Lajmet

Hovenier: ShBA beson në Lajçakun dhe Borrellin si ndërmjetësues të dialogut

Ai tha se zbatimi i marrëveshjes së bazike dhe aneksit të saj nga të dyja palët, mbetet pritshmëri e ShBA-së.

Published

3 years ago

on

Shtetet e Bashkuara të Amerikës kanë rikonfirmuar edhe njëherë mbështetjen ndaj Bashkimit Evropian si ndërmjetësues të dialogut. Mbështetje konkrete ambasadori amerikan, Jeffrey Hovenier, i dha sot (e mërkurë) edhe ndërmjetësve evropianë të dialogut, Josep Borrell dhe Miroslav Lajçak.

Në samitin e Paqes dhe Demokracisë (KDPS), Hovenier tha se vetëm normalizimi i marrëdhënieve Kosovë-Serbi i sjell dy vendet më pranë institucioneve trans-atlantike. Derisa theksoi se Shtetet e Bashkuara dhe partnerët e shohin dialogun e lehtësuar nga BE si më të mirën dhe si të vetmen mënyrë për të avancuar dhe arritur integrimin e plotë evropian dhe paqe e prosperitet të qëndrueshëm në rajon.

E siç tha ai, zbatimi i marrëveshjes së bazike dhe aneksit të saj nga të dyja palët, mbetet pritshmëri e ShBA-së.

“Ne po përpiqemi të mbështesim secilin vend këtu për t’u transformuar, për t’u bërë një kontribues i sigurisë dhe jo një burim problemesh dhe destabiliteti. Kjo do të thotë se do të vazhdoni të shihni mbështetjen e plotë amerikane për dialogun e lehtësuar nga BE. ShBA ka besim të plotë në Bashkimin Evropian, në lehtësimin e saj të dialogut, dhe se ShBA ka besim të plotë te përfaqësuesi i Lartë Borrell dhe përfaqësuesi Special i BE-së, Lajçak, si zbatues objektivë të kësaj politike. Dhe, këtu nuk dua të flas me fjalë. Është e rëndësishme për të gjithë akterët në këtë proces, të pranojnë procesin në të cilin janë dhe të luajnë ‘poker’ me letrat që u janë shpërndarë. Dhe për të mbajtur parasysh këtë vizion që punon drejt marrëdhënies së normalizimit, duke punuar drejt zbatimit komplet dhe të plotë të [marrëveshjes së] Ohrit dhe aneksit të zbatimit të saj nga të dyja palët që është pritshmëria jonë, zbatimi i plotë nga të gjithë, është rruga përpara, e sjell Kosovën shumë më afër këtij vizioni që ne ndajmë për integrim të plotë në strukturat evropiane dhe euroatlantike”, tha Hovenier, dy ditë pasi kryeministri i Kosovës, Albin Kurti, drejtoi akuza ndaj Lajçakut, që e cilësoi si ndërmjetësues të njëanshëm.

Ai theksoi se ShBA-ja dhe vendet transatlantike e mbështesin paqen dhe angazhohen për të, sikurse bën në Bosnje dhe në Kosovë, porse shtoi se njerëzit e rajonit duhet të jenë udhëheqës në avancimin e vziionit të tyre.

“Unë kam qenë dëshmitar i dorës së parë i fuqisë, kapacitetit të aleancave transatlantike dhe strukturave evropiane dhe partneriteteve që ne ndërtuam së bashku kur mobilizuam forcat tona për t’i dhënë fund spastrimit etnik apo dhunës në Bosnje apo këtu në Kosovë. Herë pas here, pa pushim, Aleancat Translatike, angazhimi diplomatik, veprimet e NATO-s, aktiviteti dhe vendimet e BE-së janë dëshmuar në elementë thelbësorë dhe të rëndësisë kritike të angazhimit të diplomacisë dhe sigurisë në ndjekjen e paqes. Por ne nuk mund ta arrijmë këtë, ne mund ta mbështesim atë, ne mund ta lehtësojmë atë, por njerëzit e rajonit duhet të jenë udhëheqës në shikimin dhe avancimin e vizionit të tyre dhe ne jemi të gatshëm të qëndrojmë plotësisht në mbështetje të një vendi të fuqishëm dhe kuptimplotë”, tha Hovenier.

