Kronika e zezë

I dënuar qe 20 herë, sot mbahet seanca për reperin kosovar

Published

on

Që nga viti 2001 e deri më tani, Ardian Xhaferi, i njohur ndryshe si ‘‘The mike’’, anëtar i grupit muzikor ‘‘E7’’, është dënuar 20 herë nga Gjykata Themelore e Gjilanit, për vepra të ndryshme penale, kanë bërë të ditur për ‘‘Betimi për Drejtësi’’.

Sipas Gjykatës Themelore të Gjilanit, Ardian Xhaferi ka edhe një lëndë aktive për ‘‘tentim vrasje dhe armëmbajtje pa leje’’, që është në rigjykime dhe epilogun përfundimtar pritet ta marrë këtë të premte.

‘‘Ekziston vetëm edhe një lëndë e Ardian Xhaferit që është aktive dhe atë me nr.PKR.nr.3/2014, e cila është kthyer në rivendosje, dhe e njëjta është treguar për rigjykim me datë 03.09. 021, pra këtë të premte-pas tri ditëve, e besoj se do ta marr epilogun përfundimtar’’, ka bërë të ditur Kryetari i kësaj Gjykate, Ramiz Azizi.

Sipas Gjykatës, Xhaferit iu është shqiptuar dhjetë (10) herë dënim me gjobe për vepra te ndryshme penale, pesë (5) herë është dënuar me burg efektiv përfshirë këtu edhe një dënim më gjobë, katër (4) herë dënim më kusht, përfshirë një gjobë dhe një herë i është shqiptuar masë edukative.

Gjykata e Gjilanit ka bërë të ditur se Xhaferit masa edukative mbikëqyrje e shtuar nga ana e prindit ose kujdestarit i ishte shqiptuar në vitin 2001 për veprën penale vjedhje e rëndë nga neni 135.

Në vitin 2007, ‘‘The mike’’, ishte dënuar më 5 muaj burgim efektiv për veprën penale ‘‘Armëmbajtje pa leje’’, nga neni 328.

Po në këtë vit, anëtari i grupit ‘‘E7’’, ishte dënuar më 150 euro gjobë për veprën penale ‘‘lëndim i lehtë trupor, nga neni 153.

Poashtu, për veprën penale ‘‘shkaktim i rrezikut të përgjithshëm’’, nga neni 291, i njëjti ishte dënuar me 1 vit më burgim efektiv.

Në vitin 2009, reperi nga Gjilani ishte dënuar dy herë më gjobë. Një herë për veprën penale ‘‘Armëmbajtje pa leje’’, ku ishte dënuar më 500 euro gjobë dhe për veprën penale ‘‘lëndim i lehtë trupor ishte dënuar më 150 euro gjobë.

Kurse, gjithnjë sipas Gjykatës, në vitin 2010, Xhaferi ishte dënuar pesë herë brenda këtij viti. Për veprën penale ‘‘lëndim i lehtë trupor’’ ishte dënuar tre herë, 2 herë më ka 200 euro gjobë dhe një herë dënimi me kusht 5 muaj për dy vite. Ndërsa dy herë të tjera ishte dënuar për veprën penale ‘‘Kansoje’’ nga neni 161, herën e parë më 200 euro gjobë dhe herën e dytë më 360 euro gjobë për këtë vepër.

Edhe në vitin 2011, Xhaferi ishte dënuar 4 muaj me kusht për dy vite, për veprën penale lëndimi i lehtë trupor.

Gjykata Themelore e Gjilanit, në vitin 2012 Xhaferin e kishte dënuar më 1 vit e 8 muaj burg për një pjesë të lëndë për veprën penale ‘‘vrasje në tentative’’ nga neni 146 , ku sipas Gjykatës për një pjese lënda është kthyer në rigjykim, ndërsa për një është vërtetuar.

Më 3 muaj burgim efektiv Xhaferi ishte dënuar në vitin 2014 për veprën penale ‘‘fshehja e sendeve te vjedhura’’, nga neni 345. Kurse dy vite më vonë (2016), sipas Gjykatës i njëjti është dënuar më 300 euro gjobë për veprën penale ‘‘Vjedhje grabitqare’’, nga neni 318.

