Kulturë

Gjërat që duhet të bëni në punën e re

Një punë e re shpesh shoqërohet me një ankth pasi çdo gjë është e re aty.

Published

5 years ago

on

Lajm i shkëlqyer! Ju më në fund filluar punë pas disa muaj aplikimesh dhe intervistash të ndryshme.

Tashmë do të takoni bashkëpunëtorët tuaj të rinj, duke u përpjekur për të bërë një përshtypje të mirë të parë, duke u përpjekur të përshtateni me kulturën e kompanisë.

Një punë e re shpesh shoqërohet me një ankth pasi çdo gjë është e re aty dhe nuk e dini ende se si të përshtateni dhe a do të jeni të bëni punën ashtu si e kërkojnë eprorët tuaj.

Ekspertë të ndryshëm të punësimit inkurajojnë të bëni disa gjëra gjatë muajit të parë të punës në mënyrë që të përshtateni sa më mirë dhe të krijoni një bashkëpunim të mirë pune me kolegët e tjerë.

  1. Gjëja më e rëndësishme që duhet të bëni është të lidhni kontaktet me të gjithë kolegët tuaj të rinj. Nëse je një udhëheqës i ri i ekipit, kjo është dyfish e rëndësishme. Mos harroni se ato lidhje nuk duhet të jenë vetëm me njerëzit në departamentin tuaj, por edhe me sektorët e tjerë dhe sa më shpjeta ta bëni këtë do të zgjeroni horizontet më herët.
  2. Jini të hapur dhe të ndershëm, por pozitivë. Të gjithë e dimë se përshtypjet e para janë të rëndësishme. Buzëqesh kur takon njerëz të rinj dhe bëjeni të ditur se sa i lumtur jeni që ndodheni në këtë kompani.
  3. Hartoni planeve specifike në fillim pasi nuk do të dëshironi që të filloni të ndryshoni gjithçka menjëherë. Kërkoni detyra të vogla dhe të padëmshme që mund të kryeni për të përmirësuar mënyrën se si gjërat janë bërë.
  4. Identifikoni arritjet tuaja dhe mos lejoni që menaxherët tuaj të harrojnë atë. Jo se duhet vazhdimisht të mburremi për sukseset tuaja, por sigurohuni që të merrni vlerësimin e duhur për atë që keni arritur.
  5. Gjeni një shok dhe koleg pune ku do të mbështeteni për çdo gjë. Gjeni një shok pune (jo shefin tuaj) me të cilin mund të bisedoni kur keni një pyetje lidhur me funksionimin e kompanisë apo paqartësive lidhur me punën.
  6. Kur keni dyshime mos hezitoni të pyesni për të qartësuar veten. Nëse nuk jeni të qartë në zinxhirin e komandës, cilat individë janë përgjegjës për atë, ose se si funksionon një punë e caktuar, është gjithmonë më mirë të kërkoni ndihmë dhe sqarime në vend që të heshtni.
  7. Mësoni çdo gjë që kërkohet nga ju, janë detyrimet dhe përgjegjësitë tuaj në mënyrë që të jeni të përgatitur në të ardhmen. Është mirë të dini se për çfarë duhet të përgjigjeni që të mos dalin keqkuptime në të ardhmen se kujt i takonte ajo punë për tu bërë.
  8. Qëndroni gjithmonë të organizuar pasi do ju ndihmojë të jeni të rregullt dhe të arrini në kohë objektivat tuja të punës. Një tavolinë e çrregullt mund të dërgojë një mesazh shumë të qartë tek bashkëpunëtorët tuaj.
  9. Kur filloni një punë të re, mund të gjeni veten të hutuar apo të frustruar nga disa nga proceset e reja të punës. Mësoni se si kanë filluar të bëhen këto gjëra në këtë mënyrë dhe pse. Ju mund të gjeni se procesi, pa marrë parasysh sa i ngathët apo joefikas duket, është, në fakt, mënyra më e mirë për të përmbushur të gjitha nevojat e kompanisë.
  10.  Identifikoni mundësitë e rritjes në detyrë. Përmirësimi i një procesi të dobët është një mënyrë e shkëlqyeshme për të bërë shenjën tuaj në një kompani. Vetëm mos harro të mos dalësh jashtë zinxhirit të komandës ose të bësh një ndryshim të madh pa e sjellë atë tek njerëzit të cilët duhet të dinë së pari.

