Kulturë

Menaxhmenti i mirë çelësi i suksesit

Suksesi i një biznesi varet nga menaxhmenti i mirë.

Published

on

Çelësi i suksesit në udhëheqje është përmirësimi i vazhdueshëm i shërbimit ndaj konsumatorit dhe i aftësive menaxhuese të njerëzve.

Ka një mendim të zakonshëm i cili përshtatet me këta rreshta, ‘’Biznesi do të ishte i lehtë nëse nuk do të kisha konsumatorë ose punonjës’’. Përderisa kjo mund t’i bëjë gjëra më të lehta për një kohë, vë bast se ju ose do të mbeteshit pa para ose do të mërziteshit nga mungesa e punës ose do të ishit shumë të zënë duke kuptuar se si të fitoni konsumatorë dhe punonjës të rinj. Nuk jam 100 për qind i sigurt se cila do të ishte.

Dukshëm, kushdo që e ka thënë këtë po fliste me të vërtetë për vështirësitë e të punuarit me njerëzit, pavarësisht anës së tavolinës në të cilën ulen.

Për shkak se njerëzit janë aspekti më i vështirë i çdo biznesi, është e rëndësishme të gjeni njerëz të mrekullueshëm, konsumatorët e duhur për biznesin tuaj, dhe gjithashtu ekipin e duhur për të mbështetur kompaninë tuaj. Ju gjithashtu duhet të fokusoheni në përmirësimin e vazhdueshëm të shërbimin të konsumatorëve dhe aftësive menaxhuese të njerëzve.

Fatkeqësisht, pak pronarë biznesi dhe udhëheqës punojnë në këtë aftësi, i cili është shkaku i shumë problemeve që ata përjetojnë, transmeton Ekonomia Online.

Njëra prej gjërave të cilat i kam mësuar nga njëri prej mentorëve të mi është se çdo problem është problem i udhëheqjes. Së pari, nuk pajtova me këtë ide, për shkak se jam admirues i madh i përgjegjësisë personale dhe ndihem se njerëzit duhet të zotërojnë gabimet e tyre. Përderisa kam rritur ekipin dhe aftësitë e mia udhëheqëse, unë e kam kuptuar të vërtetën në këtë deklaratë. Çdo problem është problem i udhëheqjes.

Tani mund të dëgjoj bërtimat e ‘’gënjeshtra’’! nga ndërmarrësit përderisa shkruaj këtë. ‘’Nuk jam përgjegjës për performancën e tyre të dobët në punë ose shërbimin e konsumatorit, etj.’’ Kështu që kuptoni, nuk po ju sygjeroj se jeni përgjegjës, por është puna juaj të vendosni sistemet e duhura në vend që të ndihmoni njerëzit të arrijnë sukses. Është puna juaj të keni biseda rreth performancës. Është puna juaj të siguroheni se keni punësuar njerëzit e duhur. Është puna juaj të menaxhoni situatën para se të bëhet një situatë kritike.

Nëse ndonjëherë keni thënë, ‘’Askush nuk mund t’a bëjë këtë aq mirë sa unë’’, ai është një problem i udhëheqjes dhe gjithashtu një besim i rrejshëm.

Kur një problem shfaqet, ju mund të mos bartni vetëm përgjegjësinë, por ju absolutisht bartni disa përgjegjësi për probleme të cilat shfaqen në punë. Sikur me gabimet në jetë, ju gjithmonë mund të kishit bërë një zgjedhje më të mirë ose ndryshe.

Askush nuk është imun ndaj dështimeve në udhëheqje. Sikur javën e kaluar, unë dështova dy herë në një mundësi të udhëheqjes me njerëz të ndryshëm në ekipin dhe kompaninë time. Dështimet e mia shkaktuan frustrim dhe trazira, lënduan disa dhe hutuan disa të tjerë. A isha unë përgjegjës? Sigurisht që jo. A bartnin përgjegjësinë anëtarët e ekipit? Sigurisht. A e kishin fajin disa nga menaxherët e mi në këtë situatë? Sigurisht që po.

