Kulturë

Gabimet më të shpeshta në vendin e punës

Kujdes me gjuhën e trupit.

Published

4 years ago

September 2, 2021

Betim Gashi

Studimet kanë treguar se produktiviteti në punë rritet, kur marrdhëniet janë të mira. Por, shpesh na ndodh që pa qëllim të bëjmë gabime, të cilat mund t’i kalojmë pa i vënë re. Këto gabime ndoshta nuk mund të jenë shumë të mëdha, por tek njerëzit detajistë mund të duken paksa të tepruara. Në këtë artikull do të lexoni disa nga gabimet dhe mënyrën se si duhet t’i menaxhoni ato:

Harroni emrat

Rekomandohet që t’i thërrisni njerëzit në emër që nga momenti që i takoni, sepse në këtë mënyrë ju do ta memorizoni më mirë emrin dhe njëkohësisht do të tregoni respekt për personin tjetër.

Nuk sillni ushqime

Nëse do të bësh diçka të mirë për kolegët dhe të fitosh reputacionin si “njeri i mirë”, sill disa ushqime të mira dhe ndaji me ta.
Nuk është e thënë të gatuash vetë për ta. Edhe disa biskota të blera bëjnë punë. Dhe nëse kjo bëhet traditë për të gjithë ekipin, asnjëherë nuk do të ndiheni të uritur gjatë punës.

Keni ndrojtje për të shtuar kolegët në rrjetet sociale

Nëse dëshironi të mësoni më shumë për kompaninë ku punoni dhe të lidheni me kolegët, duhet të zbuloni më shumë për interesat dhe arritjet e tyre. Në këtë mënyrë, ju do të gjeni pika të përbashkëta apo tema për të nisur një bisedë. E rëndësishme është të mos merreni me thashetheme.

Flisni shumë

Sigurisht, do të ishte e shkëlqyer nëse kolegët do të pëlqenin menjëherë, por nëse jeni këmbëngulës do t’i largoni ata nga vetja. Studiojini mirë ata që punojnë me ju. Duhet të zhvilloni një mënyrë për të komunikuar me çdo person, sepse disa janë më të afrueshëm, e të tjerë më pak. Mos u përpiq të bësh miq menjëherë. Mos ndaj shumë detaje personale, të tilla biseda nuk është mirë të zhvillohen në punë.

Nuk bëni komplimente

Nëse jepni komplimente të sinqeta për aftësitë dhe talentet e kolegëve, pa bërë lajka, ju do të vlerësoheni si një njeri i hapur dhe i mirë. Dy gjërat më të rëndësishme janë sinqeriteti dhe thjeshtësia. Dhe është më mirë të shmangni komplimente që mund të keqkuptohen. Komplimenti për punën e kolegëve dhe komplimenti për ngjyrën e syve të tyre janë 2 gjëra shumë të ndryshme.

Kujdes me gjuhën e trupit

Gjuha e trupit është shumë e rëndësishme në çdo komunikim. Ne pa dashur mund të dërgojmë sinjale të gabuara te kolegët. Këto sinjale i bëjnë ata të ndalojnë komunikimin me ne në një mënyrë shoqërore. Nëse dëshironi të lini një përshtypje të mirë tek njerëzit me të cilët komunikoni, veproni kështu: Shikojeni në sy personin me të cilin flisni, rrini drejt kur komunikoni, buzëqeshni me mirësjellje, mos bëni shenja identifikuese…

Kulturë

Armend Rexhepagiqi nderohet me “Hyjneshën në Fron” dhe mirënjohje të veçantë

Published

2 days ago

July 18, 2025

UBT News

Artistit të njohur, Armend Rexhepagiqi, i është dorëzuar sot çmimi “Hyjnesha në Fron” nga Komuna e Prishtinës, si shenjë vlerësimi për kontributin e tij të çmuar në kulturën muzikore dhe artistike të vendit.

Ceremonia është mbajtur në kryeqytet, ku kryetari Përparim Rama ia ka ndarë gjithashtu një mirënjohje të veçantë.

Në mirënjohje thuhet: “I pakompromis që nga tingulli i parë – një zë që i flet kohës. Me stilin dhe shpirtin tënd, frymëzove breza. Fjalët e tua s’ishin thjesht – ishin zemër. Kultura shqiptare mban gjurmën tënde të pashlyeshme. Prishtina të njeh, Kosova të këndon”.

Koncerti zhvillohet në Pallatin e Rinisë më 19 korrik dhe përveç krijimtarisë tashmë të njohur, Rexhepagiqi do të interpretojë këngët e reja si: “Kutia e zezë”, “Boll m’ke dalë”, “Dyfish ma pak”, “S’o dashni”, “Ma ke n’alë” dhe “Krejt Prishtinën për ditëlindje”.

Armend Rexhepagiqi është autor i shumë hiteve të pavdekshme të muzikës shqipe dhe një nga emrat që ka lënë gjurmë të pashlyeshme në tekstet dhe këngët e qindra artistëve ndër vite. /Telegrafi

Kulturë

Jessie J drejt rikthimit televiziv pas mastektomisë së suksesshme

Published

2 days ago

July 18, 2025

UBT News

Jessie J po përgatitet për një rikthim emocional në televizion, vetëm pak javë pas një mastektomie të suksesshme pas diagnostikimit me kancer të gjirit.

Këngëtarja britanike 37-vjeçare pritet të shfaqet në një episod të veçantë të “Strictly Come Dancing” në muajin shtator, duke shënuar daljen e saj të parë publike pas ndërhyrjes kirurgjikale.

