Sport

Inter në luftë me Juventusin për sulmuesin e Genoas

Gara ka filluar që në këto momente teksa bardhezinjtë kanë nisur sondazhet e para për sulmuesin.

Published

3 years ago

March 19, 2024

Betim Gashi

Albert Gudmundsson po shkëlqen këtë edicion me Genoan dhe kjo ka bërë që emri i tij të lidhet me një transferim të mundshëm në merkaton e ardhshme. E interesimi për shërbimet e islandezit nuk mungon nga ‘top’ klubet e Serie A, siç janë Juventus e Inter.

Gara ka filluar që në këto momente teksa bardhezinjtë kanë nisur sondazhet e para për sulmuesin.

Ndërkohë, zikaltërit duke pasur parasyshë interesin e torinasve, por edhe të disa klubeve në Angli, kanë qëllim t’i prijnë garës, teksa kanë edhe një marrëdhënie mjaftë të mirë me klubin e Genoas.

Drejtuesit e Inter shpresojnë të përsërisin një operacion si në rastin e transferimit të Davide Frattesit, pra huazim më pas me blerje të obliguar. Inter është gati të marrë përsipër këtë investim dhe të shpenzojë rreth 30 milionë për 26-vjeçarin.

Në ditët në vijim priten zhvillime të reja mes Interit dhe Genoas, teksa zikaltërit nuk do të mjaftohen vetëm me Mehdi Taremin për sezonin e ardhshëm, pasi që do të synojnë të blindojnë repartin ofansiv, duke ndjekur objektivat si, triumfi në Serie A si dhe suksesi në Champions League./UBTNews/

Vendi

Akil Gjakova mbyll garën pa medalje në Abu Dhabi

Published

18 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

18 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

20 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/