat që kishte hasur.
“Kam provuar meditimin dhe ilaçet, por asnjëra nuk më ndihmonte sa duhet. Vetëm kur fillova terapinë me një hipnotizues ndjeva një përmirësim të vërtetë,” tha Witherspoon.
Aktorja shpjegoi se ankthi i saj bëhej më i fortë në situata ku duhej të performonte ose të dilte në publik.
“Më parë kisha sulme paniku të rënda, ndonjëherë sikur do të qaja pa kontroll,” shtoi ajo.
Përpjekjet e saj për të qetësuar ankthin përfshinin meditimin, por me çrregullimin e mungesës së vëmendjes që ka, ishte e vështirë të qëndronte e fokusuar gjatë seancave. Ajo gjithashtu provonte qetësues, por ndonjëherë ndjente sikur ishte “si një zombi”.
Kur ishte 34 vjeç, ajo e nisi terapinë me hipnozë dhe Programimin Neuro-Gjuhësor, i cili ndihmon njerëzit të krijojnë strategji të qarta për të menaxhuar stresin dhe për të përmirësuar mirëqenien.
“Më ndihmoi të kuptoja se mund të performoja njësoj mirë, edhe kur ndjeja ankth,” shpjegoi ajo.
Një nga ushtrimet që ajo përdor është të flasë me veten pas përfundimit të një detyre.
Ndërsa largohet nga skena, i thotë vetes: “Do të ia dalim mbanë,” duke përforcuar ndjenjën e vetëbesimit dhe qetësisë.
/A.Z/UBT News/
Magazinë
Ndahen Monica Bellucci dhe Tim Burton
Published
2 days agoon
September 19, 2025By
UBT News
Regjisori i njohur i Hollivudit, Tim Burton, dhe aktorja e modelja italiane, Monica Bellucci, kanë njoftuar ndarjen e tyre përmes një deklarate të përbashkët të bërë publike të premten.
Në deklaratë ata theksuan:
“Me shumë respekt dhe kujdes të ndërsjellë, Monica Bellucci dhe Tim Burton kanë vendosur t’i japin fund lidhjes së tyre.”
Monica, 60 vjeçe, dhe Tim, 67, nisën romancën në tetor të vitit 2023. Çifti u shfaq për herë të fundit bashkë më 14 qershor, gjatë Festivalit të 71-të të Filmit në Taormina, ku Burton u pa duke e puthur me dashuri në faqe aktoren italiane.
Dyshja u takuan për herë të parë më 2006, por raporti mori tjetër drejtim pas ribashkimit në Festivalin e Filmit Lumière në Lyon, në tetor të vitit 2022. Në qershor të vitit pasues, Bellucci konfirmoi publikisht lidhjen gjatë një interviste për Elle France. Ajo deklaroi:
“Çfarë mund të them… Jam e lumtur që e kam njohur këtë njeri, para së gjithash. Është një nga ato takime që ndodhin rrallë në jetë. E njoh njeriun, e dua atë, dhe tani do të njoh regjisorin – fillon një aventurë tjetër. E dua Tim-in dhe kam një respekt të madh për të.”
/A.Z/UBT News/
Magazinë
Trupi i një adoleshenteje gjendet në makinën e këngëtarit D4vda
Published
3 days agoon
September 19, 2025By
UBT News
Mediat online kanë shpërndarë lajmin se në një automjet të regjistruar me emrin e këngëtarit amerikan D4vd, David Anthony Burke është zbuluar trupi i një adoleshenteje.
Sipas raportimeve, bëhet fjalë për Celeste Rivas, e cila ishte shpallur e zhdukur më shumë se një vit më parë në Kaliforni.
Celeste, vetëm 13 vjeçe në kohën e zhdukjes, ishte parë për herë të fundit në prill të vitit 2024 pranë Liqenit Elsinore.
Detaje të dala në media sugjerojnë se ajo kishte një lidhje me një person të quajtur “David”, ndërkohë që një tatuazh me mbishkrimin “Shhh…” në gishtin tregues të saj ka ngjallur dyshime për një lidhje të mundshme me artistin, i cili ka të njëjtin simbol të gdhendur në dorë.
