

Lajmet
GLSP: 11 ministri dhe Zyra e kryeministrit funksionojnë me ushtrues detyre të Sekretarit
Ajo tha se nga 15 ministri sa ka Qeveria aktuale, vetëm katër prej tyre kanë sekretar me mandat të plotë.
Published
2 years agoon
By
Betim GashiGrupi për Studime Juridike dhe Politike (GLPS) ka mbajtur tryezën e diskutimit me temën “Një administratë publike e varur nga ushtruesit e detyrës: cilat janë pasojat dhe zgjidhjet për të zbutur rreziqet?”
Arbëresha Loxha-Stublla, drejtoreshë ekzekutive në GLPS, tha se situata me ushtrues detyre është bërë një fenomen i rregullt në administratën publike të Kosovës. Ajo tha se nga 15 ministri sa ka Qeveria aktuale, vetëm katër prej tyre kanë sekretar me mandat të plotë e 11 të tjera funksionojnë me ushtrues detyre. Ajo po ashtu theksoi se po ashtu edhe zyra e kryeministri nuk ka sekretar me mandat të plotë.
“Ne kemi parë që fenomeni i mos plotësimit i pozitave është bërë një rregull në administratën publike. Kjo situatë është shfrytëzua nga të gjitha qeveritë, nga viti 2020 është bërë një fenomen shqetësuese. Një numër i madh i pozitave të larat mbahen me ushtrues detyre në Kosovë dhe kjo. Kjo natyrisht e vë në pikëpyetje edhe zbatimin e ligjit për zyrtarët publik. Nga 15 ministri sa ka gjithsej Qeveria e Kosovës vetëm katër ministri kanë sekretar me mandat të plotë, të tjerat funksionojnë me ushtrues detyre. Edhe vetë zyra e kryeministri nuk ka sekretar me mandat të plotë. Ne kemi vërejtur fenomeni ne disa procedura të rekrutimit, është bërë një lloj fenomeni që edhe pse proceduarat janë në rregull personat nuk zgjedhën”, tha ajo.
Naser Shamolli, hulumtues i lartë në GLPS, i cili prezantoi këtë analizë, tha se ky fenomen është duke ndodhur për shkak të ndryshimeve të ligjeve. Sipas tij, kjo dukuri filloi të shprehte më shumë në vitin 2011, ai shtoi se duhet që të parandalohen menjëherë marrëdhëniet e punës për ushtrues detyre.
“Ky fenomen ka ndodhur që disa vite që është fenomen që ka prekur shtete fqinje dhe shtete e BE-së. Deri në vitin 2010 kemi pas një rregullore për shërbyes civil, që nuk ka qenë dukuri e shprehur. Kjo dukuri filloj të shprehët më shumë 2011 kur kanë ndodhur disa ndryshime të ligjeve. Problematikë ka qenë afati që ka qenë 3 mujorë. Kemi vetë deklarues që ka thënë se ka deri 7 vite që bënë ushtrues detyre. Elementi tjetër që është problematik është se këta ushtrues është dashur që të bëjnë zëvendësime. Në vitin 2010 shumica e sekretarëve kanë qenë me ushtrues detyre, por që atëherë ka qenë e ligjshme këto dispozita, më vonë kur është bërë këto dispozita përfundimisht erdhëm në përfundim që ligji për zyrtarë publik ta ndaloj mundësin që të rregullohen pozitat me ushtrues detyre. Sot kemi kaluar në procese të riorganizimit, sot kemi pozita të lira dhe kemi dukurin e ushtruesit të detyrës. Periudha e ushtruesit të detyrës është 6 muaj me mundësi zgjedhje. Problemi parë është afati, mendoj që është e pa mundshme të caktosh një afat të saktë që të zbatohet në fund. Zgjedhja që bëhet të ligji i ri është problematike. Disa rekomandime janë që të zbatohet ligji i zyrtarëve publikë, të ndërkrehet menjëherë marrëdhënia e punës e ushtruesve të detyrës”, tha ai.
Bislim Bislimi, zv.drejtor i Departamentit për Menaxhimin e Zyrtarëve Publik në Ministrinë e Punëve të Brendshme, tha se kjo formë po e vështirëson punën. Ai tha se nuk e kupton faktin se pse zyrtarë e lartë nuk janë duke ndërmarr hapa.
“Unë kam vetëm dy muaj që jam zgjedhur në atë pozitë. Momentin e marrjes së detyrës, e kemi vërejt shumë mungesën e rekrutimeve. Me marrjen e kësaj detyre kemi marr disa proceduar që janë duke u zhvilluar që shpresoj që të kenë sukses. Kjo rritja e ushtruesve të detyrave, ka rritë barrën, vështirësinë. Te aspekti i shkaqeve pse kemi ardhur deri këtu, ato që u thanë janë të qëndrueshëm. Janë ndikuar edhe disa nivele me ndryshimin e ligjeve. Ka pasur këtu edhe pjesën e vetë të ndikimit edhe pozicionime ndryshe nga ajo që përcaktojnë ligjet në fuqi të vendimmarrësve. Unë nuk i mirëkuptoj fare as një titullar përkundër faktit që me vite kanë u.d e përsëri nuk kanë bërë as një hap tutje, ky është qartazi një problem i rëndë edhe këto raste nuk mund të justifikohen as nga ana ligjore. Jashtëzakonisht me rëndësi ky debat sot që mundësisht të ketë një ngritje të këtij problemi”, tha ai.
