Sport

Hummels po e mendon pensionimin

Është raportuar nga njerëzit që rrethojnë mbrojtësin se ky sezon ka të ngjarë të jetë i fundit i tij.

Published

3 years ago

September 18, 2023

UBT news

Mats Hummels mund të jetë duke luajtur sezonin e tij të fundit në futbollin profesionist dhe mund të pensionohet pas përfundimit të këtij edicioni.

Është raportuar nga njerëzit që rrethojnë mbrojtësin se ky sezon ka të ngjarë të jetë i fundit i tij me kontratën e tij që skadon gjithashtu verën e ardhshme.

Pavarësisht se nuk është më kapiten në Dortmund, Hummels është ende një element kyç në dhomën e zhveshjes pasi jo vetëm që sjell përvojë, ai është gjithashtu një nga lojtarët e vetëm që ka fituar disa trofe, kështu që sjell një mentalitet fitues që aktualisht nuk është i pranishëm te Dortmundi.

Një largim i mundshëm i Hummels do të linte një boshllëk brenda Dortmundit që do të jetë e vështirë për ta mbushur veçanërisht me Marco Reus që gjithashtu ka një rol më të vogël në ekip këtë sezon.

34-vjeçari gjithashtu vazhdon të jetë i rëndësishëm në fushë edhe për Dortmundin. Dy golat e tij në fundjavë e ndihmuan Dortmundin të mposhtte Freiburgun 4-2.

Sport

Erza Muminoviq siguron luftën për bronz, pesë xhudistë të Kosovës në garë për medalje

Published

2 hours ago

August 28, 2026

UBTNews

Plot pesë xhudistë të Kosovës do të kërkojnë medalje të bronztë në Lojërat Mesdhetare “Taranto 2026”.

E pesta që ka siguruar një vend në luftën për medaljen e bronztë është Erza Muminoviq, në kategorinë deri në 48 kilogramë.

Muminoviq e mposhti algjerianen Rahma Ghaliman në repesazh, duke siguruar kështu mundësinë për të luftuar për podium.

Për medaljen e bronztë, Erza do të përballet me spanjollen Mireia Rodriguez.

Përveç saj, për medalje të bronztë do të luftojnë edhe Akil Gjakova, Dardan Cena, Flaka Loxha dhe Fatjona Kasapi.

Pesë mundësi për medalje do t’i japin Kosovës shpresë për një pasdite të suksesshme në tatamin e Tarantos.

D.L

Sport

Katër xhudistë të Kosovës në luftërat për medalje të bronztë në Taranto

Published

2 hours ago

August 28, 2026

UBTNews

Kosova tashmë i ka katër xhudistë që do të luftojnë për medalje të bronztë në Lojërat Mesdhetare “Taranto 2026”.

Pas Akil Gjakovës, Dardan Cenës dhe Flaka Loxhës, mundësinë për të garuar për medalje e ka siguruar edhe Fatjona Kasapi.

Në repesazhin e kategorisë deri në 52 kilogramë, Kasapi e mposhti portugezen Maria Siderot me “Yuko”, duke siguruar kalimin në luftën për medaljen e bronztë.

Kështu, Kosova do të ketë katër mundësi për të fituar medalje të bronztë në xhudo gjatë ditës së sotme në Taranto.

D.L

Sport

Ilzer konfirmon mungesën e Asllanit në ndeshjen hapëse të Bundesligës

Published

2 hours ago

August 28, 2026

UBTNews

Fisnik Asllani nuk do të jetë i gatshëm për ndeshjen e parë të sezonit të ri në Bundesligën gjermane me Hoffenheimin.

Lajmin e ka konfirmuar të premten trajneri i skuadrës, Christian Ilzer, në konferencën për shtyp para ndeshjes me Kolnin.

“Fisit i duhet edhe pak kohë për të qenë plotësisht i gatshëm për skuadrën”, ka deklaruar Ilzer.

Sulmuesi 24-vjeçar i Kosovës i nisi me vonesë përgatitjet për sezonin e ri, për shkak të një problemi të lehtë në gju.

“Ai gradualisht do të marrë pjesë më shumë në stërvitje”, ka shtuar trajneri i Hoffenheimit.

Asllani gjatë kësaj vere ishte pranë transferimit te Leipzigu, por marrëveshja dështoi në momentet e fundit, raportohet për shkak të gjendjes së tij fizike. Më pas, në garë për shërbimet e tij u rikthye edhe Borussia Dortmundi, por e ardhmja e sulmuesit kosovar ende mbetet e paqartë.

Në sezonin e kaluar, Asllani ishte një prej lojtarëve më të spikatur të Hoffenheimit, duke realizuar 11 gola dhe 10 asistime në Bundesligë dhe Kupën e Gjermanisë.

Hoffenheimi e nis sezonin të shtunën, kur nga ora 15:30 përballet me Kolnin.

Në skuadrën e Hoffenheimit aktivizohen edhe dy futbollistë të tjerë me prejardhje kosovare, Leon Avdullahu dhe Albian Hajdari.

D.L