Kulturë

Gjërat për të cilat zakonisht shpenzojmë shumë para pa nevojë

9 gjërat për të cilat zakonisht shpenzohet shumë para, pa nevojë.

Published

on

Një shprehje thotë: “Asgjë në këtë botë nuk është falas”.

E vërteta është se shumicën e kohës, jeta e përditshme është një sipërmarrje e shtrenjtë. Por me disa ndryshime të vogla konkrete në mënyrën se si t’i menaxhoni shpenzimet tuaja të përditshme, çdo vit mund të kurseni më shumë para për të bërë një ndryshim domethënës në buxhetin tuaj personal.

Më poshtë kemi radhitur 9 gjërat për të cilat zakonisht shpenzohet shumë para, pa nevojë.

Kafe

Mund të jetë klishe për të përmendur koston e lartë të kafes, por është një shpenzim që shumë prej nesh e bëjnë çdo ditë. Bëjini vetë llogaritë se sa shpenzoni nëse pini 2-3 kafe jashtë dhe se sa do t’ju shkojë nëse i konsumoni ato në shtëpi.

Elektriciteti

Në shtëpinë tuaj me siguri po përdoret më shumë energji sesa është e nevojshme. Ju lini ndezur çdo llambë, frigoriferi juaj punon 24/7, dushi po ashtu, kondicioneri në ditët e ftohta të dimrit dhe në ditët e nxehta të verës.

Por për të kursyer të paktën aty ku është e mundur, fikni llambat në ambientet ku nuk janë të nevojshme, shpenzoni paratë për të kaluar në llamba LED me qëllimin për të kursyer para me kalimin e kohës nga përdorimi i reduktuar i energjisë dhe konsideroni ta mbani shtëpinë pak më të ngrohtë në verë dhe të ftohtë në dimër për të kursyer në ngrohje dhe ajër të kondicionuar.

Makina të reja

Mos kërkoni për një makinë të re. Shikoni për një makinë pothuajse të re.

Shumica e makinave të reja pësojnë rreth 20% zhvlerësim në vlerë gjatë 12 muajve të parë, por ato nuk humbasin 20% të cilësisë së tyre. Duke kërkuar për një makinë që është e përdorur vetëm një vit, mund t’ju japë një automjet pothuajse të ri me miliona para të kursyera.

Palestra

Kohët e fundit palestra është kthyer në një trend dhe të gjithë anëtarësohen duke harxhuar para kur mund të ushtrohen vetë në ajër të pastër dhe të vrapojnë.

Karburanti

Me përjashtim të rastit kur makina juaj harxhon shumë, mundohuni që edhe për të shmangur trafikun dhe ndotjen ta përdorni sa më pak makinën në jetën tuaj të përditshme.

Mos e përdorni shumë makinën tuaj për të lëvizur në distanca të shkurtra, pasi jo vetëm që do të harxhoni shumë duke ndenjur në trafik, por nuk do të vonoheni në takimet tuaja.

Porositja e ushqimit

Kur porosisni ushqimin për t’ua sjellë në shtëpi, ju shpenzoni një tarifë që biznesi kërkon për shpërndarjen. Njerëzit janë bërë dembelë dhe për të mos prishur rehatinë e tyre edhe nëse e kanë poshtë pallatit apo tek pallati ngjitur, përsëri presin t’ja çojnë në shtëpi, kur thjesht mund ta bëjnë vetë këtë punë.

Sigurimi

Ju nuk mund të mendoni për sigurimin si diçka të negociueshme, kështu që është e nevojshme të siguroheni për jetën tuaj, banesën, makinën dhe çdo gjë që ju duket e volitshme, por që të gjitha vijnë me një kosto në buxhetin tuaj.

Mjekësi

Shëndetësia kushton shumë dhe medikamentet shpesh janë përtej çmimin të imagjinuar dhe nuk i përfshin rimbursimi që vjen nga sigurimet shëndetësore. Sipas një studimi të kryer nga Shkolla Mjekësore e Harvard, barnat e përgjithshme kushtojnë mesatarisht 80% – 85% më pak se barnat që janë marka të njohura.

Ushqimi

Një pjesë e mirë e parave që fitoni shkon për t’u ushqyer. Sigurisht deri këtu nuk ka asgjë të keqe, por kur ju filloni të hani jashtë pa kufi, duke konsumuar ushqime të thata dhe të hani në fast-food, atëherë jo vetëm që do të shpenzoni më shumë, por po i bëni dëm edhe shëndetit tuaj.

Këto lloj ushqimesh nuk rekomandohen, si dhe restorantet janë shumë të shtrenjtë, kështu që e vetmja gjë që ju mbetet është që të blini fruta dhe perime, si dhe produkte të tjera për ta përgatitur vetë ushqimin tuaj. Ju shkon më lirë dhe do të kujdeseni për një jetë të shëndetshme.

Continue Reading

Lajmet

Vazhdojnë punimet për restaurimin e shtëpisë së Beqir Haxhibeqirit në Gjakovë

Published

on

Po vazhdojnë punimet për konservimin dhe restaurimin e shtëpisë së Beqir Haxhibeqirit në Gjakovë, monument i trashëgimisë kulturore që daton nga shekulli XIX.

Shtëpia, e njohur për çardakun e mbyllur dhe elementet origjinale prej druri e hekuri, pritet t’i rikthejë vlerat e saj autentike përmes këtij procesi restaurues.

