

Kulturë
Gjashtë strategji për të përmirësuar marrëdhëniet me klientët
Rreth një vit më parë, fillova të studioja strategjitë e marrëdhënieve të klientëve që implementojnë kompanitë shqiptare.
Published
3 years agoon
By
Betim GashiGjatë viteve, kompanitë shqiptare kanë zbatuar teknologji inovative, duke zhvilluar burime të reja dhe aftësi për të tërhequr dhe mbajtur klientët me anë të strategjive CRM (Customer Relationship Management).
Ata kanë kuptuar se për arritjen e suksesit në një mjedis konkurues biznesi, duhet të përqëndrohen në mbajtjen e një marrëdhënie pozitive me klientët, duke zbatuar strategji efektive që çojnë në kënaqësinë dhe besnikërinë e klientit.
Rreth një vit më parë, fillova të studioja strategjitë e marrëdhënieve të klientëve që implementojnë kompanitë shqiptare të telekomunikacionit dhe ndikimin e tyre në kënaqësinë dhe besnikërinë e klientëve. Zgjodha industrinë e telekomunikacionit sepse karakterizohet nga një konkurencë e fortë dhe është interesante të analizohet se si ndryshimet e tyre në strategji mund të formojnë performancën e tyre të biznesit.
Disa nga zbulimet kyçe mbi mënyrën se si Vodafone dhe Telekom janë duke maksimizuar marrëdhëniet me klientët i gjeni në vijim:
– Ata i përdorin platformat si pjesë integrale e strategjisë së tyre të biznesit. Ata janë duke përdorur sistemet CRM si një strategji kryesore për të kuptuar më mirë klientët e tyre, duke analizuar sjelljet e konsumatorëve dhe duke përdorur CRM për menaxhimin efektiv të marrëdhënieve për të gjeneruar më shumë kënaqësi dhe besnikëri ndaj klientit. Ata mësojnë më shpejt rreth tyre dhe e vënë atë mësim në veprim më shpejt se konkurrentët. Një nga avantazhet kryesore konkuruese është fokusi i tyre në menaxhimin efektiv të klientëve për të gjeneruar marrëdhënie afatgjata, si një nxitës kryesor i rritjes dhe përfitimit të qëndrueshëm.
– Ata ofrojnë një eksperiencë të mrekullueshme për konsumatorët. Strategjia e tyre e biznesit është e fokusuar në dhënien e një përvoje të kënaqshme për konsumatorët. Të gjitha aktivitetet e CRM që përfshijnë departamentet e marketingut, shitjes janë pjesë përbërëse e të kuptuarit të nevojave të klientëve, si suksesi i tyre themelor i biznesit. Ata kanë hartuar një strategji efektive në detaje, një përshkrim i të gjithë eksperiencës që kompania dëshiron t’i japë klientëve të saj. Ata e kuptojnë se eksperiencat e paharrueshme dhe pozitive janë thelbësore për kënaqësinë e klientit dhe besnikërinë e tij. Ata po i kushtojnë më shumë kohë aktiviteteve të tilla si kujdesi ndaj konsumatorëve dhe menaxhimi i klientëve, gjetja e zgjidhjeve për problemet e tyre, konsultimi dhe analizimi i klientëve të tyre kryesorë, si dhe ofrimi i paketave dhe ofertave që personalizohen sipas nevojave të tyre.
– Ata arrijnë rezultate më të larta në aktivitetet kyçe. Nëpërmjet këtyre platformave, ata u mundësojnë menaxherëve të shitjeve që të tërheqin më shumë konsumatorë, të menaxhojnë dhe të zhvillojnë në mënyrë efektive klientët e tyre ekzistues, të krijojnë marrëdhënie afatgjata duke ofruar përvojë më të lartë të konsumatorëve, si dhe duke rifituar klientët e tyre të humbur duke rivendosur me sukses marrëdhënie pozitive me ta.
– Ata i kuptojnë më mirë klientët e tyre. Këto kompani vlerësojnë opinionin e klientëve dhe inkurajojnë feedback-un e tyre. Ata po përdorin mënyra efektive për vlerësimin e shërbimit të tyre dhe marrjen e feedback-ut direkt nga klientët. Ata e dinë se çfarë e udhëheq besnikërinë e klientit. Duke njohur klientët e tyre ata mund të menaxhojnë dhe përmirësojnë vazhdimisht marrëdhëniet me ta, si dhe të merren më shpejt me ankesat. Ata menaxhojnë vazhdimisht problemet dhe përqendrohen në krijimin e një ‘customer experience’ që rrit kënaqësinë.
