

Lajmet
Hyseni tregon historinë deri në vendimin e GJND-së për Kosovën
Published
2 months agoon
By
UBTnewsIsh ministri i Jashtëm i Republikës së Kosovës, Skender Hyseni, ka bërë një deklaratë me rastin e përvjetorit të vendimit të Gjykatës Ndërkombëtare të Drejtësisë lidhur me pavarësinë e vendit tonë, 15 vjet në herët.
Po e sjellim të plotë atë:
Sot, 22 korrik 2025, bëhen 15 vjet nga dita e konfirmimit të pavarësisë Kosovës nga Gjykata Ndërkombëtare e Drejtësisë, që mbetet fitorja më e madhe diplomatike e vendit tonë pas shpalljes së pavarësisë.
Ndjehem krenar që e kam koordinuar gjithë procesin dhe e kam përfqësuar Republikën e Kosovës pranë GJND-së. Prandaj në këtë përvjetor do të ndalem pak me gjatë te rrethanat që i parprinë kësaj ngjarje historike.
Me 22 korrik 2010, u rikonfirmua besimi që kishim artikuluar në mënyrë konsistente në drejtësinë ndërkombëtare, sikundër edhe besimi i thellë në forcën dhe substancën e argumentit tonë në të dyja fazat e procesit.
Gjykata Ndërkombëtare e Drejtësisë, më 22 korrik 2010, me një votë bindëse prej 10 me 4, erdhi në përfundim “se deklarata e pavarësisë së Kosovës e miratuar me 17 shkurt 2008 nuk ka shkelur të drejtën ndërkombëtare”. Ky Mendim i Gjykatës ishte konfirmim dhe afirmim i qëndrimit të Kosovës dhe argumenteve ligjore përgjatë gjithë procesit këshillëdhënës. Pra mendimi nuk lë asnjë dyshim se Deklarata e Pavarësisë së Kosovës ishte dhe është legjitime dhe në harmoni me të drejten ndërkombëtare.
Gjykata poshtu ishte e qartë edhe në lidhje me Rezolutën 1244 të KS të KB: “Deklarata e pavarësisë nuk ka shkelur rezolutën e Këshillit të Sigurimit 1244(1999)” thuhet aty duke dhënë arsyetim të drejtpërdrejt: Rezoluta 1244 e KS të KB “ishte në thelb e disenjuar për të krijuar një regjim të përkohshëm për Kosovën …. Rezoluta nuk ka përmbajtur ndonjë dispozitë që merret me statusin final të Kosovës.” Prandaj, ekzistenca e Kosovës si shtet sovran nuk mund të shkelë rezolutën 1244 të KS të OKB-së.
Vetëm pak muaj pas shpalljes së pavarësisë, me 8 tetor 2008, Asambleja e Përgjithshme e OKB-së, në sesionin e saj të 63-të aprovoi Rezolutën 63/3. Request for an advisory opinion of the International Court of Justice on whether the unilateral declaration of independence of Kosovo is in accordance with international law (Këkresë për një mendim këshilldhënës të Gjykatës Nderkombëtare të Drejtësisë (GJND) rreth “Pajtueshmërisë me të Drejtën Ndërkombëtare të Shpalljes së Njëanshme të Pavarësisë së Kosovës’
Pra, pas më pak se tetë muajsh nga shpallja e pavarësisë, Kosova u gjend përballë mbase sfidës më të madhe diplomatike e ligjore deri atëherë.
Projekt-rezoluta serbe u paraqit nga ministri i jashtëm seb Vuk Jeremiç. Ajo u aprovua me 77 vota Për, 6 Kundër dhe 74 Abstenime. Nga shtetet që tashmë e kishin njohur Kosovën, kundër rezolutës u deklaruan vetëm Shtetet e Bashkuara të Amerikës dhe Shqipëria, si dhe katër shtete te vogla nga Paqësori. Aprovimi i Rezolutës 63/3 në tetor 2008 në OKB, pra vetëm pak muaj pasi kisha marrë detyrën e ministrit të parë të jashtëm të Republikës së Kosovës, mua më kishte vënë para një sfide, simbas shumëkujt atëhere, të papërballueshme. Isha në OKB ditën e aprovimit të rezolutës dhe ndonëse zhgënjimi im ishte i madh, vendosa që nga e para ta marr me optimizëm dhe besim. E velerësoja me rëndësi që medialisht të shpërthenim. Isha në qendër të interesimit të medias së akredituar në OKB. Interesimit të madh të medias, nga e para iu qasa me pozitivitet. Deklarata ime e parë pas aprovimit të rezolutës serbe ishte e prerë dhe e vendosur, “Kam besim të plotë në drejtësinë nderkombëtare dhe në Gjykatën Ndërkombëtare të Drejtësisë, si organ kryesor juridik i OKB-së. Në të njetën kohë kam besim të palëkundur në frocën e argumenteve që do të paraqesim në Gjykatë posa procesi të filloi”, theksoja me plot vetbesim derisa po u drejtohesha gazetarëve të shumtë në hollin e ndërtesës së OKB-së në Nju Jork.
Dy ditë më vonë u ktheva në Prishtinë. Koha ishte shume e shkurtë. Menjëherë duhej të fillonin përgatitjet për procesin në GJND. Kërkova takim te Presidenti Fatmir Sejdiu. I sygjerova që në takim ta ftonte edhe kryeministrin Thaçi. Duhej urgjentisht të emërohej një koordinator, i cili do të koordinonte dhe organizonte mbrojtjen si dhe do ta përfaqësonte Kosovën para Gjykatës Ndërkombëtare të Drejtësisë.
Me Presidentin dhe Kryeminsitrin biseduam gjatë. Përmendëm edhe emra të mundshëm që kishin edhe përgatitje profesionale. Ndodhi ajo që unë realisht nuk e prisja. Presidenti Sejdiu dhe Kryeministri Thaçi më ngarkuan mua me detyrën e koordiantorit dhe përfaqësusesit të Kosovës në procesin e GJND-së.
Për hirë të së vërtetës, më duhet të them se në Kosovë ato ditë quditërisht mbisundonte bindja se gara në GJND ishte apriori e humbur.
Kishte shumë pak njerëz, qoftë në institucione, qoftë në komunitetin juridik, qoftë në shoqëri civile që besonin se Kosova do të fitonte në GJND. Rrjedhimisht nuk kishte shumë interesim nga askush që të mirrte “patatën e nxehtë në dorë.” Pra më shumë kishte një kurreshtje se kujt po i lihet në dorë ‘patatja e nxehtë.” Madje edhe ministra në qeveri, pa asnjë takt dhe përgjegjësi për fjalën publike, deklaronin ato ditë se në variantin me të mirë vendimi I GJND-së do të jet “as mish as peshk!!!.”
Duke i hetuar të gjitha këto, ndjehesha thelësisht i zhgënjyer me mosbesimin që po shfaqej në forcën e argumentit të një shteti dhe populli i cili po luftonte për vet ekzistencën, lirinë dhe qenien e vet.
Pavarësisht mosbesimit që gjithandej shfaqej si dhe skepsës nëse Kosova do të fitonte, unë e pranova detyrën dhe obligimin që ta përfaqësojë vendin në GJND. Por duke e ditur se ishin pak njerëz që kishin besim në suksesin e Kosovës, e që rrjedhimisht donte të thoshte që në Kosovë nuk kisha shumë aleat, sepse pa besim nuk mund të ndjekësh asnjë kauzë, Presidentit dhe Kryeministrit u kërkova që të më lihen duarët e lira gjatë gjithe procesit si dhe në përzgjedhjen e ekipit dhe bashkëpuntorëve. Ishte përgjegjësia më e madhe që kisha marrë në jetën time. Kisha besimin e palëkundur se me punën që do të bënim si dhe me koordiminim e ngushtë me shtetet të cilat tashmë kishin deklaruar gadishmërinë të merrinin pjesë ne process në favor të Kosovës, do të dilnim fitues. Këtë besim vetëm sa e përforcoja gjatë fazave të prcesit. Për hirë të korrektësisë duhet thënë se edhe Sejdiu edhe Thaçi më kanë ofruar gjithë hapsirën e nevojshme dhe kushtet e nevojshme për punë.
