Sport

Refuzohet oferta e parë e Milanit nga Fenerbahçe për sulmuesin polak

Emri i cili pëlqehet nga kuqezinjtë është ai i Sebastian Szymanskit.

Published

3 years ago

March 19, 2024

Betim Gashi

Mosha e Giroud dhe pasiguria për të ardhmen e tij, po shtyjnë gjithnjë e më shumë Milanin që të hedhin sytë në merkato për një lojtar që shënon. Emri i cili pëlqehet nga kuqezinjtë është ai i Sebastian Szymanskit.

Futbollisit i cili aktivizohet te Fenerbahçe ka luajtur një sezon mjaftë të mirë deri më tani dhe ka tërhequr vëmendjen e drejtuesve të Milanit, të cilët shohin atë si një pasardhës perfekt për rolin që mund të lihet i lirë nga veterani francez.

Po ashtu, intersimi i Milan nuk kishte munguar edhe në janar për sulmuesin 24-vjeçar, mirëpo forma që treguan ato momente Okafor dhe Joviç, bëri që ata të mos shqetësohet për reparitn ofanziv.

Sipas mediave turke, klubi nga Stambolli ka refuzuar ofertën e parë prej 18 milionë eurosh nga rosonerët, duke kërkuar 28 milion. Kjo shifër ka bërë që Milani të tërhiqet për momentin, duke menduar një ofertë të dytë për futbollistin.

Në anë tjetër, për Szymanskin raportohet se kanë shfaqur interes edhe Napoli e Totenham.

Polaku deri më tani në këtë sezon ka shënuar 13 gola e ka dhënë 13 asistime në 46 ndeshje të luajtura në të gjitha kompeticionet./UBTNews/

Vendi

Akil Gjakova mbyll garën pa medalje në Abu Dhabi

Published

16 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

17 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

19 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/