Burime pranë produksionit të BBC-së kanë bërë të ditur se drejtuesit janë të entuziazmuar për pjesëmarrjen e saj, ndërsa Jessie është e përqendruar te shëndeti dhe rikuperimi i saj, por ndihet e emocionuar për t’u rikthyer në skenë, shkruan DailyMail.

Paralelisht, ajo është konfirmuar edhe për një performancë në festivalin “Radio 2 In The Park” në Chelmsford po në shtator.

Rikthimi i Jessie J pritet të jetë një moment i fuqishëm dhe frymëzues për publikun, pasi ajo jo vetëm që po sfidon kancerin me guxim, por edhe po kthehet në skenë me një mesazh të fortë për shpresën, forcën dhe qëndrueshmërinë

Kulturë

Dita Ndërkombëtare e Nelson Mandelas

Published

2 days ago

July 18, 2025

UBT News

Nelson Mandela ishte president i Afrikës Jugore dhe luftëtar i lirisë, i cili luftonte kundër shtypjes racore që u bëhej të zinjve në Afrikë, posaçërisht në Afrikën Jugore dhe shumë vite të jetës së tij ai i kaloi nëpër burgje.

Mandela u lind më 18 korrik 1918 i cili gjatë jetës studioi juridikun dhe pikërisht për nder të datës së lindjes së tij Asambleja e Përgjithshme e OKB-së në vitin 2009 ka vendosur që 18 korriku të jetë Dita Ndërkombëtare e Nelson Mandelës.

Datëlindja e Mandelës është edhe Ditë Ndërkombëtare e Nelson Mandelës, e shpallur nga OKB-ja si shenjë mirënjohjeje për kontributin e fituesit të çmimit Nobel për Paqe e pajtimin e arritur në këtë vend. Në këtë ditë jug-afrikanët zakonisht shënojnë ditëlindjen e liderit të tyre kundër aparteidit, i cili ishte 67 vjet në shërbim publik, kurse qytetarët bëjnë 67 minuta punë për komunitet,

Fillimisht Mandela zgjodhi rrugën paqësore për qëllimet e tij dhe të shokëve të tij.

Në vitin 1956 ai u akuzua për “tradhti të lartë” nga regjimi i atëhershëm, bashkë me 155 shokë të tjerë. Procesi zgjati deri me 1961 dhe të gjithë u liruan. Mbas lirimit ai u bë lideri i grupit të armatosur së ANC-së, Umkohnto We Sizwe.

Në vitin 1962 u burgos dhe u dënua me pesë vjet burg. Në vitin 1964 u dënua me burg të përjetshëm, sepse kishte planifikuar luftë të armatosur. Në vitin 1985 atij iu afrua mundësia e lirimit, në qoftë se do të pranonte ndalimin e aktivitetit të armatosur, por ai refuzoi. Në vitin 1990 mbas një kampanje të ANC dhe presionit ndërkombëtar ai u lirua pa kushte.

Në vitin 1993 fitoi çmimin Nobel, ndërsa në vitin 1994 u zgjodh në zgjedhje demokratike president i Afrikës Jugore dhe më 9 maj u zgjodh si presidenti i parë i zi në këtë vend.

Në vitin 1999 ai dha dorëheqje dhe ishte aktiv për organizata të ndryshme për të drejtat e njeriut. Në vitin 2003 kritikoi shumë Tony Blair dhe George W. Bush për intervenimin në Irak.

Mandela vdiq pas një sëmundjeje të gjatë më 5 dhjetor 2013, në shtëpinë e tij në Johanesburg.

Lifestyle

Pesë ushqime të shëndetshme që duhet t’i shtoni në dietën tuaj

Published

3 days ago

July 17, 2025

UBT News

Ushqimi është burimi ynë kryesor i energjisë dhe vitalitetit dhe duke ke shtuar këto 5 ushqime super të shëndetshme në dietën tuaj, do të ndiheni më energjikë dhe më të freskët gjatë gjithë ditës:

Avokado: Të pasura me acide yndyrore të shëndetshme dhe fibra, avokado është një ushqim i shkëlqyeshëm për të mbajtur nivelet e energjisë stabile gjatë gjithë ditës.

Perimet e gjelbra të freskëta: Perimet e gjelbra të freskëta janë të pasura me vitamina, minerale dhe antioksidantë që ndihmojnë në rritjen e energjisë dhe mbajtjen e trupit të shëndetshëm.

Arrat: Me përmbajtje të lartë të proteinave dhe yndyrës së shëndetshme, arrat janë një ushqim ideal për të rritur nivelin e energjisë dhe për të mbajtur stomakun e ngopur për një kohë më të gjatë.

Mjalti: Mjalti është një burim i shkëlqyeshëm i energjisë së shpejtë dhe të qëndrueshme, i cili gjithashtu ofron përfitime të mëdha për shëndetin e zemrës dhe sistemin imunitar.

Ushqimet e pasura me Omega-3: Siç janë salmoni dhe farat e linit, këto ushqime të pasura me acide yndyrore ndihmojnë në mbrojtjen e shëndetit të zemrës dhe në përmirësimin e funksionimit të trurit, duke ndihmuar në ruajtjen e energjisë dhe vitalitetit të trupit.

Nëse integroni këto ushqime të shëndetshme në dietën tuaj të përditshme, do të ndjeni një ndryshim pozitiv të niveleve të energjisë dhe shëndetit tuaj./Ekonomia Online