

Lajmet
Fletëvotimet arrijnë në Kosovë, nesër bëhet shpërndarja në 38 komuna
Published
5 years agoon
By
Betim GashiTashmë në depon e Komisionit Qendror të Zgjedhjeve kanë arritur fletëvotimet për zgjedhjet e 14 shkurtit, ndërsa të shtunën do të shpërndahen në depot e Komisioneve Komunale të Zgjedhjeve. Edhe këtë vit si në çdo proces zgjedhor janë shtypur më pak fletëvotime sesa numri i përgjithshëm i votuesve, por sipas KQZ, kjo nuk do ta kufizojë askënd për të mos e ushtruar të drejtën e votës.
Zëdhënësi i Komisionit Qendror të Zgjedhjeve, Valmir Elezi për KosovaPress, ka deklaruar se fletëvotimet ku qytetarët e Kosovës të dielën do ta ushtrojë vullnetin e tyre janë shtypur në Slloveni. Ai tha se KQZ bazuar në praktikat e mëhershme të pjesëmarrjes së qytetarëve në proceset zgjedhore, ka marrë vendim që të shtyp më pak fletëvotime.
“Gjatë ditës së sotme në bazë të planifikimeve të mëhershme, në bazë të planit operacional, tashmë kanë arritur fletëvotimet të cilat do të përdoren në ditën e zgjedhjeve në të gjitha Qendrat e Votimit në Kosovë, në gjithsej 888 qendra të votimit me 2382 vendvotime. Fletëvotimet të cilat kanë arritur sot në Kosovë janë shtypur në Slloveni. Bazuar në listën përfundimtare të votuesve me të drejtë vote në të gjitha këto vendvotime 1 milion 794 mijë e 862 votues, por pavarësisht kësaj, KQZ ka shtypur më pak fletëvotime sesa numri i përgjithshëm i votuesve, janë gjithsej 1 milion e 617 mijë e 200 fletëvotime që janë shtypur përfshirë edhe ato rezervë. Rrjedhimisht janë diku 117 mijë e 662 fletëvotime më pak sesa numri i përgjithshëm i votuesve. Kështu ka vepruar edhe më herët KQZ, pra edhe në proceset e kaluara zgjedhore, KQZ ka shtypur më pak fletëvotime sesa numri i përgjithshëm i votuesve. Ky është një vendim i KQZ-së që rrjedh duke u mbështetur në pjesëmarrjen e qytetarëve në zgjedhje dhe kjo pjesëmarrje mesatarisht në çdo proces zgjedhor e që është deri në 45 përqind, në raste të caktuar shkon deri në 50 përqind”, u shpreh ai.
E përkundër numrit më të vogël të fletëvotimeve të shtypura se sa numri i përgjithshëm i votuesve në Kosovë, Elezi ka siguruar se askujt nuk do t’i mohohet e drejta e votës, pasi kanë edhe fletëvotime rezervë.
“Duke u mbështetur edhe nga proceset e kaluara zgjedhore kur Komisioni Qendror Zgjedhor kishte shtypur më pak fletëvotime sesa numri i përgjithshëm i votuesve. Asnjëherë nuk është paraqitur mungesë e fletëvotimeve në vendvotime, por edhe në raste të tilla kur pjesëmarrja është e lartë në një vendvotim, natyrisht se ka fletëvotime rezervë të cilat mund të përdoren dhe askush nuk do mbetet pa votuar, asnjë qytetar i cili do të shkojë në vendvotimin e tij, nuk do mbetet pa votuar sepse ky është një vendim së pari i menduar mirë nga ana e KQZ-së, dhe i mbështetur fortë në praktikat e kaluara”, tha ai.
Derisa ka folur për rrjedhën normale të përgatitjeve të procesit zgjedhore që do zhvillohet më 14 shkurt, zëdhënësi i Komisionit Qendror të Zgjedhjeve, Valmir Elezi tha se shpërndarja e fletëvotimeve bëhet nesër në mëngjes nëpër Komisionet Komunale Zgjedhore, e më pastaj të dielën në orët e hershme shpërndahen nëpër vendvotime.
“Tashmë fletëvotimet janë në depon qendrore të Komisionit Qendror të Zgjedhjeve në bazë të planit operacional, ditën e shtunë në mëngjes bëhet shpërndarja e materialit zgjedhor nga kjo depo për në depot e Komisioneve Komunale të Zgjedhjeve në të 38 komunat e Kosovës, ndërkaq të dielën në mëngjes në orët e hershme fletëvotimet, materiali zgjedhor ku bëjnë pjesë edhe fletëvotimet shpërndahet nga Komisionet Komunale të Zgjedhjeve në të gjitha qendrat e votimit në secilën prej komunave përkatëse. Deri tash përgatitjet kanë shkuar normalisht, natyrisht që ka pasur sfida që shkaktohen edhe për shkak të situatës më specifike të cilat mbahen në kohë pandemie, por siç mund ta shihni edhe arritja e fletëvotimeve sot po bëhet në bazë të planifikimeve të mëhershme, të gjitha këto që po ndodhin qoftë fletëvotimet dhe periudhat tjera zgjedhore që po zhvillohen janë në bazë të planifikimeve të vendosura më herët nga ana e KQZ. Ka mbetur finalizimi i të gjitha përgatitjeve në mënyrë që ditën e diele në orën 07:00 të mëngjesit të hapen të gjitha qendrat e votimit për të pritur votues me të drejtë vote”, theksoi Elezi.