Asnjë punonjës, menaxher ose kryeshef Ekzekutiv nuk është imun ndaj dështimeve.

Ne të gjithë bëjmë gabime. Varet nga ju se si trajtoni këto gabime dhe si mësoni nga ato, dhe kjo e bën gjithë ndryshimin.

Njerëzit, sistemet, proceset tuaja kanë ndikim më të madh në suksesin e biznesit tuaj se sa çfarëdo fushate e marketingut, por disa njerëz investojnë kohë dhe pasuri në zhvillimin e këtyre aftësive dhe burimeve.

Unë kam shpenzuar shumë pasuri dhe kohë në aftësitë e mia udhëheqëse, dhe edhe pse prish gjërat kohë pas kohe, janë më të rralla se në të kaluarën. Nëse do më kërkonin të emëroja vetëm dy burime nga mijëra libra dhe trajnime që kam bërë gjatë viteve, unë së pari do të tregoja librin tim të preferuar për krijimin e një kulture dhe udhëheqjen e njerëzve, Uncontainable nga Kip Tindell, Kryeshefi Ekzekutiv dhe themeluesi i The Container Store. Ju garantoj se ia vlen të jepni 20 dollarë dhe ta lexoni.

Dhe së dyti, nga ana e trajnimit, do të rekomandoja Infusionsoft’s Elite Forum. Ky është një trajnim dy ditor i cili ndryshoi biznesin tim dhe më dha mjete nga një pikëpamje e talentëve e cila na dha mundësi të rritemi 2,975 përqind në një periudhë tre vjeçare. Ne nuk do të ishim ku jemi sot në terme të shitjeve dhe madhësisë pa këtë trajnim.

Siç thashë më parë, të gjitha problemet janë probleme me udhëheqjen. Ju duhet të investoni veten dhe të rriteni nëse me të vërtetë dëshironi që biznesi juaj të rritet.

Continue Reading

Lajmet

Vazhdojnë punimet për restaurimin e shtëpisë së Beqir Haxhibeqirit në Gjakovë

Published

on

Po vazhdojnë punimet për konservimin dhe restaurimin e shtëpisë së Beqir Haxhibeqirit në Gjakovë, monument i trashëgimisë kulturore që daton nga shekulli XIX.

Shtëpia, e njohur për çardakun e mbyllur dhe elementet origjinale prej druri e hekuri, pritet t’i rikthejë vlerat e saj autentike përmes këtij procesi restaurues.

Si një shembull i veçantë i arkitekturës tradicionale, monumenti synohet të ruhet dhe të mbrohet për brezat e ardhshëm, duke kontribuar në ruajtjen e trashëgimisë kulturore të Gjakovës./A.K/

Continue Reading

Lajmet

Filmi “Dua” i Blerta Bashollit fiton çmimin kryesor në Festivalin e Filmit në Selanik

Published

on

Filmi “Dua”, me regji të Blerta Bashollit, është nderuar me çmimin “Golden Alexander – Michel Demopoulos” për filmin më të mirë artistik në konkursin “Meet the Neighbors+”, në kuadër të edicionit të 67-të të Festivalit Ndërkombëtar të Filmit në Selanik.

Ky vlerësim shënon një tjetër sukses ndërkombëtar për filmin, i cili sjell në ekran një rrëfim intim për rritjen dhe përjetimin e fëmijërisë në Kosovën e pragluftës.

Juria e festivalit e ka vlerësuar filmin për vërtetësinë emocionale dhe vizionin personal mbi një periudhë përcaktuese të historisë së Kosovës.

Në komunikatën e publikuar nga krijuesit e filmit bëhet e ditur se juria veçoi mënyrën se si Basholli e ndjek personazhin kryesor, Duan 13-vjeçare, në Prishtinën e fundit të viteve 1990, kur ajo përballet me ndryshimet e adoleshencës, ndërsa lufta po afrohet.