Si një shembull i veçantë i arkitekturës tradicionale, monumenti synohet të ruhet dhe të mbrohet për brezat e ardhshëm, duke kontribuar në ruajtjen e trashëgimisë kulturore të Gjakovës./A.K/

Continue Reading

Lajmet

Filmi “Dua” i Blerta Bashollit fiton çmimin kryesor në Festivalin e Filmit në Selanik

Published

on

Filmi “Dua”, me regji të Blerta Bashollit, është nderuar me çmimin “Golden Alexander – Michel Demopoulos” për filmin më të mirë artistik në konkursin “Meet the Neighbors+”, në kuadër të edicionit të 67-të të Festivalit Ndërkombëtar të Filmit në Selanik.

Ky vlerësim shënon një tjetër sukses ndërkombëtar për filmin, i cili sjell në ekran një rrëfim intim për rritjen dhe përjetimin e fëmijërisë në Kosovën e pragluftës.

Juria e festivalit e ka vlerësuar filmin për vërtetësinë emocionale dhe vizionin personal mbi një periudhë përcaktuese të historisë së Kosovës.

Në komunikatën e publikuar nga krijuesit e filmit bëhet e ditur se juria veçoi mënyrën se si Basholli e ndjek personazhin kryesor, Duan 13-vjeçare, në Prishtinën e fundit të viteve 1990, kur ajo përballet me ndryshimet e adoleshencës, ndërsa lufta po afrohet.

Juria vlerësoi vendimin e regjisores për ta mbajtur kamerën pranë personazhit, duke theksuar ndershmërinë, humanizmin dhe përmbajtjen me të cilën rrëfehet historia e saj./A.K/

Continue Reading

Lajmet

Rita Ora bëhet pjesë e filmit të ri fantastiko-shkencor “The Signalers”

Published

on

By

Artistja shqiptare me famë botërore, Rita Ora, do të jetë pjesë e kastit të filmit të ri fantastiko-shkencor dhe thrillerit aventuresk “The Signalers”. Sipas revistës Variety, ajo do të ndajë ekranin me aktorin Tom Hopper, i njohur për rolet në serialet “The Umbrella Academy” dhe “The Terminal List”, si dhe me aktoren e re Mila Harris, e cila po shënon ngritje në Hollywood përmes projekteve “No Exit” dhe “Mary”.

Në kastin e këtij projekti janë përfshirë gjithashtu Missi Pyle (“Galaxy Quest”) dhe Nolan North (“Uncharted”), ndërsa në role mbështetëse do të paraqiten edhe Paulina Alvarez, David Silverman dhe Wolfgang Fiegl. Filmi, i cili është projekt i kompanisë Gramercy Park Media, tashmë ka nisur xhirimet. Skenarin e ka shkruar Cate Carson, e cila ka një të kaluar si detektive dhe specialiste e inteligjencës ushtarake, ndërsa regjinë e mban Gille Klabin, i njohur për filmin “The Wave”.

Ngjarja e filmit përqendrohet te një kontrollor i trafikut ajror (Tom Hopper), i cili punon në një zonë të izoluar, dhe mbesa e tij (Mila Harris), me të cilën ka një marrëdhënie të shkëputur. Jeta e tyre merr një kthesë të pazakontë kur zbulojnë një sinjal të pashpjegueshëm në thellësi të një zone të egër në Kanada, i cili shkakton fenomene të çuditshme e të rrezikshme dhe i shtyn të nisin një udhëtim për të zbuluar origjinën e tij.

Gjatë kërkimeve, ata hasin në një grup shkencëtarësh hulumtues, rolet e të cilëve luhen nga Rita Ora dhe Missi Pyle, që po ashtu janë në gjurmët e këtij fenomeni. Megjithatë, përpjekjet e tyre i çojnë pa dashje drejt zbulimit të një force të jashtëtokësore të varrosur prej kohësh, e cila nis të zgjohet rreth tyre. /E.A/

 

Continue Reading

Lajmet

Rrëfimi për luftën e UÇK-së mbush sallat me filmin “Sakrifica”

Published

on

By

Filmi vendor “Sakrifica”, me regji të Halil dhe Merita Budakovës, po vazhdon të tërheqë vëmendje të madhe dhe fluks të lartë shikuesish në Cineplexx Prishtina, pas premierës së tij të mbajtur dy ditë më parë.

Duke trajtuar një temë të ndjeshme të historisë së Kosovës, realizimi kinematografik ka arritur të prekë publikun që nga nata e parë e shfaqjes, ku biletat u shitën me ritme të jashtëzakonshme.

“Sakrifica” sjell në ekranin e madh historinë e pesë vëllezërve, të cilët gjatë viteve 1997–1999 marrin vendimin t’i bashkohen Ushtrisë Çlirimtare të Kosovës, duke lënë pas familjen dhe gjithçka që kanë për të luftuar për lirinë e vendit.

Për shkak të kërkesave të vazhdueshme dhe interesimit të lartë për ta parë këtë histori të guximit dhe atdhedashurisë, adhuruesit e filmit ftohen t’i sigurojnë me kohë biletat përmes platformës zyrtare të Cineplexx-it ose në arkat e kinemasë në Albi Mall. /E.A/

Continue Reading

Të kërkuara