Sport

Interesimi i Lazios, Shaqiri: Sarri praktikon lojën që i përshtatet stilit tim – jam i nderuar për respektin e Tares

Published

4 years ago

July 26, 2021

UBT news

Anësori i Liverpoolit, Xherdan Shaqiri, është shprehur i nderuar nga interesimi i Lazios duke theksuar se do t’i pëlqente të luante nën urdhrat e Maurizio Sarrit.

Mesfushori shqiptar që e përfaqëson Zvicrën ka bërë të ditur se ka kërkuar nga Redsat që t’ia mundësojnë largimin këtë verë, ndërsa Biancocelestët konsiderohen si destinacion i mundshëm.

29-vjeçari ka luajtur në Serie A edhe në të kaluarën. Ai ishte pjesë e Interit për gjashtë muaj (në periudhën janar-gusht të vitit 2015).

Në një bisedë me Il Corriere dello Sport për të ardhmen e tij, Shaqiri e ka përmendur Lazion si destinacion të mundshëm.

“Fatmirësisht, futbolli më ka ndihmuar që të plotësoj shumë nga ëndrrat e mia. Kam pasur fatin të luaj me klubet e mëdha dhe të fitoj shumë tituj. Kushedi, ndoshta mund të fitoj diçka edhe me ekipin kombëtar të Zvicrës. Kontrata ime (me) Liverpoolin skadon në vitin 2022, në vitin 2018 nënshkrova kontratë katërvjeçare”.

“Gjëja e rëndësishme në këtë moment të karrierës time është të mund të luaj rregullisht, por kjo nuk ka ndodhur në tri sezonet e fundit. Për këtë arsye i kam thënë Liverpoolit se jam i gatshëm për një sfidë të re. Ata e pranuan dëshirën time dhe do t’i konsiderojnë seriozisht ofertat që do të vijnë. Ata nuk do të më ndalin”.

“Igli Tare ka bërë punë të shkëlqyer te Lazio ndër vite. Nëse është e vërtetë se ai ka respekt të madh për mua, atëherë jam i nderuar”.

“E kam përcjellë Lazion për një kohë të gjatë, është një top skuadër. Në përgjithësi, për shkak të karakteristikave të mia, më pëlqen të luaj futboll më sulmues dhe Sarri e praktikon atë. Do të ishte intriguese”, ka deklaruar Shaqiri.

Lajmet

Superliga e Kosovës: Ballkani barazon 1-1 me Feronikelin

Published

16 hours ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

19 hours ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

19 hours ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

20 hours ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.