Ambasadori amerikan theksoi se e ardhmja e Ballkanit Perëndimor mbetet në institucionet evropiane dhe transatlantike.

“Procesi zyrtar i anëtarësimit në BE është duke u zhvilluar për Shqipërinë, Malin e Zi, Maqedoninë e Veriut dhe Serbinë. Këto janë ndryshime. Dhe ndërsa sfida kryesore aktuale për arritjen e këtij vizioni të një Evrope krejtësisht të lirë dhe në paqe, që përfshin Ballkanin Perëndimor në opinionet tona, padyshim që lufta brutale e gjithanshme që Putin po bën tani për Ukrainën, siç e thashë tashmë në fjalim, Ballkani Perëndimor mbetet një element thelbësor, jo vetëm kritik, por absolutisht thelbësor i vizionit. Evropa nuk është e tërë pa Ballkanin Perëndimor, duhet të jemi të qartë. Pra, ndërsa ky rajon është qartësisht pjesë qendrore e Evropës, sot jam po aq i sigurt sa kam qenë ndonjëherë se e ardhmja e Ballkanit Perëndimor mbetet në institucionet evropiane dhe transatlantike”, vijoi ai.

Edhe pse sfidat e sigurisë dhe politike sot nuk ndihen si në epokën e Millosheviqit, Hovenier theksoi se një dështim për të arritur marrëdhënie të normalizuara mes Kosovës dhe Serbisë është dhe mbetet pengesë e madhe për avancimin e rajonit.

“Qëllimi i SHBA-së mbetet shumë, shumë i qartë, kjo marrëveshje aktuale, kjo përpjekje për të avancuar marrëdhëniet e normalizuara është një hap i përkohshëm drejt një qëllimi eventual të njohjes reciproke mes këtyre dy vendeve, kjo duhet të ndodhë, nuk mund të keni paqe të qëndrueshme pa të. Por një dështim për të avancuar, një dështim për të arritur marrëdhënie të normalizuara është dhe mbetet një pengesë e madhe për avancimin e këtij rajoni në institucionet evropiane dhe euroatlantike me të gjitha pasojat shoqëruese, jo vetëm për Kosovën dhe Serbinë, por për rajonin”.

Ambasadori amerikan u shpreh se janë duke punuar shumë për të ndihmuar Kosovën dhe Serbinë, që të kenë të ardhme të qëndrueshme dhe të begatë. Sipas tij, ShBA-ja pret që ta sheh Kosovën “të zërë vendin e saj të merituar, si një vend i mesëm i vogël i Ballkanit Perëndimor, vend që njihet nga i gjithë komuniteti ndërkombëtar për atë që është, një shtet plotësisht i pavarur dhe sovran, kjo është e padiskutueshme”.

Related Topics:
Continue Reading

Lajmet

United Hospital – standard i ri në shërbimet spitalore, me teknologji të avancuar dhe kujdes mjekësor 24/7

Published

7 hours ago

on

August 13, 2026

By

Prishtinë – Në zhvillimin e shërbimeve moderne shëndetësore në Kosovë dhe rajon, United Hospital synon të pozicionohet si një qendër e integruar e kujdesit spitalor, ku ekspertiza mjekësore ndërthuret me teknologjinë bashkëkohore dhe diagnostikimin e avancuar. Si spital i përgjithshëm privat, institucioni ofron një gamë të gjerë shërbimesh mjekësore, me synim që pacientët të kenë qasje në trajtim dhe diagnostikim të specializuar në një mjedis të vetëm.

