Aktualitet

Hakerat kërkojnë 50 milion dollarë nga kompania e naftës në Arabinë Saudite, në këmbim të të dhënave

Published

5 years ago

July 22, 2021

UBT news

Prodhuesi më i vlefshëm në botë i naftës Saudi Aramco ka konfirmuar për BBC se të dhënat e kompanisë kanë dalur nga një prej kontraktorëve të saj.

Dosjet tani thuhet se po përdoren në një përpjekje për të zhvatur 50 milion $ (36.5 milion £) nga kompania.

Industria globale e naftës dhe gazit është kritikuar prej kohësh për dështimin për të investuar në sigurinë kibernetike.

Në një deklaratë me email, Aramco i tha BBC se “kohët e fundit u bë e vetëdijshme për lëshimin indirekt të një sasie të kufizuar të të dhënave të kompanisë të cilat mbaheshin nga kontraktorët e palëve të treta”.

Gjiganti energjetik i Arabisë Saudite nuk tha se cili kontraktor ishte prekur dhe as nëse kontraktori ishte hackuar ose nëse skedarët ishin zbuluar në ndonjë mënyrë tjetër.

“Ne konfirmojmë që lëshimi i të dhënave nuk ishte për shkak të shkeljes së sistemeve tona, nuk ka asnjë ndikim në operacionet tona dhe kompania vazhdon të mbajë një qëndrim të fuqishëm të sigurisë kibernetike”, tha firma.

Sipas Associated Press (AP), një terabajt, ose 1.000 gigabajt, e të dhënave të Aramco po mbahej nga zhvatës, duke cituar një faqe në darknet.

Raporti i AP tha se faqja ofronte fshirjen e të dhënave në këmbim të 50 milion dollarë në kriptomonedhë, megjithëse është e paqartë se kush qëndron pas komplotit të shpërblimit.

Kjo nuk është hera e parë që Aramco është shënjestër e një sulmi të lidhur me të dhënat. Në vitin 2012, rrjeti kompjuterik i kompanisë u godit nga i ashtuquajturi virus Shamoon./UBTNews

Related Topics:kryesore Arabia Saudite nafte

Up Next

Rrugët Pejë-Prishtinë dhe Pejë-Deçan po monitorohen me dron nga Policia

Don't Miss

Rekord viktimash nga aksidentet në New York

Sport

Aston Villa fiton Ligën e Evropës

Published

17 minutes ago

May 21, 2026

UBTNews

Aston Villa është fituese e Ligës së Evropës pasi në finale mposhti Freiburgun me rezultat bindës 3-0.

Skuadra angleze e nisi më mirë ndeshjen dhe krijoi raste të shumta që në minutat e para, me Morgan Rogers që ishte vazhdimisht rrezik për mbrojtjen kundërshtare. Freiburg pati rastin e tij më të mirë në minutën e 17-të, por nuk arriti të shënojë, dhe ky moment u konsiderua vendimtar për rrjedhën e lojës.

Goli i parë erdhi në minutën e 41-të kur Youri Tielemans shënoi pas asistimit të Morgan Rogers. Në fund të pjesës së parë, Emiliano Buendia dyfishoi epërsinë me një gol të bukur, duke çuar Aston Villën në pushim me avantazh 2-0.

Në pjesën e dytë, Freiburg tentoi të rikthehej në lojë, por Aston Villa e mbylli përfundimisht ndeshjen në minutën e 58-të, kur Morgan Rogers realizoi golin e tretë pas asistimit të Buendias.

Me këtë fitore, Aston Villa e mbyll sezonin evropian me trofe, duke treguar dominim në finale, ndërsa Freiburg nuk arriti të përballojë ritmin dhe cilësinë e kundërshtarit.

Ky është trofeu i parë i Ligës së Evropës për Aston Villën pas 44 vitesh, ndërsa trajneri Unai Emery e fiton këtë kompeticion për herë të pestë në karrierën e tij.

Lajmet

Nis votimi me postë për diasporën

Published

21 minutes ago

May 21, 2026

UBTNews

Nga sot ka nisur votimi me postë për shtetasit e Kosovës që janë regjistruar paraprakisht për të marrë pjesë në zgjedhjet e 7 qershorit.

Sipas Komisionit Qendror të Zgjedhjeve, rreth 105 mijë qytetarë pritet të votojnë përmes postës në këto zgjedhje.

Zëdhënësi i KQZ-së, Valmir Elezi, ka bërë të ditur se deri të mërkurën janë përgatitur rreth 75 mijë pako me fletëvotime, ndërsa rreth 30 mijë të tjera janë dërguar të enjten.

Çdo pako përmban fletëvotimin, zarfin e fshehtësisë, zarfin kthyes dhe udhëzuesin për procedurën e votimit. Sipas KQZ-së, secila dërgesë ka numër gjurmimi, në mënyrë që votuesit të mund të përcjellin vendndodhjen e pakos së tyre.

Votimi përmes postës do të zgjasë deri më 6 qershor. KQZ u ka bërë thirrje votuesve që t’i dërgojnë me kohë fletëvotimet, për të shmangur vonesat në arritjen e tyre për numërim në Kosovë.

Për këtë proces, KQZ ka vendosur kuti postare në 22 shtete të ndryshme, përfshirë Gjermaninë, Zvicrën, SHBA-në, Turqinë, Mbretërinë e Bashkuar dhe Shqipërinë.

Aktualitet

Trump dhe Netanyahu përplasen për qasjen ndaj Iranit

Published

28 minutes ago

May 21, 2026

UBTNews

Presidenti amerikan Donald Trump zhvilloi një bisedë të tensionuar me kryeministrin izraelit Benjamin Netanyahu të martën, duke reflektuar dallimet mes tyre për mënyrën se si duhet të vazhdohet me luftën dhe tensionet ndaj Iranit, raportojnë burime amerikane sipas CNN.

Sipas një zyrtari amerikan, kjo nuk ishte biseda e parë mes dy liderëve gjatë ditëve të fundit. Gjatë një telefonate të zhvilluar të dielën, Trump kishte bërë të ditur se kishte gjasa të vazhdonte me sulme të reja të targetuara ndaj Iranit në fillim të javës. Operacioni, sipas raportimeve, pritej të quhej “Operacioni Sledgehammer”.

Megjithatë, rreth 24 orë pas asaj bisede, Trump njoftoi se po pezullonte sulmet e planifikuara për të martën, me kërkesë të aleatëve të Gjirit Persik, përfshirë Katarin, Arabinë Saudite dhe Emiratet e Bashkuara Arabe.

Burime amerikane dhe persona të njohur me situatën thanë se vendet e Gjirit kanë qenë në kontakt të vazhdueshëm me Shtëpinë e Bardhë dhe ndërmjetës pakistanezë për të krijuar një kornizë që mund të hapte rrugë për negociata të mëtejshme diplomatike me Iranin.

“Jemi në fazat përfundimtare me Iranin. Do të shohim çfarë do të ndodhë,” deklaroi Trump para gazetarëve të mërkurën.

“Do të kemi ose një marrëveshje, ose do të bëjmë disa gjëra paksa të ashpra. Por shpresoj që kjo të mos ndodhë,” shtoi ai.

Negociatat në vazhdim kanë shkaktuar pakënaqësi te kryeministri izraelit Benjamin Netanyahu, i cili prej kohësh ka mbështetur një qasje më agresive ndaj Teheranit. Sipas burimeve amerikane dhe izraelite, Netanyahu beson se çdo vonesë vetëm sa i jep avantazh Iranit.

Gjatë bisedës njëorëshe të së martës, Netanyahu i shprehu Trumpit zhgënjimin e tij për shtyrjen e sulmeve dhe argumentoi se presidenti amerikan duhet të vazhdonte sipas planit fillestar.

Burime izraelite thanë se Netanyahu kërkoi rifillimin e veprimeve ushtarake, ndërsa dallimet mes dy liderëve u bënë të qarta: Trump dëshiron të shohë nëse mund të arrihet një marrëveshje diplomatike, ndërsa Netanyahu priste vazhdimin e aksioneve ushtarake kundër Iranit./CNN/

Lajmet

Filmi “Dua” i Blerta Bashollit triumfon në Kanë me çmimin “SACD”

Published

11 hours ago

May 20, 2026

UBTNews

Filmi “Dua”, me regji dhe skenar nga Blerta Basholli, ka shënuar një sukses të madh ndërkombëtar duke fituar çmimin “SACD” në kuadër të programit prestigjioz “Semaine de la Critique” në Festivalin e Filmit në Kanë.

Ky çmim ndahet nga Shoqata e Autorëve dhe Kompozitorëve Dramaturgjikë në Francë dhe vlerëson veprat me skenar origjinal, vizion autorial dhe qasje të veçantë artistike. Me këtë nderim, “Dua” renditet ndër produksionet më të spikatura të këtij edicioni në një nga festivalet më të rëndësishme të filmit në botë.

Vlerësimi për filmin e Bashollit konsiderohet një tjetër dëshmi e fuqisë krijuese dhe ngritjes së vazhdueshme të kinematografisë kosovare në arenën ndërkombëtare. Suksesi i “Dua” vjen pas rrugëtimit të suksesshëm të regjisores kosovare, e cila tashmë është bërë një nga emrat më të njohur të filmit nga Kosova në skenën botërore.

Ky çmim pritet të rrisë edhe më tej vëmendjen ndërkombëtare ndaj filmit dhe industrisë së filmit në Kosovë, duke konfirmuar potencialin e artistëve kosovarë për të konkurruar në platformat më prestigjioze globale.