Kulturë

”Forbes” sjell renditjen e re të pasurisë në botën e spektaklit

Asnjë grua nuk u rendit në top 10.

Published

on

Sër Peter Robert Jackson, regjisori, skenaristi dhe producent neozelandez është më i pasuri sipas një renditjeje të re të ”Forbes”, ku edhe Bob Dylan, Paul Simon dhe Bruce Springsteen gjithashtu hyjnë në dhjetëshen e parë, falë shitjeve të katalogëve të tyre muzikorë.

Regjisori i “Lord of the Rings” ishte numri një në renditjen e vitit 2021, i vlerësuar në 580 milionë dollarë, kryesisht falë shitjes nëntorin e kaluar të perandorisë së tij të efekteve speciale ”Weta Digital” tek ”Unity Software” (kompania që qëndron pas lojërave video Pokémon Go dhe Call Of Duty: Mobile).

Asnjë grua nuk u rendit në top 10.

Reese Witherspoon, një nga tre gratë në 20 të parët, është e dymbëdhjeta falë 115 milionë dollarëve të fituara me kompaninë e saj të prodhimit ”Hello Sunshine”, së cilës i janë shtuar 20 milionë dollarë për rolin e saj në dramën e Apple TV “The Morning Show”.

Dy gratë e tjera janë Shonda Rhimes, producente e serialit “Bridgerton” dhe Martha Kauffman, prezantuese e “Friends” me Kevin Bright dhe David Crane.

Regjisori Springsteen është i dyti, pasi ka shitur katalogun e tij muzikor te ”Sony” për rreth 500 milionë dollarë, ndërsa 80-vjeçari Nobel Dylan, përfundoi i dhjeti me 130 milionë dollarë.

Paul Simon u rendit në vendin e shtatë (200 milionë), Jay-Z (304 milionë), Dwayne “The Rock” Johnson (270) dhe Kanye West (235) plotësojnë pesëshen e parë, por jo domosdoshmërisht për punën e tyre të parë si muzikantë dhe aktorë.

Për bashkëshortin e Beyonce, shitja e shërbimit të transmetimit ”Tidal” tek kompania e pagesave të Jack Dorsey, ”Square” për 302 milionë dollarë përfaqësonte pjesën më të madhe të fitimeve.

Sa për Kanye, më shumë se në muzikë, fitoi nga marrëveshjet me ”Adidas” për atletet e njohura ”Yeezy” dhe me ”Gap”, një projekt pilot që në vitin 2022 do ta shohë reperin të divorcuar nga Kim Kardashian, e angazhuar në një ekip stilistik të paprecedentë me Demna Gvasalia, drejtoreshën artistike të ”Balenciaga”-s.

Të gjashtit në renditje me 210 milionë ishin krijuesit e ”South Park”, Trey Parker dhe Matt Stone, pasi kishin nënshkruar një kontratë 900 milionëshe në gjashtë vjet me ”Paramount” për të realizuar një seri filmash.

Continue Reading

Lajmet

54 vjet nga Kongresi i Drejtshkrimit të Gjuhës Shqipe

Published

on

Sot shënohen 54 vjet nga hapja e punimeve të Kongresit të Drejtshkrimit të Gjuhës Shqipe, i cili nisi më 20 nëntor 1972 në Tiranë, me pjesëmarrjen e albanologëve nga të gjitha trevat shqiptare.

Në Kongres morën pjesë 87 delegatë nga Shqipëria, Kosova, Maqedonia e Veriut, Mali i Zi dhe arbëreshët e Italisë.

Qëllimi i këtij tubimi ishte përcaktimi i parimeve dhe drejtimeve kryesore për hartimin e një sistemi të njësuar të drejtshkrimit, me synimin e krijimit të një standardi të përbashkët të gjuhës shqipe.

Në këtë proces, rol të rëndësishëm luajti edhe delegacioni nga Prishtina. Kongresi u parapri nga një takim me rëndësi i mbajtur në Prishtinë, ku ishin diskutuar dhe përcaktuar disa nga standardet gjuhësore.

