Sport

Grupe mafioze, në pranga ultrasit e Interit dhe Milanit

Published

1 year ago

on

Agjentët e Shërbimit Qendror Operativ të Drejtorisë Qendrore Kundër Krimit në Policinë e Shtetit dhe Guardia di Finanza e Milanos kanë kryer një operacion të gjerë, duke arrestuar 19 persona të dyshuar për lidhje me organizatat kriminale të lidhura me tifozët e Interit dhe Milanit. Ky aksion ka ardhur pas hetimeve të gjata që zbuluan infiltrimin mafioz brenda grupeve të tifozëve.

Operacioni filloi në orët e para të mëngjesit dhe përfshiu gjithashtu 50 kontrolle të individëve të ndryshëm. Të arrestuarit, mes të cilëve 15 janë dërguar në burg dhe 3 kanë marrë arrest shtëpie, përballen me akuza të rënda që përfshijnë zhvatje, plagosje dhe krime të tjera të rënda. Një emër i rëndësishëm në këtë listë është ai i Antonio Belokos, një ultras i Interit i cili u vra më 4 shtator. Vrasësi, Andrea Bereta, një tjetër tifoz, ndodhet gjithashtu në burg.

Hetimi u intensifikua pas vrasjes së Belokos, i cili kishte lidhje me grupe kriminale. Vrasja shkaktoi një shqetësim të madh dhe një hetim të thelluar mbi lidhjet e tifozëve të të dyja skuadrave me organizatat mafioze kalabreze. Disa nga akuzat përfshijnë zhvatjen e të ardhurave nga shitja e biletave, zhvatje për parkimin në zonën e stadiumit dhe marrëveshje për shitjen e pijeve në “San Siro”.

Mes të arrestuarve janë figura të njohura nga grupet e tifozëve. Marko Vederiko, anëtar i “Curva Nord”, është i lidhur ngushtë me Belokon, ndërsa Luka Luçin, lideri i ultrasve të Milanit, është i njohur për takimin e tij me zëvendëskryeministrin e atëhershëm, Matteo Salvini. Po ashtu, Kristian Rosielo, i njohur si truproja e këngëtarit Fedez, është gjithashtu i përfshirë.

Lista e të arrestuarve përfshin gjithashtu emra të tjerë të njohur në botën e tifozëve, si Rosario Kalabria, Antonio Trimboli, dhe Nino Ciçareli, një lider historik i tifozëve të Interit. Hetimet po vazhdojnë për të zbuluar më shumë lidhje dhe aktivitete të paligjshme që kërcënojnë sigurinë në stadiume dhe jashtë tyre.

Ky operacion vjen në një kohë kur tensionet midis tifozëve po rriten dhe është një hap i rëndësishëm në luftën kundër krimit të organizuar që po ndikojnë në kulturën e sportit në Itali./UBTNews/

 

Related Topics:
Continue Reading

Sport

Donjeta Sadiku me paraqitje të fuqishme, fiton 5:0 në turneun “Strandja”

Published

2 hours ago

on

February 25, 2026

By

Boksierja kosovare Donjeta Sadiku e ka nisur me fitore bindëse paraqitjen në turneun prestigjioz ndërkombëtar Strandja Tournament, që po mbahet në Sofia.

Në kuadër të xhiros së dytë në kategorinë deri në 60 kilogramë, Sadiku mposhti me vendim unanim 5:0 boksieren nga Çekia, Barbora Maxova, duke dominuar plotësisht në të tri raundet. Të pesë gjyqtarët e vlerësuan boksieren kosovare dukshëm më të mirë, me pikë 30:26, 30:26, 29:27, 30:26 dhe 30:27.

Sadiku u shfaq e sigurt në ring, me teknikë të pastër, lëvizje të shpejta dhe goditje precize, duke mos i lënë hapësirë kundërshtares. Me këtë fitore ajo ka siguruar kalimin në çerekfinale, duke vazhduar rrugëtimin drejt medaljes në edicionin e 77-të të turneut, që konsiderohet më i vjetri i boksit amator në Evropë.

Vlen të theksohet se Sadiku është kampione në fuqi e këtij turneu, pasi vitin e kaluar fitoi medaljen e artë në “Strandja”, ndërsa në kategorinë deri 60 kilogramë këtë vit po garojnë 10 boksiere.

Në Sofje po garojnë edhe boksierët kosovarë Shpëtim Bajoku dhe Taulant Jakupi, por të dy u mposhtën në duelet e para. Bajoku, në kategorinë deri 70 kilogramë, u ndal nga gjermani Randy Botikali, ndërsa Jakupi, në kategorinë deri 90 kilogramë, u mposht nga italiani Dean Nwokedi.

Në këtë edicion të “Strandja” po marrin pjesë mbi 300 boksierë nga vende të ndryshme të botës.

