Lajmet

Hajdari: Kosova e përqendruar në inovacion për zhvillimin ekonomik

“Kemi arritur të hartojmë politika të qarta publike për mbështetjen, nxitjen dhe promovimin e inovacionit në ndërmarrësi”, shtoi ajo.

Published

3 years ago

on

Përmes zhvillimit të inovacionit rritet punësimi i të rinjve dhe ngritët ekonomia në Kosovë.

Kështu është thënë në Konferencën finlandezo-kosovare me temën “Zhvillimi i ekosistemit të bizneseve fillestare (start-up) dhe inovacionit” në Prishtinë.

Ministrja e Industrisë, Ndërmarrësisë dhe Tregtisë, Rozeta Hajdari tha me këtë rast se edhe Kosova është e përqendruar në inovacion, digjitalizim dhe në promovimin e krijimit të sipërmarrjeve të reja, si start-up-eve.

Ministrja Hajdari theksoi se si qeveri duke qenë se Kosova është një vend që aspiron të anëtarësohet në Bashkimin Evropian, zhvillimi i instrumenteve dhe politikave për nxitjen e inovacionit sidomos tek të rinjtë, mund të rezultojë një hap i rëndësishëm në drejtim të zhvillimit të inovacionit në vend, rritjes se nivelit të punësimit tek të rinjtë, si dhe rritjes ekonomike të vendit.

“Kemi arritur të hartojmë politika të qarta publike për mbështetjen, nxitjen dhe promovimin e inovacionit në ndërmarrësi, po ashtu kemi përfunduar hartimin e draft-ligjit për Inovacion dhe Ndërmarrësi dhe Ligjin për Fondin e Inovacionit…Më gëzon fakti që kohëve të fundit, dëgjoj se të rinjtë e Kosovës po përzgjedhin drejtimet e studimit në shkencat ekzakte dhe teknologji dhe çdo ditë e më tepër ky numër po rritet. Gjithashtu edhe si ndërmarrës të ri e të suksesshëm me kreativitetin dhe idetë novatore, ata po krijojnë e lënë gjurmë të dukshme në ekonominë e Kosovës. Dhe duhet edhe ta themi edhe me një dozë krenarie normalisht meritore, se këtë armatë punëtorësh të vyeshëm, Qeveria e Kosovës dhe MINT, e ka mbështetur dhe po vijon ta mbështesë me normativë ligjore, programe grantesh, prezantime ndërkombëtare e krijim hapësirash, për zhvillim sa më të hovshëm të sektorit teknologjik, si një adut me shumë peshë për ngritjen e gjithmbarshme ekonomike të shtetit tonë“, theksoi ajo.

Ambasadori i Finlandës në Prishtinë, Matti Nissinen tha se Kosova është në rrugën e duhur që përmes teknologjisë të zgjidh probleme.

Ai tutje ofroi mbështetje për shtetin e Kosovës, teksa theksoi se Finlanda është partner i përsosur për të përshpejtuar digjitalizimin në Kosovë.

“Ne konsiderojmë se Finlanda është partneri i përsosur për të zhvilluar zgjidhje TIK dhe për të përshpejtuar digjitalizimin në Kosovë. Finlanda është një nga vendet më të avancuara digjitale sot. Ne kemi fuqi punëtore të talentuar të TI-së në Finlandë dhe shoqëri shumë inovative, dhe e përdorim teknologjinë për të zgjidhur problemet. Dhe unë gjithashtu besoj se edhe Kosova është në rrugën e duhur. Sipas raportit të vitit 2023, Kosova renditet jashtëzakonisht mirë, për sa i përket konkurrencës në sektorin e TI-së në Ballkanin Perëndimor, dhe që nga viti 2020, ka numër të madh të studentëve të TIK-ut. Kjo është vërtetë mbresëlënëse”, tha ai.

Drejtoresha Ekzekutive e STIKK – Shoqata kosovare për TIK, Vjollca Çavolli u shpreh se përdorimi teknologjik ka avancuar në Kosovë dhe tani 90 për qind e kompanive kosovare po i eksportojnë shërbime e tyre.