– Implementojnë strategji efektive të marrëdhënieve me klientët. Me mjetet e platformave CRM, ato po i shtojnë më shumë vlerë departamenteve të marketingut dhe shitjeve duke lehtësuar dhe siguruar shumë aktivitete të rëndësishme. Ata sigurojnë një eksperiencë unike për klientin duke organizuar aktivitete rreth nevojave të tyre.
Ata fuqizojnë punonjësit e tyre. Ata fokusohen në zhvillimin e burimeve njerëzore, aftësive dhe motivimit të tyre për të përdorur këto platforma menaxhimi si mjete efektive për të ofruar përvojë pozitive për klientët dhe për të menaxhuar në mënyrë efektive marrëdhëniet me ta. Ata kanë një fokus të qartë në menaxhimin, udhëheqjen dhe fuqizimin e punonjësve të tyre duke pajisur me mjetet e duhura për të ndërtuar marrëdhënie afatgjata me klientët dhe për të rritur kënaqësinë dhe besnikërinë e klientit.
Si përfundim menaxhimi efektiv i marrëdhënieve me klientët ka një ndikim pozitiv në ecurinë e biznesit. Kompanitë e suksesshme si Vodafone dhe Telekom janë duke i përdorur ato për të diferencuar dhe për të arritur vazhdimisht më shumë pjesë të tregut. Ata e dinë se klientët e kënaqur paguajnë përsëri me besnikërinë e tyre dhe janë të gatshëm të rekomandojnë miqtë e tyre. Shërbimi me cilësi të lartë i ofruar nga punonjësit e tyre është përparësia kryesore konkurruese që u ka dhënë atyre kënaqësinë maksimale të klientëve, besnikërinë dhe rritjen e qëndrueshme. (Renato Civili/Businessmag.al)
Magazinë
Ish-gruaja e Bill Gates flet për divorcin: E kam planifikuar një vit në fshehtësi
Published
51 minutes agoon
April 4, 2025
Melinda French Gates, ish-bashkëshortja e miliarderit Bill Gates, në librin e saj “The Next Day”, foli hapur për divorcin.
Ajo deklaroi se gjithçka filloi të ndodhte në fshehtësi, një vit para se të vinte konfirmimi zyrtar i divorcit. Melinda ka folur për këtë, duke treguar emocionet dhe eksperiencat e saj në atë periudhë të vështirë.
Problemet në martesë filluan të shfaqeshin më 2019, kur përjetoi makthe për shembjen e një shtëpie të bukur.
Më vonë ajo kuptoi se këto ishin shenja nga nënndërgjegjja e saj që tregonin probleme në martesë. Në fund të 2020, gjatë një pushimi në New Mexico, Melinda mori një vendim vendimtar. Natën e fundit, i tha Billit se donte të jetonte veçmas me vajzën më të vogël, Phoebe.
Melinda e cilësoi këtë bisedë si një nga më të vështirat në jetën e saj, por Bill, siç thotë ajo, e kuptoi vendimin e saj.
Ky hap ishte pjesë e procesit të saj personal, që përfshinte terapinë dhe siç shprehet ajo, terapia ishte një përgjigje ndaj tradhtive në martesën e saj dhe një mënyrë për të mos tradhtuar veten.
Bill Gates e përshkroi divorcin si një nga gabimet më të mëdha të jetës së tij. Edhe pse tha se ka gabime të tjera, asnjë nuk është aq i rëndësishëm për të sa divorci, i cili ishte i dhimbshëm për të dy. Megjithatë, Melinda pranon se e dinte se do të ishte mirë kur të divorcohej, pavarësisht sfidave që po kalonte.
Bill dhe Melinda Gates u martuan në vitin 1994 dhe së bashku kanë tre fëmijë: Jennifer (28), Phoebe (22) dhe Rory (25).
Lajmi për divorc u konfirmua zyrtarisht në maj të 2021, pas 27 vitesh martesë, ndërsa u përfol se jetonin të ndarë prej një viti më parë.
Magazinë
Forbes publikon listën e miliarderëve të botës për vitin 2025, ja kush kryeson
