Lajmet

Gati dy të tretat e fëmijëve ukrainas janë zhvendosur, thotë UNICEF-i

Fontaine shtoi se situata për fëmijët në Ukrainë është edhe më e keqe në Mariupol dhe Kherson.

Published

on

Drejtori i emergjencave për UNICEF, Manuel Fontaine ka ngritur sot shqetësimin mbi zhvendosjen e numrit të madh të fëmijëve të Ukrainës si pasojë e luftës dhe problemet me të cilat ta po përballen.

Ai ka thënë se gati dy të tretat e fëmijëve të Ukrainës janë zhvendosur në vetëm gjashtë javë dhe gati gjysma e fëmijëve që mbeten në Ukrainë mund të përballen me pasiguri ushqimore.

“Nga 3.2 milionë fëmijë që vlerësohet se kanë mbetur në shtëpitë e tyre, gati gjysma mund të rrezikojnë të mos kenë ushqim të mjaftueshëm. Sulmet në infrastrukturën e sistemit të ujit dhe ndërprerjet e energjisë elektrike kanë lënë rreth 1.4 milion njerëz pa qasje në ujë në Ukrainë. 4.6 të tjerë miliona njerëz kanë vetëm qasje të kufizuar”, tha Fontaine në komentet në Këshillin e Sigurimit të OKB-së.

“Në vetëm gjashtë javë, gati dy të tretat e të gjithë fëmijëve ukrainas janë zhvendosur. Ata janë detyruar të lënë gjithçka pas: shtëpitë e tyre, shkollat e tyre dhe shpesh anëtarët e familjes së tyre”, shtoi ai.

Fontaine shtoi se situata për fëmijët në Ukrainë është edhe më e keqe në Mariupol dhe Kherson.

“Ata janë strehuar në shtëpitë e tyre dhe nën tokë, duke pritur që bombat dhe dhuna të ndalojnë”, tha ai.

Drejtori i urgjencave të UNICEF-it shprehu gjithashtu shqetësimet e tij për praninë e “mbeturinave shpërthyese të luftës” të cilat mund t’i ekspozojnë fëmijët në vdekje dhe lëndime, si dhe ndërprerjen e arsimit për fëmijët në të gjithë vendin.

“Mbyllja e shkollave në mbarë vendin po ndikon në mësimin – dhe të ardhmen – të 5.7 milionë fëmijëve të moshës shkollore dhe 1.5 milion studentëve në arsimin e lartë. Në rajonin e Donbasit, një brez i tërë fëmijësh e kanë parë tashmë jetën dhe edukimin e tyre të përmbysur gjatë tetë viteve të fundit të konfliktit”, tha Fontaine.

Continue Reading

Lajmet

Pesë kadetë nga Kosova diplomojnë në Akademinë e Forcave të Armatosura të Shqipërisë

Published

on

By

Pesë kadetë nga Kosova kanë diplomuan në Akademinë e Forcave të Armatosura të Shqipërisë.

Ata do të vazhdojnë shërbimin e tyre si oficerë në radhët e Forcës së Sigurisë së Kosovës.

Kjo u bë e ditur nga ministri në detyrë i Mbrojtjes, Ejup Maqedonci i cili mori pjesë në ceremoninë e diplomimit me ftesë të homologut të tij nga Shqipëria, Pirro Vengu.

Me mbështetjen e ministrit Pirro Vengu dhe të Shefit të Shtabit të Përgjithshëm, gjeneral Arben Kingji, është bërë e mundur që për vitin e ardhshëm të katërfishohet numri i kadetëve nga Kosova që do të ndjekin studimet në këtë akademi prestigjioze”, shkruan Maqedonci në Facebook

Continue Reading

Lajmet

​IPK-ja identifikon dobësi në pasqyrimin e gjobave dhe shkeljeve

Published

on

By

Inspektorati Policor i Kosovës thotë se ka të meta në pasqyrimin e të dhënave në gjoba në raport me shkeljet dhe që këto “sjellin dyshime se mund të abuzohet gjatë kryerjes së detyrës zyrtare”. Kjo është theksuar me një inspektim që IPK-ja e ka bërë rreth përdorimit të teknologjisë për matjen e shpejtësisë së lëvizjes së mjeteve në trafik.

Përmes një njoftimi për media, IPK-ja tha se inspektimi është realizuar me kërkesë të kryeshefit ekzekutiv, ndër të tjera, bazuar në informacionet që IPK kishte pranuar se zyrtarët policorë për arsye të ndryshme nuk i gjobisin kundërvajtësit për shkeljet që i kanë kryer.

Inspektimi ka vënë në pah se ka dobësi/të meta në pasqyrimin e të dhënave në gjoba në raport me shkeljet dhe që këto sjellin dyshime se mund të abuzohet gjatë kryerjes së detyrës zyrtare”.

Sipas IPK-së. gjatë krahasimit të të dhënave në gjoba dhe atyre të regjistruara në radar gjatë inspektimit janë hasur katër natyra të mospërputhjeve: Shpejtësia e lëvizjes së mjetit e përshkruar në gjobë është më e ulët se ajo e regjistruar në radar (në 55 nga 84 mostra/gjoba); Shpejtësia e kufizuar në radar ndryshon nga ajo e regjistruar në gjobë (në 23 nga 84 mostra); Lloji i shkeljes në gjobë ndryshon nga ajo e matur me radar (në 3 nga 84 mostra); Shqiptohet gjobë për tejkalim të shpejtësisë në bazë të një neni (paragrafi) jo adekuat të ligjit (në 3 nga 84 mostra).

IPK-ja në kuadër të Raportit ka dhënë shtatë rekomandime, që kanë të bëjnë me nevojën e nxjerrjes së një udhëzuesi lidhur me përdorimin e pajisjeve për matjen e shpejtësisë së lëvizjes, mbajtjen e një trajnimi shtesë për të pajisur personelin me njohuri të mjaftueshme, ushtrimit të kontrolleve në drejtim të eliminimit të dobësive sa i përket vendosjes së të dhënave në pajisjet e matjes, ushtrimit të kontrolleve në drejtim të eliminimit të praktikave të dëmshme gjatë shqiptimit të gjobave për kundërvajtje, përdorimit efektiv të automjeteve me pajisje inteligjente, monitorimit të procesit të shkarkimit dhe ruajtjes së materialeve të regjistruara nga pajisjet, aplikimit të praktikës së printimit të kundërvajtjeve.

Continue Reading

Lajmet

Një aksident me fatalitet, Policia e Kosovës shqipton mbi 2 mijë e 200 gjoba trafiku brenda 24 orëve të fundit

Published

on

By

Policia e Kosovës ka shqiptuar 2289 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 70 aksidente trafiku me dëme materiale, 35 aksidente trafiku me të lënduar kurse një aksident përfundoi me fatalitet.

Policia e Kosovës ka arrestuar 20 persona, 10 janë dërguar në mbajtje kurse një person është në vuajtje të dënimit.

Continue Reading

Lajmet

Konfiskohen nëntë armë në formë stilolapsi, arrestohet i dyshuari

Published

on

By

Një person është arrestuar pasi të njëjtit i janë gjetur nëntë armë në formë stilolapsi dhe katër fishek.

Policia në Pejë njoftoi se pas informacionit për një përleshje fizike në fshatin Carrabreg-Deçan njësitet policore kanë dalë në vendin e ngjarjes ku edhe i janë gjetur dhe i janë konfiskuar armë të dyshuarit.

Nё koordinim me prokurorin e Shtetit, ёshtё kryer kontroll/bastisje ne shtёpinё e personit tё dyshuar mirёpo nuk ёshtё gjetur diçka e kundёrligjshme.I dyshuari ёshtё arrestuar dhe pas intervistimit nga hetuesit, me urdhёr tё prokurorit tё Shtetit, ёshtё dёrguar nё mbajtje pёr 48- orё“, thuhet në njoftim.

Continue Reading

Të kërkuara