Kongresi i vitit 1972 shënoi një moment të rëndësishëm në historinë e gjuhës shqipe dhe në përpjekjet për njësimin e saj në të gjitha trevat shqiptare./A.K/

Continue Reading

Lajmet

Reka dhe Çitaku diskutojnë promovimin e filmave kosovarë në garën për Oscar

Published

on

Ambasadori i Kosovës në Shtetet e Bashkuara të Amerikës, Blerim Reka, ka pritur në Konsullatën e Përgjithshme të Kosovës në Nju-Jork, Lum Çitakun, drejtor i Programeve në Qendrën Kinematografike të Kosovës. Në takim është diskutuar promovimi ndërkombëtar i kinematografisë kosovare.

Në fokus të takimit ishte filmi “DUA”, me regji të Blerta Bashollit, i cili po shfaqet këto ditë në Nju-Jork dhe është propozimi zyrtar i Kosovës për edicionin e 99-të të çmimeve Oscar, në kategorinë “Filmi më i mirë ndërkombëtar”.

Në të njëjtën kategori garon edhe filmi “Shame and Money”, me regji të Visar Morinës, i cili, sipas raportimit të Telegrafit, është kualifikuar drejtpërdrejt pas fitimit të çmimit kryesor të jurisë, World Cinema Grand Jury Prize, në Festivalin e Filmit Sundance në janar të këtij viti.

Gjatë takimit, Reka theksoi rëndësinë e mbështetjes institucionale për krijimtarinë filmike dhe promovimin e kulturës së Kosovës në arenën ndërkombëtare. Ai vlerësoi kinematografinë si një nga mënyrat e rëndësishme për përfaqësimin dhe afirmimin e vendit në botë./A.K/

Continue Reading

Lajmet

Vazhdojnë punimet për rinovimin e teatrit ODA në Prishtinë

Published

on

Ministrja e Kulturës, Saranda Bogujevci, ka njoftuar se po vazhdojnë punimet për rinovimin e teatrit ODA në Prishtinë, duke bërë të ditur se kjo hapësirë së shpejti do të jetë e gatshme për artistët dhe publikun.

Përmes një njoftimi, Bogujevci ka theksuar se rinovimi i teatrit ODA është pjesë e investimeve në infrastrukturën teatrore në vend.

Ajo ka përmendur edhe projektet e përfunduara, përfshirë rinovimin e teatrit të qytetit “Muharrem Qena” në Mitrovicë dhe të hapësirave teatrore në Pallatin e Rinisë në Prishtinë, si dhe ndërtimin e Shtëpisë së Kulturës në Suharekë.

Sipas ministres, punimet po vazhdojnë edhe në Teatrin Kombëtar të Kosovës dhe në teatrin “Adriana” në Ferizaj, ndërsa Qendra për Arte në Rahovec ndodhet në fazën përfundimtare të ndërtimit.

Ndërkaq, Teatri i Operës dhe Baletit në Prishtinë është në fazën e fundit të projektimit./A.K/

Continue Reading

Lajmet

“Palimpsest”, projekt artistik që rikthen në vëmendje trashëgiminë muzikore shqiptare

Published

on

Teatri Kombëtar i Operës, Baletit dhe Ansamblit Popullor ka prezantuar projektin artistik “Palimpsest”, i cili synon të rikthejë në vëmendje trashëgiminë muzikore shqiptare të viteve ’30, ’40 dhe ’50.

Përmes krijimeve origjinale dhe përpunimeve të këngëve popullore, projekti sjell vepra të kompozitorëve Antonio Muçi, Karlo Pali, Muharrem Xhediku, Koço Uçi, Ramadan Sokoli dhe Çesk Zadeja.

Në këtë mbrëmje artistike do të interpretojnë Ardita Bufaj në piano, Armando Likaj në bariton dhe Maida Resulbegoviç në soprano, ndërsa e ftuar speciale do të jetë pianistja Norena Gaxha.

Koncepti artistik, hulumtimi arkivor dhe mbledhja e partiturave janë realizuar nga pedagogia Ardita Bufaj.

Projekti organizohet në bashkëpunim me Teatrin Kombëtar të Operës, Baletit dhe Ansamblit Popullor, në kuadër të Festivalit “Netët e Muzikës Shqiptare”, me synimin për të promovuar vlerat e trashëgimisë muzikore dhe për t’i përcjellë ato te brezat e rinj./A.K/

Continue Reading

Të kërkuara