Published
1 hour agoon
April 4, 2025
Lista e re e njerëzve më të pasur nga Forbes për vitin 2025 regjistron 3,028 miliarderë, numri më i madh në 39 vitet e publikimit të renditjes dhe një vlerë totale neto që arrin në 16.1 trilion dollarë.
Lista e re, e miliarderëve të botës shënon një rritje të shpejtë të pasurisë globale, e cilat përmban 3028 emra, një numër rekord që nga publikimi i parë i listës në 1987.
Pasuria e tyre totale arrin në 16.1 trilion dollarë, shuma më e lartë e të gjitha kohërave.
Elon Musk rimerr vendin e parë, duke rrëzuar nga froni manjatin francez të mallrave luksoze Bernard Arnault, pasi pasuria e tij u rrit me 75%, duke arritur në 342 miliardë dollarë.
Rritja e vlerës së tij neto është për shkak të vlerësimit të AI, SpaceX, si dhe prirjes rritëse të aksioneve të Tesla gjatë 12 muajve të fundit, pavarësisht rënies së fundit. Musk bëhet personi i parë që ka kaluar ndonjëherë 300 miliardë dollarë pasuri personale.
Trump dyfishoi pasurinë e tij
Donald Trump ka dyfishuar pasurinë, duke arritur në 5.1 miliardë dollarë, falë aksioneve të tij në Trump Media & Technology Group dhe të ardhurave të mëdha nga investimet e tij të fundit në kriptomonedha.
“Është një tjetër vit rekord për më të pasurit në botë, pavarësisht pasigurisë ekonomike dhe tensioneve gjeopolitike në rritje”, tha Chase Peterson-Whitehorn, redaktori i pasurisë në Forbes. “Dhe nga Elon Musk te Howard Latnick dhe miliarderët e tjerë që po depërtojnë gjithnjë e më shumë në qeverinë amerikane, ndikimi i tyre po zgjerohet vazhdimisht”.
, Bezos dhe Ellison në top-listë
Në vendin e dytë pas Musk është Mark Zuckerberg me pasuri të vlerësuar prej 216 miliardë dollarësh, ndërsa Jeff Bezos pason në vendin e tretë me 215 miliardë dollarë. Në vendin e katërt është themeluesi i Oracle, Larry Ellison me 192 miliardë dollarë dhe në vendin e pestë është Bernard Arnault dhe familja e tij me 178 miliardë dollarë.
Dhjetëshja e parë plotësohet nga:
6: Warren Buffett, një nga investitorët më të suksesshëm të të gjitha kohërave me 154 miliardë,
7: Larry Page, i cili dha dorëheqjen si CEO i Alphabet, kompania mëmë e Google, në 2019, mbetet anëtar i bordit të drejtorëve me 144 miliardë,
8: Sergey Brin, i cili dha dorëheqjen si kryetar i Alphabet, kompania mëmë e Google, në dhjetor 2019, por mbetet anëtar i bordit të drejtorëve me 138 miliardë,
9: Amancio Ortega, themelues dhe pronar i kompanisë shumëkombëshe Inditex, e cila, ndër të tjera, zotëron Zara-n, me 104 miliardë, CE kompania nga viti 2000 deri në vitin 2014 me 118 miliardë lekë
Hyrjet e reja: Nga Springsteen në Schwarzenegger
Lista e 2025 përmban 288 miliarderë të rinj që shfaqen për herë të parë, duke përfshirë muzikantin Bruce Springsteen, themeluesin e Chipotle Steve Ells, CEO i Alphabet/Google, Sundar Pichai, aktorin dhe ish-guvernatorin e Kalifornisë, Arnold Schwarzenegger dhe 28-vjeçarin, bashkëthemeluesin e Scale AI, Alexander Wang, më i riu i miliardarëve në botë.
Vendet me më shumë miliarderë
SHBA ruajnë epërsinë me 902 miliarderë, një numër rekord ky, me vlerë totale prej 6.75 trilionë dollarë. Kina pason në vendin e dytë me 450 dhe India në të tretën me 205.
“Klubi 100 miliardë” dhe rënia nga lista
Numri i njerëzve me një pasuri prej më shumë se 100 miliardë dollarë arriti nivel rekord, me 15 persona në mbarë botën nga 14 që ishin vitin e kaluar dhe asnjë në 2017. Ky “klub” i mbyllur i super të pasurve zotëron një total prej 2.4 trilionë dollarësh ose rreth 15% e pasurisë totale të të gjithë miliarderëve, edhe pse ajo përfaqëson vetëm 0.5% të totalit.
Në të njëjtën kohë, 107 persona ranë nga lista këtë vit, duke përfshirë trashëgimtarin e Hermès, Nicolas Pess dhe pronarin e Hobby Lobby, David Green, ndërsa 32 miliarderë vdiqën gjatë vitit.
Magazinë
Billie Eilish tregon se cilët janë artistët e saj të preferuar
Published
19 hours agoon
April 3, 2025
Ndërsa po bën një pushim nga turneu i saj botëror “Hit Me Hard and Soft”, i cili filloi në shtator 2024 dhe do të vazhdojë në Suedi në prill 2025, Billie Eilish zbuloi se cilët janë artistët dhe krijuesit e saj të preferuar.
Këngëtarja nëntë herë fituese e Grammy-it, në një intervistë të fundit me YouTuber-in Quenlyn Blackwell, u pyet për njerëzit që rendit si kryesues në kategori të ndryshme.
Kur u pyet për reperen femër që ajo e konsideron më të mirën, Eilish u përgjigj pa hezitim: “Nicki Minaj është, padyshim.
Lidhur me këngët që shërbejnë si “himn të jetës” për të, Billie përmendi disa hite më të vjetra të Lady Gaga:
“Sinqerisht, unë dëgjoj shumë Gaga të vjetra, si poker Face, komentoi ajo gjëja ime tani, GndroUY” .
Megjithatë, kur erdhi koha të përgjigjej për aktorin më të mirë të të gjitha kohërave, Eilish nuk mundi të zgjidhte vetëm një dhe zgjodhi dy nga të preferuarit e saj, Steve Carell dhe Jake M. Johnson.
Diskutimi u shtri edhe në botën e transmetuesve, ku këngëtarja pranoi se nuk e ka të qartë se kush bie në sy.
“Unë i njoh disa, se di çfarë është e mirë a e keqe për asnjërin prej tyre. E vetmja që më vjen në mendje është…” Blackwell e ndërpreu atë, duke përmendur emrin e Kai Senat, e cila ka mbi 7 milionë abonentë në YouTube. Eilish ra dakord, duke komentuar: “Ai është i madh”.
Kulturë
Fjalësi i “Enciklopedisë shqiptare” do të miratohet brenda 15 majit
Published
20 hours agoon
April 3, 2025By
UBT NEWS
Në Akademinë e Shkencave të Shqipërisë u zhvillua mbledhja e redaksisë qendrore dhe vendore të Tiranës për projektin e “Enciklopedisë shqiptare”. Takimi kishte për qëllim shqyrtimin e konkluzioneve të takimit dyditor të redaksive Shqipëri-Kosovë, që u mbajt në Vërmicë më 25-26 mars 2025, dhe ecurinë e mëtejshme të projektit.
Gjatë mbledhjes, u diskutua për miratimin e fjalësit të “Enciklopedisë shqiptare”, që pritet të realizohet deri më 15 maj. Ky miratim do të mundësojë kalimin në fazën e kategorizimit të artikujve dhe përcaktimin e autorëve që do t’i hartojnë ata. Akademik Gjinushi njoftoi se në takimin e Vërmicës u formuluan disa detyra dhe rekomandime për redaksitë përkatëse, të cilat do të përmblidhen në një udhëzues për të orientuar punën e mëtejshme.
Dr. Arian Leka, Drejtori i Qendrës së Botimeve Enciklopedike dhe Albanologjike, theksoi rëndësinë e verifikimit të plotësimit të kritereve për çdo artikull, pasi 70% e “Enciklopedisë shqiptare” është material i ri, që kërkon një shqyrtim të kujdesshëm dhe të detajuar.


Stephen Curry fiton duelin me LeBron James, rezultatet në NBA

Gjykata Kushtetuese e Koresë së Jugut rrëzoi presidentin Yoon

Vuçiq: SNS ka dy kandidatë për mandatin e qeverisë

OEAK mbështet thirrjen e Osmanit për heqjen e tarifave ndaj mallrave amerikane

Dy shtetet europiane gati ta shpallin ‘non grata’ Millorad Dodik

76 vjet nga themelimi i NATO-s

4 vjet nga zgjedhja e Osmanit si presidente e Kosovës

Miratohet rregullorja që eliminon procedurën e rivlerësimit për personat e verbër

Xhiro e 27 e Superligës, ndeshje kyçe për Malishevën dhe Prishtinën
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë