

Shëndeti
Gjashtë shenja fizike të stresit që nuk duhet t’i injoroni kurrë
Nga lëkura juaj tek gjumi juaj, është e rëndësishme të vini re nëse ankthi juaj ka filluar të ketë ndikim në trupin tuaj.
Published
4 years agoon
By
Betim GashiTë gjithë herë pas here ndihemi të stresuar, por nëse niveli i tij nuk menaxhohet mirë, trupi juaj mund të fillojë të ketë disa shenja që nuk duhet t’i injoroni. Ka disa zona në trup ku stresi do të shfaqet dhe juve iu duhet të kaloni pa kohë për t’u qetësuar.
Nga lëkura juaj tek gjumi juaj, është e rëndësishme të vini re nëse ankthi juaj ka filluar të ketë ndikim në trupin tuaj.
Dr.Stephanie Ooi, mjeke e përgjithshme në klinikën kryesore MyHealthcare në Londër, thotë se është e rëndësishme që njerëzit t’i dinë shenjat dhe të marrin ndihmë jo vetëm për mirëqenien emocionale, por edhe për shëndetin fizik, shkruan The Sun.
“Së pari, stresi nuk është gjithmonë negativ. Në fakt është një emocion shumë i dobishëm për trupin.Gjatë periudhave të stresit trupat tanë përjetojnë përgjigjen ‘lufto ose ik’. Kjo çliron hormone duke përfshirë adrenalinën, të cilat na ndihmojnë të reagojmë nëse përballemi me një kërcënim apo rrezik”, u shpreh ajo.
Ajo dallon gjashtë shenja fizike të stresit që nuk duhet t’i injoroni kurrë.
1.Lëkurë e keqe
Stresi ka qenë prej kohësh i lidhur me shumë sëmundje të zakonshme të lëkurës dhe mund të jetë edhe shkaku i shfaqjes së tyre ose një përkeqësues.
2.Lodhja
DrOoi tha se stresi mund të jetë rraskapitës, jo vetëm për mendjen, por edhe për trupin.
Stresi prek njerëzit në mënyra të ndryshme, por simptomat afatshkurtra mund të përfshijnë nervozizëm dhe lodhje dhe mund të keni më pak dëshirë të ngriheni dhe të bëni gjëra.
3.Shtim në peshë
Për disa njerëz që janë të stresuar, të hanë diçka nuk diskutohet, por të tjerët mund të ngushëllohen me ushqim.
Stresi gjithashtu mund të ndryshojë oreksin dhe njerëzit zbulojnë se fillojnë të hanë shumë ose shumë pak gjatë kësaj periudhe.
4.Probleme me stomakun
Truri dhe sistemi ynë tretës janë të lidhur nëpërmjet nervit vagus, kështu që kur truri ynë është i stresuar, simptomat shpesh shfaqen në zorrë dhe anasjelltas.
Nuk është çudi që stresi është një nga shkaktarët më të mëdhenj për Sindromën e Zorrës së Irrituar.
5.Pagjumësia
Derisa mund të ndiheni të lodhur gjatë gjithë ditës, disa njerëz kanë vështirësi të flenë kur koka e tyre më në fund godet jastëkun.
Hormonet e stresit mund të shkaktojnë hipereksitim, duke prishur ekuilibrin mes gjumit dhe zgjimit.
6.Imuniteti i ulur
Kortizoli (hormoni ynë i stresit), shtyp qelizat imune, që do të thotë se aftësia jonë për të luftuar mikrobet, viruset dhe pushtuesit e tjerë të huaj zvogëlohet, duke na bërë më të ndjeshëm ndaj infeksioneve kur jemi të stresuar.
Presionet e jetesës moderne bëjnë që shumë njerëz të përjetojnë stres në baza kronike dhe ky depresion kronik i sistemit imunitar mund të ketë pasoja serioze.
Shëndeti
Si të largoni celulitin me disa hapa të lehtë?
Published
8 hours agoon
July 31, 2025By
UBT News
Format për të luftuar celulitin variojnë nga ato natyralet deri tek ato mjekësoret. Për të evituar efektin e këmbëve apo duarve që ngjajnë si lëkura e portokallit ndiqni mënyrat e duhura.
Përtej trajtimeve estetike dhe ndërhyrjeve mjekësore e rëndësishme është mirëmbajtja e trupit në çdo kohë me metoda natyrale.
Celuliti formohet kur qelizat e trupit që magazinojnë dhjamin e mbledhin atë në mënyrë jo të rregullt duke formuar kështu toptha dhjami.
Konsumoni shumë ujë
Një ndër hapat e parë kundër luftës naj celulitit është pa dyshim uji. Aleati më i madh i juaj kundër celulitit është uji sepse ndihmon në tharjen e dhjamit, duke eleminuar edhe toksinat në trup. Mund të largoni celulitin duke konsumuar sa më shumë ujë, pini rreth 2 litra ujë në ditë.
Ujë me limon
Një mënyrë tjetër e thjeshtë e shkrurjes së dhjamit të celulitit është edhe ujë më limon. Kjo pije është mirë të konsumohet e ngrohtë herët apo në formën e çajit, gjithnjë duke zgjedhur përbërës natyral.
Çaji jeshil
Për të pasur një lëkurë perfektë dhe të lëmuarnë pak kohë provoni edhe çajrat. Në veçanti çaji jeshil ndihmon në tharjen e celulitit nga trupi.
Vitaminat
Çfarë të hani për të zhdukur celulitin?
Së pari konsumoni shumë fruta si boronica, limon, portokall apo kivi.
Agrumet dhe vitamina C ju ndihmon në tretjen e shpejtë e stimulon shkrirjen e dhjamit.
Konsumoni mollë bashkë me lëkurën, pasi ndihmon në elemenimin e masës dhjamore dhe nxit formimin e muskujve.
Ushqimet e pasura me Omega 3 janë një burim i mirë i eleminimit të ujit të tepërt që akumulohet nën lëkurë.
Ushqimet që duhet të evitoni nëse keni celulit janë ushqimet e pasura me karbohidrate apo ato shumë të proçesuara.
Kafe me limon
Ju ndihmon kundër simptomave të celulitit, merni llumin e kafesë e bashkoni me lëng limoni. Përzieni lëngun e kafesë me të limonit e lëreni të pushojë 10 minuta. Masazhoni lëkurën me lëvizje rrethore. Sasinë e kafes vendosni në bazë të pjesës së trupit që do të masazhoni.
Përdorni dy apo tre lugë gjelle llum kafeje dhe një lugë lëng limoni. Bëni këtë trajtim tre herë në javë gjatë dushit, shpërlani lëkurën me ujë. /UBT News/
Shëndeti
Çka është “ecja japoneze” që po këshillojnë ekspertët e shëndetit?
Published
13 hours agoon
July 31, 2025By
UBT News
Nëse po kërkon mënyrë të thjeshtë, pa kosto dhe jashtë palestrës për të përmirësuar shëndetin dhe formën fizike, trendi më i fundit që po bën namin në TikTok mund të jetë zgjidhja ideale për ty.
Quhet “Japanese walking” ose ecja japoneze dhe ekspertët janë të njëzëri: është një nga format më efikase dhe të qëndrueshme të ushtrimit.
Çfarë është “Japanese walking”?
Pavarësisht emrit, kjo formë ecjeje nuk është e re. Ajo bazohet në stil të quajtur ecje me intervale, që është përdorur për vite me radhë në Japoni dhe më gjerë.
Metoda është shumë e thjeshtë:
– Ec me intensitet të lartë (shpejt) për 3 minuta,
– Pastaj ec me ritëm më të ngadaltë për 3 minuta,
-Përsërite këtë cikël për të paktën 30 minuta, 4 herë në javë.
-Ky kombinim i ritmeve e bën trupin të punojë më fort dhe sjell përfitime më të mëdha në më pak kohë.
Pse ekspertët e pëlqejnë kaq shumë?
Sipas specialistëve të fushës, “Japanese walking” është kaq popullore sepse është:
-E lehtë për t’u zbatuar, pa pajisje apo ambiente të veçanta,
-E përballueshme nga çdo moshë dhe gjendje fizike,
E shkurtër, por shumë efektive – vetëm 30 minuta disa herë në javë sjellin ndryshime të dukshme.
Laura Richardson, specialiste e fiziologjisë së ushtrimeve në Universitetin e Miçiganit, shprehet:
“Është e qëndrueshme dhe praktike. Nuk ke nevojë për palestër dhe përfitimet janë të shumta.”
Çfarë përfitimesh sjell?
Studimet tregojnë se ky stil ecjeje:
-Forcon muskujt e këmbëve dhe kofshëve,
-Përmirëson qarkullimin e gjakut dhe funksionin e zemrës,
-Ul tensionin e gjakut dhe yndyrnat e dëmshme në trup,
-Rrit kolesterolin e mirë (HDL) dhe ul nivelin e yndyrës në bark (viscerale),
Përmirëson cilësinë e gjumit, ndihmon në luftimin e depresionit dhe ruan shëndetin mendor – sidomos me kalimin e moshës.
Shëndeti
Sheqeri në pije më i dëmshëm sesa në ëmbëlsira
Published
14 hours agoon
July 31, 2025By
UBT News
Një studim i publikuar në Advances in Nutrition ka zbuluar se mënyra se si e konsumojmë sheqerin ka rëndësi të madhe, dhe pirja e tij përmes pijeve është më e dëmshme sesa marrja e tij nga ushqimet, ka raportuar WomensHealthMag.
Studiuesit analizuan të dhënat e më shumë se gjysmë milioni njerëzve nga 29 studime të ndryshme, duke krahasuar zakonet e konsumimit të sheqerit me shëndetin e tyre.
Rezultatet ishin tronditëse: Për çdo 350 ml pije me sheqer të shtuar të konsumuar në ditë (si p.sh. cola ose lëngjet e paketuara), rreziku për diabet të tipit 2 rritej me 25 për qind. Për çdo 240 ml lëng frutash, rreziku rritej me 5 për qind.
Tek ata që e konsumonin sheqerin përmes ushqimeve, nuk u vu re i njëjti rrezik i lartë për diabet por pse është sheqeri i dëmshëm për trupin?
Sipas dietologes Dena Champion nga Ohio State University, problemi më i madh është sasia e tepërt.
“Sheqeri i tepërt çon në shtim peshe dhe lë më pak hapësirë për ushqime të shëndetshme”, ka theksuar ajo.
Tara Gidus Collingwood, konsulente për ushqim, shton se sheqeri i tepërt rrit edhe rrezikun për sëmundje të zemrës, probleme dentare, dhe sëmundjen e mëlçisë jo-alkool Megjithatë, sasia e vogël e sheqerit nuk është problematike.
“Përdorimi i sheqerit në sasi të vogla nuk përbën rrezik për person mesatarisht të shëndetshëm. Por sasitë e mëdha të sheqerit të shtuar dhe të rafinuar mund të shkaktojnë probleme me kalimin e kohës”, tha Lisa Moskovitz, themeluese e NY Nutrition Group.
Ajo ka shtuar se përveç diabetit e sëmundjeve të zemrës, sheqeri shkakton inflamacion në trup, që lidhet me sëmundje si kanceri, sëmundjet autoimune dhe ato kardiovaskulare.
Shëndeti
Arsyet pse duhet ta filloni mëngjesin me një shëtitje
Published
2 days agoon
July 30, 2025By
UBT News
Një shëtitje në mëngjes nuk është vetëm aktivitet fizik, por zakon i fuqishëm që hedh themelet për një ditë të shëndetshme dhe produktive.
Vetëm 20-30 minuta ajër të pastër menjëherë pas zgjimit e ndihmojnë trupin tonë të zgjohet, që trupi të fillojë metabolizmin e tij.
Ky zakon nuk kërkon pajisje, trajnim të shtrenjtë ose shumë kohë, efektet janë të dukshme nëpërmjet një përqendrimi më të mirë, një humori më të ndritshëm, gjumit cilësor dhe një trupi më elastik.
Gjashtë arsye pse një shëtitje në mëngjes është e rëndësishme:
Një shëtitje e shkurtër në mëngjes nxit qarkullimin e gjakut, ju hap për ditën e re dhe siguron një burim energjie afatgjatë – dhe pa kafeinë.
Dalja jashtë rrit rrjedhën e oksigjenit në tru, gjë që përmirëson përqendrimin, kreativitetin dhe kujtesën. Ecja zvogëlon tensionin e ofron ndjesi qetësie që zgjat gjatë ditës. Ekspozimi ndaj dritës së mëngjesit ndihmon trupin, e bën më të lehtë të bjerë në gjumë dhe sjell një gjumë më të thellë dhe më qetësues.
Ecja stimulon qarkullimin e gjakut dhe rrit rezistencën e trupit ndaj infeksioneve. Ecja zvogëlon ndjeshëm numrin e ditëve të sëmura, duke ju bërë më rezistentë ndaj sëmundjeve sezonale. Një shëtitje e lehtë në mëngjes aktivizon muskujt e këmbëve dhe të torsos dhe përmirëson lëvizshmërinë e kyçeve.
Kjo kontribuon në një qëndrim më të mirë dhe gjendje të përgjithshme fizike.
Ecja e rregullt ndihmon në djegien e kalorive, nxit një metabolizëm më aktiv dhe mund të ndihmojë në kontrollin e peshës trupore – të gjitha pa përpjekje dhe pa dieta të rrepta, shpesh joefektive.

Si të largoni celulitin me disa hapa të lehtë?

Mbape merr fanellën e Modriqit, ndryshimi i numrit që fsheh shumë më shumë

UBT sërish i pari në rangimin e Webometrics – Lider në arsimin e lartë privat në Kosovë

Nga 1 gushti qytetarët s’mund të marrin certifikata të gjendjes civile pa adresë zyrtare

Veterani që u kanos me deputeten Pacolli, dorëzon kallëzim penal kundër saj

Trump po shqyrton një vendim drastik në prag të Botërorit 2026

30 thënie që janë të mbushura me urtësi

Rozeta Hajdari mbrohet në heshtje gjatë intervistimit në Prokurorinë Speciale për rezervat shtetërore

Gjashtë të vdekur nga sulmet ruse në Kiev
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit