Lajmet

Gjermania kërkon tribunal special kundër Rusisë për luftën në Ukrainë

Baerbock: Ajo çfarë duhet “është një tribunal i cili mund të hetojë lidershipin rus dhe t’i vendosë ata para gjyqit”.

Published

on

Ministrja e Jashtme gjermane, Annalena Baerbock, bëri thirrje për themelimin e një tribunali të posaçëm ndërkombëtar për të ndjekur liderët rusë lidhur me pushtimin e Ukrainës.

Ajo çfarë duhet “është një tribunal i cili mund të hetojë lidershipin rus dhe t’i vendosë ata para gjyqit”, tha Baerbock më 16 janar, gjatë një fjalimi në Akademinë e Ligjit Ndërkombëtar në Hagë, ku gjendet edhe selia e Gjykatës Penale Ndërkombëtare.

Sipas saj, me të drejtë Qeveria ukrainase është e shqetësuar që Rusia nuk mund të ndiqet penalisht para Gjykatës Penale Ndërkombëtare për agresionin e saj ndaj Ukrainës. Kjo pasi, sipas kryediplomates gjermane, Gjykata Penale Ndërkombëtare mund të trajtojë raste kur paditësi dhe i pandehuri janë anëtarë të gjykatës ose rasti ngrihet nga Këshilli i Sigurimit i Kombeve të Bashkuara.


Rusia nuk është anëtare e Gjykatës Penale Ndërkombëtare dhe është një nga pesë fuqitë botërore që ka të drejtën e vetos dhe është anëtare e përhershme në Këshillin e Sigurimit. Statusi i saj në këtë institucion ka të ngjarë që do të bllokonte institucionin e OKB-së që të inicionte një rast para gjykatës.

“Kemi biseduar për të punuar me Ukrainën dhe partnerët tanë lidhur me idenë e krijimit të një tribunali special për krimet e agresionit kundër Ukrainës”, tha Baerbock, duke shtuar se një institucion i tillë do të mund të merrte juridiksionin e tij nga ligji penal ukrainas.

Një tribunal i tillë do të mund të plotësohej me elemente ndërkombëtare – “të ketë selinë jashtë Ukrainës, të financohet nga partnerët, të ketë prokurorë dhe gjykatës ndërkombëtarë në mënyrë që paanshmëria dhe legjitimiteti të jetë i garantuar”, tha Baerbock.

Ukraina, Bashkimi Evropian dhe Holanda publikisht kanë mbështetur idenë e krijimit të një tribunali special. Rusia, që e quan luftën e saj në Ukrainë “operacion të posaçëm ushtarak”, ka hedhur poshtë akuzat për krime lufte, përfshirë sulmet e qëllimshme ndaj civilëve ukrainas, mijëra prej të cilëve janë vrarë.

Shefi i Gjykatës Ndërkombëtare Penale, Karim Khan, megjithatë ka paralajmëruar për fragmentim të mundshëm ligjor dhe ka thënë se gjykata që ai udhëheq, në fakt është vendi më i mirë për gjykime që përfshijnë krimin e agresionit. Sipas tij, gjykime të tilla mund të zhvillohen pasi shtetet anëtare mund të rregullojnë “zbrazëtirat që thuhet se ekzistojnë”.

Lajmet

Krasniqi pret në takim Prattipatin, thekson nevojën për formimin e institucioneve të reja

Published

on

By

Kryetari i PDK-së, Memli Krasniqi, ka pritur në takim znj. Anu Prattipati, të Ngarkuarën me Punë në Ambasadën e SHBA-së në Kosovë.

Gjatë takimit, Krasniqi theksoi rëndësinë e formimit sa më të shpejtë të institucioneve të reja, duke paralajmëruar se vonesat po krijojnë pasiguri dhe po dëmtojnë funksionimin e shtetit.

Ai rikonfirmoi përkushtimin e PDK-së për stabilitet institucional dhe për një partneritet të fortë me Shtetet e Bashkuara dhe aleatët perëndimorë.

Continue Reading

Lajmet

MPJD-ja reagon për arrestimin e Behar Preniqit nga Serbia, i bën thirrje BE-së të reagojë

Published

on

By

Ministria e Punëve të Jashtme dhe Diasporës e Republikës së Kosovës shpreh shqetësimin e thellë lidhur me intensifikimin e rasteve të arrestimeve arbitrare dhe të paprovokuara të qytetarëve të Republikës së Kosovës nga autoritetet e Serbisë

Rasti i fundit i arrestimit të qytetarit Behar Preniqi, i cili u ndalua dje në pikën kufitare Batrovci, në kufirin ndërmjet Kroacisë dhe Serbisë, përbën një tjetër dëshmi të qartë të praktikave të papranueshme dhe destruktive të autoriteteve serbe, të cilat bien në kundërshtim të hapur me të drejtën ndërkombëtare dhe me standardet themelore për mbrojtjen e të drejtave të njeriut.