Pa u vonuar, me 15 tetor 2008 i pata dërguar letër Gjykatës, me kërkesën që dhe Kosovës t’i mundësohet pjesëmarrja në process. Duke mos qenë anëtare e OKB-së Kosova nuk mund të mirrte pjesë meqë GJND ishte organ juridik i OKB-së, por përfaqesimi dhe pjesëmarrja u mundësua si përfaqësues i “Entitetit të Shpalljes së Njëanshme të Pavarësisë”
Pergjigjja nga GJND ishte pozitive. Kosovës i mundësohej pjesëmarrja në të gjitha fazat procesit. Fitorja në GJND u bë e mundëshme edhe falë përkrahjes së pakursyer të shumë shteteve që morrën pjesë në mbrojtje të Kosovës, SHBA, Britania e Madhe, Gjermania, Franca, Austria, Shqipëria, Finlanda, Suedia, Norevegjia, Danimarka, Holanda, Kroacia, Bulgaria, Mbretëria Hashemite e Jordanisë, Arabia Saudite, Bahreini. Me ekipet nga të gjitha këto vende ishim në komunkim dhe koordinim të përhershëm.
Kishim angazhuar një ekip kulminant ekspertësh ndërkombtarë në krye me Sir Michael Wood, me të cilët filluam të përgatisnim deklaratat, përkatësisht parashtresat me shkrim që duhej dërgua gjykatës. Pas gadi një viti, me 1 dhjetor 2009, Gjykata thirri seancen e dëgjimeve gojore (oral hearings). Edhe sot e kësaj dite fjalën time para gjykatës e konsideroj si një ngjarje me peshën më të rëndë të përgjegjësisë në jetën time politike.
Nuk do të ndalem më gjatë në ate se cfarë kishte ndodhur në ndërkohë sepse në mase të madhe ështe e njohur. Vetëm dua të nënvizoj se Gjykatës iu deshën gadi 8 muaj nga seancat degjimore para se të dilte me vedimin, përkatësisht mendimin këshilldhënës përfundimtar me 22 korrik 2010. Vendimi, mendimi këshillues konstatonte në mënyrë eksplicite “se deklarata e pavarësisë së Kosovës e miratuar me 17 shkurt 2008 nuk ka shkelur të drejtën ndërkombëtare”
Me 21 korrik s’bashku me bashkëpuntorët e mi, udhëtova për në Hagë për të marrë pjesë në shpalljen e vendimit.
Natyrisht, është krejt e kuptueshme që, edhe përkundër besimit të madh që kisha se fitorja është e sigurt, unë kisha vendosur të jap dorëheqje të parevokueshme nga të gjitha postet publike e politike që mbaja në rast se vendimi i Gjykatës do të ishte i disfavorshëm për Kosovën. Për çdo rast, në xhep tashmë mbaja letrën e nënshkruar të dorëheqjes, të cilën do e beja publike në rast se do të dilnim humbës. Askush, përpos njërit nga bashkëpuntorët e mi të ngushtë nuk e dinte që kisha vendosur të ipja dorëheqje në rast të humbjes.
Të nesërmen, 22 korrik 2010, i shoqëruar edhe nga Ambasadori jonë në Mbretërinë e Holandës Nexhmi Rexhepi, s’bashku me delegacionin ku ishte edhe Sir Michael Wood, u nisa drejt selisë së Gjykatës.
Në ora 10, erdhi ai momenti i shumëpritur. Kryetari i GJND-së Hisashi Owada njoftonte të pranishmit se Gjykata Ndërkombëtare e Drejtësisë, me një votë bindëse prej dhjetë me katër, kishte konstatuar: “se deklarata e pavarësisë së Kosovës e miratuar me 17 shkurt 2008 nuk ka shkelur të drejtën ndërkombëtare”.
Kjo seancë e GJND-së po transmetohej live në Kosovë. Përpos i lehtësuar për fitorën monumetale të vendit tim, gëzimi që përjetuan qytetarët e Kosovës, duke pritur në ankth pranë ekraneve televizive shpalljen e vendimit, veq sa nuk më beri të shpërtheja në lot nga emocionet./UBTNews
Aktualitet
Nga farmakologjia te nanoteknologjia – UBT hap thirrjen për pjesëmarrje në Konferencën e 14-të Ndërkombëtare
Published
12 hours agoon
September 21, 2025By
Driton Iseni
UBT ka kënaqësinë të ftojë studiues, profesionistë, akademikë dhe studentë nga mbarë bota që të marrin pjesë në Konferencën Ndërkombëtare për Shkencat Farmaceutike dhe Natyrore (IC-PNS 2025), e cila do të mbahet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion.
Ky edicion synon të shërbejë si një platformë unike shkencore për shkëmbimin e njohurive, prezantimin e kërkimeve më të fundit dhe diskutimin e ideve inovative në fushën e shkencave farmaceutike dhe natyrore.
Qëllimi dhe objektivat
Konferenca ka për synim të nxisë bashkëpunimin dhe shkëmbimin e përvojave mes studiuesve të rinj, doktorantëve, akademikëve, ekspertëve të fushës dhe profesionistëve të industrisë. Përmes këtij forumi ndërkombëtar do të trajtohen sfida dhe zhvillime të reja në farmaci, shkencat natyrore dhe ndikimin e tyre në shëndetin publik, teknologjinë dhe zhvillimin e qëndrueshëm.
Fushat dhe temat e konferencës
Temat e konferencës janë të gjera dhe ndërdisiplinore, duke përfshirë:
- Farmaci dhe farmakologji;
- Farmakognozi & fitokimi;
- Bioteknologji farmaceutike;
- Kimi farmaceutike dhe kimia medicinale;
- Farmaci klinike dhe shëndeti publik;
- Farmakogjenomikë dhe farmacovigjilencë;
- Sisteme të reja të shpërndarjes së barnave dhe nanoteknologji;
- Biokimi, kimi organike, fizike dhe analitike;
- Biologji, bioteknologji, biologi molekulare dhe toksikologji;
- Shkencat e ushqimit dhe nutricionit;
- Shkenca mjedisore dhe biofizikë;
- Ekonomia e barnave dhe digjitalizimi në shëndetësi;
- Kërkime në onkologji dhe gjenetikë.
Ky spektër i gjerë tematik krijon hapësirë për diskutim multidisiplinar dhe bashkëpunim mes kërkuesve dhe praktikuesve.
Afatet e rëndësishme
Dorëzimi i abstrakteve: 10 tetor 2025
Njoftimi për pranim: 17 tetor 2025
Afati i hershëm i regjistrimit: 17 tetor 2025
Afati i vonuar i regjistrimit: 20 tetor 2025
Dorëzimi i punimeve të plota: 14 nëntor 2025
Vlerësimi shkencor (peer review): 17 tetor 2025
Udhëzime për autorët
Të gjitha materialet e dorëzuara duhet të jenë origjinale dhe të papublikuara më parë. Punimet që nuk janë në përputhje me kriteret e formatimit nuk do të merren parasysh. Gjatësia maksimale e punimit është 6 faqe. Udhëzimet e plota mbi standardet e pranimit dhe formatimin mund të gjenden në faqen zyrtare të konferencës: Konferenca e UBT-së
Aktualitet
Arti dhe Media Digjitale në fokus – UBT mbledh studiues e profesionistë nga mbarë bota
Published
1 day agoon
September 20, 2025By
Driton Iseni
UBT ka kënaqësinë të ftojë studiues, profesionistë dhe krijues nga fusha të ndryshme për të marrë pjesë në Konferencën e 14-të Ndërkombëtare për Artin dhe Median Digjitale, e cila këtë vit zhvillohet në kuadër të Konferencës Ndërkombëtare të UBT-së për Biznes, Teknologji dhe Inovacion. Ky edicion vjen me fokus të veçantë mbi “Qëndrueshmërinë dhe Reziliencën”, si dy shtylla kryesore të zhvillimit në epokën digjitale.
Konferenca do të jetë një platformë e rëndësishme për shkëmbimin e dijeve dhe përvojave mes akademikëve, studentëve të programeve pasuniversitare, kandidatëve të doktoraturës, studiuesve të rinj dhe ekspertëve të industrisë. Synimi është të krijohet një hapësirë bashkëpunimi ku diskutohen tendencat më të reja dhe sfidat që lidhen me ndërthurjen e artit dhe teknologjisë.
Fushat që do të trajtohen:
- Konferenca mbulon një spektër të gjerë temash, përfshirë:
- Sfidat e artit dhe medias digjitale në epokën moderne;
- Përdorimi i teknologjisë kreative në art dhe media digjitale;
- Teknologjitë e reja që po transformojnë artin;
- Performanca artistike në kohën e artit digjital;
- Ndikimi i artit digjital në kulturën bashkëkohore;
- E ardhmja e galerive dhe muzeve;
- Ndikimi i teknologjisë në art dhe edukim;
- Shprehjet kreative dhe interaktive;
- Ndërveprimi njeri-kompjuter.
Datat kryesore të konferencës:
Dorëzimi i abstrakteve: 10 tetor 2025
Njoftimi për pranimin: 17 tetor 2025
Rishikimi shkencor (peer review): 17 tetor 2025
Regjistrimi i hershëm: 17 tetor 2025
Regjistrimi i vonuar: 20 tetor 2025
Dorëzimi i punimeve të plota: 14 nëntor 2025
Udhëzime për aplikim:
Punimet e paraqitura duhet të jenë origjinale, të papublikuara më parë dhe jo në proces shqyrtimi në konferenca apo revista të tjera. Tekstet duhet të jenë deri në 6 faqe dhe të përmbushin standardet e pranuara të konferencës. Punimet që nuk përmbushin kriteret e formatimit nuk do të merren në shqyrtim.
Për më shumë informacion mbi kriteret e aplikimit dhe procesin e regjistrimit, pjesëmarrësit ftohen të vizitojnë faqen zyrtare të konferencës në webfaqen e UBT-së: Konferenca e UBT-së
Kjo konferencë pritet të shndërrohet në një ngjarje unike ku arti, teknologjia dhe inovacioni takohen për të ndërtuar një të ardhme më kreative, më të qëndrueshme dhe më gjithëpërfshirëse.
Aktualitet
UBT hap thirrjen për pjesëmarrje në Konferencën Ndërkombëtare mbi Artet Performuese 2025
Published
2 days agoon
September 19, 2025By
Driton Iseni
UBT ka hapur thirrjen për pjesëmarrje në Konferencën e 14-të Ndërkombëtare për Arte Performuese, e cila organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion, me fokus të veçantë këtë vit tek Qëndrueshmëria dhe Rezilienca.
Ky aktivitet shkencor ndërkombëtar është i rishikuar nga ekspertë akademikë (peer reviewed) dhe ka për synim të sjellë së bashku studiues, praktikues, doktorantë, studentë pasuniversitarë, si dhe profesionistë të industrisë për të shkëmbyer njohuri, përvoja dhe qasje të reja në fushën e artit performues.
Datat e rëndësishme:
- Dorëzimi i abstrakteve: 10 tetor 2025
- Njoftimi i pranimit: 17 tetor 2025
- Rishikimi nga ekspertët: 17 tetor 2025
- Afati i hershëm i regjistrimit: 17 tetor 2025
- Afati i vonshëm i regjistrimit: 20 tetor 2025
- Dorëzimi i punimeve të plota: 14 nëntor 2025
Fushat që mbulon konferenca përfshijnë, por nuk kufizohen vetëm tek:
- Zhvillimi i teatrit pas luftës në Kosovë
- Roli i muzikës në ndërtimin e karakterit skenik
- Përgatitja psikologjike e aktorit në interpretimin e roleve
- Përgatitja fizike dhe rëndësia e saj për zhvillimin e aktorit
- Kinematografia para dhe pas luftës në Kosovë dhe trajtimi i temave të luftës
- Ndikimi i maskave greke në krijimin e maskave të teatrit modern
- Audicionet, monologët dhe përzgjedhja e tyre
- Teatri për fëmijë dhe të rinj
- Teatri si terapi për fëmijë dhe të rritur
- Inteligjenca Artificiale (AI) në aktrim
Konferenca synon të nxisë dialogun ndërdisiplinar dhe të krijojë një platformë unike për të diskutuar sfidat dhe prirjet e reja në artet performuese, duke i lidhur ato me zhvillimet globale në teknologji dhe shoqëri.
Punimet e paraqitura duhet të jenë origjinale, të papublikuara më parë dhe jo në proces shqyrtimi në ndonjë konferencë tjetër. Gjatësia maksimale e punimit është 6 faqe, sipas standardeve të specifikuara në faqen zyrtare të konferencës.
Për më shumë detaje dhe aplikim, vizitoni: KONFERENCA E UBT-së
Aktualitet
Von Der Leyen: Rusia e ka treguar plotësisht përbuzjen ndaj diplomacisë dhe ligjit
Published
3 days agoon
September 19, 2025By
UBT News
Presidentja e Komisionit Evropian, Ursula von der Leyen, në deklaratën e saj tha se Rusia e ka treguar plotësisht përbuzjen ndaj diplomacisë dhe ligjit ndërkombëtar gjatë muajit të fundit, duke kritikuar sulmet më të mëdha me dronë dhe raketa ndaj Ukrainës.
Ajo veçoi sulmet ruse në Kiev që goditën zyrën e BE-së në kryeqytet, si dhe shkeljet me dronë rusë në Poloni dhe Rumani.
“Këto nuk janë veprimet e dikujt që dëshiron paqe”.
Paketa e 19-të e sanksioneve vjen si përgjigje ndaj kësaj përshkallëzimi nga Putini, shpjegoi Von Der Leyen duke paraqitur elementët kryesorë të asaj që propozohet.
Ajo tha se BE-ja do të kërkojë të shkurtojë të ardhurat e Rusisë nga lëndët djegëse fosile, duke ndaluar importin e LNG-së ruse në tregjet evropiane.
118 anije shtesë nga “flota hije” ruse do të shtohen në listën e sanksioneve, që tani arrin në 560 anije.
Ajo shtoi se kompanitë kryesore të tregtimit të energjisë Rosneft dhe Gazpromneft tani do të jenë nën ndalim të plotë transaksionesh, dhe kompani të tjera do t’i nënshtrohen ngrirjes së aseteve.
“Në tre vjet, të ardhurat e Rusisë nga nafta në Evropë kanë rënë me 90%. Ne tani po e mbyllim këtë kapitull përgjithmonë. Ne po forcojmë luftën tonë kundër shmangies së sanksioneve. Ndërsa taktikat e shmangies bëhen më të sofistikuara, sanksionet tona do të përshtaten për të qëndruar përpara. Për herë të parë, masat tona kufizuese do të godasin platformat e kriptovalutave dhe do të ndalojnë transaksionet në kriptovaluta. Ne po listojmë banka të huaja të lidhura me sistemet alternative të pagesave të Rusisë. Dhe po kufizojmë transaksionet me entitete në zonat ekonomike speciale”, tha Von Der Leyen.
Paketa do të shtojë kufizime të reja direkte të eksportit për artikujt dhe teknologjitë e përdorura në fushëbetejë, duke ndikuar në 45 kompani në Rusi dhe në vende të treta./S.K/KP/

Nga farmakologjia te nanoteknologjia – UBT hap thirrjen për pjesëmarrje në Konferencën e 14-të Ndërkombëtare

Arti dhe Media Digjitale në fokus – UBT mbledh studiues e profesionistë nga mbarë bota

UBT hap thirrjen për pjesëmarrje në Konferencën Ndërkombëtare mbi Artet Performuese 2025

Von Der Leyen: Rusia e ka treguar plotësisht përbuzjen ndaj diplomacisë dhe ligjit

Komanda e Forcave Tokësore realizoi garën “Ujku Garues 2025”

Caktohet stadiumi ku do të luhet ndeshja Barcelona-PSG

Zhegrova kthehet fuqishëm në Juventus ndaj Borussia Dortmundit

Qeveria bart 904 mijë euro për subvencionet e efikasitetit të energjisë

Edhe një aktakuzë në mungesë për krime lufte
Të kërkuara
-
Aktualitet4 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26