“Tani jemi rritur aq shumë, saqë pothuajse 90 për qind e kompanive kosovare po i eksportojnë shërbimet dhe produktet e tyre. Kjo është vërtet e mrekullueshme, dhe kam marrë informata nga universitetet publike dhe private, se numri po rritet çdo ditë, dhe çka është edhe më e rëndësishme, numri i vajzave apo grave studente është duke u rritur me shpejtësi. Tani numri i studenteve femra është më i madh se numri i studentëve meshkuj në universitetet publike dhe private, gjë që është kënaqësi ta them, ngase mendoj se shkencat kompjuterike apo teknologjia informative, duhet të jenë zgjedhja për shumicën e grave, ngase mendoj se janë të afta që të kenë sukses në këtë sektor”, tha ajo.

Dekani i Fakultetit të Inxhinierisë Elektrike dhe Kompjuterike, Isak Shabani u shpreh se konferencat si kjo e sotmja ndihmojnë në shkëmbimin e përvojave dhe bashkëpunimit në të ardhmen për forcim të edukimit dhe kërkimeve shkencore.

Në konferencën finlandezo-kosovare “Zhvillimi i ekosistemit të bizneseve fillestare (start-up) dhe inovacionit” përmes paneleve të ndryshëm me pjesëmarrës vendor e finlandez u diskutuan tema për mënyrën e zhvillimit të ekosistemit në inovacione dhe start-up.

Related Topics:
Continue Reading

Vendi

Bypass apo stent? Kur kirurgjia e zemrës bëhet zgjedhja më e përshtatshme për pacientin

Published

13 hours ago

on

August 19, 2026

By

Shëndeti i zemrës nuk përcaktohet vetëm nga një diagnozë, por nga kompleksiteti i dëmtimeve, gjendja e përgjithshme e pacientit dhe mënyra më e sigurt për të rikthyer qarkullimin e duhur të gjakut në muskulin e zemrës. Për këtë arsye, jo çdo problem i arterieve koronare mund të zgjidhet me vendosjen e një stenti apo vetëm përmes trajtimit medikamentoz.

Në rastet kur bllokimet janë të shumta, të përhapura ose anatomikisht komplekse, kirurgjia e bypass-it mund të jetë një alternativë e rëndësishme terapeutike, e cila vendoset pas vlerësimit të plotë të pacientit nga ekipi specialistik.

Pikërisht për këtë çështje, Dr. Sulejman Kusi, specialist i kardiologjisë/kardiokirurgjisë në United Hospital, shpjegon se vendimi ndërmjet stentit dhe bypass-it duhet të bazohet në karakteristikat konkrete të sëmundjes koronare dhe në gjendjen e përgjithshme shëndetësore të pacientit. Zgjedhja e trajtimit nuk është një vendim që merret në mënyrë të njëjtë për të gjithë, por kërkon ekzaminime, vlerësim të enëve koronare dhe gjykim të specializuar mjekësor.

Rikuperimi pas bypass-it kërkon kujdes dhe disiplinë

Pas një operacioni bypass, rikthimi në aktivitetet e përditshme është një proces gradual. Kujdesi për plagën operative, aktiviteti fizik i kontrolluar dhe ushqyerja e shëndetshme janë pjesë të rëndësishme të periudhës së rikuperimit.

Pacientët këshillohen që plagën operative ta mbajnë të pastër dhe të thatë, të ecin çdo ditë sipas udhëzimeve të mjekut dhe të kryejnë ushtrimet e frymëmarrjes pa e sforcuar organizmin. Po ashtu, një regjim ushqimor i balancuar, me më shumë fruta, perime dhe peshk dhe me kufizim të kripës së tepërt, mund të jetë pjesë e rëndësishme e kujdesit afatgjatë për shëndetin kardiovaskular.

Rikuperimi kërkon durim, terapi dhe monitorim

Periudha pas operacionit të zemrës nuk duhet parë si një kthim i menjëhershëm në ritmin e mëparshëm të jetës. Ajo kërkon disiplinë, durim dhe ndjekje të vazhdueshme mjekësore. Ecja e përditshme, ushtrimet e frymëmarrjes, marrja e rregullt e terapisë së përshkruar dhe pushimi i mjaftueshëm janë ndër elementet që mund ta mbështesin rikuperimin.

