Ministria e Jashtme e Greqisë ka reaguar ashpër ndaj deklaratave të fundit të kryeministrit të Maqedonisë së Veriut Hristian Mickoski në SHBA.

“Çështja e emrit të Maqedonisë së Veriut është zgjidhur përfundimisht dhe në mënyrë të pakthyeshme”, thuhet në deklaratën për shtyp të kësaj ministrie disa orë pasi Mickoski nga Nju Xhersi ka folur për çështjen e “pazgjidhur” dhe “ekzistuese” maqedonase.

“Kjo ngjarje përbën një sfidë për Greqinë, pasi tenton të rikthejë në plan të parë një çështje të zgjidhur, siç dihet, përfundimisht dhe në mënyrë të pakthyeshme. Greqia rikujton se përparimi i mëtejshëm në marrëdhëniet e saj dypalëshe me Maqedoninë e Veriut dhe vazhdimi i qetë i rrugës evropiane të fqinjit të saj kërkon respekt të plotë të Marrëveshjes së Prespës dhe, natyrisht, abstenim nga deklaratat dhe pretendimet e papajtueshme ndaj vendeve fqinje”,  përfundon deklarata.

Kryeministri i Maqedonisë së Veriut, Hristian Mickoski, në një takim me emigrantët e vendit të tij që jetojnë në SHBA, deklaroi se qeveria e tij në shtatë muajt që është në pushtet po përpiqet fort për zhvillimin ekonomik te vendit, por sipas tij kjo nuk është e mjaftueshme pasi duhen përpjekje për të fituar – siç ka thënë ai- edhe në Uashington , në Nju Jork, në Bruksel, Berlin, Londër, Paris, Romë dhe kryeqytete të tjera të botës, që çështja maqedonase të zgjidhet përfundimisht, sepse nuk është zgjidhur. “Ka shekuj që “zien” , ka kohëzgjatje dhe vazhdon të ekzistojë”, ka thënë ai.

Qeveria bullgare i ka dërguar Republikës së Maqedonisë së Veriut një projekt-marrëveshje për përgatitjen, ndërtimin dhe funksionimin e një tuneli hekurudhor ndërkufitar që do të lidhë dy vendet, ka thënë të martën Ministria e Transportit dhe Komunikimit.

Propozimi sugjeron që të dyja qeveritë të marrin angazhime të qarta dhe specifike për ndërtimin e tunelit, i cili është një komponent kyç i Korridorit 8 të Transportit Pan-Europian.

Pasi të nënshkruhet, marrëveshja, e përgatitur nga Ministria e Transportit, do të trajtojë aspektet teknike, financiare, ligjore dhe organizative të ndërtimit të tunelit, në përputhje me ligjet e të dy vendeve dhe rregulloret evropiane.

Vendet do të bien dakord se kush do të jetë përgjegjës për ndërtimin e tunelit, menaxhimin e tenderëve publikë dhe mbikëqyrjen e ndërtimit. Autoritetet hekurudhore nga Bullgaria dhe Maqedonia e Veriut do të krijojnë grupe të përbashkëta pune për të përgatitur dokumentet e nevojshme për procedurat e tenderit.

Brenda tre muajve nga hyrja në fuqi e marrëveshjes, të dy vendet duhet t’i dërgojnë Komisionit Evropian dhe institucioneve financuese një afat kohor të përbashkët për ndërtimin. Ata do të punojnë për të siguruar financimin e BE-së dhe NATO-s për tunelin dhe infrastrukturën hekurudhore përkatëse, duke ndjekur standardet e Rrjetit Trans-Europian të Transportit (TEN-T).

Bullgaria është e gatshme të fillojë negociatat me Maqedoninë e Veriut për tekstet e propozuara dhe të vazhdojë me nënshkrimin e marrëveshjes sa më shpejt të jetë e mundur, ka theksuar Ministria e Transportit.

Kryetari i Këshillit Kombëtar Shqiptar Nevzad Lutfiu, ka njoftuar lidhur me një aksion simbolik të shqiptarëve para stacionit policor dhe para Gjykatës Themelore në Bujanoc.

Lutfiu ka bërë me dije se ky aksion u zhvillua kundër diskriminimit të shqiptarëve nga organet e dejtësisë të cilat sipas tij nuk po përdorin standarde të ndryshme për shqiptarët dhe serbët atje në dhënien e gjobave.

“Sot realizuam aksione simbolike para stacionit policor në Bujanoc dhe para Gjykatës Themelore në Bujanoc. Për një koment në facebook një shqiptar nga Bujanoci u dënua me qindra mijëra dinarë dhe me një muaj paraburgim, ndërsa ky standard nuk vlejti kur një serb kërkoj zola për ta bombarduar ndërtesën e KKSH. Shqiptari u dënua me pretekstin e Intolerancës kombëtare, ndërsa ky standard nuk vlejti për zyrtaren policore nga Medvegja e cila na quajti minjë. Prandaj, Alo Policia, Alo Prokuroria ishte thirrja jonë sot!”, tha Lutfiu.

Vijojnë të jenë prezentë problematikat si pasojë e motit të keq në qarkun e Dibrës.

Reshjet e dëborës janë ndërprerë që natën e mbrëmshme, por ja kanë lënë vendin ngricave. Temperatura në Bulqizë ka shënuar -15 gradë.

60% e fshatrave të Qarkut Dibër vijon të jetë e bllokuar, pasi lartësia e dëborës arrin rreth 1 metër në Lurë, Selisht, Kalaja-Dodës, Sllovë, Trebisht dhe Ostren.

Edhe sot, mësimi nuk vazhdon në 60% të shkollave të Qarkut Dibër.

Pushteti vendor po punon për hapjen e rrugëve. Rruga nacionale Peshkopi-Bulqizë në disa segmente duhet të përdoren zinxhirët.

Firma nënkontraktore po punon për pastrimin e rrugëve dhe hedhjen e kripës. Sot, në orët e para të mëngjesit, është hapur rruga e Arbrit.