Trupi i pajetë raportohet se është gjetur në fillim të shtatorit, në bagazhin e përparmë të një makine Tesla, e cila kishte qëndruar e braktisur për ditë të tëra në një parkim në Hollywood Hills. Policia ndërhyri pasi banorët denoncuan erë të rëndë që vinte nga automjeti.
Burime mediatike shkruajnë se autoritetet kanë konfirmuar pronësinë e mjetit, por nuk ka ende informacion zyrtar mbi përfshirjen e D4vd në këtë rast. Vetë këngëtari, sipas këtyre raportimeve, ka deklaruar se nuk ka dijeni për ngjarjen dhe është duke bashkëpunuar me hetimet.
Për momentin, autoritetet nuk kanë dhënë njoftim të detajuar mbi çështjen, lajmi ka ngjallur reagime të shumta në rrjet. /A.Z/UBT News/
Magazinë
Si i’a dolën Victoria dhe David Beckham të ruajnë martesën për 26 vite?
Published
3 days agoon
September 19, 2025By
UBT News
Victoria Beckham, ish-anëtarja e grupit Spice Girls që njihet si një ndër stilistet më të suksesshme në botë, ka reflektuar për atë që e ka mbajtur të fortë martesën e saj 26-vjeçare me David Beckham.
Në intervistën për Elle, të publikuar më 18 shtator, 51-vjeçarja foli për dashurinë e partneritetin që ndan me ish-futbollistin 50-vjeçar.
Çifti është bashkë prej 28 vitesh dhe të martuar që prej 1999, duke ndërtuar një familje me katër fëmijë: Brooklyn, Romeo, Cruz dhe vajzën e tyre të vogël, Harper. “Në marrëdhënie ndodh që njëri i thotë tjetrit: ‘Ti ke ndryshuar’. Sigurisht që kemi ndryshuar!”, tha Victoria.
“Nuk je i njëjti person kur je 20 vjeç, siç je kur bëhesh 50.”
Ajo thekson se çelësi i qëndrueshmërisë së marrëdhënies ka qenë përmirësimi e rritja së bashku me kalimin e kohës.
Victoria shtoi se David ka qenë mbështetje e palëkundur, edhe në momentet kur ajo ndjehej e nënvlerësuar nga të tjerët.
“Ai besoi tek unë kur shumë të tjerë nuk e bënë. Ai investoi tek unë,” – tregoi ajo.
“Ka pasur momente kur isha objekt talljeje, kur njerëzit nuk e merrnin seriozisht biznesin tim, por David gjithmonë më besoi.”
Çifti u njoh për herë të parë në një ndeshje futbolli më 1997. Pas një romance të shpejtë, David i propozoi në janar 1998, ndërsa djali i tyre i parë, Brooklyn, lindi në mars 1999, vetëm pak muaj para se ata të kurorëzonin dashurinë me martesë në korrik të atij viti.
Më 4 korrik 2025, David dhe Victoria festuan përvjetorin e 26-të të martesës.

Nga farmakologjia te nanoteknologjia – UBT hap thirrjen për pjesëmarrje në Konferencën e 14-të Ndërkombëtare

Arti dhe Media Digjitale në fokus – UBT mbledh studiues e profesionistë nga mbarë bota

UBT hap thirrjen për pjesëmarrje në Konferencën Ndërkombëtare mbi Artet Performuese 2025

Von Der Leyen: Rusia e ka treguar plotësisht përbuzjen ndaj diplomacisë dhe ligjit

Komanda e Forcave Tokësore realizoi garën “Ujku Garues 2025”

Caktohet stadiumi ku do të luhet ndeshja Barcelona-PSG

Zhegrova kthehet fuqishëm në Juventus ndaj Borussia Dortmundit

Qeveria bart 904 mijë euro për subvencionet e efikasitetit të energjisë

Edhe një aktakuzë në mungesë për krime lufte
Të kërkuara
-
Aktualitet4 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26