Sport

Guardiola thotë se City duhet të jetë perfekt për ta arritur Arsenalin

Kampioni në fuqi e luan lojën e mbetur kundër Chelseat të enjten.

Published

2 years ago

January 4, 2023

UBT news

Manchester City duhet të jetë pothuajse i përsosur nga tani deri në fund të sezonit nëse dëshiron të arrijë liderin e Premier Ligës, Arsenalin, sipas trajnerit Pep Guardiola.

Arsenali humbi pikë vetëm për herë të tretë këtë sezon në barazimin pa gola mbrëmë në shtëpi me Newcastle United, por “Topçinjtë” janë ende tetë pikë përpara Cityt në vendit e dytë.

Kampioni në fuqi e luan lojën e mbetur kundër Chelseat të enjten, megjithëse Guardiola pranon se Arsenali mund të jetë i pakapshëm në formën aktuale.

“Mënyra se si duhet të zvogëloni diferencën është të luani mirë dhe të fitoni ndeshje”, tha Guardiola në konferencën për shtyp para ndeshjes me Chelsea-n.

“Ata kanë një mesatare dhe do të bëjnë 100 pikë ose më shumë nëse vazhdojnë, dhe ne nuk do t’i kapim. Do të duhet të jemi pothuajse perfekt. Ne do të presim që nga këtu deri në fund të sezonit ata do të binin pak sa i përket paraqitjeve të tyre, por ata ishin të shkëlqyer kundër Newcastle, kështu që do të shohim se çfarë do të ndodhë”, shtoi më tej Guardiola.

City barazoi 1:1 me Evertonin të shtunën dhe ka marrë vetëm katër pikë nga nëntë të mundshmet në tre ndeshjet e fundit.

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.