Deputeti i Lidhjes Demokratike të Kosovës (LDK), Besian Mustafa, tha se bastisjet dhe arrestimet e fundit, tregojnë për korrupsionin e thellë në Qeverinë Kurti.

Sipas tij, është koha që Kosova të ketë lidership që punon seriozisht për zhdukjen e korrupsionin dhe për të mirën e qytetarëve.

“Të gjitha këto bastisje dhe arrestime, përfshirë edhe ato të djeshme tregojnë për korrupsionin e thellë në këtë Qeveri. Natyrisht kjo nuk ka të bëjë vetëm me një ministri sikur ajo e djeshmja apo vetëm me disa individë por ka të bëjë me shtrirjen e gjerë të korruspionit në këtë Qeveri. Kjo Qeveri dhe udhëheqësit e saj bartin përgjegjësinë e plotë të korrupsionit që po ndodh nën mbikëqyrjen e tyre”.

“Kjo Qeveri dhe udhëheqësit e saj nuk do duhej të fshiheshin prapa arsyetimeve të ndryshme apo të tentonin të iknin kësaj përgjegjësie por do duhej të punonin çdo ditë për çrrënjosjen e korrupsionit. Natyrisht, qytetarët e Kosovës meritojnë shumë më mirë dhe është koha që Kosova të ketë lidership që punojnë seriozisht për zhdukjen e korrupsionin dhe për të mirën e qytetarëve”.

“Besoj se po, jemi vazhdimisht duke i shpërfaqur të gjitha aferat korruptive në këtë qeveri, natyrisht në bashkëpunim me mediat dhe organet e rendit dhe ligjit por mbi të gjitha me qytetarët e vendit me të cilët jemi në kontakt të vazhdueshëm për t’ua bërë të qartë për korrupsionin e thellë dhe të gjerë në këtë Qeveri”, ka thënë Mustafa./UBTNews/

HANDIKOS ka mirëpritur rritjen e pensioneve për grupet e personave me aftësi të kufizuara, por, ka kërkuar sqarim nga Ministria e Financave për pensionet e personave Paraplegjikë dhe Tetraplegjikë.

Sipas HANDIKOS totali i pensionit për këto grupe do të duhej të ishte 450 euro e jo 430 euro sic i ka publikuar kjo ministri.

Kërkesa e plotë për sqarim

Kërkesë për sqarim nga MFPT rreth rritjes prej 20% të pensioneve për grupet e personave Paraplegjikë dhe Tetraplegjikë;

HANDIKOS ka mirëpritur rritjen e pensioneve për grupet e personave me aftësi të kufizuara, ndonëse konsiderojmë që kjo do të duhej të bëhej në bazë të ndonjë vlerësimi të nevojave të grupeve të shoqërisë dhe jo në mënyrë lineare për të gjithë, pasiqë nevojat janë të ndryshme.

Në anën tjetër, sipas Ligjit, personat Paraplegjikë dhe Tetraplegjikë, grupi I, deri më tash kanë përfituar si në vijim:

150€ (personi) + 150€ (kujdestari)+ 75€ (barna dhe materiale) = 375 €

Ndërsa tani me këtë rritje, sipas kalkulimeve tona do të duhej të ishte:

150 +20% = 180€ (personi)

150 +20% = 180€ (kujdestari)

75 + 20%= 90€ (barna dhe materiale). Totali 450€ dhe jo 430€.

Mirëpo në të dhënat e djeshme të MFPT është paraqitur shuma 370, në vend të 375, për çka kërkojmë që nëse ka qenë lëshim teknik, të sqarohet dhe përmirësohet, meqë ka shkaktuar konfuzion në publik./UBTNews/

Autoritetet gjermane në North Rhine-Westphalia kanë mbyllur një platformë të madhe të pornografisë së fëmijëve me qindra mijëra përdorues, duke arrestuar gjashtë meshkuj të dyshuar. Lajmi u njoftua të martën nga ministri i brendshëm i këtij shteti, Herbert Reul.

Të arrestuarit, të moshës nga 43 deri në 69 vjeç, janë nën hetim për shpërndarje të pornografisë së fëmijëve. Reul deklaroi se platforma përmbante fotografi dhe video që tregonin abuzimin seksual të vajzave të mitura, duke i përshkruar ata si “organizatorët kryesorë” të veprimtarisë kriminale.

Goditja e policisë pasoi kërkime të kryera në gjashtë shtete gjermane gjatë muajit të kaluar. Gjatë operacionit, autoritetet sekuestruan gjithsej 1,517 artikuj, përfshirë laptopë, celularë dhe videokaseta.

Megjithatë, vëllimi i të dhënave që lidhen me hetimin është i frikshëm; vetëm një kompjuter i njërit nga të dyshuarit përmban rreth 13.5 terabajt të dhëna, që korrespondon me rreth 3.4 milionë foto. Kjo tregon shkallën alarmante të përhapjes së pornografisë së fëmijëve dhe nevojën për veprime më të ashpra për ta luftuar këtë fenomen të papranueshëm.

Ministri Reul theksoi rëndësinë e bashkëpunimit ndërkombëtar në luftën kundër këtyre krimeve, duke bërë thirrje për masa më të forta dhe përfshirje të shoqërisë në këtë përpjekje për të mbrojtur fëmijët./UBTNews/

Kryeministri hungarez, Viktor Orban, ka mbajtur një fjalim në Parlamentin Evropian më 9 tetor 2024, duke theksuar rëndësinë e zgjerimit të BE-së dhe anëtarësimit të vendeve të Ballkanit Perëndimor, veçanërisht Serbisë, për stabilizimin e rajonit.

Orban kritikoi Bashkimin Evropian për mosmbajtjen e premtimeve ndaj vendeve të këtij rajoni gjatë dy dekadave të fundit, duke sugjeruar se ka ardhur koha që BE-ja të përmbushë angazhimet e saj për zgjerim. Ai njoftoi gjithashtu planin për zhvillimin e një samiti me vendet e Ballkanit Perëndimor gjatë presidencës hungareze të BE-së, e cila përfundon në dhjetor 2024.

Kryeministri i Hungarisë, Viktor Orban, mban fjalim para Parlamentit Evropian.

Në fjalimin e tij, Orban tha se BE-ja duhet të ndryshojë në kontekstin e krizave aktuale, përfshirë luftën në Ukrainë dhe konfliktin në Lindjen e Mesme, si dhe krizën migratore, që ai e përshkroi si një kërcënim për sistemin e kufijve të hapur të Schengenit.

Megjithëse është një nga aleatët më të afërt të Vladimir Putinit brenda BE-së, Orban ka qenë nën kritika të ashpra për ndalimin e ndihmës për Kievin dhe politikat e tij që janë parë si pengesa për sundimin e ligjit në Hungari.

Fjalimi i Orbanit u shoqërua me protesta dhe ndërprerje në parlament, ku ligjvënësit e majtë ngritën pankarta me mesazhe si “Nuk ka para për të korruptuarit”, duke iu referuar miliardave euro të ngrira për Hungarinë për shkak të shqetësimeve mbi sundimin e ligjit. Himni antifashist “Bella Ciao” u luajt ndërsa Orban përfundoi fjalimin, duke shkaktuar një ndërhyrje nga presidentja e Parlamentit Evropian, Roberta Metsola./UBTNews/