Drejtuesi dhe menaxheri i United Hospital, Edmond Hajrizi, i njohur për formimin e tij akademik dhe përvojën e ndërtuar në institucione universitare ndërkombëtare, thekson se filozofia e spitalit mbështetet në një standard të lartë profesional, përgjegjësi institucionale dhe kujdes të vazhdueshëm ndaj pacientit.

Sipas tij, United Hospital synon të ruajë pozicionin e tij lider përmes një game të gjerë profilesh të avancuara shëndetësore, të cilat, sipas tij, nuk ofrohen në të njëjtën përmasë nga spitalet e tjera.

“Jemi të kujdesshëm dhe të përgjegjshëm ndaj çdo klienti dhe pacienti. Për mua dhe për të gjithë stafin e spitalit, jeta dhe shërbimet shëndetësore janë prioriteti kryesor. Synimi ynë është të vazhdojmë të investojmë në kuadro profesionale, teknologji dhe shërbime cilësore, duke i bërë ato njëkohësisht sa më të përballueshme për qytetarët, në mënyrë që çdo pacient të ketë mundësinë të marrë trajtimin e duhur shëndetësor”, shprehet Hajrizi.

Një prej risive të prezantuara nga United Hospital është Rezonanca Magnetike e asistuar nga Inteligjenca Artificiale, teknologji që synon të mbështesë procesin diagnostik dhe të rrisë efikasitetin e ekzaminimeve radiologjike. Integrimi i teknologjive të reja në mjekësi përfaqëson një hap të rëndësishëm drejt diagnostikimit më të standardizuar dhe marrjes së vendimeve klinike mbi bazën e të dhënave të detajuara.

Një tjetër element i rëndësishëm i modelit të shërbimit të United Hospital është disponueshmëria 24 orë në ditë, shtatë ditë në javë, për disa prej shërbimeve kryesore. Laboratori, Emergjenca, Radiologjia dhe Mjekimi Intensiv (ICU) janë të organizuara për të ofruar mbështetje të vazhdueshme për pacientët, veçanërisht në situatat kur ndërhyrja e shpejtë dhe koordinimi ndërmjet ekipeve mjekësore janë të domosdoshme.

Në kuadër të shërbimeve të specializuara, United Hospital përfshin kardiologjinë dhe kardiokirurgjinë, kirurgjinë e përgjithshme, ortopedinë, si dhe fusha të tjera të kujdesit specialistik. Kjo qasje multidisiplinare synon të krijojë një zinxhir të integruar të diagnostikimit, trajtimit dhe kujdesit pasues.

Me investimet në infrastrukturë, pajisje moderne dhe kapacitete profesionale, United Hospital synon të kontribuojë në ngritjen e standardeve të shërbimeve private shëndetësore në Kosovë, duke vendosur në qendër të veprimtarisë sigurinë, dinjitetin dhe nevojat individuale të pacientit./rajonipress/

📞 038 60 70 70 / 046 60 70 70
📍 M2 Prishtinë–Ferizaj, Km 7, Prishtinë, Kosovë

Continue Reading

Lajmet

Aktakuzë ndaj katër personave për keqpërdorim të detyrës zyrtare në Ministrinë e Infrastrukturës

Published

7 hours ago

on

August 13, 2026

By

Prokuroria Speciale, ka ngritur aktakuzë ndaj të pandehurve B.R., B.H., R.Q. dhe N.L, për veprën penale “Keqpërdorimi i pozitës apo autoritetit zyrtar”.

Sipas aktakuzës, gjatë periudhës 02.08.2017 deri më 26.11.2020, në Prishtinë, në cilësinë e personave zyrtarë të Ministrisë së Infrastrukturës, të pandehurit i kanë tejkaluar kompetencat e tyre ligjore dhe nuk i kanë përmbushur detyrat zyrtare, në lidhje me inicimin, prokurimin, menaxhimin, autorizimin, certifikimin dhe pagesën e kontratës publike “Mirëmbajtja e Urave në Rrugët Nacionale dhe Rajonale të Kosovës për vitet 2017–2019”.

“Të pandehurit akuzohen se kanë vepruar në kundërshtim me Ligjin për Prokurim Publik, të Rregullores dhe Udhëzimit Operativ për Prokurim Publik, si dhe me Rregullën Financiare për Shpenzimet e Parasë Publike, pasi, ndonëse aktiviteti i prokurimit ishte iniciuar me vlerë të parashikuar prej 500,000 eurosh, janë realizuar pagesa totale në shumën prej 5,377,058.07 eurosh”, thuhet në njoftim.

Po ashtu, sipas aktakuzës, thuhet se janë nënshkruar dhe certifikuar raporte të punimeve me sasi shumëfish më të larta se ato të parapara në dosjen e tenderit, pa aneks-kontratë, pa procedurë të re prokurimi dhe pa verifikim të rregullt nga komisioni i pranimit të punëve.

Prokuroria i ka propozuar Gjykatës që të pandehurve t’u shqiptohet edhe dënimi plotësues: ndalimi i ushtrimit të funksioneve në administratën publike ose në shërbimin publik./A.K/

 

Continue Reading

Lajmet

Shpërthim në portin e Roterdamit, një i vdekur dhe disa të plagosur

Published

7 hours ago

on

August 13, 2026

By

Një shpërthim ka ndodhur në portin e Roterdamit në Holandë, duke shkaktuar vdekjen e një personi dhe plagosjen e disa të tjerëve.

Policia njoftoi se shpërthimi ndodhi rreth orës 11:30 në rrugën Moezelweg, ndërsa zona është rrethuar. Shkaku i shpërthimit ende nuk dihet dhe autoritetet kanë nisur hetimet.

Në të njëjtën zonë, kompania Gunvor Energy, e cila menaxhon rezervuarë për ruajtjen e derivateve të naftës, raportoi një incident tjetër gjatë punimeve të mirëmbajtjes, ku disa persona mbetën të plagosur.

Mediat lokale raportuan edhe për ndërprerje të energjisë elektrike në port. Autoritetet po hetojnë nëse ka ndonjë lidhje mes ndërprerjeve dhe shpërthimit.

Porti i Roterdamit është porti më i madh në Evropë dhe përfshin rafineri nafte dhe një numër objektesh petrokimike./A.K/

Continue Reading

Lajmet

Rama: Ukraina e ka gabim për Kosovën, por e drejta e saj për të qenë e lirë mbetet e padiskutueshme

Published

7 hours ago

on

August 13, 2026

By

Kryeministri i Shqipërisë, Edi Rama, ka reaguar pas deklaratës së presidentit ukrainas, Volodymyr Zelensky, në Beograd, ku ky i fundit tha se Ukraina nuk do ta ndryshojë qëndrimin sa i përket pavarësisë së Kosovës.

Rama ka thënë se Ukraina dhe Zelensky “e kanë gabim për Kosovën”, por ka theksuar se kjo nuk e ndryshon mbështetjen e Shqipërisë për Ukrainën dhe të drejtën e saj për të qenë e lirë.

Në një postim, Rama ka kritikuar ata që, pas deklaratës së Zelenskyt, kanë kërkuar që Shqipëria dhe Kosova të ndryshojnë qëndrimin ndaj Ukrainës.

“Miku im i dashur, Volodymyr Zelensky, qëndroi në Beograd dhe tha se Ukraina nuk do ta njohë kurrë Kosovën. Brenda një ore, nacionalistët më të zëshëm popullistë në Tiranë dhe Prishtinë nisën të bëjnë llogaritë gjeopolitike: ndoshta duhet ta ndëshkojmë Ukrainën, të mos e mbështesim më të lirën dhe të mos vajtojmë për viktimat e bombardimeve. Më të pamaturit prej tyre na sulmuan pse nuk hoqëm dorë nga Ukraina. Madje, disa brohoritën për Rusinë!”, ka shkruar Rama./A.K/

Continue Reading

Të kërkuara