Në javët e para mund të shfaqen lodhje, shqetësime të menaxhueshme në kraharor, çrregullime të gjumit apo ulje e oreksit. Megjithatë, çdo simptomë e re, e fortë ose që përkeqësohet duhet t’i komunikohet ekipit mjekësor dhe nuk duhet të trajtohet vetëm me vetëkujdes.

Mosha e shtyrë nuk është kriteri i vetëm për kirurgjinë

Një prej pyetjeve të rëndësishme për pacientët dhe familjarët është nëse operacioni në zemër është i sigurt te personat në moshë të shtyrë. Sipas Dr. Sulejman Kusit, mosha në vetvete nuk e përcakton sigurinë e ndërhyrjes. Vlerësimi duhet të marrë parasysh gjendjen e përgjithshme shëndetësore, funksionimin e organeve, sëmundjet shoqëruese, gjendjen e zemrës dhe kompleksitetin e problemit koronar.

Për këtë arsye, vendimi për ndërhyrje kirurgjikale duhet të merret individualisht, pas një vlerësimi të plotë specialistik dhe pas peshimit të përfitimeve dhe rreziqeve për secilin pacient.

Në fund, mesazhi kryesor është i qartë: kujdesi për zemrën nuk përfundon me ndërhyrjen kirurgjikale. Bypass-i apo stenti mund të jenë pjesë e trajtimit, por kontrolli i faktorëve të rrezikut, terapia e përshkruar, aktiviteti fizik i përshtatur dhe ndjekja mjekësore mbeten thelbësore për shëndetin afatgjatë.

Për informacione dhe konsultime në United Hospital:
📞 038 60 70 70 / 046 60 70 70

Vendimi ndërmjet trajtimit medikamentoz, stentit dhe bypass-it duhet të merret vetëm nga mjeku/ekipi specialistik pas vlerësimit individual të pacientit./rajonipress/

Continue Reading

Vendi

Në Zubin Potok identifikohen mbetje kockore të së paku 23 personave

Published

13 hours ago

on

August 19, 2026

By

Prokuroria Speciale dhe Instituti i Mjekësisë Ligjore thanë se në Zubin Potok, në lokacionet ku dyshohet se ka varre masive, bazuar në vlerësimet preliminare janë identifikuar mbetje kockore që dyshohet se u përkasin të paktën 23 individëve.

“Identifikimi i plotë do të bëhet pas përfundimit të ekzaminimeve mjeko-ligjore dhe procedurave përkatëse”, u tha në njoftim.

Kryeministri në detyrë i Kosovës, Albin Kurti, më herët kishte deklaruar se mbetjet mortore të gjetura në Kalludër të Vogël, mund t’u përkasin grupit të 23 shqiptarëve që ishin zhdukur në atë pjesë të Kosovës në vitin 1999.

Ky grup, i njohur si “grupi i intelektualëve të Mitrovicës” është i zhdukur që nga 19 prilli i vitit 1999. Në mesin e tyre kishte mjekë, profesorë, avokatë dhe profile të tjera.

Gërmimet në Zubin Potok nisën më 28 korrik dhe gërmimet janë kryer në Kalludër të Vogël, Jakubë dhe në një lokacion tjetër në këtë komunë, në veri të Kosovës.

Gërmimet nisën pas një hetimi dyvjeçar lidhur me dyshimet për krime lufte.

Më 15 gusht, autoritetet kishin njoftuar se në Kalludër ishin gjetur mbetje eshtërore të të paktën tre personave.

“Aktualisht, lidhur me këtë rast janë duke u hetuar tre persona J.R., M.J dhe M.B. nën dyshimin për kryerjen e veprës penale ‘Krime lufte kundër popullsisë civile’, të cilët ndodhen në masën e paraburgimit”, tha Prokuroria Speciale e Kosovës.

Njëri nga të arrestuarit, sipas autoriteteve, dyshohet se në kohën e luftës kishte qenë pjesë aktive e Armatës Jugosllave.

Sipas Institutit të Krimeve të Kryera Gjatë Luftës në Kosovë, 1.577 persona vazhdojnë të jenë të zhdukur nga lufta e viteve 1998-1999, ndërsa janë dokumentuar gjithsej 12.230 viktima të luftës.

Kosova ka kërkuar vazhdimisht nga Serbia bashkëpunim për zbardhjen e fatit të personave të zhdukur dhe qasje në arkivat ushtarake që sipas autoriteteve mund të ndihmojnë në identifikimin e lokacioneve të varreve të mundshme.
/REL/

Continue Reading

Vendi

PDK i kërkon përseri Avni Deharit vazhdimin e seancës konstituive më 20 gusht

Published

14 hours ago

on

August 19, 2026

By

Deputetët e Partisë Demokratike të Kosovës (PDK) i kanë dërguar kërkesë zyrtare kryesuesit të seancës konstituive, Avni Dehari, për të thirrur vazhdimin e seancës ditën e enjte, më 20 gusht.

Përmes një letre, PDK-ja ka theksuar se caktimi i seancës është një obligim kushtetues dhe procedural i kryesuesit, duke paralajmëruar se vonesat e mëtejshme thellojnë shkeljet ligjore.

“Moskonstituimi i Kuvendit brenda afatit të përcaktuar tashmë ka krijuar një situatë të rëndë të shkeljes së Kushtetutës dhe të mosrespektimit të aktgjykimeve të Gjykatës Kushtetuese. Mosrespektimi i afateve dhe procedurave të përcaktuara me Rregulloren e Kuvendit vetëm sa e thellon më tej këtë situatë”, ,thuhet në kërkesen e PDK-së.

Kjo kërkesë vjen në kuadër të aksioneve të vazhdueshme të PDK-së, deputetët e së cilës po protestojnë çdo mëngjes para Qeverisë dhe po mblidhen çdo dy ditë në sallën e Kuvendit.

Në anën tjetër, që nga vazhdimi i fundit më 8 gusht, kryesuesi Avni Dehari nuk ka thirrur seancë të re, duke mbështetur qëndrimin e kryetarit të Lëvizjes Vetëvendosje, Albin Kurti, se pa një marrëveshje politike seancat mbeten “shterpe”. Kurti ka kërkuar më shumë kohë për negociata, me arsyetimin se pa një dakordim për postin e presidentit, vendi do të shkojë pashmangshëm në zgjedhje të reja.

Përderisa PDK-ja dhe AAK-ja kanë refuzuar takimet me Kurtin, ky i fundit ka zhvilluar negociata me Lidhjen Demokratike të Kosovës (LDK), përfshirë një takim me liderin e saj, Lumir Abdixhiku, për të diskutuar rreth çështjes së presidentit. Ndërkohë, afati kushtetues 30-ditor për konstituimin e Kuvendit pas certifikimit të rezultateve tashmë ka kaluar. /E.A/

Continue Reading

Lajmet

Murici dhe Vojvoda shkëlqejnë në Kupën e Italisë: Zënë vend në formacionin e javës

Published

15 hours ago

on

August 19, 2026

By

Dyshja e kombëtares së Kosovës, Arijanet Muric dhe Mërgim Vojvoda, kanë dhënë paraqitje të shkëlqyera në Kupën e Italisë, duke u përfshirë në formacionin më të mirë të javës sipas platformës së specializuar të statistikave, SofaScore.

Portieri Arijanet Muric dhuroi një paraqitje të nivelit të lartë në fitoren 3-0 të Sassuolos ndaj Cesenas, duke u vlerësuar me notën e lartë 8.7.

Nga ana tjetër, mbrojtësi Mërgim Vojvoda po ashtu ishte vendimtar në triumfin e Udineses kundër Padovas me rezultat 1-0, ku për performancën e tij u shpërblye me notën 8.3.

Përfshirja e të dy futbollistëve kosovarë në 11-shen më të mirë konfirmon formën e tyre të mirë në fillim të këtij edicioni në futbollin italian. /E.A/

Continue Reading

Të kërkuara