Sport

De Ligt shpërthen ndaj Tuchel: Kjo është e tmerrshme

Ai e konsideroi si të tmerrshme situatën nëpër të cilën po kalon nën urdhrat e trajnerit gjerman.

Published

3 years ago

September 18, 2023

UBT news

Të premten mbrëma Bayern Munich dhe Bayer Leverkusen luajtën baras 2-2 që la shije të hidhur në kampin bavarez, e aq më tepër kur pas ndeshjes, qendërmbrojtësi holandez Matthijs De Ligt shpërtheu me kritika ndaj trajnerit Thomas Tuchel për minutazhën e vogël të tij në fushë.

Ai e konsideroi si të tmerrshme situatën nëpër të cilën po kalon nën urdhrat e trajnerit gjerman.

“Çfarë mund të them për këtë? Nuk kam luajtur aq shumë në katër ndeshjet e fundit, kjo është e tmerrshme dhe sigurisht jo aq e bukur. Sigurisht që unë gjithmonë dua të luaj”, tha de Ligt i acaruar.

Pavarësisht se ishte një nga emrat e parë në formacionin e skuadrës sezonin e kaluar, holandezi nuk ka filluar ende një ndeshje të ligës këtë sezon dhe ka arritur vetëm 37 minuta lojë nga katër përballjet e para.

Ardhja e Kim Min-jae në mbrojtjen e Bayernit duket se e ka lënë jashtë skuadrës holandezin, ndërsa Dayot Upamecano ka ruajtur vendin e tij në 11-shen fillestare të Thomas Tuchel, përcjellë KosovaPress.

Reprezentuesi holandez është qartësisht i frustruar me Tuchelin dhe ai nuk është lojtari i vetëm brenda skuadrës së Bayernit që ka një problem me ish-trajnerin e Borussia Dortmund. Tensioni ndaj Tuchel tani po rritet rreth klubit dhe pas një fillimi të dobët të sezonit, bordi i Bayernit mund të ndërhyjë, veçanërisht me ish-trajnerin Hansi Flick që është i lirë dhe i gatshëm për ta pasuar atë.

Lajmet

Laura Fazliu fiton medaljen e argjendtë, Kosovën e çon në medaljen e pestë

Published

10 hours ago

August 29, 2026

UBTNews

Xhudistja kosovare Laura Fazliu ka fituar medaljen e argjendtë në kategorinë deri në 63 kilogramë, duke i siguruar Kosovës medaljen e pestë në këtë garë.

Fazliu arriti deri në finale, ku u përball me italianen Carlotta Avanzato, por u mposht në duelin për medaljen e artë dhe u desh të kënaqej me të argjendtën.

Kjo është medalja e katërt e Kosovës në xhudo dhe e pesta në total për vendin tonë.

Sport

Fatjona Kasapi i sjell Kosovës medaljen e dytë në “Taranto 2026”

Published

1 day ago

August 28, 2026

UBTNews

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Sport

Kosova pëson tjetër humbje të thellë në Lojërat Mesdhetare

Published

1 day ago

August 28, 2026

UBTNews

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L