Continue Reading

Sport

Hendboll: Kosova publikon listën për ndeshjet me Finlandën në Euro 2026

Published

8 hours ago

on

February 25, 2026

By

Përzgjedhësi i Kombëtares së Kosovës në hendboll, Agron Shabani, ka shpallur listën e lojtareve të ftuara për dy ndeshjet ndaj Finlandës në kuadër të fazës së dytë kualifikuese për Euro 2026.

Ndeshja e parë zhvillohet më 5 mars nga ora 17:30 në Vantaa, Finlandë, ndërsa ndeshja e dytë më 8 mars nga ora 17:15 në Pallatin e Rinisë dhe Sportit në Prishtinë.

Lojtaret e ftuara janë:

Albina Pllana

Tina Hetemi

Elisa Mulaj

Melisa Mulaj

Yllka Shatri

Elvina Qorraj

Venera Kafexholli

Aulona Maloku

Vanesa Kastrati

Diona Dresh

Mirjeta Bytyqi

Merlinda Qorraj

Arjeta Imeraj

Aurora Kryeziu

Orgesa Gola

Dafina Mustafa.

Continue Reading

Sport

Sot ndeshje interesante në Ligën e Kampionëve, a do të mbijetojë Juventusi?

Published

8 hours ago

on

February 25, 2026

By

Sot zhvillohet rundi i dytë i ndeshjeve të fazës së eliminimeve në Ligën e Kampionëve. Katër skuadra do të vazhdojnë garat në rangun tjetër, ndërsa katra të tjera do të përshëndeten për këtë vit nga gara prestigjioze.
Nga ora 18:45 takohen Atalanta – Borusia Dortmund. Në ndeshjen e parë, gjermanët fituan 2:0.
Juventus pret turqit e Gallatasarajit, të cilët në ndeshjen e parë arritën rezultat historik, duke mundur gjigantët italianë më rezultat 5”2.
Takohen edhe Paris Saint Germain me Monakon. Në ndeshjen e parë parisienët fituan 3:2.
Ndeshja e fundit është ajo mes Real Madridit e Benfikës. Në ndeshjen e parë, Reali fitoi me rezultat të ngushtë 1:0.
Tri ndeshjet e fundit zhvillohen nga ora 21:00.

Continue Reading

Sport

Bodø/Glimt trondit Interin 2-1 në “San Siro”

Published

8 hours ago

on

February 25, 2026

By

Mbrëmja evropiane në “San Siro” solli një nga surprizat më të mëdha të viteve të fundit në UEFA Champions League. Kampionët e Norvegjisë, Bodo/Glimt, mposhtën Interin me rezultat 2-1 në Milano, duke vulosur kualifikimin me shifrat e përgjithshme 5-2 dhe duke siguruar një vend në fazën e 1/8-tave.

Skuadra italiane e nisi ndeshjen me pritshmëri të larta, por mysafirët treguan qetësi dhe organizim të admirueshëm. Në minutën e 58-të, Jens Petter Hauge përfitoi nga një gabim në mbrojtjen zikaltër dhe kaloi norvegjezët në epërsi. Vetëm 14 minuta më pas, Hauge u shndërrua në asistues, duke shërbyer për Hakon Evjen, i cili dyfishoi avantazhin dhe heshti tribunat italiane.

Interi reagoi në minutën e 76-të me golin e Alessandro Bastonit, por kjo mjaftoi vetëm për të zbutur humbjen, jo për të shmangur eliminimin.

Me këtë sukses, Bodo/Glimt hyn në histori si skuadra e parë norvegjeze që fiton dy ndeshje në fazën eliminatore të Champions League. Jo vetëm kaq, ata u bënë edhe ekipi i parë jashtë pesë ligave më të forta evropiane që regjistron katër fitore radhazi ndaj skuadrave nga këto kampionate, një arritje që nuk ishte parë që nga epoka e artë e Ajaxit në sezonin 1971/72, i udhëhequr nga legjenda Johan Cruyff.

Seria mbresëlënëse e norvegjezëve kishte nisur më herët me fitore ndaj gjigantëve evropianë si Manchester City dhe Atlético Madrid, përpara se të konfirmohej kulmi me dy triumfe ndaj Interit.

Tashmë, sytë janë drejt shortit të radhës, ku Bodo/Glimt mund të përballet me Sporting CP ose sërish me Manchester Cityn. Mbetet për t’u parë nëse aventura e tyre do të vazhdojë si një përrallë moderne e futbollit evropian, apo nëse surpriza do të ndalet këtu.

Në Ligën e Kampionëve mbrëmë janë zhvilluar edhe tri ndeshje. Në raundin tjetër ka kalur Atletiko Mardid, pasi mundi Bryzhin e Beligjikës me rezultat të përgjithshëm 7:4 (3:3 ndeshja e parë, 4:1 dje). Leverkuzeni eliminoi Olympiakosin me rezultat të përgjithshëm 2:0, që ishte rezultat i ndeshje së parë. Dje dy skuadrat luajtën barazim. Tutje kaloi edhe Njukastëll. Dje mundi Karabahun me rezultat 3:2, derisa në ndeshjen e parë kishte fituar 6:1.

Continue Reading

Të kërkuara