Zgjedhjet e parakohshme parlamentare do të mbahen këtë të diel. Ndërsa sot është afati i fundit që të arrijnë votat nga mërgata. Sot po ashtu përfundon edhe fushata zgjedhore e partive politike, e cila ka nisur më 3 shkurt 2021.
Lajmet
Irlanda e Veriut triumfon ndaj Maltës në kualifikuese të Botërorit 2026
Published
12 hours agoon
September 5, 2025By
UBT News
Një fitore miqësore 3-0 ndaj Maltës erdhi nga Irlanda e Veriut në kualifikuese të Kupës së Botës 2026, ku Jordan Jones, Gavin Whyte dhe Ali McCann shënuan në Austri.
Pjesa më e madhe e ndeshjes u zhvillua në një mënyrë tipike miqësore të fundsezonit dhe nuk pati lojtarë që të spikasnin gjatë gjithë 90 minutave.
Dallasi arriti një fitore si kapiten i Irlandës së Veriut në mungesë të Steven Davis dhe kjo është një përvojë jetësore për lojtarin në formë të mirë të Leeds.
Jones shfrytëzoi mbrojtjen e dobët për të shënuar një gol të hershëm përpara se Josh Magennis të shihte penalltinë e tij të pritej nga portieri i Maltës, Henry Bonello, në një pjesë të parë kryesisht të çrregullt.
Irlanda e Veriut u përmirësua në pjesën e dytë me dy gola në tre minuta.
Fitorja në 90 minuta më në fund erdhi për trajnerin e Irlandës së Veriut, por ishte e pakëndshme ta shikoje në pjesën e parë pavarësisht golit të hershëm.
Pasimi i gabuar i Ferdinando Apap i dha mundësinë Jones dhe anësori i Rangers e shfrytëzoi me një gjuajtje të ulët që e rrëzoi Bonellon përpara se të fluturonte drejt portës.
Bonello u ul për të pritur penalltinë e Magennis në minutën e 21-të – e akorduar për faullin e Kurt Shaw ndaj Whyte – dhe humbja e penalltisë përmblodhi një fillim të vështirë prej 45 minutash nga Irlanda e Veriut.
Malta hyri në ndeshje 127 vende poshtë kundërshtarëve të saj në renditjen botërore, por ata e kaluan pjesën e parë me Joseph Mbong dhe Luke Montebello që u afruan shumë.
Irlanda e Veriut kishte më shumë shpejtësi dhe vendosmëri në rifillimin e ndeshjes dhe Whyte shënoi me shpejtësi nga një pasim i Stuart Dallas për ta bërë rezultatin 2-0 pas 53 minutash.
Pastaj u pasua shpejt nga numri tre, pasi McCann u kap nga Paddy McNair dhe ai dha një gjuajtje të shkathët përtej Bonellos për ta çuar ndeshjen përtej një skuadre të Maltës që po shkatërrohej./S.K/BBC/
Lajmet
Sulm në parkingun e kopshtit në Vushtrri dhe arsenal armësh në shtëpi, një muaj paraburgim për dy persona
Published
12 hours agoon
September 5, 2025By
UBTnews
Prokuroria Themelore në Mitrovicë ka paraqitur kërkesë për caktimin e masës së paraburgimit në Gjykatën Themelore në Mitrovicë – Dega në Vushtrri, ndaj të dyshuarve K.M. dhe K.M., për shkak të dyshimit të bazuar se kanë kryer disa vepra penale.
Të dyshuarit ngarkohen me veprat penale: “Mbajtja në pronësi, kontroll ose posedim të paautorizuar të armëve”, si dhe “Përdorimi i armës apo mjetit të rrezikshëm”, ndërsa njëri prej tyre, K.M., dyshohet gjithashtu për veprën penale “Lëndimi i rëndë trupor”.
Sipas Prokurorisë, ngjarja ka ndodhur më 20 maj 2025, rreth orës 08:55, në parkingun e një kopshti fëmijësh në Vushtrri, ku i dyshuari K.M., së bashku me persona të tjerë, e kanë sulmuar fizikisht të dëmtuarin L.O., në momentin që ai po zbriste nga automjeti për të shoqëruar vajzën në kopsht.
Sipa sprokurorisë, sulmi është kryer me një shufër metalike, duke i shkaktuar viktimës lëndime të rënda në kokë, këmbë dhe pjesë të tjera të trupit.
Pas sulmit, të dyshuarit janë larguar nga vendi i ngjarjes me motoçikleta.
Gjatë bastisjes së shtëpisë së të dyshuarve në fshatin Ropicë të Vushtrrisë, janë sekuestruar elektroshokë, sprej, telefona mobil, si dhe një sasi e konsiderueshme armësh dhe municioni, përfshirë armë të gjata dhe të shkurtra, snajperë, pistoleta me silenciatorë. Në telefonat e të dyshuarve janë gjetur video dhe fotografi ku ata shihen duke përdorur armë, përfshirë edhe një imazh ku njëri prej tyre shihet duke shënjestruar një automjet të policisë me revole.
Gjykata Themelore në Mitrovicë – Dega në Vushtrri ka aprovuar kërkesën e Prokurorisë dhe ka caktuar masën e paraburgimit prej një muaji ndaj të dyshuarve K.M. dhe K.M./D.B/KP
Lajmet
Lautaro tejkalon Maradonën me gola për Argjentinën
Published
13 hours agoon
September 5, 2025By
UBT News
Kapiteni i Interit, Lautaro Martinez, shënoi si zëvendësues për Argjentinën në fitoren 3-0 ndaj Venezuelës mbrëmë, duke tejkaluar Diego Armando Maradonën dhe duke u bërë golashënuesi i pestë më i mirë me ekipin kombëtar.
Lautaro Martinez kontribuoi në fitoren 3-0 të Argjentinës ndaj Venezuelës mbrëmë, duke shënuar vetëm dy minuta pas futjes së tij nga stoli në pjesën e dytë.
Kapiteni i Nerazzurrëve gjeti rrjetën me një gjuajtje me kokë, duke shënuar golin e tij të 33-të ndërkombëtar dhe duke tejkaluar legjendën e Argjentinës dhe Napolit , Maradonën, i cili kishte shënuar 32 gola.
Siç e vuri në dukje me krenari Interi në faqen e tyre të internetit, vetëm Lionel Messi (114 gola), Gabriel Omar Batistuta (55), Sergio Agüero (41) dhe Hernan Crespo (35) kanë shënuar më shumë gola për Argjentinën sesa Lautaro./S.K/KP/
Lajmet
Gjykata Kushtetuese vendos masë të përkohshme, s’ka mandatar për Qeverinë deri më 30 shtator
Published
13 hours agoon
September 5, 2025By
UBTnews
Gjykata Kushtetuese ka nxjerrur aktgjykimin në lëndën e parashtuar nga deputetës e Listës Serbe për ‘masë të përkoheshme’ rreth veprimeve të mëtejme të Kuvendit të Kosovës.
Gjykata vlerëson se kjo ndërhyrje është e nevojshme për të shmangur “rreziqe ose pasoja të pariparueshme” dhe se miratimi i saj është në “interes publik”.
Po ashtu, Gjykata thekson se kjo masë nuk paragjykon përmbajtjen përfundimtare të çështjes që është ende në shqyrtim.
VENDIMI I GJYKATËS:
Gjykata Kushtetuese e Republikës së Kosovës, në mbështetje të nenit 116 (2) të Kushtetutës, të nenit 27 të Ligjit dhe rregullat 44, 45, 46 (2) dhe 48 (1) (d) të Rregullores së punës, më 4 shtator 2025, njëzëri
VENDOS
I. TË CAKTOJË ex officio dhe sipas kërkesës së parashtruesve masën e përkohshme përmes të cilës ndalohet çdo veprim i deputetëve të zgjedhur të Kuvendit të Republikës së Kosovës, si dhe çdo procedurë për formimin e Qeverisë;
II. TË URDHËROJË që masa e përkohshme hyn në fuqi më 5 shtator 2025, në kohëzgjatje deri më 30 shtator 2025;
III. T’U’A KUMTOJË këtë Vendim palëve;
IV. TË PUBLIKOJË këtë Vendim në Gazetën Zyrtare, në pajtim me paragrafin 4 të nenit 20 të Ligjit;
V. Ky Vendim hyn në fuqi më 5 shtator 2025./D.B/EO

Si ta kaloni një të premte ndryshe dhe plot energji?

Si bëhet diagnostikimi i autizmit?

Elon Musk drejt titullit të parë të “trilionerit” në botë

Studim: Ëmbëlsuesit artificialë mund të përshpejtojnë plakjen e trurit!

BMW zbulon modelin e ri iX3

Duart si pasqyrë e shëndetit, ja shenjat që nuk duhen neglizhuar

Irlanda e Veriut triumfon ndaj Maltës në kualifikuese të Botërorit 2026

Sulm në parkingun e kopshtit në Vushtrri dhe arsenal armësh në shtëpi, një muaj paraburgim për dy persona

Kush do të trashëgojë pasurinë prej 12 miliardë dollarësh të Giorgio Armanit?
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Aktualitet2 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet1 month ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës