Aktualitet

Hungaria: Shteti i BE-së e miraton ligjin anti-LGBT

Sipas ligjit, fëmijëve nën moshën 18-vjeçare nuk mund t’u shfaqet asnjë përmbajtje që i nxit ndryshimin e gjinisë apo homoseksualitetin.

Published

on

Kuvendi i Hungarisë të martën e miratoi legjislacionin për ndalimin e përmbajtjeve shkollore që i promovojnë homoseksualitetin dhe ndryshimin e gjinisë.

Partitë opozitare dhe grupet për të drejtat e njeriut e kundërshtuan ashpër këtë votim.

Kryeministri nacionalist i Hungarisë, Viktor Orban, i cili do të përballet me zgjedhje vitin e ardhshëm, ka sjellë ndryshime radikale në politika sociale, duke dalë kundër pjesëtarëve të komunitetit LGBT dhe imigratëve. Politikat e qeverisë kanë shkaktuar përçarje të thella mes hungarezëve.

Partia e Orbanit, Fidesz, promovon agjendë konservatore dhe të afërt me Krishterimin. Propozimi për ndalimin e përmbajtjeve shkollore rreth LGBT-së pushteti e futi brenda një projektligji që e penalizon prerazi pedofilinë, duke ua bërë shumë më të vështirë kundërshtarëve që të votojnë kundër tij.

Votimi nxiti protestë masive pranë Kuvendit të Hungarisë të hënën, ndërsa disa grupe për të drejtat e njeriut i bënë thirrje partisë në pushtet që ta tërheqë projektligjin, shkruan Reuters, transmeton Gazeta Express.

Deputetët e partisë në pushtet e mbështetën legjislacionin në masë dërrmuese, ndërsa partisë e majta opozitare e bojkotuan procesin e votimit.

Sipas amendamenteve të paraqitura javën e kaluar, fëmijëve nën moshën 18-vjeçare nuk mund t’u shfaqet asnjë përmbajtje që i nxit ndryshimin e gjinisë apo homoseksualitetin.

Lajmet

Identifikohen mbetjet mortore të dy personave të zhdukur nga lufta

Published

on

By

Komisioni Qeveritar për Persona të Zhdukur ka njoftuar se javën e kaluar ka pranuar dy raporte të reja të ADN-së, përmes të cilave janë identifikuar mbetjet mortore të dy personave të zhdukur me dhunë gjatë luftës së fundit në Kosovë.

Përmes një sqarimi zyrtar, Komisioni bëri të ditur se këto identifikime nuk lidhen me gërmimet apo zhvarrosjet e fundit në lokacionet si Kalludër, Jabukë apo me zhvillimet e fundit në Zubin Potok.

Sipas njoftimit, bëhet fjalë për mbetje mortore të zhvarrosura më parë, ndërsa identifikimi erdhi si rezultat i rishqyrtimit të hollësishëm të mbetjeve që ndodheshin në morgun e Institutit të Mjekësisë Ligjore (IML), si dhe mbledhjes së mostrave biologjike plotësuese nga familjarët.

Raportet e ADN-së tashmë i janë përcjellë Institutit të Mjekësisë Ligjore për konfirmim zyrtar. Komisioni bëri të ditur se gjatë kësaj jave do të njoftohen familjet e viktimave për rezultatet dhe hapat e mëtejshëm proceduralë, duke rikonfirmuar përkushtimin për zbardhjen e fatit të të gjithë personave të zhdukur. /E.A/

Continue Reading

Lajmet

Arrestohet një person i dyshuar për dhunim në Prishtinë

Published

on

By

Policia e Kosovës ka arrestuar një burrë në Prishtinë, i cili dyshohet për veprën penale “Dhunim”, lidhur me një incident të ndodhur në fillim të këtij muaji.

Sipas raportit 24-orësh të Policisë, rasti kishte ndodhur më 5 shtator, rreth orës 19:30. Pas veprimeve hetimore, i dyshuari është lokalizuar dhe prangosur nga organet e rendit më 28 shtator.

Me vendim të prokurorit të kujdestar, i dyshuari është dërguar në mbajtje për procedim të mëtejshëm ligjor.

Continue Reading

Lajmet

Shantazhonte viktimën prej me shumë se dy vitesh, arrestohet i dyshuari në Prishtinë

Published

on

By

Policia e Kosovës ka arrestuar një burrë në Prishtinë, i cili dyshohet se për më shumë se dy vite ka shantazhuar vazhdimisht një person tjetër për përfitime materiale.

Sipas raportit 24-orësh të Policisë, i dyshuari e kishte vënë nën presion viktimën gjatë periudhës 2023–2025, duke i kërkuar para në mënyrë të vazhdueshme. Si pasojë e shantazhit, viktima i kishte dhënë atij një shumë të konsiderueshme të hollash.

Pas veprimeve hetimore, i dyshuari është identifikuar dhe prangosur nga organet e rendit. Me vendim të prokurorit të shtetit, ai është dërguar në mbajtje për procedim të mëtejshëm ligjor. /E.A/

Continue Reading

Lajmet

Rasti Ibër-Lepenc: Dalin para gjykatës të akuzuarve për sulmin terrorist

Published

on

By

Janë nxjerrë para trupit gjykues të akuzuarit për sulmin mbi infrastrukturën kritike të kanalit të Ibër-Lepencit në fshatin Varagë të Zubin Potokut.

Sipas dosjes së Prokurorisë Speciale, Jovan Viqentijeviq dyshohet se në bashkëkryerje me vëllain e tij, Dragisha Viqentijeviq, kanë dëmtuar me qëllim instalimet e ujësjellësit dhe kanë kryer vepër terroriste përmes përdorimit të eksplozivit.

Në këtë proces gjyqësor po gjykohet edhe Igor Dimoviq, i cili ndryshe nga vëllezërit Viqentijeviq, po mbrohet në liri.

Shpërthimi në kanalin e ujit në nëntor të vitit 2024, ku dyshohet se u përdorën rreth 20 kilogramë lëndë plasëse eksplozive, është cilësuar nga autoritetet e Kosovës si sulm terrorist, duke e bërë përgjegjëse direkte Serbinë për organizimin e tij. /E.A/

Continue Reading

Të kërkuara