Lajmet

Ibrahimi: Këtë vit komunave do t’iu merren mbi 28 milionë euro padrejtësisht

Ibrahimi thekson se komunat për këtë vit kanë shkurtime të jashtëzakonshme buxhetore në investimet e reja kapitale.

Published

1 year ago

January 22, 2024

Betim Gashi

Gjatë viteve të fundit bashkëpunimi mes nivelit lokal dhe qendror është anuar jashtëzakonisht shumë. Asociacioni i Komunave të Kosovës edhe këtë vit ka kërkuar që bashkëpunimi mes nivelit lokal dhe atij qendror të fuqizohet.

Drejtori ekzekutiv i Asociacionit të komunave të Kosovës, Sazan Ibrahimi thotë se këtë vit do t’iu merren mbi 28 milionë euro padrejtësisht, për shkak që kontratat kolektive janë të nënshkruara nga niveli qendror, ndërsa zbatimi i tyre po bëhet në barrë të komunave duke iu marrë mjetet financiare.

Gjithashtu ai thotë se po të falnin komunat tatimin e pronës shumë projekte për investime kapitale në nivelin lokal, të parapara me buxhetin 2023, nuk do të zbatoheshin.

Ibrahimi thekson se komunat për këtë vit kanë shkurtime të jashtëzakonshme buxhetore në investimet e reja kapitale. Asociacioni i Komunave të Kosovës kërkon këtë vit që niveli qendror të parasheh amendamentin e ligjit për financa lokale, në të cilin është akomoduar granti i katërt për investime kapitale në komuna, në mënyrë që me dhjetëra miliona euro të shkojnë drejtpërdrejt në nivelin lokal.

“Kemi shkurtime të jashtëzakonshme buxhetore për këtë vit në investime kapitale, por edhe në investime të reja kapitale. Gjithashtu, kërkojmë këtë vit që niveli qendror ta parasheh amendamentin e ligjit për financa lokale, kur në këtë projektligj është i akomoduar granti i katërt për investime kapitale nëpër komuna, në mënyrë që me dhjetëra miliona euro të shkojnë drejtpërdrejt në nivelin lokal, duke marrë parasysh kriterin e numrit të popullatës dhe sipërfaqen e komunave përkatëse, e jo që këto dhjetëra miliona euro, njëherë të shpërndahen nëpër ministri dhe pastaj të shpërndahen nëpër komuna, sepse këtu kryetarët po mendohen se po ka dallime partiake dhe etnike në shpërndarjen e këtyre mjeteve… Komunat po dëmtohen jashtëzakonisht shumë, edhe pse nuk janë nënshkruese të kontratave kolektive po iu merren mjetet financiare. Këtë vit komunave do t’i merren mbi 28 milionë euro padrejtësisht, sepse këto kontrata janë të nënshkruara nga niveli qendror, kurse zbatimi i tyre po bëhet në kurriz të komunave, duke ua marrë mjetet financiare”, thotë Ibrahimi.

Ibrahimi thotë se niveli qendror ka ngritur faturat e tatimit në pronë, ndërsa faljen e kërkonte që ta bënin komunat nga buxhetet e tyre vetanake, por kjo kërkesë nuk është përkrahur nga shumica e komunave pasi shumica e projekteve për investime kapitale në nivelin lokal nuk do të mund të zbatoheshin.

“Vitin e kaluar, Ministria e Financave, kokë më vete, në mënyrë arbitrare e amandamentoi ligjin për tatimin në pronë, pa asnjë konsultë me komunat, dhe iu kërkoi komunave të bënin faljen e tatimit në pronë deri në vlerën 100 euro. Niveli qendror gjithashtu ka ngritur faturat e tatimit në pronë vitin e kaluar, kurse faljen kërkonte ta bënin komunat nga buxhetet e tyre vetanake, dhe shumica absolute e komunave nuk e kanë përkrahur një kërkesë të nivelit qendror. Mbi 23 komuna të Republikës së Kosovës nuk e kanë shqyrtuar këtë kërkesë nga niveli qendror dhe disa kanë marrë vendime të mos përkrahet një kërkesë e tillë në Kuvendet Komunale… Komunat kanë marrë vendim që normat tatimore të zvogëlohen prej 0.15 për qind e vlerës së pronës në 0.10 për qind, pra nëse një qytetar i Republikës së Kosovës ka paguar 150 euro vitin e kaluar për tatim në pronë, këtë vit në shumicën e komunave do të paguajë 100 euro… Po ta falnin, shumë projekte për investime kapitale në nivelin lokal, të cilat kanë qenë të parapara me buxhetin e vitit 2023 nuk do të zbatoheshin”, shprehet ai.

Po ashtu ai thotë se niveli qendror duhet të marrë parasysh çdo veprim i cili prek buxhetet komunale dhe të konsultohet e koordinohet me nivelin lokal, dhe jo të marrë vendime arbitrare sikurse ka bërë në të kaluarën.

“Komunat vitin e kaluar kanë arritur të realizojnë të hyrat vetanake, në këtë rast nga tatimi në pronë mbi 100 për qind, qytetarët kanë treguar gatishmëri që të bëjnë pagesën e tatimit në pronë, sepse të gjitha mjetet financiare, shumica absolute e tyre nga të hyrat vetanake përkthehen në investime kapitale… Niveli qendror duhet marrë parasysh çdo veprim i cili prek buxhetet komunale ta bëjë në konsultim dhe koordinim me nivelin lokal, jo duke marrë vendime arbitrare sikurse në të kaluarën. Besojmë se këtë vit, niveli qendror nuk do të ndërhyjë në kompetencat e nivelit lokal, siç ka vepruar në të kaluarën kur ka tentuar të marrë mbi 100 milionë euro komunave nga të hyrat vetanake, duke menduar që komunat nuk mund t’i bartin ato mjete”, thotë Ibrahimi.

Up Next

Shkon në 25 mijë numri i të vrarëve në Gaza

Don't Miss

Peticioni për shkarkimin e kryetarit në Zveçan, përfundon mbledhja e nënshkrimeve

Bota

Ish-udhëheqësi i Hezbollah do të varroset të dielën

Published

8 hours ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

9 hours ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

9 hours ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

10 hours ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.