Lajmet

Hajdari: 15 milionë euro vlera e rezervës shtetërore për vitin 2023

“Qeveria e Kosovës ka shtuar 16-fish më shumë se atë që e kemi trashëguar”, tha ajo,

Published

4 years ago

on

Ministrja e Industrisë, Ndërmarrësisë dhe Tregtisë, Rozeta Hajdari, gjatë raportimit në Komisionin parlamentar për Ekonomi ka theksuar se rezerva shtetërore është rritur shumëfish më shumë, për vitin 2023 krahasuar me vitet paraprake.

Kjo rezervë sipas saj do të jetë në vlerë 15 milionë euro.

“Qeveria e Kosovës ka shtuar 16-fish më shumë se atë që e kemi trashëguar. Kosova kishte nënshkruar në vitin 2012 obligimet dhe marrëveshjen me komitetin e energjisë në Vjenë, dhe ne ende nuk e kemi kryer asnjë obligim prej vitit 2012 dhe vendi ynë mund të pësojë edhe penallti nëse ne nuk sigurojmë rezervat e detyrueshme përpos Rezervës shtetërore që ishte propozuar 25 milionë euro, por që është zvogëluar në vetëm 15 milionë euro”, theksoi ajo.

Ministrja Hajdari, ndër të tjera, ka thënë se Ministria e Industrisë, Ndërmarrësisë dhe Tregtisë (MINT), ka planifikuar që në vitin 2023 të emërojë 7 atashe ekonomikë.

Hajdari ka theksuar se diplomacia ekonomike dhe Agjencia për Investime dhe Përkrahjen e Ndërmarrjeve në Kosovë (KIESA) do të jenë prioritet për vitin e ardhshëm. Kjo sipas Hajdarit ka për qëllim promovimin dhe nxitjen e investimeve në Kosovë.

“Për vitin e ardhshëm janë kërkuar 7 atashe ekonomikë që parashihen për vitin 2023. KIESA duhet të forcohet për t’i siguruar Kosovës më shumë promovim, më shumë nxitje të investimeve dhe më shumë investitorë të huaj në Kosovë”, tha ajo.

Ministrja Hajdari raportoi për ndarjet buxhetore për 2023, për institucionet që janë në fushëveprim të Ministrisë së Industrisë, Ndërmarrësisë dhe Tregtisë.

Në mbledhjen e sotme, Komisioni ka miratuar Planin Kombëtar të Radio – frekuencave.

Related Topics:
Continue Reading

lajme

Protestat vazhdojnë në Prishtinë: Kërkohet që vrasja e grave të trajtohet si urgjencë kombëtare

Published

14 hours ago

on

October 30, 2026

By

Protesta kundër vrasjes së Arlinda Zekajt ka vazhduar edhe sot në Prishtinë, ku qytetarët janë mbledhur për të tretën ditë radhazi në sheshin e kryeqytetit për të kërkuar drejtësi dhe përgjegjësi institucionale.

Gjatë ditës së sotme, protestuesit janë ndalur edhe para objektit të Qeverisë së Kosovës, duke shprehur pakënaqësi të thellë ndaj mënyrës se si po menaxhohen e trajtohen rastet e dhunës ndaj grave nga organet kompetente.

Këto aksione po organizohen nga Kolektivi për Mendim dhe Veprim Feminist, nën moton kryesore “Vrasja e grave të trajtohet si urgjencë kombëtare”.

Continue Reading

Lajmet

Akil Gjakova mbyll garën pa medalje në Abu Dhabi

Published

15 hours ago

on

October 30, 2026

By

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Continue Reading

lajme

Nën hetim për projektin e kryeqytetit: Përparim Rama paraqitet në Prokurorinë Speciale

Published

15 hours ago

on

October 30, 2026

By

Kryetari i Komunës së Prishtinës, Përparim Rama, është paraqitur sot në Prokurorinë Speciale ku po intervistohet në cilësinë e të dyshuarit lidhur me projektin “Arkitekti i Kryeqytetit”.

Rama arriti në prokurori i shoqëruar nga avokati Artan Çerkini, teksa para hyrjes deklaroi shkurtimisht se detyra e tij është ndërtimi i kryeqytetit, ndërsa e organit të ndjekjes është të sigurohet që gjithçka bëhet në përputhje me ligjin. Hetimet për këtë projekt ndërlidhen me procedurat e prokurimit publik, vlerën prej 12 milionë eurosh, si dhe me dyshimet për manipulim të stafit e konflikt interesi.

Intervistimi i kryetarit të Prishtinës vjen pas tensioneve publike dhe paralajmërimeve nga zyrtarë të Lëvizjes Vetëvendosje për arrestimin e tij të mundshëm, reagime këto që pasuan ndryshimet e fundit në udhëheqjen e Prokurorisë Speciale, ku pas shkarkimit të Blerim Isufajt, detyra i është besuar prokurorit Dren Paca.

Ndaj deklaratave të përfaqësuesve të pushtetit, Rama u ka bërë thirrje publike organeve të drejtësisë që të merren me ato që i ka cilësuar si kërcënime direkte ndaj tij. /E.A/

Continue Reading

Lajmet

Laura Fazliu fiton të bronztën në Grand Slam

Published

15 hours ago

on

October 30, 2026

By

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Continue Reading

Të kërkuara