MPJD konfirmon se Zyra Ndërlidhëse e Republikës së Kosovës në Serbi, menjëherë pas kontaktit me familjen e z. Preniqi, është angazhuar përmes kanaleve diplomatike dhe zyrtare për të siguruar informacione të sakta dhe të plota lidhur me këtë rast.

Zyra ndërlidhëse ka adresuar një kërkesë zyrtare autoriteteve të Qeverisë së Serbisë për të konfirmuar arrestimin e z. Preniqi dhe për të sqaruar arsyet e ndalimit të tij. Përveç kësaj, rasti është përcjellë edhe te delegacioni i Bashkimit Evropian në Serbi si edhe te misionet diplomatike të vendeve të Quint-it.

Në rast se ndaj z. Preniqi vendoset masa e paraburgimit dhe iniciohet procedurë penale, Zyra ndërlidhëse do të ndërmarrë hapat e nevojshëm për të kërkuar një vizitë zyrtare në vendin e ndalimit të tij.

Në këtë fazë, MPJD-ja u bën thirrje përsëri të gjithë qytetarëve të Republikës së Kosovës që të shmangin udhëtimet përmes territorit të Serbisë, për të garantuar sigurinë dhe mirëqenien e tyre.

I bëjmë thirrje bashkësisë ndërkombëtare që të reagojë zëshëm dhe me vendosmëri ndaj praktikave represive të Serbisë, të cilat janë në kundërshtim me parimet themelore të së Drejtës ndërkombëtare dhe me konventat ndërkombëtare për të drejtat e njeriut.

Continue Reading

Lajmet

Gucati konfirmon se personi i arrestuar në Serbi nuk ishte pjesë e UÇK-së

Published

on

By

Konfirmon OVL-UÇK, personi i arrestuar në Serbi nuk ishte pjesë e Ushtrisë Çlirimtare të Kosovës

OVL-UÇK ka konfirmuar se Behar Preniqi i arrestuar mbrëmë nga autoritet serbe nuk ka qenë pjesë e Ushtrisë Çlirimtare të Kosovës.

Kryetari i OVL-UÇK, Hysni Gucati tha për KosovaPress se Preniqi nuk figuron në emrat e listave të arkivave të kësaj organizate.

Në dokumentacionet tona në organizatë të veteranëve ai nuk është as anëtar as nuk ka dosje, te ne nuk ka. Te ne ai nuk ka dokumentacion se është veteran i UÇK-së, mua më vjen keq sepse ai është qytetar i Kosovës, por tek ne nuk është në evidenca“, tha Gucati.

Behar Preniqi është ndaluar nga autoritetet serbe nën arsyetimin e krimeve të luftës duke pretenduar se ai ishte pjesë e UÇK-së, transmeton KosovaPress.

Raportohet se Preniqi është arrestuar në Bajakovo në pikën kufitare mes Serbisë dhe Kroacisë.

Pretendimet e autoriteteve serbe se Preniqi ka qenë pjesë e Ushtrisë Çlirimtare të Kosovës i ka hedhur poshtë edhe familja e tij, duke potencuar se Preniqi në kohën e luftës në Kosovë ishte i mitur rreth moshës 16 vjeçare.

Continue Reading

Lajmet

Haradinaj pret në takim ambasadorin britanik, diskutohen zhvillimet aktuale politike në Kosovë

Published

on

By

Kryetari i Aleancës për Ardhmërinë e Kosovës, Ramush Haradinaj, priti sot në takim Ambasadorin e Mbretërisë së Bashkuar në Kosovë, Jonathan Hargreaves.

Në këtë u diskutuan zhvillimet aktuale politike në vend, transmeton KosovaPress.

Në takim u theksua nevoja urgjente për tejkalimin e bllokadës institucionale. Haradinaj ritheksoi se kjo bllokadë duhet të zhbllokohet pas datës 8 gusht, kur pritet vendimi i Gjykatës Kushtetuese.

Ai tha se funksionimi i plotë i institucioneve është thelbësor për stabilitetin demokratik dhe orientimin euroatlantik të Kosovës.

Haradinaj vlerësoi lart rolin e vazhdueshëm të Britanisë në mbështetjen për siguri dhe stabilitet në rajon.

Continue Reading

Të kërkuara