Për vepre penale ‘‘posedim të narkotikëve’’, nga neni 275, në vitin 2016, ‘‘The mike’’, ishte dënuar më dënim kumulativ me gjobë 300 euro dhe me burgim me kusht 1 vit për dy vite.

‘‘Vjedhja e shërbimeve’’ , nga neni 326 ishte vepra për të cilën Xhaferi në vitin 2017 ishte dënuar më 100 euro gjobë.

Dënimi kumulativ me gjobë 700 euro dhe me burgim efektiv 7 muaj, reperit i ishte shqiptuar në vitin 2018 për veprën penale ‘‘vjedhja e rëndë’’, nga neni 327.

Për veprën penale ‘‘vjedhja e rëndë’’, i njëjti ishte dënuar 2 vite më kusht edhe në vitin 2019. Po në këtë vit Ardian Xhaferi ishte dënuar më 250 euro gjobë për veprën penale ‘‘lëndim i lehtë trupor’’, nga neni 185.

‘‘Betimi për Drejtësi’’, ka dërguar pyetje edhe të Ardian Xhaferi, por i njëjti nuk është përgjigjur në lidhje me rastet e tij.

Ndryshe, në përgjigjen që më herët kemi marrë nga Prokuroria Themelore e Gjilanit, thuhej se ndaj të njëjtit nga viti 2015 e deri më tani janë ngritur gjashtë aktakuza për vepra të ndryshme penale.

Kurse, edhe vetë reperi në një emision televiziv ishte shprehur se ka shumë vepra penale.

“63-64 janë aktive. Duke nisur nga fajde, tentim-vrasje, prej vjedhjes, prej drogës, prej armëmbajtjes pa leje. Krejt llojet e mundshme që ekzistojnë në Kodin Penal të Kosovës”, ka thënë Xhaferi, kur është pyetur se për çka ndiqet nga organet e hetuesisë.

“I kam dy tentim-vrasje dhe 27 armëmbajtje pa leje”, ka shtuar Xhaferi, në një intervistë të para nëntë muajve, për ‘‘Gjoni Black me Meriton Mjekiqin’’./betimiperdrejtesi

Aktualitet

Raporti 24 orësh nga Policia e Kosovës

Published

on

Në raportin e fundit 24 orësh nga Policia e Kosovës, në disa qytete të Kosovës ka pasur incidente kriminale dhe shifra të larta të gjobave të shqiptuara në kundërvajtje.

AKSIDENTE TRAFIKU DHE GJOBA

Gjatë 24 orëve të fundit janë shqiptuar 2587 tiketa trafiku, janë shkaktuar 48 aksidente me dëme materiale dhe 23 aksidente me të lënduar. Zyra e Informimit nga PK ka njoftuar se 23 persona janë arrestuar, kurse 16 janë dërguar në mbajtje.

INCIDENTET KRIMINALE-PRISHTINË

PËRDORIM I ARMËS

Obiliq/ 27.08.2025 – 15:00. Ankuesi mashkull kosovar ka raportuar se në drejtim të veturës së tij një person I dyshuar ka shtënë me armë tri herë. Në vendin e ngjarjes njësia policore ka gjetur dhe sekuestruar një predhë dhe një gëzhojë. Në konsultim me prokurorin është inicuar rasti, ndërsa i dyshuari në kërkim policor.

 SHKAKTIM I RREZIKUT TË PËRGJITHSHËM

Hajvali / 27.08.2025 – 11:43. Është përfshirë nga zjarri një deponi e veturave të vjetra si dhe një plantacion i mbjellur me pemë. Në vendin e ngjarjes kanë dalë njësitë përkatëse policore dhe zjarrfikësit të cilët kanë lokalizuar zjarrin. Lidhur me rastin është njoftuar prokurori, ndërsa i dyshuari në kërkim policor.

KANOSJE

Gllogoc / 27.08.2025 – 16:15. Është arrestuar i dyshuari mashkull kosovar për shkak se i njëjti dyshohet se e ka kanosur viktimën femër kosovare. I dyshuari pas inicimit të rastit me vendim të prokurorit është dërguar në mbajtje.

Prishtinë / 27.08.2025 – 13:14. Është shoqëruar në Stacion Policor e dyshuara femër kosovare pasi që e njëjta ka telefonuar në linjën emergjente 192 dhe ka kanosur zyrtarët përmes telefonit. Lidhur me rastin është njoftuar prokurori ndërsa e dyshuara është dërguar në trajtim mjekësor Psikiatrik. Rasti procedohet në procedurë të rregullt.

LËNDIM I RËNDË TRUPORË

Prishtinë/27.08.2025-23:00 Është arrestuar i dyshuari mashkull kosovar pasi i njëjti në bashkëveprim edhe me 3 të dyshuar tjerë, të cilët gjenden në arrati, kishin sulmuar fizikisht viktimën mashkull kosovar. Si pasojë e sulmit viktima ka pësuar lëndime trupore. I dyshuari me vendim të prokurorit është dërguar në mbajtje.

VRASJE NË TENTATIVË

Lipjan / 27.08.2025 – 21:40. Janë arrestuar 4 të dyshuar meshkuj kosovarë pasi të njëjtit dyshohet se kishin sulmuar fizikisht 4 viktimat meshkuj kosovarë. Gjatë përleshjes është përdorur edhe një mjet i mbrehtë (thikë). Si pasojë e përleshjes fizike viktimat kanë pësuar lëndime trupore për çka dhe janë dërguar në tretman mjekësor. Tre nga viktimat pas pranimit të tretmanit mjekësor janë liruar, kurse njëri ka ta vazhduar për trajtim mjekësor në QKUK. Me vendim të prokurorit të dyshuarit janë dërguar në mbajtje.

DHUNË NË FAMILJE

Prishtinë / 27.08.2025 – 03:00. Ankuesja femër kosovare ka raportuar se i dyshuari mashkull shtetas i huaj, kishte ushtruar dhunë ndaj saj dhe dy viktimave tjera femra kosovare. Lidhur me rastin është njoftuar prokurori, dhe po hetohet nga ekipet relevante policore.

Prishtinë / 27.08.2025 – 16:00-17:00. Është arrestuar i dyshuari mashkull kosovar për shkak se i njëjti dyshohet se ka ushtruar dhunë ndaj viktimave femra kosovare. Viktimat nuk kanë dashur të marrin trajtim mjekësor. I dyshuari me vendim të prokurorit pas inicimit të rastit është liruar, rasti vazhdon të trajtohet në procedurë të rregullt.

Prishtinë / 27.08.2025 – 20:30. Është arrestuar i dyshuari mashkull kosovar për shkak se i njëjti dyshohet se ka ushtruar dhunë ndaj viktimës femër kosovare.Viktima ka pranuar trajtim mjekësor, ndërsa i dyshuari me vendim të prokurorit pas inicimit të rastit është liruar. Rasti vazhdon në procedurë të rregullt.

AKSIDENT TRAFIKU ME LËNDIME

Prishtinë / 27.05.2025 – 15:55. Raportohet se ka ndodhur aksident trafiku në mes të dy veturave. Si pasojë tre persona kanë pësuar lëndime trupore dhe të njëjtit kanë pranuar tretman mjekësor.

AKSIDENT TRAFIKU ME FATALITET

Gllogoc / 27.08.2025 – 02:08. Raportohet se viktima mashkull kosovar derisa ka qenë duke drejtuar veturën, humb kontrollin mbi veturë dhe është rrokullisur. Si pasojë, i njëjti pëson lëndime trupore dhe transportohet në Emergjencën e Drenasit ku mjeku kujdestar konstaton vdekjen e tij. Me vendim të prokurorit, trupi i pajetë është dërguar në IML për obduksion.

INCIDENTE KRIMINALE-GJILAN

MBAJTJE NË PRONËSI, KONTROLL APO POSEDIM I PAAUTORIZUAR I ARMËVE

Viti / 27.08.2025 – 14:00. Është arrestuar i dyshuari mashkull kosovar pasi që gjatë kontrollit në shtëpinë e tij është gjetur dhe konfiskuar arma e zjarrit pushkë e gjatë pa fishekë. Pas intervistimit, me vendim të prokurorit i dyshuari është liruar në procedurë të rregullt.

INCIDENTE KRIMINALE-FERIZAJ

LËNDIM I RËNDË TRUPOR

Kaçanik / 25.08.2025 – NN. Është arrestuar i dyshuari mashkull kosovar pasi që i njëjti dyshohet se ka sulmuar fizikisht viktimën femër kosovare. Viktima ka pësuar lëndime trupore ndërsa i dyshuari me vendim të prokurorit është dërguar në mbajtje.

HETIM MBI VDEKJEN

Ferizaj / 27.08.2025 – 09:10. Raportohet se viktima mashkull kosovar dyshohet se ka rënë nga ashensori. Në vendin e ngjarjes kanë dalë njësitë përkatëse, ndërsa ekipi mjekësor ka konstatuar vdekjen e viktimës. Me vendim të prokurorit, trupi i pajetë është dërguar në IML për obduksion.

INCIDENTE KRIMINALE-PRIZREN

SULM NDAJ PERSONIT ZYRTAR

Prizren / 27.08.2025 – 18:30. Është arrestuar se i dyshuari mashkull kosovar për shkak se i njëjti në shenjë revolte pas shqiptimit të një gjobe në trafik ka sulmuar zyrtarët policor. I dyshuari me vendim të prokurorit është dërguar në mbajtje.

INCIDENTET KRIMINALE-GJAKOVË

VJEDHJE E RËNDË

Gjakovë / 24.08.2025 – 13:15. Pas hetimeve të zhvilluara lidhur me rastin, më 27.08.2025 është arrestuar i dyshuari shtetas I huaj për shkak se i njëjti dyshohet se më 24.08.2025 kishte vjedhur një trotinet elektrik nga viktima mashkull kosovar. I dyshuari me vendim të prokurorit është dërguar në mbajtje.

INCIDENTET KRIMINALE-MITROVICË JUG

LËNDIM I RËNDË TRUPOR

Vushtrri / 27.08.2025 – 08:45. Janë arrestuar tre të dyshuar meshkuj kosovar pasi që pas një mosmarrëveshje janë përleshur fizikisht në mes vete. Të njëjtit kanë pësuar lëndime trupore dhe janë dërguar për tretman mjekësor. Pas intervistimit, me vendim të prokurorit një i dyshuar është dërguar në mbajtje, ndërsa dy të dyshuarit e tjerë janë liruar në procedurë të rregullt.

LËNDIM I LEHTË TRUPOR

Skenderaj / 27.08.2025 – 09:15. Viktima femër kosovare ka njoftuar policinë se është sulmuar fizikisht nga I dyshuari mashkull kosovar. Viktima është dërguar për trajtim mjekësor, ndërsa i dyshuari është arrestuar dhe pas intervistimit me urdhër të prokurorit është dërguar në mbajtje.

MBAJTJE NË PRONËSI, KONTROLL APO POSEDIM I PAAUTORIZUAR I ARMËVE

Vushtrri / 27.08.2025 – 14:45. Është arrestuar i dyshuari mashkull kosovar pasi që i njëjti dyshohet se ka shtënë me armë zjarri. Nga i dyshuari është konfiskuar një pistoletë me karikator dhe dy fishekë. Pas intervistimit, me vendim të prokurorit i dyshuari është liruar në procedurë të rregullt.

INCIDENTET KRIMINALE-MITROVICË VERI

VJEDHJE E RËNDË

Mitrovicë Veri / 13.06.2025 – 03:00. Më 27.08.2025 pas hetimeve të zhvilluara është arrestuar i dyshuari mashkull kosovar për shkak se i njëjti dyshohet se më 13.06.2025 kishte kryer vjedhje në lokalin e ankuesit mashkull kosovar. I dyshuari me vendim të prokurorit është dërguar në mbajtje.

ARMËMBAJTJE PA LEJE

Mitrovicë Veri / 27.08.2025 – 20:50. Njësitë e hetuesisë gjatë kontrollit në banesën e të dyshuarës femër kosovare kanë gjetur dhe sekuestruar dy fishekë, dhe një sprej. Në konsultim me prokurorin është inicuar rasti, ndërsa e dyshuara gjendet në arrati.

INCIDENTET KRIMINALE-DEPARTAMENTI I POLICISË KUFITARE

KALIMI I PAAUTORIZUAR I VENDKALIMEVE KUFITARE APO I VIJËS KUFITARE

Leposaviq / 27.08.2025 – 15:30. Janë arrestuar dy të dyshuar, njëri kosovar e tjetri shtetas i serbisë, pasi që të njëjtit kanë kaluar ilegalisht kufirin nga Serbia në Kosovë. Me vendim të prokurorit, një i dyshuar është dërguar në mbajtje ndërsa tjetri është liruar në procedurë të rregullt.

 

 

 

Continue Reading

Aktualitet

Sulmuan katër persona me thikë në Lipjan, arrestohen të dyshuarit

Published

on

Katër persona janë arrestuar dje në Lipjan pas një konflikti fizik me katër persona tjerë. Të arrestuarit dyshohet se kanë sulmuar fizikisht katër viktimat të cilët kanë pësuar lëndime trupore pas përdorimit të thikës.

Viktimat kanë pranuar tretman mjekësor, kurse tre nga ta janë liruar pas trajtimit, një nga vikimat vazhdon trajtimin në QKUK.

Me vendim të prokurorit të dyshuarit janë dërguar në mbajtje.

“Lipjan / 27.08.2025 – 21:40. Janë arrestuar 4 të dyshuar meshkuj kosovarë pasi të njëjtit dyshohet se kishin sulmuar fizikisht 4 viktimat meshkuj kosovarë. Gjatë përleshjes është përdorur edhe një mjet i mbrehtë (thikë). Si pasojë e përleshjes fizike viktimat kanë pësuar lëndime trupore për çka dhe janë dërguar në tretman mjekësor. Tre nga viktimat pas pranimit të tretmanit mjekësor janë liruar, kurse njëri ka ta vazhduar për trajtim mjekësor në QKUK. Me vendim të prokurorit të dyshuarit janë dërguar në mbajtje”, thuhet në raportin 24 orësh të Policisë së Kosovës.

Continue Reading

Aktualitet

59 të vdekur në trafik për shtatë muaj në rrugët e Kosovës

Published

on

59 persona kanë vdekur në aksidentet e trafikut në rrugët e Kosovës në periudhën janar-korrik të këtij viti.

Në një apel për pjesëmarrësit në trafik, Policia ka kërkuar nga drejtuesit e automjeteve që të jenë vixhilentë në komunikacion dhe të shmangin aksidentet të cilat shpesh po rezultojnë me fatalitet.

Në këto shifra nuk janë llogaritur edhe aksidentet e muajit gusht.

“Policia e Kosovës, për të gjithë ata pjesëmarrës në trafik, e në veçanti për drejtuesit e automjeteve, të cilët bëjnë shkelje të ligjeve e rregullave të trafikut po ndërmerr dhe do të ndërmerr masa ndëshkuese sipas ligjeve në fuqi, me te vetmin qellim parandalimin e aksidenteve të tilla tragjike”, thuhet në apelin e Policisë.

 

Continue Reading

Aktualitet

Rrokulliset vetura në rrugën Prishtinë–Pejë, një i vdekur

Published

on

Një person ka humbur jetën në një aksident i cili ka ndodhur sot rreth orës 02:08 në rrugën nacionale Prishtinë-Pejë.

Lajmin e ka konfirmuar zëdhënësi i Policisë së Kosovës, Daut Hoxha. Ai tha se aksidenti dyshohet se ndodhi kur gjatë lëvizjes shoferi ka humbur kontrollin mbi automjetin dhe është rrokullisur në shiritin e majtë të rrugës.

Ai po ashtu tha se trupi i pajetë me urdhër të prokurorit mbetet të dërgohet në IML për obduksion.

“Me datën 27.08.2025 rreth orës 02:08 ne rrugën nacionale Prishtine –Peje në fshatin Korroticë është shkaktuar aksident trafiku. E përfshirë në aksident ka qenë automjeti; Toyota Corolla me targa vendore. Deri te aksidenti dyshohet se ka ardhur pasi që gjatë lëvizjes shoferi ka humbur kontrollin mbi automjetin dhe është rrokullisur në shiritin e majtë të rrugës.
Në vendngjarje ka arritur ekipi emergjent, të cilët kanë marr personin e lënduar dhe e ka transportuar për trajtim mjekësor, por më vonë mjeku kujdestar e ka konstatuar vdekjen e viktimës. Në vend të ngjarjes kanë dal ekipet relevante policore për të hetuar shkaqet tjera të aksidentit, ndërsa me urdhër të prokurorit trupi i pa jetë mbetet të dërgohet ne obduksion”, tha Hoxha.

Continue Reading

Të kërkuara