Juria vlerësoi vendimin e regjisores për ta mbajtur kamerën pranë personazhit, duke theksuar ndershmërinë, humanizmin dhe përmbajtjen me të cilën rrëfehet historia e saj./A.K/

Continue Reading

Lajmet

Rita Ora bëhet pjesë e filmit të ri fantastiko-shkencor “The Signalers”

Published

on

By

Artistja shqiptare me famë botërore, Rita Ora, do të jetë pjesë e kastit të filmit të ri fantastiko-shkencor dhe thrillerit aventuresk “The Signalers”. Sipas revistës Variety, ajo do të ndajë ekranin me aktorin Tom Hopper, i njohur për rolet në serialet “The Umbrella Academy” dhe “The Terminal List”, si dhe me aktoren e re Mila Harris, e cila po shënon ngritje në Hollywood përmes projekteve “No Exit” dhe “Mary”.

Në kastin e këtij projekti janë përfshirë gjithashtu Missi Pyle (“Galaxy Quest”) dhe Nolan North (“Uncharted”), ndërsa në role mbështetëse do të paraqiten edhe Paulina Alvarez, David Silverman dhe Wolfgang Fiegl. Filmi, i cili është projekt i kompanisë Gramercy Park Media, tashmë ka nisur xhirimet. Skenarin e ka shkruar Cate Carson, e cila ka një të kaluar si detektive dhe specialiste e inteligjencës ushtarake, ndërsa regjinë e mban Gille Klabin, i njohur për filmin “The Wave”.

Ngjarja e filmit përqendrohet te një kontrollor i trafikut ajror (Tom Hopper), i cili punon në një zonë të izoluar, dhe mbesa e tij (Mila Harris), me të cilën ka një marrëdhënie të shkëputur. Jeta e tyre merr një kthesë të pazakontë kur zbulojnë një sinjal të pashpjegueshëm në thellësi të një zone të egër në Kanada, i cili shkakton fenomene të çuditshme e të rrezikshme dhe i shtyn të nisin një udhëtim për të zbuluar origjinën e tij.

Gjatë kërkimeve, ata hasin në një grup shkencëtarësh hulumtues, rolet e të cilëve luhen nga Rita Ora dhe Missi Pyle, që po ashtu janë në gjurmët e këtij fenomeni. Megjithatë, përpjekjet e tyre i çojnë pa dashje drejt zbulimit të një force të jashtëtokësore të varrosur prej kohësh, e cila nis të zgjohet rreth tyre. /E.A/

 

Continue Reading

Lajmet

Rrëfimi për luftën e UÇK-së mbush sallat me filmin “Sakrifica”

Published

on

By

Filmi vendor “Sakrifica”, me regji të Halil dhe Merita Budakovës, po vazhdon të tërheqë vëmendje të madhe dhe fluks të lartë shikuesish në Cineplexx Prishtina, pas premierës së tij të mbajtur dy ditë më parë.

Duke trajtuar një temë të ndjeshme të historisë së Kosovës, realizimi kinematografik ka arritur të prekë publikun që nga nata e parë e shfaqjes, ku biletat u shitën me ritme të jashtëzakonshme.

“Sakrifica” sjell në ekranin e madh historinë e pesë vëllezërve, të cilët gjatë viteve 1997–1999 marrin vendimin t’i bashkohen Ushtrisë Çlirimtare të Kosovës, duke lënë pas familjen dhe gjithçka që kanë për të luftuar për lirinë e vendit.

Për shkak të kërkesave të vazhdueshme dhe interesimit të lartë për ta parë këtë histori të guximit dhe atdhedashurisë, adhuruesit e filmit ftohen t’i sigurojnë me kohë biletat përmes platformës zyrtare të Cineplexx-it ose në arkat e kinemasë në Albi Mall. /E.A/

Continue Reading

Të kërkuara