Related Topics:
Continue Reading

Lajmet

Ermonela Jaho në Prishtinë, sonte mbahet edicioni i nëntë i “Ta Zbardhi Ftyrën”

Published

21 hours ago

on

October 6, 2026

By

Sopranoja e njohur shqiptare Ermonela Jaho do të jetë figura qendrore e edicionit të nëntë të mbrëmjes artistike “Ta Zbardhi Ftyrën”, organizuar nga gazeta online për art dhe kulturë KultPlus.

Mbrëmja do të mbahet sonte, më 6 tetor, nga ora 20:00, në Amfiteatrin e Bibliotekës Universitare në Prishtinë. Jaho do të shoqërohet nga pianistja e njohur Lule Elezi. <Link url=”https://kultplus.com/ardiane-pajaziti-edicioni-i-nente-i-ta-zbardhi-ftyren-me-sopranon-e-famshme-ermonela-jaho/” title=”Burimi: KultPlus”/>

Programi do të zhvillohet në dy pjesë. Fillimisht, Jaho do të bashkëbisedojë me publikun për rrugëtimin e saj artistik, sfidat dhe sukseset në skenën ndërkombëtare të operës, ndërsa pjesa e dytë do t’i kushtohet performancës së saj.

Në këtë mbrëmje do të prezantohet edhe talentja e re Anna Krasniqi, e cila do të performojë nën përcjelljen e pianistes Lule Elezi.

Drejtoresha e KultPlus, Ardianë Pajaziti, ka thënë se përgatitjet për aktivitetin janë drejt përfundimit dhe se pjesëmarrja e sopranos Jaho përbën një moment të veçantë për këtë edicion.

Gjatë nëntë viteve, në kuadër të “Ta Zbardhi Ftyrën” janë prezantuar artistë të njohur, përfshirë Sislej Xhafën, Imer Kutllovcin, Flaka Gorancin, Erza Muqollin, Gjon’s Tears, Gëzim Myshketën, Elbenita Kajtazin, Enon Pecin dhe Blenard Azizajn.

Mbrëmja organizohet nga KultPlus dhe mbështetet nga Ministria e Kulturës dhe Turizmit, Ministria e Punëve të Jashtme, Universiteti i Prishtinës, PriBank dhe Radio Televizioni i Kosovës. Aktiviteti do të transmetohet drejtpërdrejt në RTK./A.K/

Continue Reading

Lajmet

Ramë Lahaj nis turneun ndërkombëtar “PASSION & ORIGIN” në Zürich

Published

2 days ago

on

October 5, 2026

By

Tenori kosovar me famë ndërkombëtare, Ramë Lahaj, po përgatitet për koncertin që do të hapë turneun e tij ndërkombëtar “PASSION & ORIGIN”, më 10 tetor në Zürich të Zvicrës.

Në skenën e Kongresshaus Zürich, Lahaj do të performojë së bashku me ARMA Ensemble, me një program muzikor që ndërthur repertorin shqiptar me këngë italiane, chanson franceze dhe muzikë nga kinemaja.

Pas koncertit në Zürich, turneu do të vazhdojë në Düsseldorf më 30 tetor, në Vjenë më 8 nëntor dhe në Toronto më 13 dhjetor. Organizatorët kanë bërë të ditur se pritet të shtohen edhe qytete të tjera në kalendarin e turneut.

Biletat për koncertin në Zürich tashmë janë në shitje përmes platformës Ticketmaster.

Përmes këtij turneu, Ramë Lahaj synon të sjellë para publikut ndërkombëtar një program që bashkon traditën muzikore shqiptare me repertorin ndërkombëtar, duke promovuar kulturën dhe identitetin shqiptar në skenat botërore./A.K/

Continue Reading

Lajmet

Baleti i Shqipërisë dhe Kosovës bashkohen në një skenë, publiku duartroket për 10 minuta

Published

2 days ago

on

October 5, 2026

By

Premiera botërore e veprës “Neighbours / from Motherland”, e cila hapi Festivalin Ndërkombëtar të Vallëzimit në Tiranë, u prit me duartrokitje për 10 minuta nga publiku.

Vepra, e krijuar nga Brigel Gjoka dhe Rauf “Rubberlegz” Yasi, bashkoi për herë të parë në të njëjtën skenë trupat e Baletit të Shqipërisë dhe Baletit të Kosovës.

E shfaqur në Teatrin Kombëtar të Operës dhe Baletit në Tiranë, kjo vepër e baletit bashkëkohor vuri në qendër rrënjët e përbashkëta dhe identitetin, duke sjellë një bashkëpunim artistik mes dy trupave shqiptare.

Salla e teatrit ishte e mbushur me artdashës, të cilët ndoqën hapjen e edicionit të pestë të Festivalit Ndërkombëtar të Vallëzimit në Tiranë (IDFT).

Ministri i Turizmit, Kulturës dhe Sportit në Shqipëri, Blendi Gonxhja, ndau pamje nga performanca dhe bëri të ditur se më 7 tetor shfaqja do të prezantohet edhe në Teatrin Kombëtar të Kosovës në Prishtinë.

Festivali vazhdon me aktivitete të tjera, duke sjellë në Tiranë artistë dhe produksione nga skena ndërkombëtare e vallëzimit bashkëkohor./ATSH/A.K/

Continue Reading

Lajmet

Xhevat Qena, aktori që la gjurmë në teatrin dhe filmin shqiptar

Published

2 days ago

on

October 5, 2026

By

Më 5 tetor shënohet përvjetori i lindjes së aktorit Xhevat Qena, një prej figurave të njohura të teatrit dhe kinematografisë shqiptare në Kosovë. I lindur në Mitrovicë më 5 tetor 1930, ai ndërtoi një karrierë të gjatë artistike dhe u nda nga jeta më 24 mars 2003 në Prishtinë.

Për më shumë se katër dekada në skenë, Qena interpretoi qindra role në teatër, film dhe produksione televizive. Ai u dallua veçanërisht në komedi, por gjatë karrierës së tij interpretoi me sukses edhe role dramatike.

Ndër rolet e tij më të njohura në teatër ishin Shvejku në shfaqjen “Ushtari i mirë Shvejk”, Vinetu në shfaqjen me të njëjtin emër, si dhe interpretimet në “Përqafimi”, “Duart e ndyra”, “Revizori”, “Gjenerali i ushtrisë së vdekur”, “Oda e errët”, “Mbreti Edip” dhe “Tartufi”.

Në kinematografi dhe televizion, ai u shfaq në produksione të njohura, ndër to “Kapetan Lesi”, “Po e zëm, po e zëm”, “Si të vdiset”, “Gjurmët e bardha”, “Kur pranvera vonohet”, “Proka”, “Autobusi” dhe “Shkolla e fshatit”.

Një pjesë e rëndësishme e jetës së tij artistike lidhet edhe me bashkëshorten, aktoren Leze Qena. Të dy interpretuan së bashku në shumë shfaqje dhe produksione, duke u bërë një prej çifteve më të njohura të skenës shqiptare në Kosovë.

Kolegët e kujtonin Xhevat Qenën si një aktor me imagjinatë, spontanitet dhe mjeshtëri të veçantë në interpretim. Ai dallohej për aftësinë për të krijuar atmosferë në skenë, për të bashkëpunuar me aktorët e tjerë dhe për ta mbajtur publikun të përqendruar gjatë shfaqjes.

Edhe pse komedia ishte një prej fushave ku shkëlqeu, Qena kishte një lidhje të veçantë me dramën. Ndër rolet që i kishin lënë mbresa ishte ai i një avokati në dramën “Oda e errët”.

Për më shumë se 40 vjet në skenë, Xhevat Qena i dha teatrit dhe filmit shqiptar një trashëgimi të rëndësishme artistike. Ai mbetet në kujtesën e publikut për humorin, energjinë dhe mënyrën e natyrshme të interpretimit, ndërsa rolet e tij vazhdojnë të kujtohen edhe sot./A.K/

Continue Reading

Të kërkuara