Lajmet

​Haxhi Shala nuk deklarohet për akuzat e Speciales

Published

on

Në paraqitjen e parë para Dhomave të Specializuara në Hagë, Haxhi Shala nuk është deklaruar rreth fajësisë apo pafajësisë së tij ndaj tri akuzave. Para trupit gjykues, ish-eprori i Ushtrisë Çlirimtare të Kosovës tha se një gjë të tillë do ta bëjë në seancën e ardhshme.

Në seancën e sotme, atij i është lexuar aktakuza, ku i njëjti akuzohet për “tentativë për pengimin e personave zyrtarë në kryerjen e detyrave zyrtare përmes kërcënimit të rëndë, tentim për pengimin e personave zyrtarë në kryerjen e detyrave zyrtare përmes pjesëmarrjes në veprimin e përbashkët të një grupi dhe për frikësim gjatë procedurës penale”. Haxhi Shala, i cili ndodhet në paraburgim, ka konfirmuar se ka pranuar aktakuzën në gjuhën shqipe.

Gjyqtari i procedurës paraprake, Nicolas Guillou tha se Shalës i është caktuar një avokat mbrojtës kujdestar, deri në emërimin e një mbrojtësi përfundimtar.

Në paraqitjen para Dhomave të Specializuara, Haxhi Shala nuk është deklaruar në lidhje me fajësinë apo pafajësinë mbi akuzat që e rëndojnë.

“Nuk mund të deklarohem sot, po e lë për seancën tjetër”, tha ish-eprori i Ushtrisë Çlirimtare të Kosovës.

Teksa u pyet nëse ka ndonjë koment në lidhje me arrestimin, transferimin dhe kushtet e paraburgimit, Shala tha “gjithçka është në rregull”.

Sekretarja e gjykatës teksa lexoi aktakuzën e konfirmuar tha se Haxhi Shala akuzohet për kërcënim të rëndë, pengim të personave zyrtar për kryerjen e detyrave zyrtare dhe frikësim gjatë procedurës penale.

“Në aktakuzën e konfirmuar, prokurorja e specializuar akuzon Haxhi Shala për pikën 1: Tentim për pengimin e personave zyrtare në kryerjen e detyrave zyrtare, përmes kërcënimit të rëndë e ndëshkueshme në bazë të nenit 401 (1) dhe (5) të Kodit Penal të Kosovës të vitit 2019 dhe nenit 15 (2) të ligjit. Pika 2: Tentim për pengimin e personave zyrtarë në kryerjen e detyrave zyrtare përmes pjesëmarrjes në veprimin e përbashkët të një grupi, e ndëshkueshme në bazë të nenit 401 (2) dhe (5) të Kodit Penal të Kosovës të vitit 2019 dhe nenit 15 (2) të ligjit dhe pika 3: frikësim gjatë procedurës penale, e ndëshkueshme në bazë të nenit 387 të Kodit Penal të Kosovës të vitit 2019 dhe nenit 15 (2) të ligjit. Këto vepra penale u kryen së paku 5 deri më 12 prill 2023. Në lidhje me këto vepra penale ekziston dyshimi i bazuar mirë se Haxhi Shala është penalisht përgjegjës në bazë të nenit 16 (3) të ligjit për: a) kryerje të veprës penale në pikën 3 në bazë të nenit 17 të Kodit Penal të Kosovës të vitit 2019, b) bashkëkryerje me zotëri Ismet Bahtjari dhe Sabit Januzi të veprave penale në pikat 1 dhe 3 në bazë të nenit 31 të Kodit Penal të Kosovës të vitit 2019”, tha ajo.

Ish-eprori i Ushtrisë Çlirimtare të Kosovës (UÇK), Haxhi Shala, i njohur me nofkën “Topi”, është arrestuar më 11 dhjetor, ku një ditë më vonë u transferua në Qendrën e Paraburgimit në Hagë. Ndërsa, Sabit Januzi dhe Ismet Bahtijari janë arrestuar në Kosovë më 5 tetor 2023 dhe janë transferuar në objektin e paraburgimit të DHSK-së më 6 tetor 2023, në bazë të aktakuzës së konfirmuar.

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Lajmet

86 aksidente trafiku dhe mbi 2 mijë gjoba në 24 orët e fundit

Published

on

By

Policia e Kosovës ka raportuar se brenda 24 orëve të fundit janë regjistruar gjithsej 86 aksidente trafiku. Nga to, një ka rezultuar me fatalitet, 25 me lëndime trupore dhe 61 me dëme materiale.

Gjatë kësaj periudhe, janë shqiptuar gjithsej 2,241 gjoba për shkelje të rregullave në komunikacion.

Po ashtu, policia ka arrestuar 26 persona, ndërsa 15 janë dërguar në mbajtje.

Continue Reading

Të kërkuara