Lajmet

IPK: Gjatë vitit 2022 ka pasur rënie të numrit të ankuesve

Ka rënie të lehtë të numrit të ankuesve.

Publikuar

1 vit më parë

më

Inspektorati Policor i Kosovës ka bërë të ditur se gjatë vitit 2022 ka pranuar dhe ka menaxhuar me 1 mijë e 660 ankesa dhe informata, me ç’rast ka potencuar se në krahasim me vitin e kaluar, ka rënie të lehtë të numrit të ankuesve (vitin e kaluar IPK ka trajtuar 2013 ankesa).

Prej tyre, sipas IPK-së, 1 mijë e 75 ankesa që janë klasifikuar si shkelje disiplinore e profilit të ultë janë përcjellur për t’u trajtuar në Drejtorinë për hetime të brendshme dhe verifikim të së kaluarës në Policinë e Kosovës, 575 nga to janë përcjellur në Departamentin e Hetimeve në IPK më dyshimin për veprimtari penale, katra janë identifikuar si incidente të profilit të lartë dhe pesë nga to, janë përcjellë në Departamentin e Inspektimeve.

Bazuar në të dhënat nga evidencat zyrtare, IPK ka potencuar se gjatë vitit 2022, subjekt i hetimit nga IPK-ja kanë qenë gjithsej 274 punonjës policorë, të cilët janë hetuar me dyshimin se kanë kryer vepra penale.

“Gjatë vitit 2022, IPK-ja ka ndërmarrë këto masa dhe rekomandime:

• 115 arrestime (107 zyrtarë policorë dhe 8 qytetarë të dyshuar);

• 157 rekomandime për suspendim;

• 5 rekomandime për transfere.

• Në prokuroritë kompetente janë dorëzuar 64 Kallëzime Penale, 28 Raporte të Veçanta dhe 9 Raporte Informuese”, është bërë e ditur në komunikatë.

Përgjatë këtij viti, siç ka potencuar Inspektorati Policor, janë realizuar 12 inspektime, prej të cilave pesë të rregullta dhe gjashtë të jashtëzakonshme dhe ka dhënë gjithsej 54 rekomandime për të përmirësuar performancën në fushat e inspektuara:

a. Administrimi i parave të imëta në Policinë e Kosovës (I rregullt),

b. Administrimi i patentë shoferëve të konfiskuar (I rregullt),

c. Vlerësimi i ligjshmërisë lidhur me sistemimin e zyrtarëve policor nga Stacioni Policor i Skenderajt (I jashtëzakonshëm),

d. Pajisjet policore në funksion të aktiviteteve operative dhe administrative (I jashtëzakonshëm),

e.Vlerësimi i menaxhimit të Njësisë së Mbrojtjes së Afërt (I jashtëzakonshëm),

f. Menaxhimi i procedurave të arrestimit dhe ndalimit (I rregullt),

g. Menaxhimi i thirrjeve dhe reagimit policor (I rregullt),

h.Vlerësimi i kushteve të punës në njësitë e specializuara në Kampin Belvederë në Mitrovicë (I jashtëzakonshëm),

i. Vlerësimi i veprimeve policore në trajtimin e rastit të dhunës në familje H.M (I jashtëzakonshëm),

j.Vlerësimi i masave të sigurisë në objektet me rëndësi të veçantë (I jashtëzakonshëm),

k. Menaxhimi i prokurimit dhe kontratave (I rregullt),

l.Vlerësimi i trajtimit të rasteve nga njësitë hetimore policore, të iniciuara nga Administrata Tatimore e Kosovës (I jashtëzakonshëm).

“IPK ka realizuar edhe disa takime me qytetarë që kishin për synim diskutimet e hapura me qytetarët për fushëveprimin e IPK-së (rolin dhe autorizimet), shpjegimet për ecurinë e procedurës hetimore në rastet që trajton IPK në përputhje me Kodin e Procedurës Penale të Kosovës, procedura disiplinore dhe ecuria e saj dhe rëndësinë e integritetit policor. Zhvillimi i marrëdhënieve me publikun dhe fuqizimi i bashkëpunimit me organizatat vendore dhe ndërkombëtare është i rëndësisë së veçantë për IPK-në dhe në kuadër të kësaj ka pasur disa aktivitete të realizuara nga Inspektorati Policor i Kosovës”, është bërë e ditur në komunikatë.

Gjatë vitit 2022, në kuadër të angazhimeve për fuqizimin e kapaciteteve profesionale të punonjësve të IPK-së, me përkrahjen edhe të partnerëve ndërkombëtarë si ICITAP, OSBE etj, sipas IPK-së, janë organizuar dhe mbajtur 25 trajnime për punonjësit operativ dhe 20 për stafin administrativ.

Etiketa
Vazhdo të lexosh

Lajmet

Protestuesit izraelitë bllokojnë rrugët duke kërkuar lirimin e robërve

Publikuar

8 minuta më parë

më

26 Qershor, 2024

nga

Aktivistët antiqeveritar izraelitë janë mbledhur pranë sheshit Dizengoff të Tel Avivit dhe kanë bllokuar një kryqëzim të madh pranë Haifës, duke kërkuar nga qeveria të arrijë një marrëveshje për të sjellë në shtëpi robërit izraelitë nga Gaza, raporton faqja e lajmeve Ynet.