Mikaela Gronqvist, nga Zyra e BE në Kosovë, tha se për vite me radhë kanë qenë të shqetësuar sa i përket rritjes së numrit të ushtruesve të detyrës.
“Ne kemi mjaft njohuri dhe përcjellim reformat që ndërmarr qeveria sa i përket administratës publike. Për vite me radhë kemi qenë të shqetësuar me atë qe e kemi parë me rritej e numrit të ushtruesve të detyrës tek nivelet e larta si dhe të tjerat. Sa i përket ushtruesve të detyrës nuk është se është bërë shumë nga Qeveri për të përmirësuar këtë situatë. Nuk ka emërime të personave pas konkursit, kjo është shqetësuese dhe do të ketë një numër të madhe të u.d në administratën publike, kjo është në rregull në Kosovë. Nuk shohim që Qeveria ka bërë shumë për ta ndryshkur situatën, ata janë duke shërbyer dhe mund të zëvendësohen nga njëra ditë në tjetrën. Korniza ligjore nuk është zbazti edhe pse ka hyrë në fuqi në prill të viti 2019. Qeveria nuk ka përcjell ligjin për kandidatët që kanë dalë të suksesshëm pas procedurave të rekrutimit. Ne si BE i përcjellim këto më shumë vëmendje”, tha ajo.
Lajmet
Osmani pranoi letrat kredenciale nga ambasadori i ri i Hungarisë në Kosovë
Published
21 hours agoon
May 30, 2025By
UBTnews
Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.
Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.
Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.
Lajmet
Punëtorët e “Pastrimit” në ditën e nëntë të grevës
Published
22 hours agoon
May 30, 2025By
UBTnews
Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.
Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.
Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.
“Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.
Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.
Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.
“Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.
Lajmet
Ministria e Shëndetësisë paralajmëron 100 inspektorë të rinj për luftën kundër duhanit
Published
1 day agoon
May 30, 2025By
UBTnews
Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.
Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.
Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.
“Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.
Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.
“Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.
Lajmet
PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë
Published
1 day agoon
May 30, 2025By
UBTnews
Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.
Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.
“Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Lajm i mirë për pronarët e automjeteve elektrike

“Ëndrra pa kufi, Opera pa mure” – publikohen datat e Ramë Lahaj International Opera Festival

Këto zakone po ju pengojnë të jeni më inteligjent, ja cilat duhen shmangur

UBT International Smart Schools diplomon nxënësit e brezit të ri teknologjik – Ceremonia mbahet këtë të shtunë në Parkun Shkencor

Vitamina D mund të ngadalësojë plakjen

Von der Leyen: Evropa duhet të forcojë mbrojtjen, të pranojë Ukrainën në BE

Profesorët e UBT-së prezantuan projektin COWEB në takimin “Cluster” të organizuar nga Erasmus Plus Kosova

Studentët e programit Inxhinieri e Ndërtimit dhe Infrastrukturë në UBT realizojnë vizitë studimore në kuadër të moduleve “Mekanika e Dherave” dhe “Siguria në Punë”

Studentët e vitit të tretë në Menaxhment, Biznes dhe Ekonomi në UBT përfundojnë me sukses trajnimin praktik “Micro Business Game”
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur