Shëndeti

Gjashtë mënyra për të humbur peshë rreth gjunjëve

Ngasja e biçikletës ndihmon shumë në këtë aspekt.

Published

on

Ka shumë faktorë që mund të ndikojnë në pamjen dhe funksionin e gjunjëve, i tillë është edhe dhjami i tepërt rreth tyre që lidhet drejtpërdrejtë me peshën e tepërt.

Edhe pse nuk ekziston asnjë teknikë specifike që të mund të largojë vetëm dhjamin rreth gjunjëve, ka mënyra se si mund të humbisni yndyrë në të gjithë trupin tuaj dhe të përmirësoni funksionet e muskujve tek këmbët tuaja.

Ndiqni një regjim ushqimor të shëndetshëm

Humbja e peshës është një nga çelësat për këmbë më të hijshme dhe madje mund të ndihmojë në parandalimin ose lehtësimin e dhimbjeve të gjurit.

Kjo jo vetëm që përfshin praktikimin e ushtrimeve të ndryshme, por edhe ndjekjen e një regjimi ushqimor të shëndetshëm.

Vrapi

Vrapimi është një ndër aktivitetet më të mira për djegien e kalorive dhe për forcimin e muskujve të këmbëve.

Sipas një studimi mbi vrapimin dhe humbjen e peshës, vrapimet e shkurtra mund të jenë më efektive për djegien e yndyrës sesa ato të gjatat.

Para se të filloni, këshillohuni fillimisht me mjekun ose trajnuesin tuaj rreth ushtrimeve të duhura që nxehin muskujt e këmbëve, për të parandaluar lëndimet gjatë vrapimit.

Ngisni biçikletën

Biçikleta konsiderohet një ushtrim i mirë për zemrën, për uljen e peshës rreth barkut, por në veçanti për forcimin dhe tonifikimin e muskujve të këmbëve.

Ecja me biçikletë është gjithashtu një alternativë e mirë dhe me ndikim të ulët tek gjunjët. Kjo do t’ju ndihmojë veçanërisht nëse keni të bëni me ndonjë dhimbje gjuri ose dëmtim paraekzistues të këmbës.

Ushtrime specifike për këmbët

Ka disa ushtrime specifike që ofrcojnë muskujt e kofshës të njohur si kuadriceps.

Kur i forconi dhe tonifikoni këta muskuj, ato do të kenë një funksion edhe më të mirë në “lidhjen” e gjunjëve tuaj.

Një nga ushtrimet tipike kryhet duke përthyer njërën këmbë përpara në një kënd 90 gradë dhe duke e mbajtur pjesën e sipërme të trupit drejt, ndryshe njihet si “Lunges”.

Një tjetër ushtrim është edhe ai i njohur si “Squats”,  të cilin mund ta praktikoni duke vënë një karrige pas jush.

Pozicionohuni me trupin drejtë, hapni këmbët sa gjerësia e shpatullave dhe uluni e ngrihuni disa herë.

Kërcimi me litar

Kërcimi me litar është një tjetër ushtrim që djeg shumë kalori dhe që mund të tonifikojë dhe forcojë këmbët tuaja, ku çelësi është teknika dhe jo shpejtësia.

Përpiquni të kërceni me gjunjët pak të përkulur në mënyrë që të mos lëndoni nyjet gjatë uljes. Gjithashtu, zgjidhni sipërfaqe të buta dhe jo mbi beton ose asfalt.

Ju mund ta bëni këtë ushtrim si pjesë e një programi stërvitor ose edhe si një nxemje para se të vazhdoni me ushtrimet e rradhës.

Ecja

Kur bëhet fjalë për uljen e peshës dhe tonifikimin e muskujve të pjesës së poshtme të trupit, një shëtitje e mirë mund ta bëjë këtë.

Ecja ka përfitime të shumta shëndetësore, dhe është gjithashtu një ushtrim me ndikim të ulët i përballueshëm nga shumica.

Dhe nëse mundeni, gjatë ecjeve mund të përfshini intervale të shkurtra me ecje të shpejtë, për të shtuar intensitetin.

Pavarësisht se cilat opsione zgjidhni, është e rëndësishme të mbani në mend se kjo kërkon kohë dhe këmbëngulje.

Forcimi i muskujve të këmbëve shkon përtej estetikës. Sa më shumë të forconi këmbët, aq më pak dhimbje gjuri mund të përjetoni me kalimin e kohës.

Mos harroni të mbroni gjunjët gjatë stërvitjes!

Vishni këpucë që janë të përshtatshme për aktivitetin që po bëni.

Kryeni ushtrime me ndikim të lartë vetëm në sipërfaqe të buta.

Përkulni gjunjët, por mos i lini të kalojnë gishtat e këmbëve.

Pushoni kur keni nevojë, veçanërisht nëse gjunjët fillojnë t’ju dhembin.

Merrni një ditë pushim midis ushtrimeve. /AgroWeb.org

Shëndeti

Çdo ditë bëni këtë gabim derisa i lani dhëmbët, prandaj ju bëhen të verdhë!

Published

on

Higjiena orale dhe dentare është shumë me rëndësi për shëndetin e përgjithshëm.

Ka gabime te larja e dhëmbëve të cilat me siguri i bëni çdo ditë dhe nuk keni haber që po e rrezikoni shëndetin e dhëmbëve tuaj.

Të gjithë e dimë që dhëmbët është e nevojshme t’i lani së paku dy minuta dhe së paku dy herë në ditë. Atë që e bëjmë gabimisht është kur i lajmë dhëmbët në shpejtësi, prandaj në ta ende ekzistojnë mbetje të ushqimit, gjë që mundësojnë zhvillimin e baktereve në gavrën e gojës.

Gurëzit e dhëmbëve, kariesi, inflamacioni janë disa nga problemet me të cilat përballen dhe luftojnë ata që nuk kujdesen në mënyrë të drejtë për higjienën e gavrës së gojës. Shumica gabojnë edhe me sasinë e pastës së dhëmbëve të cilën e vënë në brushë.

Nuk është e nevojshme të vihet pasta në gjithë sipërfaqen e brushës, sepse mund t’i dëmtoni dhëmbët dhe ata me kalimin e kohës marrin ngjyrë të verdhë.

Zmalti në dhëmbë dëmtohet, njerëzit i lajnë dhëmbët me brushë me qëllim t’ua kthejnë bardhësinë dhe shkëlqimin, mirëpo ata bëhen gjithnjë e më të errët.

Prodhuesit e pastave të dhëmbëve rekomandojnë larjen me brushë me sasinë e pastës së madhësisë së kokrrës së bizeles, mirëpo njerëzit shpesh e injorojnë këtë informacion dhe e mbushin brushën me pastë.

Kini parasysh këtë këshillë herën tjetër kur i lani dhëmbët!

Continue Reading

Shëndeti

Sheqeri po dëmton seriozisht shëndetin tuaj, ja çfarë duhet të dini!

Published

on

Konsumimi i tepërt i sheqerit është kthyer në një ndër rreziqet më të mëdha për shëndetin publik, sipas studimeve më të fundit të publikuara nga organizatat ndërkombëtare të shëndetit.

Ndonëse sheqeri është pjesë e pandashme e dietës moderne, efektet anësore mund të jenë më të rënda sesa mendohej më parë.

Sipas ekspertëve të shëndetit, konsumimi i rregullt i produkteve të pasura me sheqer lidhet ngushtë me një sërë sëmundjesh kronike si diabeti i tipit 2, obeziteti, sëmundjet kardiovaskulare dhe madje edhe probleme me kujtesën dhe përqendrimin.

Mjekët paralajmërojnë se sheqeri “i fshehur” në produktet e përpunuara është burim rreziku, përdoruesit nuk janë të vetëdijshëm për sasinë që konsumojnë.

“Është koha të fillojmë të shohim etiketat e produkteve me më shumë kujdes,” thotë dietologe Dr. Elira Gashi. “Një jogurt i zakonshëm apo një pije energjike mund të përmbajë më shumë sheqer sesa një kanaçe me pije të gazuar.”

Autoritetet shëndetësore po kërkojnë ndërhyrje më të forta nga qeveritë për të kufizuar përmbajtjen e sheqerit në ushqime dhe për të informuar më mirë publikun rreth pasojave të konsumit të tij të tepërt.

Continue Reading

Shëndeti

Këto ushqime nuk duhet t’i hani gjatë ditëve të nxehta

Published

on

Gjatë sezonit veror është e rëndësishme shmangia e disa ushqimeve, që jo vetëm ndikojnë keq, por edhe mund të bëhen shkaktarë për infeksione.

Nuk duhet të konsumoni ushqimet pikante dhe ato që nuk janë vegjetariane. Ushqimet pikante rrisin temperaturën e trupit duke qenë se rritet norma e metabolizmit. Vera nuk është koha më e mirë për të konsumuar mish, peshk apo të gjitha llojet e ushqimeve të detit.

Nëse konsumoni shumë mish do të djersisni më shumë e do keni probleme me tretjen.

Është e rëndësishme të shmangni ushqimet e gatshme apo të fast-food-eve që janë të pasura me yndyrë dhe vaj. Nuk duhet të konsumoni salcat, se përmbajnë sasi të lartë të një lënde që ndikon në shtimin në peshë. Ushqimet mund t’i konsumoni në gjendjen natyrale e nuk keni pse t’u shtoni salcë.

Duhet të tregoni një kujdes shumë të madh edhe ndaj ushqimeve të mbetura nga vaktet e kaluara. Sapo mbarohet ushqimi, pjesën që ngelet duhet ta ruani në ambient të ftohtë ose të ngrohtë, në varësi të llojit. Ushqimi i lënë jashtë mund të kthehet në problem, sepse hyn në një zonë problematike të temperaturës.

Nëse ushqimi lihet jashtë për më shumë se 4 orë, duhet hedhur menjëherë në kosh të plehrave.

Continue Reading

Shëndeti

A përplaseni me objekte e mavijoseni lehtë? Mund t’ju mungojë një nga këto lëndë ushqyese

Published

on

Edhe pse mavijosja është pjesë e jetës, një dietë e pasur me vitamina dhe minerale mund të ndihmojë në reduktimin e tyre

A ju duket se mavijoseni shpejt edhe pas goditjeve të lehta, ndërsa të tjerët mezi vënë re një ndryshim në lëkurë incidenteve të ngjashme?

Mavijosja e lehtë është një sinjal se trupit i mungojnë lëndët ushqyese që forcojnë enët e gjakut dhe lëkurën.

Edhe pse disa njerëz janë natyrshëm më të prirë ndaj mavijosjeve për shkak të gjenetikës ose llojit të lëkurës, ushqimi luan rol kyç në shpejtësinë e rikuperimit nga lëndimet e vogla. Ato ndodhin kur enët e vogla të gjakut nën sipërfaqen e lëkurës dëmtohen, duke bërë që një sasi e vogël gjaku të rrjedhë në indet përreth. Tek ata që mavijosen lehtë, ky proces intensifikohet dhe lëkura ka nevojë për më shumë kohë për t’u rikuperuar.

Mavijosja e lehtë mund të tregojë mungesë të lëndëve ushqyese, qarkullim të dobët apo edhe dehidrim.

Nëse vëreni mavijosje të shpeshta edhe pas ndikimeve të lehta, merrni parasysh rritjen e marrjes së vitaminave dhe mineraleve të mëposhtme.

Ushqyes që ndihmojnë në parandalimin e mavijosjeve

Vitamina C – Ndihmon në krijimin e kolagjenit, që mbështet strukturën e enëve të gjakut e lëkurës. Mungesa e saj mund të dobësojë enët e gjakut.

Burime të mira: agrumet, luleshtrydhet, specat, kivi dhe brokoli.

Vitamina K – Esenciale për koagulimin e gjakut, ndihmon në ndalimin e shpejtë të gjakderdhjes. Njerëzit me nivele të ulëta të vitaminës K janë më të prirur ndaj mavijosjes.

Burime të mira: perimet me gjethe jeshile si lakra jeshile, spinaqi.

Bioflavonoidet – Antioksidantë bimor që forcojnë kapilarët në kombinim me vitaminën C.

Burime të mira: agrumet, manaferrat, qepët dhe çaji jeshil.

Hekuri – Është thelbësor për formimin e rruazave të kuqe të gjakut dhe transportin e oksigjenit. Mungesa e hekurit mund të shkaktojë zbehje dhe të rrisë tendencën për të mavijosur lehtë.

Burime të mira: mish i kuq pa dhjamë, shpendët, peshku, fasulja, spinaqi dhe drithërat e fortifikuara.

Zinku – I rëndësishëm për riparimin e indeve dhe shërimin e plagëve. Mungesa e zinkut mund të ngadalësojë rikuperimin e lëkurës.

Burime të mira: mishi, butakët, bishtajoret, farat dhe arra.

Proteinat – Ato janë të nevojshme për të forcuar e riparuar indet, duke përfshirë lëkurën. Marrja e ulët e proteinave mund të çojë në enët e brishta të gjakut.

Burime të mira: vezët, pula, peshku, tofu, fasulet dhe kos grek.

Kur të bisedoni me mjekun?

Nëse vëreni se mavijosjet shfaqen shpesh ose janë të theksuara, konsultohuni me mjekun, pasi formimi i tepërt tregon probleme shëndetësore si çrregullime të koagulimit të gjakut, sëmundje të mëlçisë ose efekte anësore të disa ilaçeve.

Continue Reading

Të kërkuara