Lajmet

IRC: Gratë ukrainase janë më të predispozuara ndaj dhunës seksuale pas pushtimit nga Rusia

Dhuna seksuale dhe abuzimi në familje po rriten.

Published

2 years ago

on

Gratë në Ukrainë janë gjithnjë e më të predispozuara ndaj dhunës seksuale 12 muaj pasi Rusia pushtoi vendin, dhe raportet për abuzime po rriten, njoftoi Komiteti Ndërkombëtar i Shpëtimit (IRC).

Gratë të cilat po ikin nga shtëpitë e bombarduara dhe qytetet e tyre të lindjes po raportojnë sulme që ndodhin në shtëpi dhe strehimore, njoftoi Marysia Zapasnik, drejtoresha e vendit në Ukrainë për Komitetin Ndërkombëtar të Shpëtimit.

“Ne po vërejmë nivele më të larta të dhunës në baza gjinore, që vjen kryesisht si pasojë e zhvendosjes”, tha ajo. “Pra, rrjetet mbështetëse nuk janë aty dhe nivelet e stresit tek të gjithë anëtarët e komunitetit, për fat të keq, ndonjëherë manifestohen në dhunë me bazë gjinore. Pra, në strehimoret kolektive ne po vërejmë nivele më të larta të kësaj, si dhe kemi raste të referuara te ne”.

IRC po i përqendron përpjekjet e ndihmës në lindje dhe juglindje të Ukrainës, ku ka granatime dhe luftime të rënda. Sipas IRC-së, 17.6 milionë njerëz në vend kanë nevojë urgjente për ndihmë humanitare, ndërsa 6 milionë janë zhvendosur brenda vendit.

Zapasnik tregoi rastin e fundit të një gruaje e cila u sulmua në një strehë kolektive dhe u arratis. Pasi u gjet nga policia duke u endur rrugëve me pantoflat e saj, ajo u referua në IRC dhe mori mbështetje psikologjike, para për të blerë rroba dhe një strehë të sigurt.

Zapasnik tha se dhuna seksuale dhe abuzimi në familje po rriten.

“Nivelet e larta të stresit priren të rrisin edhe nivelet e dhunës në familje”, tha ajo. “Është një temë shumë e ndjeshme dhe është diçka që nuk është diskutuar në Ukrainë para luftës, kështu që është e vështirë të diskutohet hapur. Ne duhet të sigurohemi që të bëjmë gjithçka që mundemi për të mbrojtur gratë, përfshirë ato me të cilat po punojmë”./UBTNews/

Related Topics:
Continue Reading

Lajmet

Ambasada amerikane: Familjet e të zhdukurve meritojnë informacion të plotë për fatin e më të dashurve të tyre

Published

1 hour ago

on

April 28, 2025

By

E ngarkuara me Punë në ambasadën e SHBA-së në Kosovë, Anu Prattipati, bëri homazhe te memoriali kushtuar personave të zhdukur.

“Ambasada amerikane është e përkushtuar të mbështesë të vërtetën, drejtësinë dhe përpjekjet për pajtim”, thuhet në postimin e ambasadës.

Më tutje, ambasada thekson se familjet meritojnë informacion të plotë për fatin e më të dashurve të tyre.

Continue Reading

Lajmet

Pesë të lënduar në aksidentin mes pesë veturave në magjistralen Mitrovicë-Prishtinë

Published

1 hour ago

on

April 28, 2025

By

Pesë persona kanë pësuar lëndime trupore si pasojë e aksidentit në magjistralen Mitrovicë-Prishtinë. Mes tyre ishte e përfshirë edhe një veturë e Policisë.

Lajmin e ka konfirmuar për “Betimi për Drejtësi“, Flora Ahmeti, zëdhënëse e Policisë për rajonin e Prishtinës.

“Sot rreth orës 07:30 kemi pranuar informatën se në rrugën Mitrovicë-Prishtinë, ka ndodhur një aksident trafiku me lëndime. Në këtë aksident kanë qenë të përfshira 5 automjete ( prej tyre një automjet i policisë). Si pasojë e aksidentit janë lënduar pesë persona. Me rastin po merret njësiti i trafikut rajonal”, tha Ahmeti.

Continue Reading

Lajmet

Narkotikë të konfiskuar në Suharekë, një person arrestohet

Published

2 hours ago

on

April 28, 2025

By

Policia e Kosovës ka njoftuar se të dielën, në rrugën “Brigada 123” në Suharekë, gjatë kontrollit të një veture kanë gjetur substanca narkotike.

Gjatë kontrollit në veturën e një të dyshuari, shtetas i Kosovës, janë konfiskuar dy pako rizlla, një mulli për bluarje (grinder) dhe një qese plastike që përmbante substancë të dyshuar narkotike të llojit marihuanë, me peshë 6.91 gram.

I dyshuari është arrestuar dhe pas intervistimit, me vendim të prokurorit, është liruar në procedurë të rregullt.

Continue Reading

Lajmet

Aksident me fatalitet në Gjakovë, humb jetën një person

Published

3 hours ago

on

April 28, 2025

By

Policia e Kosovës ka njoftuar se të dielën në fshatin Vogovë të Gjakovës ka ndodhur një aksident trafiku me pasojë vdekjen e një personi.

Sipas njoftimit, një shtetas i Shqipërisë, duke drejtuar automjetin, dyshohet se nga pakujdesia ka humbur kontrollin dhe ka shkaktuar vetaksident. Si pasojë, drejtuesi i automjetit ka humbur jetën në vend, ndërsa vdekja e tij është konstatuar nga ekipi mjekësor.

Në aksident janë lënduar edhe tre pasagjerë, shtetas të Shqipërisë, të cilët po trajtohen në spitalin e Gjakovës.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti është duke u hetuar.

Continue Reading

Të kërkuara