Lajmet

Familjet e tetë amerikanëve që besohet se po mbahen peng nga Hamasi do të takohen sot me Bidenin

Edhe sekretari i Shtetit, Antony Blinken dhe zëvendëskëshilltari i Sigurisë Kombëtare, Jon Finer do t’i bashkohen takimit.

Published

2 years ago

on

Familjet e të tetë amerikanëve të pagjetur që besohet se janë rrëmbyer nga Hamasi më 7 tetor pritet të takohen me presidentin amerikan, Joe Biden, të mërkurën, konfirmoi një zyrtar i lartë i administratë. 

Në një intervistë për CNN, zyrtari i Shtëpisë së Bardhë, John Kirby tha se Biden do të zotohet se administrata do t’u ndihmojë në ribashkimin me familjarët e tyre.

Edhe sekretari i Shtetit, Antony Blinken dhe zëvendëskëshilltari i Sigurisë Kombëtare, Jon Finer do t’i bashkohen takimit. E mërkura shënon takimin e parë personal të Bidenit me familjet e pengjeve amerikane. Ai gjatë muajit tetor u takua përmes Zoomit me ta.

Këshilltari për siguri kombëtare, Jake Sullivan do të udhëtojë në Izrael këtë javë dhe planifikon të diskutojë çështjet e pengjeve gjatë këtij udhëtimi.

Tetë amerikanë – një grua dhe shtatë burra – janë ende të pagjetur pas sulmit të Hamasit ndaj Izraelit, konfirmoi Shtëpia e Bardhë. Katër amerikanë janë liruar deri më tani, pas negociatave intensive./UBTNews/

Related Topics:
Continue Reading

Lajmet

Sekuestrohen armë dhe narkotikë në aksione policore në Kosovë

Published

1 hour ago

on

June 4, 2026

By

Policia e Kosovës ka sekuestruar armë dhe substanca narkotike në disa aksione të zhvilluara në Graqanicë, Ferizaj dhe Vushtrri.

Në Graqanicë, gjatë një tentimi për kontroll policor, një i dyshuar është larguar duke ikur nëpër oborre shtëpish dhe duke hedhur sende gjatë arratisjes. Në vendngjarje, policia ka gjetur dhe sekuestruar një pistoletë me një fishek, si dhe një sasi të vogël të substancës së dyshuar narkotike. I dyshuari është arrestuar dhe më pas është liruar në procedurë të rregullt me vendim të prokurorit.

Në Ferizaj, njësitë policore kanë identifikuar një person të dyshuar për shitblerje të narkotikëve, i cili është larguar me veturë sapo ka vërejtur policinë. Në afërsi të vendit të ngjarjes është gjetur dhe sekuestruar 188.9 gramë substancë e dyshuar narkotike e llojit marihuanë, me vlerë rreth 2 mijë euro. I dyshuari është në kërkim policor dhe hetimet po vazhdojnë.

Në Vushtrri, është arrestuar një person tek i cili është gjetur një armë e gjatë M48 me tre fishekë. Arma është sekuestruar, ndërsa pas intervistimit, me vendim të prokurorit i dyshuari është liruar në procedurë të rregullt.

Continue Reading

Lajmet

Dy të arratisur nga Qendra Edukuese Korrektuese kapen dhe kthehen në qendër

Published

1 hour ago

on

June 4, 2026

By

Në Lipjan, më 03.06.2026 rreth orës 21:28, është raportuar arratisja e dy personave nga Qendra Edukuese Korrektuese në Lipjan, pasi zyrtarët korrektues kanë njoftuar për largimin e tyre nga institucioni.

Pas pranimit të informatës, janë ndërmarrë menjëherë veprime taktiko-operative nga autoritetet përkatëse me qëllim lokalizimin dhe kapjen e të dyshuarve.

Si rezultat i veprimeve në terren, të dy personat janë identifikuar, janë kapur dhe më pas janë kthyer sërish në Qendrën Edukuese Korrektuese në Lipjan.

Rasti është menaxhuar nga institucionet përgjegjëse, ndërsa rrethanat e arratisjes mbeten nën trajtim.

Continue Reading

Lajmet

Një polic u vra dhe një tjetër u plagos në Maliq të Shqipërisë

Published

2 hours ago

on

June 4, 2026

By

Një ngjarje e rëndë është regjistruar në zonën e Lozhanit, në Bashkinë e Maliqit, në Shqipëri, ku një efektiv policie ka humbur jetën dhe një tjetër ka mbetur i plagosur gjatë një operacioni të forcave të rendit.

Sipas informacioneve paraprake, autori i dyshuar i sulmit është kapur i plagosur. Në vendngjarje kanë mbërritur forca të shumta policore dhe grupet hetimore, të cilat po punojnë për zbardhjen e plotë të rrethanave të ngjarjes.

Autoritetet pritet të japin detaje shtesë lidhur me dinamikën e incidentit dhe identitetin e personave të përfshirë.

Kryeministri i Shqipërisë, Edi Rama, ka reaguar pas ngjarjes së rëndë në Maliq.

Rama njoftoi se polici i vrarë në krye të detyrës, Enea Mekolli, do të shpallet “Dëshmor i Atdheut”, ndërsa shprehu ngushëllimet për familjen e tij dhe uroi shërim të shpejtë për efektivin tjetër të plagosur gjatë aksionit.

“Gjatë një operacioni kurajoz për kapjen e një të shumëkërkuari, që prej vitesh i fshihej ligjit në malet e Korçës, ka humbur jetën një efektiv policie dhe është plagosur një i dytë. Ndërkohë, pasi hapi zjarr ndaj tyre, u plagos dhe u kap edhe krimineli”, ka shkruar Rama.

Kryeministri theksoi se autori duhet të përballet me ndëshkimin maksimal të parashikuar nga ligji dhe vlerësoi angazhimin e Policisë së Shtetit në luftën kundër kriminalitetit.

“Nderim përjetë dëshmorit të atdheut, ngushëllime familjes dhe shërim të shpejtë efektivit tjetër. Ndëshkim maksimal për të shumëkërkuarin dhe respekt maksimal për Policinë e Shtetit, që nuk do të ndalet asnjëherë në misionin e saj”, u shpreh Rama.

Foto: Balkanweb.com

Continue Reading

Lajmet

Dyshime për 338 euro të falsifikuara në Prishtinë

Published

2 hours ago

on

June 4, 2026

By

Sipas raportit të fundit të Policisë së Kosovës, është iniciuar një rast për falsifikim të parasë në Prishtinë, pas ekspertizës së kryer nga Agjencia e Kosovës për Forenzikë.

Në konsultim me prokurorin, më 3 qershor 2026 është hapur rasti pasi ekspertiza ka konstatuar se 338 euro në monedha dhe kartëmonedha të ndryshme dyshohet se janë të falsifikuara.

Paratë e dyshuara ishin dorëzuar në polici më 8 gusht 2024 nga një zyrtare e një banke private.

Autoritetet kanë bërë të ditur se hetimet po vazhdojnë nga ekipet përkatëse me qëllim të zbardhjes së plotë të rrethanave të rastit.

Continue Reading

Të kërkuara