Agjencia e Azilit të BE-së (EUAA) njoftoi sot se mbi 100 mijë kërkesa për mbrojtje ndërkombëtare të dërguara nga sirianët në mërgim në BE janë duke u shqyrtuar në 27 shtete anëtare.

Në fund të tetorit janë regjistruar pak më shumë se 108.200 kërkesa në pritje për vendimin e parë dhe përveç kësaj, bëhet e ditur se kërkesat e refuzuara mund të ankimohen, tha i njëjti burim.

Këto të dhëna u publikuan në një kohë kur Gjermania, Italia, Suedia dhe Belgjika, njoftuan se po pezullonin shqyrtimin e kërkesave për azil nga sirianët pas rënies së Bashar al-Assad.

Qe nga fillimi i luftës në Siri, mbi gjysma e popullsisë është larguar nga vendi ose 13 milionë njerëz, sipas UNHCR. Turqia, Libani, Jordania, Egjipti pranuan shumicën e gjashtë milionë refugjatëve sirianë, por shumë prej tyre u larguan në Evropë.

Gjermania ka pothuajse 800 mijë refugjatë sirianë, ndërsa Suedia është në vendin e dytë.

Belgjika thotë se rreth 35 mijë sirianëve u është dhënë mbrojtje në tokën e saj gjatë dekadës së fundit. Franca numëronte 45.600 refugjatë sirianë në vitin 2024. Të dy vendet thanë se po trajtonin rreth 4.500 kërkesa të reja për azil nga sirianë qe nga fillimi i këtij viti.

Pokurori i Shtetit ka ftuar kryeministrin Albin Kurti për paraqitje në Prokurorinë Speciale më 16 dhjetor, në orën 09:30.

Prokurori i Shtetit thirrje për dëshmitarin Albin Kurti në objektin e Prokurorisë Speciale më 16 dhjetor 2024, në ora 09:30, thuhet në dokumentin e publikuar nga zëdhënësi i Qeverisë së Kosovës Përparim Kryeziu në Facebook.

“Teksa kryeministri Kurti ndodhet në mbledhje të Kryesisë së Lëvizjes Vetëvendosje! për të përmbyllur listën e kandidatëve për deputetë nga koalicioni LVV, Guxo dhe Alternativa në zgjedhjet e vitit 2025, nga kryeministria më njoftuan se ka ardhur një ftesë për të nga Prokuroria Speciale.

Në zgjedhjet e kaluara kishte një vendim gjyqësor i cili ia kishte pamundësuar kandidimin në garën zgjedhore të 14 shkurtit 2021, kurse tash përmes kësaj ftese po tentohet ndikimi në rezultatin e zgjedhjeve të 2025. Qëllimi mbetet i njëjtë. Metoda ka ndryshuar. Kjo është ndërhyrje e sistemit të drejtësisë në proces zgjedhor”, ka shkruar Kryeziu.

Zvicra aktualisht mban 99 milionë franga zvicerane (112 milionë dollarë) në fonde të ngrira siriane, shumica e të cilave janë bllokuar prej vitesh, njoftoi sot Qeveria zvicerane.

Shumica e fondeve janë ngrirë që kur Zvicra miratoi sanksionet e BE-së kundër Sirisë në maj 2011, tha Sekretariati i Shtetit për Çështje Ekonomike (SECO).

Zvicra shtoi tre persona të tjerë në listën e saj të sanksioneve lidhur me Sirinë këtë javë.

“Aktualisht janë 318 individë dhe 87 subjekte në listën e sanksioneve,” tha një zëdhënës i SEC, duke refuzuar të sqarojë nëse Zvicra kishte ngrirë ndonjë pasuri të presidentit të rrëzuar sirian Bashar al-Assad.

Institucionet financiare zvicerane dikur mbanin asete të bllokuara siriane me vlerë 130 milionë franga zvicerane, raporton gazeta Neue Zuercher Zeitung.

“Luhatjet në shumën totale të aktiveve të kufizuara mund të shpjegohen nga disa faktorë, duke përfshirë luhatjet në vlerën e llogarive të kufizuara të letrave me vlerë dhe efektet e kursit të këmbimit, dhe fshirjen e disa personave ose subjekteve të sanksionuara,” sipas SEC.

Ambasadorët e vendeve anëtare të Bashkimit Evropian u dakorduan sot për paketën e 15-të të sanksioneve kundër Rusisë, të cilat do të konfirmohen zyrtarisht nga ministrat e Jashtëm ditën e hënë.

Në sanksionet e reja përfshihen masa kufizuese për afro 50 anije të vendeve të treta që mbështesin agresionin rus ndaj Ukrainës, si dhe janë shtuar personat dhe personat juridikë, njoftoi Presidenca e Hungarisë.

Vendimi i ri zgjat edhe për gjashtë muaj të tjerë mundësinë e Çekisë për të importuar produkte nafte nga Rusia përmes Sllovakisë.

Presidentja e Komisionit Evropian, Ursula von der Leyen, e përshëndeti vendimin në X.

“Unë mirëpres miratimin e paketës së 15-të të sanksioneve që synon në mënyrë specifike flotën e fshehtë ruse,” shkroi ajo.