Pamjet e postuara në mediat sociale izraelite, shfaqin turmat e protestuesve që mbanin në duar shenja dhe pankarta përmes së cilave bëjnë thirrje për lirimin e robërve.

Për muaj të tërë, protestat antiqeveritare, të mbështetura nga të afërm të shumtë të robërve izraelitë, janë zhvilluar, duke ushtruar presion të jashtëzakonshëm mbi qeverinë e Netanyahut ndërsa lufta në Gaza po zvarritet./UBTNews/

Vazhdo të lexosh

Bota

26 qershori: Dita Ndërkombëtare Kundër Abuzimit të Drogave dhe Trafikimit të Paligjshëm

Publikuar

9 minuta më parë

më

26 Qershor, 2024

nga

26 qershori është “Dita Ndërkombëtare e Luftës Kundër Abuzimit dhe Trafikimit të Drogave”, një datë e caktuar nga Asambleja e Përgjithshme e Kombeve të Bashkuara më 7 dhjetor 1987, me qëllim promovimin e një shoqërie pa drogë.

Sipas Organizatës Botërore të Shëndetësisë (OBSH), mbi 15.3 milionë persona në mbarë botën vuajnë nga probleme të shkaktuara nga përdorimi i narkotikëve. Ndërkohë, të dhënat e Zyrës së Kombeve të Bashkuara për Drogën dhe Krimin (UNODC) tregojnë se rreth 200 milionë persona përdorin drogë të paktën një herë në vit, nga të cilët 25 milionë janë të varur.

Tragjikisht, çdo vit, rreth 200.000 persona humbin jetën nga sëmundje të shkaktuara nga përdorimi i drogave. Kjo ditë shërben si një kujtesë e rëndësishme për nevojën e vazhdueshme për ndërgjegjësim dhe veprim kundër abuzimit dhe trafikimit të drogave./UBTNews/

Vazhdo të lexosh

Bota

Aleatët e NATO-s zgjedhin Mark Rutte si sekretar të përgjithshëm të ardhshëm

Publikuar

24 minuta më parë

më

26 Qershor, 2024

nga

Aleatët e NATO-s zgjodhën këtë të mërkurë kryeministrin holandez, Mark Rutte, si shefin e ardhshëm të NATO-s. Rutte do të pasojë norvegjezin Jens Stoltenberg.

Emërimi i Rutte u bë një formalitet pasi rivali i tij i vetëm për këtë post, presidenti rumun Klaus Iohannis, njoftoi javën e kaluar se ishte larguar nga gara, pasi nuk arriti të fitonte mbështetje. Mandati i Stoltenberg përfundon më 1 tetor.

Pasi deklaroi interesimin e tij për postin vitin e kaluar, Rutte fitoi mbështetje të menjëhershme nga anëtarët kryesorë të aleancës, duke përfshirë Shtetet e Bashkuara, Britaninë, Francën dhe Gjermaninë.

Të tjerët ishin më të rezervuar, veçanërisht vendet e Evropës Lindore, por ata përfundimisht u rreshtuan pas Rutte, një kritik i ashpër i presidentit rus Vladimir Putin dhe një aleat i vendosur i Ukrainës./UBTNews/

Vazhdo të lexosh

Lajmet

Shënohet Dita Ndërkombëtare në Mbështetje të Viktimave të Torturës

Publikuar

42 minuta më parë

më

26 Qershor, 2024

nga

Më 26 Qershor 1987 hyri në fuqi Konventa e OKB-së Kundër Torturës dhe Trajtimeve ose Ndëshkimeve të tjera Mizore, Çnjerëzore ose Degraduese, si një nga instrumentet kryesore në luftën kundër torturës dhe parandalimin e saj.

Në shënimin e kësaj dite, QKRMT edhe njëherë kërkon nga institucionet përgjegjëse ndërmarrjen e masave urgjente për vendosjen dhe trajtimin e kryerësve me çrregullime mendore, pasiqë aktualisht një numër i madh i të paraburgosurve që janë me probleme të shëndetit mendor, në mungesë të institucioneve përkatëse shëndetësore janë të vendosur nëpër Qendrat e Paraburgimit, në kundërshtim me nenin 509 të Kodit të Procedurës Penale si dhe standardet ndërkombëtare.

Andaj QKRMT i bën thirrje Këshillit Gjyqësor të Kosovës, Këshillit Prokurorial të Kosovës, Ministrisë së Drejtësisë, Ministrisë së Shëndetësisë si dhe institucioneve të tjera përgjegjëse që urgjentisht të ndërmarrin masa konkrete për krijimin e kushteve të përshtatshme për vendosjen dhe trajtimin e kryerësve me çrregullime mendore.

Vazhdo të lexosh

Të kërkuara