Sport

Hamilton cak i fyerjeve raciste, pasi e fitoi Çmimin e Madh të Britanisë

Published

5 years ago

July 19, 2021

UBT news

Lewis Hamilton ka qenë cak i sulmeve dhe fyerjeve raciste në rrjetet sociale, pasi e fitoi Çmimin e Madh të Britanisë në garën e Formula 1 të dielën.

Hamilton u dënua me 10 sekonda pasi u përplas me rivalin për titull, Max Verstappen, gjatë xhiros së parë të garës, nga e cila holandezi doli i dëmtuar dhe përfundoi në spital, raporton Gazeta Express.

Derisa Verstappen u dërgua në spital ku e kaloi natën, Hamilton doli i pari edhe pse dënimi prej 10 sekondave e kishte kthyer në pozitën e katërt kur rinisi gara.

Vozitësi britanik u akuzua nga shumë si shkaktar i aksidentit, përfshirë edhe nga Verstappen, dhe si pasojë ai u përballë me fyerje dhe sulme raciste në rrjetet sociale gjatë 24 orëve të fundit.

Abuzimi që iu bë atij online është dënuar nga Mercedesi, Formula 1 dhe organi qeverisës FIA.

“Këta njerëz nuk kanë vend në sportin tonë. Ne bëjmë thirrje që përgjegjësit e këtyre sulmeve të japin llogari për veprimet e tyre”, shkruhet në një komunikatë të përbashkët të tyre.

“Formula Një, FIA dhe pilotët dhe ekipet po punojnë së bashku për ta ndërtuar një sport më gjithëpërfshirës dhe më të shumëllojshëm dhe raste të tilla të papranueshme të abuzimit online duhet të eliminohen”, shtoi ai.

Sport

KV Ulpiana triumfon ndaj KV Forcës

Published

2 hours ago

October 14, 2026

UBTNews

KV Ulpiana ka shënuar fitore ndaj KV Forcës në kuadër të Superligës A në volejboll, duke e mbyllur përballjen me rezultat 3:0 në sete.

Volejbollistët e Ulpianës treguan paraqitje të mirë që nga fillimi i takimit, duke fituar setin e parë me rezultat 25:17.

Ulpiana vazhdoi me ritëm pozitiv edhe në pjesën tjetër të ndeshjes, ndërsa seti i tretë rezultoi më i luftuar, duke u mbyllur me rezultat të ngushtë 25:23.

Me këtë triumf, Ulpiana regjistron një fitore të rëndësishme në Superligën A.

D.L

Sport

KV Ulpiana e nis fuqishëm ndeshjen ndaj KV Forcës, fiton setin e parë

Published

3 hours ago

October 14, 2026

UBTNews

KV Ulpiana ka nisur me rezultat pozitiv përballjen ndaj KV Forcës, në kuadër të Superligës A në volejboll.

Volejbollistët e Ulpianës kanë treguar lojë të mirë në setin e parë, duke e mbyllur atë me rezultat 25:17.

Ndeshja është duke vazhduar, ndërsa Ulpiana synon të ruajë epërsinë dhe të sigurojë fitoren.

D.L

Sport

Baton Zabërgja në formacionin më të mirë të javës në Ukrainë

Published

7 hours ago

October 14, 2026

UBTNews

Futbollisti i Përfaqësueses së Kosovës, Baton Zabërgja, është përfshirë në formacionin më të mirë të javës së tetë në Premier Leaguen e Ukrainës.

Përzgjedhja është bërë të mërkurën nga faqja zyrtare e kampionatit ukrainas, pas paraqitjeve të futbollistëve në ndeshjet e fundit.

25-vjeçari nga Vushtrria ishte ndër lojtarët më të dalluar në fitoren 2-1 të Kharkivit ndaj Odesas në udhëtim, duke kontribuar me një gol.

Sulmuesi kosovar po kalon një formë të shkëlqyer këtë edicion, duke u shndërruar në një nga lojtarët më produktivë të skuadrës së tij.

Në nëntë paraqitje në të gjitha garat, Zabërgja ka realizuar shtatë gola dhe ka kontribuar me katër asistime, duke konfirmuar formën e tij të mirë në futbollin ukrainas.

D.L

Sport

Albian Hajdari pëson një tjetër lëndim, jashtë fushës për disa javë

Published

8 hours ago

October 14, 2026

UBTNews

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L