Lajmet
Hovenier: Ka aktorë të huaj që tentojnë të minojnë demokracinë e Kosovës
Ambasadori i Shteteve të Bashkuara të Amerikës, Jeffrey Hovenier ka deklaruar se në Kosovë “ka aktorë të huaj keqdashës aktivë që tentojnë të minojnë demokracinë e Kosovës duke i shfrytëzuar ndasitë etnike”.
Ai ka thënë se diçka e tillë nuk duhet lejuar të ndodhë.
Në një konferencë për integritetin e informacionit DISICON, të organizuar nga Instituti Kombëtar Demokratik (NDI) me seli në Uashington, Hovenier ka theksuar se dezinformatat mund të kenë pasoja të mëdha veçanërisht gjatë viteve të zgjedhjeve, duke shtuar se është e rëndësishme që qytetarët të kenë qasje në informata të sigurta.
Ai ka përmendur një bisedë të rreme të publikuar në rrjetet sociale disa vjet më parë ku bëhej fjalë për një bisedë jo të vërtetë mes tij dhe kryeministrit Albin Kurti, duke thënë se kishte për “synim të mbillte mosbesim brenda komunitetit serb të Kosovës”.
“Dezinformatat mund të kenë pasoja të mëdha, por veçanërisht gjatë viteve të zgjedhjeve dhe është e rëndësishme që qytetarët të kenë qasje në informata të sigurta për të marrë vendimet më të mira që mund të marrin për të ardhmen e vendit të tyre…Ka aktorë dashakeq të huaj aktivë që tentojnë të minojnë demokracinë e Kosovës duke ekspaltuar ndasitë etnike. Nuk duhet të lëmë një gjë e tillë të ndodhë…E keni parë se si një bisedë e rrejshme mes meje dhe kryeministrit Kurti që dukej se synonte të mbillte mosbesim tek komuniteti serb i Kosovës, i cili u postua online. Për fat të mirë jo shumë njerëz e morën seriozisht dhe unë pata folur që nuk isha unë, por çfarëdo teknologjie shfrytëzonte zërin tim, por kryeministri Kurti fliste me një theks britanik dhe shumë shpejtë e kuptuam dhe patëm mundësi që ta mohonim një gjë të tillë. Por, që dikush kishte shkruar një skenar, kishte përgatitur, kishte bërë një regjistrim për të mbjellë mosbesim dhe shqetësim tek komuniteti serb dhe e publikoi në rrjetet sociale, është indikator i problemit për të cilin po flas”, deklaroi Hovenier.
Për këtë ai ka thënë se lëvizjet e tilla tregojnë se aktoret keqdashës përpiqen të shfrytëzojnë natyrën shumetnike të Kosovës për të krijuar ndarje.
“Lëvizjet e tilla tregojnë se aktoret keqdashës përpiqen të shfrytëzojnë natyrën shumetnike të Kosovës për të krijuar ndarje. Diversiteti i Kosovës është burim i forcës dhe Kosova është shtet shumë etnik, është burim i forcës dhe jo i ndasisë. Dhe nismat si DISCION mund të gjejnë mënyra të reja për të ndërtuar ekosisteme, informacione që nxisin besime ndërmjet grupeve etnike duke e bërë vendin më të fortë. ShBA është shumë e përkushtuar për këtë punë”, shtoi Hovenier.
Hovenier, i cili përfundon mandatin e tij në Kosovë në fund të dhjetorit, ka ritheksuar rolin e SHBA-ve ndaj Kosovës, duke thënë se mbeten të përkushtuar ndaj këtij vendit në mbështetje të mediave të pavarura, përfshirë ato që drejtohen nga pakicat.
Kreu i Lëvizjes Vetëvendosje, Albin Kurti, ka dhënë dorëheqje nga posti i kryeministrit, në mënyrë që të mund të bëjë betimin si deputet i legjislaturës së nëntë.
Dorëheqje kanë dhënë edhe anëtarët e tjerë të Qeverisë në detyrë të Kosovës, që janë zgjedhur deputetë në zgjedhjet e 9 shkurtit.
Ndërkohë nuk është miratuar raporti i komisionit të përkohshëm për verifikimin e mandateve të deputetëve në Kosovë.
Kjo është hera e parë që ndodhë një gjë e tillë, e çon në ndërprerjen e seancës konstituive.
Një pjesë e deputetëve janë larguar nga salla e seancave plenare. Ndërkohë që anëtarët e komisionit janë duke diskutuar me kryesuesin e seancës për të vendosur si do të vazhdohet më tej.
Diamanti blu ne ankand/ Guri i çmuar, pjesë e trashëgimisë mbretërore të Indisë
Përballja mes Shqipërisë dhe Serbisë, UEFA zbulon vendin ku do të mbahet ndeshja
Katy Perry do të udhëtojë në hapësirë, ja imazhi që postoi para nisjes
Sfidat vendimtare për të kaluar në gjysmëfinale
Ndryshimet klimatike e përkeqësojnë alergjinë nga poleni
Audi ndërpret eksportet në SHBA
Bëhet publike letra me të cilën Albin Kurti e paralajmëroi dorëheqjen
Kusari Lila: PDK, LDK, AAK dhe Lista Serbe votuan së bashku kundër mandateve të tyre
Johnny Depp befason fansat me transformimin për një rol në një film të ri
-
Bota3 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months agoFluturimet e dëbimit kanë filluar, thotë Shtëpia e Bardhë
-
Bota3 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë