Sport

Gjokoviq thyen heshtjen

Ai thotë se e përkrah lirinë e zgjedhjes.

Published

5 years ago

February 15, 2022

Betim Gashi

Tenisti serb, Novak Gjokoviq tha se do të mungojë në trofetë e mëdhenj të tenisit nëse detyrohet të marrë vaksinën antiCOVID.

Në një intervistë ekskluzive për BBC, Gjokoviq ka thënë se s’është pjesë e grupit kundër vaksinimit, por se e përkrah të drejtën individuale për zgjedhje.

Gjokoviq u pyet nëse do të sakrifikonte pjesëmarrjen në turnetë tjera si Wimbledon dhe French Open për shkak të qëndrimit të tij ndaj vaksinës.

“Po, ky është çmimi që jam i gatshëm ta paguajë”, deklaroi ai.

Fituesi i 20-fishtë i Grand Slam u dëbua muajin e kaluar nga Australia pasi Qeveria ia anuloi vizën për shkak të statusit të vaksinimit.

Gjokoviq, që është tenisti numër një në botë, kishte thënë se ka marrë leje mjekësore për të marrë pjesë në këtë turne pasi sapo e kishte kaluar virusin, por shteti ia anuloi vizën.

Megjithatë, ministri i imigracionit i Australisë, Alex Hawke, ia anuloi personalisht vizën 34-vjeçarit, me arsyetimin se prania e tij mund të nxiste “trazira civile” dhe të nxiste ndjenjën kundër vaksinës.

“Nuk kam qenë kurrë kundër vaksinimit”, i tha ai BBC-së, teksa konfirmoi se vaksina ka marrë edhe si fëmijë, por thekson se gjithmonë ka përkrahur lirinë e zgjedhjes./UBTNews

Related Topics:Novak Gjokoviq tenisti serb

Up Next

Sot rikthehet Liga e Kampionëve me dy ndeshje interesante

Don't Miss

PSG-Real Madrid, formacionet e mundshme

Vendi

Akil Gjakova mbyll garën pa medalje në Abu Dhabi

Published

11 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

11 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

13 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/