Lajmet nga UBT

Ikja e të rinjve, rektori i UBT-së kërkon strategji për ruajtjen dhe zhvillimin e profesionistëve

Hajrizi përmend edhe fushat në të cilat potenciali për t’u zhvilluar profesionalisht është i madh.

Published

3 years ago

on

Pagat e larta jashtë vendit, kushtet më të mira për punë, janë disa nga arsyet që po i largojnë profesionistët nga Kosova drejt vendeve evropiane, thotë rektori i UBT-së, Edmond Hajrizi në një intervistë për Ekonomia Online.

Ndonëse thotë se në institucionin që ai e drejton, pagat dhe kushtet janë të mira, të punësuarit vazhdojnë të largohen drejt vendeve evropiane.

Ikjen e konsideron globale, por që kërkon reagim institucional për siç thotë ruajtjen dhe zhvillimin e profesionistëve në Kosovë.

“Problemi dhe shkaktarët janë kryesisht global. Ne kemi në Evropë një zvogëlim të popullatës së re pika e parë dhe ka mungesë të kuadrove të kualifikuara. Në nivelin global kemi një rritje të kërkesës nga tregu i punës për njerëz të kualifikuar dhe aftësia e institucioneve për të ofruar kuadro të kualifikuara. Kjo tash krijon që të gjithë janë në kërkim të talentëve dhe profesionistëve dhe ofrojnë oferta më joshëse dhe më të mira dhe kjo është që e rrok edhe Kosovën se nëse ka talent dalin në disa vende të botës, mundësia për me shku në Evropë është shumë më e lehtë dhe ka ofertë më të mirë prandaj kjo vërehet edhe te ne. Në këtë rast ne duhet të krijojmë strategji tona për t’iu kundërvu edhe ne me një strategji për ruajtjen dhe zhvillimin e profesionistëve në Kosovë”, thotë Hajrizi për EO.

Hajrizi përmend edhe fushat në të cilat potenciali për t’u zhvilluar profesionalisht është i madh. Ai thotë se qëllimi i tyre është përshtatja e kërkesës me tregun e punës.

“Puna në trend në fushën e IT-së është në trend dhe mund të zhvillohet edhe më shumë dhe ka potencial dhe politika dhe vendime të tjera. Si koncept i lëvizjes është në trend shumë të madh sepse ne kemi teknologji në botë, kemi pajisje dhe kemi të gjitha por mungojnë njerëzit e kualifikuar gjithkund në botë. Qëllimi jonë ka qenë qe të krijojmë kuadro kualitativ me kompetenca që t’i përshtaten vendit të punës edhe jashtë edhe këtu kudo që të shkosh në një vend të mirë. Dhe kjo tash po na u kthehet sepse po u jepet mundësia me punu jashtë me paga të larta me kushte të volitshme dhe kjo krijon një ndjenjë jo të mirë sepse prindërit paguajnë për ta gjitha shpenzimet i kryejnë kualitetin te ne e arrijnë kompetencat dhe në fund përfitues mund të jenë vendet e tjera”, u shpreh ai.

“Në anën tjetër ne mendojmë që me krijimin e kuadrove kemi arritur të sjellim kuadro në Kosovë. UBT tani është fakulteti më i madh u shkencave kompjuterike në Ballkan dhe me këtë numër me qindra mijëra programera që i gjeneron faktikisht kemi një mundësi të mirë që të kemi thithje të investitorëve dhe kërkesave që të vijnë këtu dhe kjo është ajo qka ne po mundohemi të ofrojmë në këtë drejtim. Të gjitha teknologjitë e fundit dhe të ardhmes janë të implementuara këtu dhe nuk mungon asnjë teknologji qoftë 5G, virtualizimi, inteligjenca artificiale, robotika, siguria kibernetike, të gjitha ato që në fakt sot njihen në botë janë prezente edhe këtu”, thotë tutje ai.

Hajrizi ka folur edhe për një investim të një kompanie amerikane në vlerë prej 30 milionë euro, teksa thotë se janë duke punuar që të sjellin kompani edhe nga disa vende tjera të botës. 

“Para 2, 3 viteve kemi sjellë një kompani amerikane me rreth 30 milionë euro investime dhe tani kemi arritur t’i motivojmë edhe kompanitë nga Turqia, Izraeli, Gjermania dhe vende të ndryshme evropiane që të jenë pjesë e ekosistemit tonë dhe ma merr mendja që ne mundësojmë që të rinjtë të rrinë këtu. Kosova krijon mjaft dispozita për tu zhvilluar. Dallimi mes vendeve të zhvilluara dhe në zhvillim nuk është i madh”, deklaroi tutje Hajrizi.

Related Topics:
Continue Reading

Rajoni

Me shumicë votash, Vesa Shatri zgjidhet Kryetare e re e Këshillit Studentor të UBT-së

Published

29 minutes ago

on

December 3, 2025

By

Këshilli Studentor i UBT-së ka zhvilluar procesin zgjedhor për përzgjedhjen e përfaqësuesve të rinj të studentëve, në një proces të drejtë, transparent dhe të monitoruar nga autoritetet akademike të institucionit. Me shumicë votash, Vesa Shatri është zgjedhur Kryetare e Këshillit Studentor të UBT-së, duke marrë besimin e studentëve për të udhëhequr strukturën përfaqësuese të tyre.

Në përbërjen e re të kryesisë, janë zgjedhur këta përfaqësues:

  • Kryetare: Vesa Shatri
  • Nënkryetare: Eliona Kastrati
  • Sekretar: Mal Shehu
  • Këshilli Akademik: Ema Spahija
  • Komisioni për Ankesa: Elena Jashanica
  • Komisioni i Cilësisë: Odesa Mala
  • Komisioni Disiplinor: Rizgjim Sejdiu
  • Komisioni i Etikës: Arianit Hasani

Procesi zgjedhor u mbikëqyr nga përfaqësues të lartë të UBT-së, përfshirë Prorektorin e UBT-së, Prof. Dr. Binak Beqaj, sekretarin e institucionit, Prof. Dr. Artan Tahiri, këshilltarin në Zyrën e Rektorit, Prof. Dr. Elmi Kelmendi, koordinatoren për Çështje Akademike në UBT, Mirlinda Jashanica, si dhe Ismije Pllana, nga zyra e sekretarit.

Zgjedhja e kryesisë së re vjen me synimin që përfaqësimi i studentëve të jetë sa më efektiv, gjithëpërfshirës dhe i orientuar drejt përmirësimit të vazhdueshëm të jetës akademike e studentore në UBT. Përfaqësuesit e rinj do të angazhohen për të qenë zëri i studentëve, për të adresuar kërkesat e tyre dhe për të bashkëpunuar ngushtë me menaxhmentin e institucionit.

Në fjalën e saj, Kryetarja e re, Vesa Shatri, falënderoi studentët për besimin dhe theksoi angazhimin e saj për të mbrojtur interesat e tyre dhe për të ndërtuar ura komunikimi të qëndrueshme mes studentëve dhe strukturave drejtuese të UBT-së.

Continue Reading

Lajmet nga UBT

Njohja me proceset profesionale televizive, vizita e studentëve të Media dhe Komunikim në Klan Kosova

Published

2 hours ago

on

December 3, 2025

By

Studentët e Fakultetit të Medias dhe Komunikimit në UBT zhvilluan një vizitë në televizionin “Klan Kosova” në Prishtinë.

Ata u pritën nga Drejtori i informacionit, Gazmend Syla dhe nga redaktori përgjegjës, Blerim Xhemajli.

Studentët, të shoqëruar nga mentorja Albina Zeneli, u njohën nga afër me procesin e prodhimit televiziv, transmetimet live, realizimin e lajmeve dhe funksionimin e departamenteve të ndryshme.

Ata gjithashtu parashtruan pyetje të ndryshme e patën mundësinë të diskutojnë me profesionistë të medias, të marrin këshilla praktike dhe të mësojnë rreth sfidave dhe mundësive në industrinë e televizionit dhe komunikimit masiv.

Vizita u ofroi studentëve perspektivë të drejtpërdrejtë mbi punën e mediave dhe fuqizoi njohuritë profesionale, që lidhen me mësimin praktik, zhvillimin personal dhe profesional të studentëve.

Ata panë proceset reale të punës, teknologjitë dhe metodat që përdoren në profesion, gjë që nuk mund të përjetohet vetëm në klasë.

Vizitat ndihmojnë studentët të përmirësojnë aftësi si komunikimi, bashkëpunimi, vëzhgimi kritik dhe zgjidhja e problemeve. /UBT News/

Continue Reading

Aktualitet

UBT mirëpret eksperten ndërkombëtare nga Ukraina në ligjëratë për propagandën dhe dezinformimin, Delfina Ertanowska

Published

2 days ago

on

December 1, 2025

By

UBT ka organizuar një ligjëratë të veçantë për studentët e programit Studime të Sigurisë, ku ekspertja ndërkombëtare Delfina Ertanowska ka prezantuar temën “Russian Influence, PSYOP, and ‘Interests’: Propaganda, AI, Social Media, and Terrorist States”. Kjo ngjarje shënon një tjetër moment të rëndësishëm në angazhimin e UBT-së për të sjellë ekspertizë globale për studentët.

Ligjërata e mbajtur nga Ertanowska, e cila ka përvojë të gjerë në analizën e operacioneve psikologjike (PSYOP) dhe ndikimit të aktorëve shtetërorë në hapësirat digjitale, u përqendrua në mënyrat se si Rusia dhe shtete të tjera përdorin propagandën, inteligjencën artificiale dhe rrjetet sociale për të ndikuar në opinionin publik dhe për të destabilizuar rajone të caktuara.

Studentët patën mundësinë të eksplorojnë raste konkrete të manipulimit mediatik dhe të kuptojnë rolin e teknologjisë në strategjitë moderne të ndikimit.

Ky aktivitet u zhvillua në bashkëpunim me prodekanin e programin Studime të Sigurisë, Arian Kadriu.

Përmes këtyre ligjëratave, UBT po e pozicionon veten si një institucion që jo vetëm ndjek zhvillimet globale në fushën e sigurisë, por edhe kontribuon në formimin e profesionistëve të rinj me perspektivë ndërkombëtare.

Continue Reading

Lajmet

UBT uron 28 Nëntorin – Ditën e Flamurit dhe Pavarësisë

Published

5 days ago

on

November 28, 2025

By

Rektori i UBT-së, Prof. Dr. Edmond Hajrizi, ka uruar studentët, pedagogët dhe gjithë bashkëkombësit shqiptarë për 28 Nëntorin, Ditën e Flamurit dhe të Pavarësisë së Shqipërisë.

Në mesazhin e tij, Rektori Hajrizi thekson rëndësinë historike të kësaj dite: ngritjen e flamurit kuq e zi mbi Kështjellën e Krujës nga Skënderbeu dhe shpalljen e Pavarësisë së Shqipërisë më 28 nëntor 1912 në Vlorë, si shenjë të qëndresës, sakrificës dhe ëndrrës për liri që çdo shqiptar e mban në zemër.

Ai nënvizon se kjo ditë nuk është vetëm një kujtesë historike, por edhe një thirrje për të ndërtuar të ardhmen. “Është përgjegjësia jonë të kultivojmë dijen, të zhvillojmë talentet dhe të edukojmë brezat e rinj që ata të jenë trashëgimtarët dinjitozë të këtij kombi,” thekson Rektori Hajrizi.

UBT beson se arsimi është flaka që do të ndezë Nëntorin e Tretë të kombit tonë – një Nëntor i dijes, i punës dhe i përkushtimit të rinisë. Të rinjtë janë fuqia që do të ruajë gjuhën, identitetin dhe vlerat kombëtare, duke ndërtuar një shoqëri të drejtë dhe të suksesshme.

Gëzuar 28 Nëntorin!

Continue Reading

Të kërkuara